العربيه بتاكل بنزين وهاتجنن خلاص

[samirayad]

يابشمهندس سمير عايز اراجع معاك موضوع العربيه ده واحده واحده ونبتدي من الاول علشان اروح للميكانيكي وانا فاهم...
اول حاجه الرشاشات ودي المتهم الرئيسي ... العربيه بتدور من اول مره ولما غيرت البوجيهات كانت مش مهببه ولما باسخن العربيه جامد مافيش دخنه سودا بتتطلع ..هل ممكن تكون مش سليمه
تاني حاجه الفتيس...الفتيس نقلاته سلسه والزيت مضبوط بس طلعته مش قويه يعني لحد سرعه 50 بيبقى السحب مش قوي(ملحوظه لما جيت اغير الزيت اول لما اشتريت العربيه الميكانيكي معرفش مكان الفلتر وافتكر ان مفيهاش فغير الزيت والعربيه ماشيه بالفلتر القديم)
ثالث حاجه .... ان الماكنه تكون خفيفه بس ده انا استبعده لان الزيت مضبوط ومافيش دخنه
ياريت حضرتك تراجع معايا ونفكر من الاول.......

أنا دلوقتى رايح الشغل وأوعدك بفتح الملف مع نفسى من جديد كأنه بتاعى تماما....لأن والله يامودى أنا بحبك لله.... ....يمكن ربنا يوفق بطريقه أخرى وزى مابيقولوا ألاخوه المحامون نلاقى ثغره فى القانون.
.....والتوفيق منه

[samirayad]

أنا دلوقتى رايح الشغل وأوعدك بفتح الملف مع نفسى من جديد كأنه بتاعى تماما....لأن والله يامودى أنا بحبك لله.... ....يمكن ربنا يوفق بطريقه أخرى وزى مابيقولوا ألاخوه المحامون نلاقى ثغره فى القانون.
.....والتوفيق منه

شوف يامودى ....أنا عندى أفكار كتير لموضوعك.....وخليها دلوقت.....علشان لفت نظرى نقطه فى تعليقك الأخير.....وهى الخاصه بفلتر الزيت بتاع الفتيس ....مايمكن الفلتر به سدد جزئى والسرعه بتبقى كويسه معاك لحد50كم/ساعه.....على أساس أن كفاءة الفلتر من ناحية كمية الزيت المار فيه قبل الدخول لمحول العزم الهيدروليكىHYDRAULIC CLUTCH COVERTER مابتكونش كمية الزيت الخارجه من الفلتر والذاهبه لهذا الكلاتش كافيه لاحداث التعشيق الكامل والازم لنقل قدره من المحرك الى العجل علشان الفلتر مخنوق.......وبيحدث علشان كده النعره اللى بتقول عليها........فى أنتظار تعليقك أولا

[moudy88]

شوف يامودى ....أنا عندى أفكار كتير لموضوعك.....وخليها دلوقت.....علشان لفت نظرى نقطه فى تعليقك الأخير.....وهى الخاصه بفلتر الزيت بتاع الفتيس ....مايمكن الفلتر به سدد جزئى والسرعه بتبقى كويسه معاك لحد50كم/ساعه.....على أساس أن كفاءة الفلتر من ناحية كمية الزيت المار فيه قبل الدخول لمحول العزم الهيدروليكىHYDRAULIC CLUTCH COVERTER مابتكونش كمية الزيت الخارجه من الفلتر والذاهبه لهذا الكلاتش كافيه لاحداث التعشيق الكامل والازم لنقل قدره من المحرك الى العجل علشان الفلتر مخنوق.......وبيحدث علشان كده النعره اللى بتقول عليها........فى أنتظار تعليقك أولا

التسارع بتاع العربيه مابيبقاش كويس لحد نهايه النقله الثانيه عند 50 كم وبعد كده العربيه بتجري على النقلات التالته والرابعه ....واذا كان على الفلتر يتغير ......لكن هل ده هيكون السبب ؟؟؟؟؟؟؟ خصوصا وان فيه 70 كم فرق في استهلاك البنزين..وبعدين ايه رايك في الرشاشات هل ممكن تكون بايظه

[samirayad]

التسارع بتاع العربيه مابيبقاش كويس لحد نهايه النقله الثانيه عند 50 كم وبعد كده العربيه بتجري على النقلات التالته والرابعه ....واذا كان على الفلتر يتغير ......لكن هل ده هيكون السبب ؟؟؟؟؟؟؟ خصوصا وان فيه 70 كم فرق في استهلاك البنزين..وبعدين ايه رايك في الرشاشات هل ممكن تكون بايظه

ماأنت قلت ان الرشاشات كويسه ودللت على كده بوجود سهوله فى الدواره.......وطبعا لو الفلتر مسدود ممكن يعمل اخفاق فى نقل القدرة والكلاتش يبقى آداءه مش كويس .....والموتور صوته يعلى وميبيقاش فيه استفادة من قدرة المحرك ...وحتكون مضطر للضغط على البنزين على الفاضى وده طبعا استهلاك بنزين

[moudy88]

ماأنت قلت ان الرشاشات كويسه ودللت على كده بوجود سهوله فى الدواره.......وطبعا لو الفلتر مسدود ممكن يعمل اخفاق فى نقل القدرة والكلاتش يبقى آداءه مش كويس .....والموتور صوته يعلى وميبيقاش فيه استفادة من قدرة المحرك ...وحتكون مضطر للضغط على البنزين على الفاضى وده طبعا استهلاك بنزين

الميكانيكي اياه هو اللي خلاني اشك في الرشاشات علشان بيقوللي ان استهلاك البنزين العالي بيبقى دائما رشاشات (حافظ مش فاهم) لكن العربيه فعلا بتدور من اول مره ومافيش مشاكل..بس انا كنت عايز اعرف اذا كان ممكن تبقى بايظه عالرغم من ان مافيش مشاكل في الدواره....وانا إن شاء الله هاغير الفلتر واجيب الاصلي ....وسؤال تاني ...انا بحس بخشونه شويه في الماتور لما باسخنه وانا فاتح الكابوت هل ده ممكن يكون من بليه شداد الكاتينه........

[samirayad]

الميكانيكي اياه هو اللي خلاني اشك في الرشاشات علشان بيقوللي ان استهلاك البنزين العالي بيبقى دائما رشاشات (حافظ مش فاهم) لكن العربيه فعلا بتدور من اول مره ومافيش مشاكل..بس انا كنت عايز اعرف اذا كان ممكن تبقى بايظه عالرغم من ان مافيش مشاكل في الدواره....وانا إن شاء الله هاغير الفلتر واجيب الاصلي ....وسؤال تاني ...انا بحس بخشونه شويه في الماتور لما باسخنه وانا فاتح الكابوت هل ده ممكن يكون من بليه شداد الكاتينه........

سيبك من موضوع الرشاشات دلوقتى .....وأنت كده كده المفروض حتغير الفلتر ....فغيره....وبالمره ظبط زيت الفتيس.......وبالنسبه لموضوع الخشونه فاحتمالاته كتير ....ممكن يكون بلية دينامو أوبلية طلمبة باورأوبلية شداد ضبط سير الكاتينه وممكن من طلمبة الميه.......وتعالى قولى ....هى العربيه عامله كام كيلو.....علشان نشوف الأول موضوع الكاتينه وخلافه

[moudy88]

سيبك من موضوع الرشاشات دلوقتى .....وأنت كده كده المفروض حتغير الفلتر ....فغيره....وبالمره ظبط زيت الفتيس.......وبالنسبه لموضوع الخشونه فاحتمالاته كتير ....ممكن يكون بلية دينامو أوبلية طلمبة باورأوبلية شداد ضبط سير الكاتينه وممكن من طلمبة الميه.......وتعالى قولى ....هى العربيه عامله كام كيلو.....علشان نشوف الأول موضوع الكاتينه وخلافه

العربيه عامله 74 الف كم ...لما اشتريتها كانت 68 الف..اول لما اشتريتها غيرت سير الكاتينه والفلاتر عند الميكانيكي بتاعي ...ولما وديتها للميكانيكي اياه اللي هو مفروض تخصص دايو قاللي انه لازم اللي يغير سير الكاتينه يغير بليه الشداد وكتب لي قائمه فيها الحاجات اللي هوشايفها محتاجه تغير زي ....خرطوم باور-2 بلي كاتينه - ردياتير -طقم قواعد ماتور وفتيس-بكرة سير دينامو

[samirayad]

العربيه عامله 74 الف كم ...لما اشتريتها كانت 68 الف..اول لما اشتريتها غيرت سير الكاتينه والفلاتر عند الميكانيكي بتاعي ...ولما وديتها للميكانيكي اياه اللي هو مفروض تخصص دايو قاللي انه لازم اللي يغير سير الكاتينه يغير بليه الشداد وكتب لي قائمه فيها الحاجات اللي هوشايفها محتاجه تغير زي ....خرطوم باور-2 بلي كاتينه - ردياتير -طقم قواعد ماتور وفتيس-بكرة سير دينامو

يبقى كده حنستبعد موضوع طلمبة المياه (لأن المفروض الميكانيكى بتاعك شافها وأطمن على البلى)..وحنستبعد موضوع شداد الكاتينه.....وفى الغالب الخشونه دى حتكون حاجه بسيطه ...وحتكون بلية دينامو...لأن موضوع طلمبة الباور صعب شويه......بس أهم شىء المحافظه على منسوب زيت الماكينه وزيت الباور لعدم تأثر مكوناتهما.....وحاليا المطلوب منك موضوع فلتر وزيت الفتيس والكشف على بلية الدينامو................

[moudy88]

يبقى كده حنستبعد موضوع طلمبة المياه (لأن المفروض الميكانيكى بتاعك شافها وأطمن على البلى)..وحنستبعد موضوع شداد الكاتينه.....وفى الغالب الخشونه دى حتكون حاجه بسيطه ...وحتكون بلية دينامو...لأن موضوع طلمبة الباور صعب شويه......بس أهم شىء المحافظه على منسوب زيت الماكينه وزيت الباور لعدم تأثر مكوناتهما.....وحاليا المطلوب منك موضوع فلتر وزيت الفتيس والكشف على بلية الدينامو................

إن شاء الله ها غير الفلتر وخرطوم الباور علشان معرق وهاكشف على البليه ...لكن الميكانيكي شاورلي على حاجه كده تحت وقالى دي سوسته مكسوره وتقريبا شداد الفتيس ..ممكن تقوللي ايه هو الشداد ده وايه فايدته......وانا عارف اني مصدعك بالموضوع ده يابشمهندس

[samirayad]

إن شاء الله ها غير الفلتر وخرطوم الباور علشان معرق وهاكشف على البليه ...لكن الميكانيكي شاورلي على حاجه كده تحت وقالى دي سوسته مكسوره وتقريبا شداد الفتيس ..ممكن تقوللي ايه هو الشداد ده وايه فايدته......وانا عارف اني مصدعك بالموضوع ده يابشمهندس

ياأخى ماتقولش الكلام ده.....ربنا مايحرمنا من الكلام مع بعض......وماتنسناش بعد حل المشكله ان شاء الله....وان شاء الله أنا معاك لحد مانلاقى حل ومتسمعش كلام أى حد من الصنايعيه الا أما تكون مقتنع بيه لأن أنت عارف الضمائر اليومين دول..............................وبالنسبه لموضوع الشداد ده ....أنا ماركبتش أوتوماتيك أولا ....ولكن أى شداد فى أى منظومه مثل الفتيس وظيفته الأساسيه فقط هى ضبط الوضع الأمثل للتشغيل....وأكيد الشداد أو السوسته اللى بتقول عليها للفتيس دى مسئوله عن ردع وضبط الذبذبه(الهزه) الناتجه عن الفتيس أثناء نقل القدره من المحرك للعجل وطالما هى مكسوره ماتشوف زيها لأن ممكن يكون الجزئين بتوع السوسته المكسورين هما اللى بيعملوا الصوت اللى زى الخشانه اللى بتقول عليها......علشان كده أنا شايف تأجل موضوع بلية الدينامو شويه على ماتشوف موضوع الشداد.............وبعدين قوللى ايه الحكايه ياهندسه دا أنا حخاف أطير معاك بالشكل ده طالما فيه المشاكل دى كلها.....ربنا يوفقك

[moudy88]

ربنا يكرمك يابشمهندس وليك عندي حاجه ساقعه لما المشكله تتحل إن شاء الله ...ودي عيوب المستعمل حتى ولو كسر زيرو ....وربنا يكرمنا في يوم من الايام ونجيب زيرو

[samirayad]

ربنا يكرمك يابشمهندس وليك عندي حاجه ساقعه لما المشكله تتحل إن شاء الله ...ودي عيوب المستعمل حتى ولو كسر زيرو ....وربنا يكرمنا في يوم من الايام ونجيب زيرو

لا ياعم عندى أنا الحاجه الساقعه......وبكره ياعم تجيب طياره مش سياره ......أنا منتظرك بعد التجربه

[moudy88]

الحمد لله مشكله البنزين اتحلت ...وطلعت المشكله من العداد ..بعد نصيحة البشمهندس سمير جزاه الله خير ..اني فولت العداد مره ومشيت 130 كم وفولتها تاني خدت 13 لتر يعني الصفيحه بتعمل 200 كم الحمد لله...وانصح اي حد انه يتاكد الاول ان العيب من العداد او في ميكانيكا العربيه ..قبل لما يعمل اي شغل ...لاني روحت لميكانيكي فكلي الرشاشات وكان مصمم انه يغيرها لولا اني ماكنتش مقتنع ..وشكرا للبشمهندس سمير اللي تعب معايا

[samirayad]

الحمد لله مشكله البنزين اتحلت ...وطلعت المشكله من العداد ..بعد نصيحة البشمهندس سمير جزاه الله خير ..اني فولت العداد مره ومشيت 130 كم وفولتها تاني خدت 13 لتر يعني الصفيحه بتعمل 200 كم الحمد لله...وانصح اي حد انه يتاكد الاول ان العيب من العداد او في ميكانيكا العربيه ..قبل لما يعمل اي شغل ...لاني روحت لميكانيكي فكلي الرشاشات وكان مصمم انه يغيرها لولا اني ماكنتش مقتنع ..وشكرا للبشمهندس سمير اللي تعب معايا

أنا سعيد وفرحان أوى يامودى....والحمد لله أن أنت قلبك أطمن....وأصبح الوضع يرضيك:k32:

[moudy88]

أنا سعيد وفرحان أوى يامودى....والحمد لله أن أنت قلبك أطمن....وأصبح الوضع يرضيك:k32:

ماتنساش الحاجه الساقعه اللي انا وعدتك بيها ,,,,,بس تشرفنا في القاهره بس