العربيه بتاكل بنزين وهاتجنن خلاص

[moudy88]

سؤال ... لو حساس الشكمان في حاجه غلط .. لمبهEngine هتنور ؟ لان اللمبه مابتنورش... يبقى كده الحساس سليم

[samirayad]

سؤال ... لو حساس الشكمان في حاجه غلط .. لمبهEngine هتنور ؟ لان اللمبه مابتنورش... يبقى كده الحساس سليم

شوف يا أستاذ/مودى.....اللمبة اللى أنت بتقول عليها دى أسمهاcheck engine .....ودى بتنور لما يكون فية عطل فى اى جزء خاص بمنظومة التحكم بتاعة المحرك...بمعنى أصح بتكون لقائد السيارة بمثابة تنبية عن وجود عطل معين فى دائرة التحكم....قد يكون حساس الأكسجين(الشكمان)او حساس درجة الحرارة أو حساس الMAP أو حساس الTPS وهكذا.......ولكنك مش حاتعرف أى دائرة تحكم موجود فيها العطل ولكن موجود عطل ما.......طيب ازاى حنعرف العطل....هنا يجىء دوركاشف الأعطالSCANNER ودة جهاز صغير يتم توصيلة على روزتة معينة بوحدة التحكم الالكترونى بيطلق عليها روزتة ال SERIAL DATA COMMUNICATION وبعد كدة بتظهرلك كود عطل معين.....من خلال الكود دة (يتم التعرف على مسماة من الكتالوج)....بيتعرف سبب اضاءة لمبة التحذير هذة وبالتالى يمكن للمتخصص التعامل مع العطل......معلش طولت عليك ...بس حبييت أوضح....وبالنسبة لسؤالك واضح ان ماعندكش مشكلة فى دائرة الكنترول........أتمنى أن أكون الصورة واضحة الاّن....................شكرا

[moudy88]

اولا : ربنا مايحرمنا منك يابشمهندس ومن معلوماتك القيمه
ُثانيا :فعلا الصورة وضحت وإن شاء الله كله هيتظبت يوم الاتنين ويارب ماتكونش مكلفه

[samirayad]

اولا : ربنا مايحرمنا منك يابشمهندس ومن معلوماتك القيمه
ُثانيا :فعلا الصورة وضحت وإن شاء الله كله هيتظبت يوم الاتنين ويارب ماتكونش مكلفه

اللهم هيىء له من أمره رشدا......آمين

[moudy88]

النهارده رحت للميكانيكي (ورشه الثلاثيه في المريوطيه الهرم )واللي حصل كالاتي :
اول لما رحت جرب العربيه وقالي ان الفتيس سليم وانه بس محتاج تغيير الفلتر.. وبعد كده قلتله على البنزين ...وقالي انه هيفتح الماتور ويشوف علشان هو شاكك ان يكون فيه صباب معوج..وبعد لما فتح وبص عليه ولقى كله سليم ..قالي تبقى اكيد الرشاشات هي اللي بايظه..وشال الرشاشات وبص عليها..قلته ازاي بايظه ومفيش اي حاجه من الاعراض ...(العربيه بتدور من اول مره ومبطلعش دخنه والبوجيهات مش مهببه).. نظر الي نظره مش ولابد (معناها انت هتعلمني شغلي)..وقالي ان الرشاشات هي السبب لان مفيش اي سبب تاني وقالي اني دي مش رشاشاتها ودي رشاشات هيونداي..وانه هيجبلي رشاشات دايو استيراد ب350 .. المهم قلته قفل وهبقى اجيلك وقت تاني لحد ماستشير الخبراء........

[samirayad]

الميكانيكى دة شكلة أى كلام.......................

[moudy88]

الميكانيكى دة شكلة أى كلام.......................

هو قالي انه عايز يغير :2بلي كاتينه-بكره سير دينامو-ريدياتير-خرطوم الباور -طقم قواعد ماتور وشداد فتيس امامي وخلفي -فلترفتيس

[samirayad]

هو قالي انه عايز يغير :2بلي كاتينه-بكره سير دينامو-ريدياتير-خرطوم الباور -طقم قواعد ماتور وشداد فتيس امامي وخلفي -فلترفتيس

دا اية العك دة.......خللى بالك هو عاوز يشرح وخلاص....وبعدين أبقى أنكش الزبون اللى أنت رايحلة....وحاول تحلل أقوالة علشان تقدر تحكم على صدق أقوالة.........................مش كدة ولا اية ياهندسة

[moudy88]

دا اية العك دة.......خللى بالك هو عاوز يشرح وخلاص....وبعدين أبقى أنكش الزبون اللى أنت رايحلة....وحاول تحلل أقوالة علشان تقدر تحكم على صدق أقوالة.........................مش كدة ولا اية ياهندسة

ماهو علشان كده ان خليته يقفل المتور بعد لما فتحه لاني مش اهبل وانا صحيح مش مهندس ميكانيكا بس مهندس برضه...وبعدين هو مقدرش يقنعني ان الرشاشات بايظه وانا حاسس انه معرفش ايه السبب فقال لما يغير الرشاشات

[samirayad]

ماهو علشان كده ان خليته يقفل المتور بعد لما فتحه لاني مش اهبل وانا صحيح مش مهندس ميكانيكا بس مهندس برضه...وبعدين هو مقدرش يقنعني ان الرشاشات بايظه وانا حاسس انه معرفش ايه السبب فقال لما يغير الرشاشات

الله ينور علي عليك......ياراجل دا أنت بتاع الطيران كلة....الحمد لله انة ماطيركش وأنت اللى طيرتة....دا احنا كلنا ربنا يكرمنا وتطيرنا الى الحج ان شاء الله......:k48:

[moudy88]

الله ينور علي عليك......ياراجل دا أنت بتاع الطيران كلة....الحمد لله انة ماطيركش وأنت اللى طيرتة....دا احنا كلنا ربنا يكرمنا وتطيرنا الى الحج ان شاء الله......:k48:

عنيا ليك ياباشا ..... بس اتخرج الاول:k48::k48::k48::k48:

[samirayad]

عنيا ليك ياباشا ..... بس اتخرج الاول:k48::k48::k48::k48:

ربنا يكرمك ياريس.....الحمد لله ....احنا شوفنا الطيارة وراك...............عموما يا أخى أنصحك تسأل على مركز خدمة محترم ورحله.........ويارب الأمور تكون بسيطه....شوف أنا عمال أدور معاك ازاى

[SALAMA_70]

يا جماعة عاوز اسال على الكبوت بتاع اللانوس بكام و الافضل شراء جديد من التوكيل و لا الافضل شراء مستعمل ارجو لمن يعرف الرد على و لكم جزيل الشكر

[samirayad]

يا جماعة عاوز اسال على الكبوت بتاع اللانوس بكام و الافضل شراء جديد من التوكيل و لا الافضل شراء مستعمل ارجو لمن يعرف الرد على و لكم جزيل الشكر

هو الموضوع بتاعك ده يا أستاذ/سلامه.......كان المفروض يتعمل له post جديد.........عموما يا أخى ممكن تدور الأول على كبوت استيراد وبحالة جيدة(أكيد حيكون أرخص)

[moudy88]

يابشمهندس سمير عايز اراجع معاك موضوع العربيه ده واحده واحده ونبتدي من الاول علشان اروح للميكانيكي وانا فاهم...
اول حاجه الرشاشات ودي المتهم الرئيسي ... العربيه بتدور من اول مره ولما غيرت البوجيهات كانت مش مهببه ولما باسخن العربيه جامد مافيش دخنه سودا بتتطلع ..هل ممكن تكون مش سليمه
تاني حاجه الفتيس...الفتيس نقلاته سلسه والزيت مضبوط بس طلعته مش قويه يعني لحد سرعه 50 بيبقى السحب مش قوي(ملحوظه لما جيت اغير الزيت اول لما اشتريت العربيه الميكانيكي معرفش مكان الفلتر وافتكر ان مفيهاش فغير الزيت والعربيه ماشيه بالفلتر القديم)
ثالث حاجه .... ان الماكنه تكون خفيفه بس ده انا استبعده لان الزيت مضبوط ومافيش دخنه
ياريت حضرتك تراجع معايا ونفكر من الاول.......