واطية قوى

[mahmoudysf]

العلاقة عكسية بين الثبات و السرعة فا كل ما السرعة تزيد الثبات حيقل

لما تعللى العربية عن الارص حتقلل ثباتها عل كل السرعات... بس بشكل نسبى بالنسبة للسرعة

عموما القصة مش قصة سرعة و بس... تخيل لو على سرعة 60 و طلع قدامك اى عائق و اضطريت تحويد يمين فى شمال... حتى على السرعة دى مع العلايات حيبقى فيه اختلال كبير فى توازن العربية مقارنة بالوضع بدون علايات... طبعا لو حصل الموقف دة على 90 ممكن تحصل حاجات مش كويسة و لو على سرعة 120 يبقى كل سنة و انت طيب

الموضوع مش مرتبط بكونك بتجرى ولا لا... لنا الظرف الطارىء ممكن يحصل فى اى وقت و ساعتها حتلاقى نفسك بتدفع العربية لاقصى حدودها اما فى الفرامل او فى القدر على المناورة... رفع العربية عن الارض بيقلل الحدود دى من ناحية المناورة و الثبات... يعنى اختصار بتصعب على نفسك المواقف الصعبة

MMamdouh

من الناحية العلمية كل كلام حضرتك مظبوط بس فيما يخص العلاقة بين وجود علايات وتقليل الثبات دى مفيهاش كلام
لاكن اسمحلى اختلف معاك فى تحديد اللي بيحصل للعربية مع وجود العلايات فى السرعات اللي حضرتك حددتها لان المفروض عشان تحددعومان العربية فى السرعات دى تكون عن تجربة يعنى تكون ركبت عربية لانوس فيها علايات وتكون عارف نسبة التعلية من ورا وقدام كام وتبتدى تجرب الثبات فى السرعات االمختلفة وكذلك تبتدى تجرب تعمل مناورة فى سرعات مختلفة طبعا فى طريق وظروف مساعدة عشان لما نكون حكم على تاثير العلايات على الانوس يكون عن تجربة وكمان فى مدى من السرعات
عشان كدة ااقدر احكى على تجربتى للعربية مع العلايات
اولا انا مركب علايات الومنيوم فى الخلف ارتفاعها حوالى 2سم
وفى الامام علايات كوتش ارتفاعها تقريبا نفس الارتفاع
النتيجة
جيدة جدا من حيث الحك فى المطبات بركب 4 معايا وعدى على مطبات اشبه بالسدود ومفيش مشكلة ودى طريقة كويسة للى معظم استخدامة للعربية داخل البلد وحمولته كبيرة زى حالاتى
نيجى بقى بالنسبة للثبات فى اختلاف طبعا عن الاول لاكن مش بالطريقة المرعبة
اللي الناس فاكراها يعنى لغاية سرعة 100 كيلو الثبات معقول مفيش فرق كبير وولغاية 120 الثبات بيكون برضة معقول فيه اختلاف نسبة بسيطة جدا عن الاول وانا كنت فى طريق السخنة وكنت ماشى 140 و150 بس كان معايا 4 مكنتش حاسس باختلاف كبير وكنت بعمل غرز بس مش ضيقة على 100
الخلاصة ودة من خلال التجربة الشخصية ان الانوس معروف ان ثباتها بعد 100 مش كويس وبيقل الثبات كل ماتزود
يعنى ممكن نقول مثلا ان ثبات عربية بعلايات على سرعة 120 زى ثبات عربية بدون علايات بسرعة 140وغالبا مش مطلوب الجرى ارجو انى اكون وضحت بعض الشيئ واسف لالاطالة

[MMamdouh]

اى عربية ترفع مستواها عن الارض ثباتها بيقل نتيجة ارتفاع مركز الثقل بتاعها... تاثير الموضوع دة بيبان لما يبقى فيه قوى جانبية على جسم العربية تسبب ميلان الجسم او زى ما يطلق علية body roll

كون ان انت اخدت غرزة على 100 بالعلايات مش دليل على الثبات... ما انت ممكن تاخد غرزة على 150 بالعلايات

اللى بتكلم عنة هى حدود الامان... رفع العربية عن الطريق بيقلل حد الامان لاى مناورة بتعملها بالعربية.... لو حنطبق الكلام دة على المثال اللى انت عملتة يبقى حنفترض ان الغرزة اللى عملتها دى اقصى سرعة امنة ممكن تاخدها بيها بعربية لانوس بعفشتها الاصلية هى 150 ... مع العلايات حتقل السرعة دى الى 120 مثلا بسبب ارتفاع جسم العربية... و العكس بالعكس لو ركبت سوست رياضية حترتفع السرعة دى الى 180 مثلا

لاحظ كمان ان رفع العربية عن الارض بيسبب تغيير زاوية ملامسة العجلات للارض بالتالى بياثر على تماسك العجلات بالارض و بالتالى الفرامل و الملفات حتتاثر بالسلب

MMamdouh

[mahmoudysf]

انا لما كتبت على موضوع تعلية العربية عشان فى ناس كتير موضوع انخفاض العربية عاملهم مشاكل كتير
ولما بيسالو حد عن موضوع التعلية بيتم تصوير الموضوع على ان التعلية كارثة
ومعظم الردود بتكون مبنية على معلومات نظرية ممكن تختلف باختلام نوع العربية من غير تجربة حقيقية
اذا لو حبينا نقيم الموضوع تقييم عملى من حيث الايجابيات والسلبيات
هنلاقى الايجابيات اكتر بكتير من السلبيات
على اساس اننا بنتكلم على المستخدم الطبيعى للسيارة يعنى مش شاب صغير غاوى يجرى بسرعات رهيبة ومقضيها لعب
يعنى الانسان العادى عايز عربية يقضى بيها مشاويرة ويركب فيها العدد الطبيعى بتاع العربية بدون ما تخبط العربية فى كل مطب وتعمل مشاكل فى بطن العربية ومشاكل نفسية لصاحبها وفى الحالة دى عمرها ما هاتعمل مشكل عن تجربة لاكن العكس
انت اتكلمت على تاثير الهواء على جسم العربية فى المناورات على سرعات عالية دة صحيح لاكن المهم على التاثير دة بعد التعلية يفرق كتير
انا هاتكلم على الانوس عشان دة اللي اعرفة وجربته
التاثير قليل جدا وما فيش فرق كبير عن قبل وبعد التعلية لو الانسان بيسوق بسرعات معقولة وغير متهور ودة اساسا غير مطلوب فى كل الحالات
لاكن لو واحد عايز كل يوم يدخل حلقة سباق ويجرى على سرعة فوق 150 اعتقد ان اللانوس مش هتنفعة سواء متعلية ولا لا
بكدة نقدر نقول ان كل واحد يحدد هو عايز اية من العربية ويقرر يعليها ولا لا

[A.samy]

انا عايزها متحكش ومتاثرش على حاجة فى مكونات العفشة يعنى مفيش حاجة تبوظ من العفشة وعلى العموم انا حتى فى طريق السفر مبزودش عن 120 وطبعا جوة البلد نفس الكلام

[mahmoudysf]

انا عايزها متحكش ومتاثرش على حاجة فى مكونات العفشة يعنى مفيش حاجة تبوظ من العفشة وعلى العموم انا حتى فى طريق السفر مبزودش عن 120 وطبعا جوة البلد نفس الكلام

تمام كدة توكل على الله وعليها عند حد كويس

[MMamdouh]

انا لما كتبت على موضوع تعلية العربية عشان فى ناس كتير موضوع انخفاض العربية عاملهم مشاكل كتير
ولما بيسالو حد عن موضوع التعلية بيتم تصوير الموضوع على ان التعلية كارثة
ومعظم الردود بتكون مبنية على معلومات نظرية ممكن تختلف باختلام نوع العربية من غير تجربة حقيقية
اذا لو حبينا نقيم الموضوع تقييم عملى من حيث الايجابيات والسلبيات
هنلاقى الايجابيات اكتر بكتير من السلبيات
على اساس اننا بنتكلم على المستخدم الطبيعى للسيارة يعنى مش شاب صغير غاوى يجرى بسرعات رهيبة ومقضيها لعب
يعنى الانسان العادى عايز عربية يقضى بيها مشاويرة ويركب فيها العدد الطبيعى بتاع العربية بدون ما تخبط العربية فى كل مطب وتعمل مشاكل فى بطن العربية ومشاكل نفسية لصاحبها وفى الحالة دى عمرها ما هاتعمل مشكل عن تجربة لاكن العكس
انت اتكلمت على تاثير الهواء على جسم العربية فى المناورات على سرعات عالية دة صحيح لاكن المهم على التاثير دة بعد التعلية يفرق كتير
انا هاتكلم على الانوس عشان دة اللي اعرفة وجربته
التاثير قليل جدا وما فيش فرق كبير عن قبل وبعد التعلية لو الانسان بيسوق بسرعات معقولة وغير متهور ودة اساسا غير مطلوب فى كل الحالات
لاكن لو واحد عايز كل يوم يدخل حلقة سباق ويجرى على سرعة فوق 150 اعتقد ان اللانوس مش هتنفعة سواء متعلية ولا لا
بكدة نقدر نقول ان كل واحد يحدد هو عايز اية من العربية ويقرر يعليها ولا لا

هل معنى كلامك ان فيه عربيات لو علتها مش حيحصل مشاكل فى الثبات بتاعها؟؟؟ لو كدة ياريت تقوللى عليها لان العربيات دى تبقى اول عربيات تكسر قواعد الفزياء اللى نعرفها

و هل معنى كلامك ان كل واحد بيسوق بشكل عقلانى عمر ما حيحصلة موقف محرج على الطريق؟؟

و ارجو انك تسرد الايجابيات اللى اكتر من السلبيات فى موضوع رفع السيارة عن مستوى الارض

MMamdouh

[Samir Elshahawy]

هل معنى كلامك ان فيه عربيات لو علتها مش حيحصل مشاكل فى الثبات بتاعها؟؟؟ لو كدة ياريت تقوللى عليها لان العربيات دى تبقى اول عربيات تكسر قواعد الفزياء اللى نعرفها

و هل معنى كلامك ان كل واحد بيسوق بشكل عقلانى عمر ما حيحصلة موقف محرج على الطريق؟؟

و ارجو انك تسرد الايجابيات اللى اكتر من السلبيات فى موضوع رفع السيارة عن مستوى الارض

MMamdouh

أسمحوا لي أوضح نقطة بخصوص الثبات و القيادة المتعقلة الغير متهورة

أنا معايا (ياريس 2008 - أوتوماتيك) و كنت كتبت تحذير بمنتدي تويوتا عن تأثير الهوا بثبات العربية حتي علي السرعات الغير عالية (100 كم/ساعة) و أنها كانت بمثابة ورقة تتلاعب بها الرياح علي الطريق و طبعا من ضمن أسباب عدم الثبات أرتغاعها عن الارض

أذا أنا بأتفق مع الاستاذ / محمد ممدوح في أن تعلية العربية سوف يؤثر بالسلب علي ثباتها سواء كان قائدها عاقلا أو متهورا

[body941]

انا كانت نفس المشكلة قلت لا حرام كده خالص وباخد المطب حبة حبة يعنى بالراحة خالص برضة مفيش فايدة مطبات معمولة للاتوبيسلت ومقاس الكوتش هو هو 175/13/17 المهم جبت عليتين مقاس عرض 2سم واتخلعت اليايات ووضعناهم وركبنى وجربنى وتمام التمام وجبت بيها السرعات كلها الحمد لله كويس خالص وعليت العربيه شويه مش علو ملحوظ خالص لالالالالالا علو طبيعى محدش يلاحظه الا اذا دققت وكنت اتصلت للاستاذ محمد ممدوح وبلغته فاكر يا استاذ محمد انا خالد من المنيا سلامى وتحياتى للك ولجميع من فى المتدى واسف للتطويل

[MMamdouh]

فاكرك طبعا يا باشا و سلامى ليك

MMamdouh

[mahmoudysf]

هل معنى كلامك ان فيه عربيات لو علتها مش حيحصل مشاكل فى الثبات بتاعها؟؟؟ لو كدة ياريت تقوللى عليها لان العربيات دى تبقى اول عربيات تكسر قواعد الفزياء اللى نعرفها

و هل معنى كلامك ان كل واحد بيسوق بشكل عقلانى عمر ما حيحصلة موقف محرج على الطريق؟؟

و ارجو انك تسرد الايجابيات اللى اكتر من السلبيات فى موضوع رفع السيارة عن مستوى الارض

MMamdouh

بالمنطق دة اعتقد ان الالمان بيكسروا قواعد الفيزياء
حضرتك لو شوفت الاكتافيا هتلاقى انها اعلى من اللانوس بكتير وعمر محد قال ان الاوكتافيا عشان عالية ااقل ثبات من اللانوس بالعكس هى من اكتر العربيات ثبات
وبعدين حضرتك مش عايز تقتنع ان احنا بنتكلم على تعلية بنسبة بسيطة جدا فى حدود 2سم مش دول اللي هيكسرو قواعد الفيزياء
اذا الاوكتافيا عالية بالفعل من غير ما حد يعملها تعلية وما فيهاش مشاكل فى الثبات
وبنلاقى عربيات واطية جدا وثباتها وحش
مش معنى جدا ان التعلية مع الثبات والعكس صحيح لاكن يا عزيزى السيارة بتخضع كما تعرف فى تصميمها لعوامل كتير من اجل الثبات من ضمنها قرب السيارة من الارض لاكن دة مش كل حاجة فى البدى والعفشة ونوع التصميم للعفشة
وبعدين احنا لم نطلع على التصميمات والتجارب الفيزيائية للانوس عشان نحدد ان هما بينزلوها بالتعلية الامثل
حضرتك بتكلم على التعلية وقلة الثبات بشكل نظري جميل وزىانا ماذكرت ان الاوكتافيا عالية لاكن ثابتة
الخلاصة عشان نحكم على نجاح التعلية اوفشلها وهل الفرق كبير جدا ولا لا لابد اننا نجرب عشان يكون الحكم عملى مش نظرى وفية عربيات ممكن تعوم بطريقة وحشه لو عليناها وعربيات تانية بيكون التاثيرللعلايات شبة منعدم يعنى لو فية فرق فى الثبات بيكون لايذكر طالما اننا بنعلى بشكل معقول
وبعدين انا جربت تعلية اللانوس وكان فى دماغى لو فشلت التعلية فى الحفاظ على نفس الثبات كنت هشيل العلايات لاكن تقريبا مفيش فرق وعشان تحكم لازم تجرب الاول
معنى كدة لو هيحصل موقف محرج لحد معلى او مش معلى النتيجة واحدة
وبعدين الايجابيات حضرتك كنت هتعرفها لو بتركب فى مناطق فيها سدود مش مطبات زى اللي بنمشى فيها وكانت النتيجة مؤذية جدا بيتهاياللى دى خير ايجابية
يبقى النتيجة والخلاصة
مع التعلية فروق فى الثبات مش عايز اقول منعدمة ولاكن غير ملحوظة
التخلص من التكسير اللي كان بيحص فى بطن العربية ارجو تكون اقتنعت من واحد مجرب

[mahmoudysf]

انا كانت نفس المشكلة قلت لا حرام كده خالص وباخد المطب حبة حبة يعنى بالراحة خالص برضة مفيش فايدة مطبات معمولة للاتوبيسلت ومقاس الكوتش هو هو 175/13/17 المهم جبت عليتين مقاس عرض 2سم واتخلعت اليايات ووضعناهم وركبنى وجربنى وتمام التمام وجبت بيها السرعات كلها الحمد لله كويس خالص وعليت العربيه شويه مش علو ملحوظ خالص لالالالالالا علو طبيعى محدش يلاحظه الا اذا دققت وكنت اتصلت للاستاذ محمد ممدوح وبلغته فاكر يا استاذ محمد انا خالد من المنيا سلامى وتحياتى للك ولجميع من فى المتدى واسف للتطويل

فعلا دة اللي حصل معايا وشكرا على التاييد مع التجربة

[MMamdouh]

ايه دخل الاوكتافيا فى اللانوس؟؟؟

احنا بنقارن رد فعل عربية قبل و بعد التعلية يبقى وضع اى عربية تانية ميفرقش... او ببساطة حقولك لو علينا الاوكتافيا حيقل ثباتها برضة او حقولك الافيو ارتفاعها زى الاوكتافيا بس الافيو ثباتها اقل من اللانوس و نفضل نجادل الى ما لا نهاية و مش حنوصل لحاجة...

الموضوع لازم يبقى محصور فى عربية واحدة عشان يبقى التحليل منطقى... يبقى احنا نتكلم عن اى عربية (مش شرط لانوس او اوكتافيا او اى حاجة تانية) و نقارن حالتها هى قبل و بعد التعلية

و على ذلك حتلاقى ان اى عربية فى الدنيا لو مستواها وطى و قربت من الارض ثباتها حيزيد... و دة واضح جدا فى كل العفشات الرياضية اللى بتوطى العربية و واضح كمان فى وضع كل عربيات السباق اللى بتجرى على تراك مقارنة بنسخة العربية اللى معملة للاستخدام اليومى... العكس باللعكس حتلاقى ان اى عربية ترفع مستواها عن الارض ثباتها حيقل نتيجة ارتفاع مركز ثقلها عن الارض

من الناحية العملية انت بتتكلم فى تعلية 2 سنتى... ماشى دة مش قدر كبير من الفرق اللى ثبات العربية معاه يتدهور و تبقى العربية خطر... لكن بردة مش معنى كدة ان العربية "مش حيبقى فيها فرق"... و دة لازم نحذر منة لان ممكن فى اى لحظة حد معلى عربيتة زى حضرتك تاخدة الجلالة و يجرى شوية و بالتالى لازم يكون حريص و عارف ان العربية ممكن يبقى رد فعلها مختلف عن ما كانت علية زمان و بالتالى لازم يبقى اكثر حرصا

انا شايف ان نقطة الخلاف بيننا هى الناحية النظرية (انا) و الناحية العملية (انت)... اعتقد فى النهاية حنقول ان النظرية صح... و التطبيق العملى المقنن يقدر يقلل من التاثير السلبى للعملية دى مع الاخذ فى الاعتبار ان التقنين دة لن يلغى التاثيرات السلبية لكن حيخليها فى اقل الحدود

حلو الاستنتاج دة؟؟

MMamdouh

[samirayad]

انا شايف ان نقطة الخلاف بيننا هى الناحية النظرية (انا) و الناحية العملية (انت)... اعتقد فى النهاية حنقول ان النظرية صح...

أشمعنى هنا بتنصر الناحيه النظريه.....وغير مقتنع بتجاربنا العمليه.....واللى معاه أسره ومسافر على مطبات جميله زى اللى عندنا......مابيكونش سايق فى تراك ولا حاجه زى مابتقول.............

[MMamdouh]

يعنى حتى قوانين الفزيا عايز تجادل معاها؟؟ سبحان الله

MMamdouh

[samirayad]

يعنى حتى قوانين الفزيا عايز تجادل معاها؟؟ سبحان الله

MMamdouh

خلينا فى الــــــــــTps دلوقتى وبعد كده نخش فى الفيزياء والكيمياء كمان يا أبو يوسف...................