احكموا بينا وبين مركز الصفا عايز حقى اخواتى الاعزاء

[ahmedelrayan]

بص يا باشا دلوقتى انا لما بيكون عربيتى فيها مشكلة ورحت اى مركز عشان يعملها وبالفعل عملها واخد حقه ولما امشى بالعربية اجد المشكلة هى هى لا وزادت كمان يبقى ده تهريج حضرتك كنت شوفت اى حد يقطر عربيتك لحد عندهم معلش هتيجى على نفسك للنهاية وتقولهم العربية عندكم والمشكلة متصلحتش وتشوف رد فعلهم هيكون ايه

[hugan]

يعني المفترض ان صاحب العربيه يشتغل معاهم بالقطعه
يعني
عايز العربيه تصليح كامل وﻻ نص تصليح
عايزها تولع بيك وﻻ شويه دخان
استهبال رسمي
انا مالي باللي في الطلمبه
انا ليا عربيتي تكون صح

[magdy gaafar]

(احنا اعضاء تجاريين و نقدر نحذف أي موضوع فيه أساءه لينا)
ــــــــــــــــــــــــــــــــــــــــــــــــــ ــــــــــــــــــــــ
أعتقد بل أكاد اجزم ان إدارة المنتدى لن توافق على هذا المبدأ
لأنه مبدا غلط أن يكون هناك نصر للظالم ومحاباه من أجل عضوية تجارية
ثم ان كل الشواهد تقول ان هذا المركز اخطأ ولا يريد الاعتراف بخطأة واصلاح السيارة
بما يرضى الله. كل ما أتمناه ان يكون هناك تحقيق عاجل فى الأحداث التى حدثت
بواسطة ادارة المنتدى وحماية الأعضاء من مثل هذة المراكز الغير أمنية فى التعامل

[popahly]

نفس اسلوب وطريقة اى خدمة عملاءفى اى حتة فى البلد اسلوب مبتذل ورخيص ويحسس ان اللى قدامه مش فاهم حاجة وهو الوحيد عبقرى زمانه.... مفيش فايدة...

اوعى تتهاون فى حقك انت ربنا نجاك من مصيبة بسبب ناس مش عارفة هى بتعمل ايه دا مش هزار..

ادارة المنتدى المفروض يكون ليها رد وحل للموضوع دا

[عمرولبيب]

ادوارد
روح هناك عندهم المركز وحاول بالرضا كدا وبراحه .. لو اشتغلوا تمام
لو ماشتغلوش اتصل على النجده وهو هيجيلك مكانك .. وقولهم عايز اعمل محضر نصب
هيخدوك وياخدوهم ويروحوا القسم ( هما هيجيبوا ورا أكيد غير الفضيحه )
لو صمموا برضوا .. حرر محضر ضدهم واطلع على النيابه واحكى القصه .. وصدقنى هيخافوا

[ahmad--ezzat]

دي مراكز ايه دى !!

لا حول ولا قوه الا بالله

[ادوارد]

دى مراكز لابد من اغلاقها رحمة بالناس وارواحها

[ahmedsrs]

من حقك العربية تتصلح ويكون عليها ضمان كمان لفترة متفق عليه رسمى فى الفاتورة واى تلف او اصلاح فى فترة الضمان لاتتحمل تكلفتها

[الإداره]

السادة الاعضاء الكرام نوجه عنايتكم ان العضويات التجارية مسموح لها بتعديل مشاركتها فقط وليس مشاركات الاعضاء اما مشاركات الاعضاء فصلاحية التعديل والحذف هي من صميم عمل الادارة فقط وذلك علي كافة اقسام المنتدي اما فيما يخص الموضوعات الاعلانية المدفوعه فمن حق المعلن طلب حذف اي مشاركة من الموضوع من ادارة المنتدي وهذا من حقوقه الاعلانية لانه موضوع اعلاني مدفوع
وفيما يخص توجيه نقد لاحد المراكز يكون من خلال موضوع منفصل ويجب ان يكون نقد موضوعي مصحوب بشكوي محددة دون تشهير والمنتدي يكفل حق الرد والرد الاخر دون تعدي اي طرف علي الاخر باللفظ ودون تدخل من ادارة المنتدي شكرا

[ادوارد]

السادة الاعضاء الكرام نوجه عنايتكم ان العضويات التجارية مسموح لها بتعديل مشاركتها فقط وليس مشاركات الاعضاء اما مشاركات الاعضاء فصلاحية التعديل والحذف هي من صميم عمل الادارة فقط وذلك علي كافة اقسام المنتدي اما فيما يخص الموضوعات الاعلانية المدفوعه فمن حق المعلن طلب حذف اي مشاركة من الموضوع من ادارة المنتدي وهذا من حقوقه الاعلانية لانه موضوع اعلاني مدفوع
وفيما يخص توجيه نقد لاحد المراكز يكون من خلال موضوع منفصل ويجب ان يكون نقد موضوعي مصحوب بشكوي محددة دون تشهير والمنتدي يكفل حق الرد والرد الاخر دون تعدي اي طرف علي الاخر باللفظ ودون تدخل من ادارة المنتدي شكرا

اشكر ادارتنا المحترمة على الاهتمام والرد

وهذا ليس نقد بل حدث بالفعل باعترافهم فى مشاركاتهم

واخدوا كل حقوقهم المادية ولم يعطونى حقى

بل نتيجة اخطائهم كادت ان تحدث كارثة واحتراق السيارة لعدم الفحص الدقيق منهم والتركيب الغير دقيق

مماأدى الى احتراق فيشة وسلك عوامة البنزين

نرجو من ادارتنا المحترمة
سحب عضوية كل من يؤدى الى ضرر بأعضائنا الكرام

جزاكم الله كل خير عنا

[ادوارد]

تم الاتصال من المهندس محمود حسين مدير مركز الصفا
ووعدنى بحل المشكلة غداً الجمعة وسوف يأتى ومعة فنى لتغيير العوامة ودفع 100 جنية فرق عوامة جديدة
لان فى السابق دفعت 225 جنية ثمن موتور طرمبة بنزين للعوامة
وهذا وسوف يأخد طرمبة البنزين ويضع عوامة كاملة بثمن 325 جنية
وفى انتظارهم غداًً
لحل المشكلة وسوف اكتب على كل ماحدث
لانى لا اظلم احد والحق حبيب الله
وهذة لفتة طيبة منهم
وفى انتظارهم غدا بمشبئة الله تعالى

[lutenit030]

فى انتظار تقرير مفصل منك غدا

[ادوارد]

فى انتظار تقرير مفصل منك غدا

انشاء الله خير اخى
انا لا اجنى على احد انا عايز عربيتى تبقى كويسة وبس

[almohaor]

تم الاتصال من المهندس محمود حسين مدير مركز الصفا
ووعدنى بحل المشكلة غداً الجمعة وسوف يأتى ومعة فنى لتغيير العوامة ودفع 100 جنية فرق عوامة جديدة
لان فى السابق دفعت 225 جنية ثمن موتور طرمبة بنزين للعوامة
وهذا وسوف يأخد طرمبة البنزين ويضع عوامة كاملة بثمن 325 جنية
وفى انتظارهم غداًً
لحل المشكلة وسوف اكتب على كل ماحدث
لانى لا اظلم احد والحق حبيب الله
وهذة لفتة طيبة منهم
وفى انتظارهم غدا بمشبئة الله تعالى

سبحان الله فى امرهم
طيب ماكان من الاول التعامل بالحسنى واحترام العميل والحفاظ على مال وسيارة العميل
المفروض كل اصلاح وتركيب قطع غيار جديدة يكون هناك فترة ضمان كافية
ويذكر فى الفاتورة ده لو كان مركز الاصلاح محترم ويحافظ على سمعته
ايه ذنب العميل انه يتحمل خطأ فنى المركز اللى ممكن يؤدى لكارثة لولا رحمة الله
اتنوا خدتم حقكم اللى طلبتوه يبقى لازم تدى خدمة واداء ممتاز وعليه ضمان كمان
موش خد الفلوس واجرى كما يفعل الفهلوية..بطلوا الاستخفاف بحق المواطن فى خدمة دفع تمنها

[a_mohamedsamir]

السادة الاعضاء الكرام نوجه عنايتكم ان العضويات التجارية مسموح لها بتعديل مشاركتها فقط وليس مشاركات الاعضاء اما مشاركات الاعضاء فصلاحية التعديل والحذف هي من صميم عمل الادارة فقط وذلك علي كافة اقسام المنتدي اما فيما يخص الموضوعات الاعلانية المدفوعه فمن حق المعلن طلب حذف اي مشاركة من الموضوع من ادارة المنتدي وهذا من حقوقه الاعلانية لانه موضوع اعلاني مدفوع
وفيما يخص توجيه نقد لاحد المراكز يكون من خلال موضوع منفصل ويجب ان يكون نقد موضوعي مصحوب بشكوي محددة دون تشهير والمنتدي يكفل حق الرد والرد الاخر دون تعدي اي طرف علي الاخر باللفظ ودون تدخل من ادارة المنتدي شكرا

شكراً للتوضيح
لأن الحكايه دى كانت حتفرق كتير فى تقدير إدارة المنتدى