الكستبانات و استهلاك البنزين؟

[samirayad]

اربط الفتيسات بالمكن يا هندسة مش العربيات

طيب ما أنا عملت كده يامحمد ....وده باين من الجدول اللى أنا محوله

الfinal drive ratio جاى من نسبة التخفيض بتاعت الجهاز الفرقى و هو دة الفرق الاساسى بين الفتيسين الD16 short ratio و الD16 wide ratio

طبق كلامك ده بقه ....على نظام الجدول بتاعى
مش عارف أقتنع بيها لحد دلوقتى
لأن الفتيسين عندى ( نفس التصميم )
ولكنه مدينى نسبة قياده نهائيه مختلفه مع المكنتين
أذا هو رابط الجزئيه دى FINAL DRIVE RATIO
بقدرة المكن والدبرياج المناسب لكل مكنه ........

[samirayad]

اللى متاكد منة ان الفتيس اللى على المكنة ال 1500 غير اللى على المكنة ال 1600

أكيد أنت صح ....لأنك شوفت الحالتين على الطبيعه
بس ياريت تكون عامل حساب الدبرياج برضه
على أساس أنه على أول الفتيس من ناحية المكنه

الاتنين شكلهم واحد و تروس النقلات واحدة لكن نسبة التخفيض مختلفة و دة باين فى الجدول بتاعك...

فى الجدول بتاعى ولا بتاعك أنت .................

[MMamdouh]

فى جدولك انت النسب بتاعت التروس من الاول للخامس هى هى فى الفتيسين

نسبة التخفيض بتاعت الجهاز الفرقى مختلفة و دة اللى عامل فرق فى طول النقلات بين المكنة ال 1500 و ال1600

الدبرياج ملوش اى علاقة بنسب التخفيض خالص

نسبة التخفيض بتاعت كل نقلة بتبقى نسبة بين سرعة الدرك و سرعة المناول اللى بيدى للكورونا و نسبة التخفيض النهائى بتبقى النسبة بين سرعة المناول و سرعة الكوبلن

سرعة الدرك = سرعة الفلام

MMamdouh

[samirayad]

فى جدولك انت النسب بتاعت التروس من الاول للخامس هى هى فى الفتيسين

كده ميت فل

نسبة التخفيض بتاعت الجهاز الفرقى مختلفة و دة اللى عامل فرق فى طول النقلات بين المكنة ال 1500 و ال1600

يعنى أنت تقصد ....أن ال final drive ratio ...دى خاصه بتخفيض الكرونه .......وشىء طبيعى تبقى رقم ثابت عند كل النقلات
ولما أعوز أعرف

نسبة التخفيض النهائى بتبقى النسبة بين سرعة المناول و سرعة الكوبلن

بأخد مرحلة تخفيض معينه فى أى فتيس وأضربها فى الرقم الثابت بتاع الفاينل درايف ريشيو
لأنه ثابت ويخص الكرونه بس فى أى نوع .....وعلشان كده هو فى النوبيرا أكبر شويه من الانوس
أعتقد هو ده المقصود .......وكده الوضع معقول برضه ومقنع الصراحه

[MMamdouh]

you got it right

MMamdouh

[samirayad]

thank`s my friend

[zozo2010]

كل عام وانتم بخير اخوانى فى المنتدى
انا مش عارف احدد صوت الموتور من الكستبنات والا الموتور خفيف محمد عبده بقول الموتور خفيف ووش السلندر وحش وبيسبب نفخ زياده روحت لواحد غيره قال الكستبنات اصدق مين انا حاسس ان محمد عبده بيشتغالنى ايه رايكم
العربيه نوبيرا مانويل 2001

[samirayad]

كل عام وانتم بخير اخوانى فى المنتدى

وأنت بخير ورمضان كريم

انا مش عارف احدد صوت الموتور من الكستبنات والا الموتور خفيف

طالما منتش عارف تحدد ...
يبقى أنتظر فى حكمك على أى ميكانيكى ......وبرضه يمكنك التفرقه بسهوله بين الوضعين
لو كان الصوت صادر من منطقة التاكيهات ....يبقى المنطقه دى عاوزه صيانه .....وممكن تكون عندك كستبانات معلقه وتقيله فى حركتها
ولو الموتور خفيف حيبان معاك فى السحب والتسارع وأستهلاك الزيت

يبقى برضه ماتظلمش الراجل يمكن يكون فعلا عنده حق
وأنت عارف حالة الموتور من سحبه وتسارعه وأستهلاك الزيت عندك
وببساطه شديده ممكن تعمل أختبار كبس لتقييم حالة الموتور

اصدق مين انا حاسس ان محمد عبده بيشتغالنى ايه رايكم

متعرفش الصح فين الا بعد أختبار كبس الموتور
لو الكبس وحش .....يبقى محمد عبده عنده حق
لو الكبس تمام أو معقول ....يبقى كلام الميكانيكى التانى صح
وعندك مشكلة كستبانات

وغير كده وكده
أستشير واحد تالت .....للفصل بين الرأيين
ومتعرفوش أنك سألت حد من قبل كده

وقتها حتعرف ....الصح فين

ولا تتعجل فى أطلاق الحكم على أحد .فربما عنده حق
لأن هو اللى عاين الحاله ....وأحنا بتكلم من بعيد لبعيد

[zozo2010]

اعتقد ان الزيت مابينقصش لدرجه ملحوظه والسحب بالنسبه ليه معقول واذاى اعمل اختبار كبس الموتور وفين وسبب اكتشاف النفخ هو الرديراتير خر روحت لمحمد عبده امامه ورشه راديراتير غير علبه وبعد اسبوعين خر تاني روحتلو وغيرته بواحد ستيراد من عندوبعد 3اسابيع خر تانى روحت فال العيب من وش السلندر وحش وبيسبب نفخ ذياده روحت لواحد تانى قال العيب من الرديراتير والموتور طبيعى واستعان بميكنيكى قال الصوت من الكستبنات وغيرت الرديراتير تانى استيراد وادانى عليه ضمان مكتوب

[samirayad]

دوس هنا

دى طريقة أختبار كبس الموتور للتعرف على حالته
وفيها زملاء عملوا الأختبارده عندك فى مصر فى بنزينات أو مراكز خدمه معينه

وأنت بتستعمل زيت أيه وبتغيره كل أد أيه

[zozo2010]

شكرا ياباش مهندس على سرعه الرد والمعلومات القيمه
انا باستعمل زيت موبيل 5000كم وبغير على 3000-3500 كم مره فلتر+زيت ومره زيت مع ملاحظه ان محمد عبده غسل الموتور بجاز على زيت وده خلا رعشه لمبه الزيت عند اول طلعه تختفى

[samirayad]

مع ملاحظه ان محمد عبده غسل الموتور بجاز على زيت وده خلا رعشه لمبه الزيت عند اول طلعه تختفى

هو الراجل كان بيحاول يتغلب على ضغط دورة التزييت الضعيف عندك
علشان يزود سريان الزيت فى الدوره
وبالتالى أرسال الزيت لمنطقة التاكيهات فوق لتزييتها فى أسرع وقت
بأنه حل زيت الغسيل بشوية جاز
بس فنيا ده مش صح على التاكيهات الهيدروليك اللى عندنا
لأن كده الطلمبه ممكن تأخد أوساخ من الكرتير وتطردها لفوق
بس واضح أن نيته كانت خير وعاوز يعالج المشكله
بدون مايسقط الكرتير ( علشان يطمن على مصفة طلمبة الزيت )

عموما تقريبا كده أنت فعلا عندك مشكله فى منطقة التكيهات
ومحتاج تطهير شامل لدورة تزييت المكنه ونظافة المنطقه الخاصه بالتاكيهات

وأنصحك بالآتى
1- روحله وخليه يعملك شطف flushing لدورة التزييت بزيت مخصص لذلك
2- يسقط كرتير المكنه ويكشف على مصفاة الزيت اللى تحت الطلمبه وعلى آخر خط السحب ومغموره بالكرتير
نظافة المصفه ....وشطف الدوره ....حيديك نتيجه كويسه بأذن الله ....
وأحتمال ينتهى موضوع الصوت اللى فوق عند التاكيهات

بس صدقنى
من كلامك ....واضح أن الراجل كانت نيته ليك كويسه
فى تحسين آداء دورة تزييت المكنه

والحمد لله على كل حال

وبكده بأه قدرت أستنتج أن الكلام ده الصح

روحت لواحد غيره قال الكستبنات

[Sherif Khalifa]

تم التغير الحمد لله
التكليف
طقم كستبنات استيراد لمكنة اوبترا 280 جم
جوان تكيهات 60 جم الاصلى
مصنعية 200 جم (غلية شوية بس محمد عبدة كدة غلى المصنعية اوى)
غيرت بالمرة علشان مفتحش تانى بعد 15000 كم
سير كتينة جيتس 60 جم
بليتين كتينة سابتة و متحركة 250 جم gm

النتيجة جيدة نوعا ما
صوت النقر اختفى