الفرامل و التكييف

[abo_lamar]

شكرا لحضراتكو يا جماعة وبالذات لحضرتك يا عم المهندسين كلهم (طبعا المهندس سمير ) افهم من كلامكو ان ده شئ طبيعي في العربيات كلها طب الحل ايه نبطل تشعبل المكيفات ولا نعمل حساب مسافة الفرملة ؟

[samirayad]

لأن انا بحس ان الفرامل بتخف عندي شوية لما بشغل المكيف ولما بطفي المكيف الفرامل بتبقى تمام ...

أولا
كل عام وأنتم بخير يا أبو حميد

المشكله أن أنت اللى حسيت بالموضوع ده .....
ومش عارف ليه أنا وأكيد ناس كتير لم تلاحظه

علشان كده أنا عاوزك تركب عربيه لانوس تانيه ( بتاعة صديق مثلا )
وتجرب الوضع عنده .......وتقارنه بعندك ......فى نفس ظروف التشغيل ........
وتشوف كده .....فيه فرق ولا لا
يعنى الآداء الفرملى عنده زى عندك ....فى كل الأحوال
وبما أنك عارف النظام عندك .....بدلوا مع بعض العربيات
فى مشوار معين .......وشوف فيه فرق ولا لا ( بين عربيته وعربيتك )
لأنك بتقول ......( أنا بحس أن الفرامل)
فأحتمال يكون فعلا ده مجرد أحساس ...وده وضع طبيعى فعلا للفرامل
هى دى الحته اللى عاوزك تطمنا ....عليها
وياريت تبقى تطمنى على المقارنه دى ......وحاول تجربها فى أقرب وقت ممكن

نبطل تشعبل المكيفات

لا طبعا ده مش حل

ولا نعمل حساب مسافة الفرملة ؟

ده المفروض بنعمله فى كل الأحوال ( مسافة الأمان )
ولكن برضه منتظرين النتيجه ............هى دى الأساس
علشان نعرف الوضع عندك عادى ولا لا
بسبب حتة الأحساس أياه
يارب يكون مجرد أحساس فعلا

[samirayad]

أنقر هنا

للتعرف على معنى مسافة الأمان بشكل عام
وبالذات عند القياده على الطرق السريعه

[Sameh]

الموضوع ده بحسه فى النوبيرا برضه والتكييف شغال الفرامل بتبقا أضعف عند نفس الدوسة وبستلزم ضغط أقوى على دواسة الفرامل ، وعلى فكرة أعتقد الموضوع مالوش علاقة بالحرارة لأن الكلام ده بيحصل حتى على طريق سريع زى السويس أو الدائرى يعنى بيكون فيه تيار هوا شديد داخل الحوض من الشبكة ومن أسفل الحوض ومافيش تراكم لحرارة سربنتينة التكييف اللى هى أصلاً لا تقارن بحرارة المكنة نفسها ، فإحتمال يكون التفسير هو فرق ضغط الهوا اللى بيشغل السيرفو

تأثير حرارة التكييف بحسه على عزم الموتور نفسه لما أكون واقف فى إشارة طويلة والتكييف بيرمى حرارته مع حرارة المكنة والعربية مش بتتخلص من الحرارة دى وهى واقفة بسهولة ، أثناء الحركة بيكون تأثير التكييف لا يتعدى الحمل الميكانيكى اللى بيأتى من تحميل كمبرسور التكييف على السير اللى واخد حركته من الموتور أما تأثير الحرارة بيكون محدود فى الحالة دى

حاجة تانية إن الزيت الباكم مصمم عشان يتحمل درجات حرارة عالية عشان مايتبخرش لأن هو أصلاً بيتعرض لدرجات حرارة عالية جداً فى منظومة الفرامل ، وعنده القدرة إنه يحتفظ بلزوجة ثابتة عند درجات حرارة مختلفة

Brake fluid is subjected to very high temperatures, especially in the wheel cylinders of drum brakes and disk brake calipers. It must have a high boiling point to avoid vaporizing in the lines. This vaporization is a problem because vapor released into the lines is compressible and would result in an inability of the hydraulic fluid to transfer braking force

For reliable, consistent brake system operation, brake fluid must maintain a constant viscosity under a wide range of temperatures, including extreme cold

Brake fluids must maintain low level of compressibility that remains low, even with varying temperatures.
من ويكبيديا

[samirayad]

وعلى فكرة أعتقد الموضوع مالوش علاقة بالحرارة لأن الكلام ده بيحصل حتى على طريق سريع زى السويس أو الدائرى يعنى بيكون فيه تيار هوا شديد داخل الحوض من الشبكة ومن أسفل الحوض ومافيش تراكم لحرارة سربنتينة التكييف اللى هى أصلاً لا تقارن بحرارة المكنة نفسها

أنت أخدت بالك من وضع الحراره والتكييف شغال بتبقى عامله أزاى
( دا المراوح بتبقى شغاله على طول ) .
سواء أنت ماشى على طريق السويس أو الدائرى
يعنى المكنه بتعانى من الحراره مع التكييف
علشان كده وحدة التحكم ملقطه المراوح على طول

فإحتمال يكون التفسير هو فرق ضغط الهوا اللى بيشغل السيرفو

ولا ليه أى علاقه السيرفو بتزويد القوه الفرمليه
السيرفو ....ده مؤازر أو مساعد فقط لتخفيف الجهد المبذول على دواسة الفرامل
أما القوه الفرمليه ...........ثابته
طالما الفرامل هى هى
أما بأه لو زيت الفرامل تأثر مثلا بسبب الحراره ( وأنا عارف أنه بيتحمل الضغوط والحراره )
بس ممكن يكون متغيرش من زمان مثلا ....وبدأت خصائصه فى تحمل الحراره تقل مثلا
أو متغير زيت مش كويس ....والزيت ده خصائصه بتتأثر بأى أرتفاع فى الحراره ....وليه limit معين فى العمل عند حرارات معينه
ولما بتزيد الحراره ( مع شغل التكييف ) بتبأ خصائصه تنهار شويه فى تحمل الضغوط الازمه للقوه الفرمليه ( وكل ده بسبب نقص جودة الزيت مثلا )
بيفقد خصائصه فى توليد قوة الضغط على أجهزة الفرامل مع أرتفاع الحراره نسبيا مع شغل التكييف
يعنى كفاءة الفرامل حتقل

[تامر.محمد]

انا فعلا باحس بنفس الشيء مع تشغيل التكييف

سحب العربية بيقل
و اداء الفرامل كمان بيقل

[MMamdouh]

العنصر المشترك بين التكييف و الفرامل هو السيرفو... السيرفو بيعتمد فى تشغيلة على الفراغ الموجود فى منافولد السحب فى حالة السلانسية

عند تشغيل التكييف يقوم بلف الايدل بزيادة كمية الهواء التى تغذى الموتور لرفع لفاتة قليلا لتعويض حمل كومبريسور التكييف بالتالى تقل قوة الفراغ فى المنافولد

و بما ان الفراغ قل فى المنافولد فان القوة التى يوثر بها السيرفو على ماستر الفرامل تقل

سؤال لصاحب الموصوع... انت لما بتفرمل بتدوس دبرياج مع الفرامل... صح؟؟؟؟؟

و على فكرة درجة غليان المية داخل دورة التبريد اعلى من 100 بكتير لانها شغالة تحت ضغط.... و دة السبب ان لما واحد غطا القربة بتاعة بيبوظ القربة ميتها بتغلى و تفور

MMamdouh

[abo_lamar]

سؤال لصاحب الموصوع... انت لما بتفرمل بتدوس دبرياج مع الفرامل... صح؟؟؟؟؟
mmamdouh

مش دايما يا باشمهندس ممدوح .. لما بكون ماشي بسرعة وعايز اهدي شوية بدوس فرامل بس ولما بكون عايز اقف خالص بدوس دبرياج مع الفرامل .. هو ده ياتري حيفرق في حاجة ؟

[mould]

فعلا موضوع ضعف الفرامل مع تشغيل التكييف بيحصل عندى برضه

[Sherif Khalifa]

للمتابعة
علشان بحس بنفس الموضوع

[MMamdouh]

مش دايما يا باشمهندس ممدوح .. لما بكون ماشي بسرعة وعايز اهدي شوية بدوس فرامل بس ولما بكون عايز اقف خالص بدوس دبرياج مع الفرامل .. هو ده ياتري حيفرق في حاجة ؟

لما بتدوس فرامل بدون دبرياج انت بتقفل البوابة لانك شلت رجلع من على البنزين لكن الموتور لسة لفاتة عالية لانة مرتبط بالاطارات اللى ماشية بسرعة العربية و دة بيولد فراغ قوى فى المنافولد بيستفيد منة السيرفو و بيقوى الفرامل

لو دست دبرياج مع الفرامل البوابة حتتقفل لكن لفات الموتور حتقل جدا و دة حيولد فراغ لكن مش بقوة الحالة الاولى و بالتالى تاثير السيرفو حيبقى اقل

MMamdouh

[abo_lamar]

أفهم من كلام حضرتك ان الفرملة بدون دبرياج اقوى من الفرملة بالدبرياج .

[MMamdouh]

yes

MMamdouh

[samirayad]

أفهم من كلام حضرتك ان الفرملة بدون دبرياج اقوى من الفرملة بالدبرياج .

معروف أن الفرامل بدون دبرياج أقوى فى أى حاله من الفرامل بالدبرياج
حتى مع أى عربيه .............لو 128 حتى ( مش تحكم ألكترونى )
لأن مع عدم أستعمال الدبرياج أثناء الفرمله
الفتيس نفسه بيعمل فرمله على خرج الموتور والقصور الذاتى للعربيه .....لأنك شيلت رجلك من على البنزين وحطيتها على الفرامل .......بس تفرق قوى الفتيس معشق ولا مش معشق
والسيرفو ملوش أى علاقه بالقوه الفرمليه غير تخفيف الجهد المبذول بضغطة قدم السائق

لأن مع حتى الوصول للسلانسيه الساخن ....مع ضغطة الفرامل ( وحدة التحكم بتعوض أى أخفاق مطلوب فى الأحمال ) بتزويد فتحة بلف الأيدل وغيره
أمال أيه فايدة عملية التحكم

[maka]

بالبركه ياباشا
أهم حاجه متخليش صدأ يقربله
علشان بلوفه متصديش وتزرجن
وكده باظ الغطاء ( وبالذات مع الميه العاديه )
وده سر شويبس
ورمضان كريم يا أبو حميد

وانت اكرم يا باشمهندس

بس ممكن اعرف البلوف دى مكانها فين فى الغطاء وفايدتها ايه