استفسار بشأن الكاوتش والجنوط سبور

[nasroo]

offset الجنوط 14 بوصه المنتشره بالسوق بتكون 35 أو 38 و مافيش اختيارات كتير و الأنسب هوه 38

يعني ايه 35 و38 et لاني مش فاهم حاجة انا كل اللي اعرفه في الجنط مقاسه بالبوصة بس

الحمد لله تم تركيب جنوط اندونيسي 14 لكن et 32
وكاوتش gt اندونيسي مقاس 14 × 60 × 185

وسأرفع الصور قريبا

وشكرا لكل من تقدم مشكورا بالافادة

الف مبروك ياباشا

يعني احسن كاوتش يتجاب بسعر من 300الي 350 للفردة هو ايه
كومهو ولا ناكنج ولا جود يير(جود يير اغلى مش كده)

[ahmedezzat78]

يعني ايه 35 و38 et لاني مش فاهم حاجة انا كل اللي اعرفه في الجنط مقاسه بالبوصة بس

offset هو المسافه بالملليميتر بين منتصف عرض الجنط و نقطه تثبيت الجنط (الطنبوره)

يعنى الجنط et 32 بيكون بارز 6 مم عن الجنط et 38

الجنط بيتوصف ب 3 حاجات:
1- قطره بالبوصه
2- عرضه بالبوصه
3- offset بالملليميتر

[zaza_lanos]

متايع

[MMamdouh]

الحمد لله تم تركيب جنوط اندونيسي 14 لكن et 32
وكاوتش gt اندونيسي مقاس 14 × 60 × 185

وسأرفع الصور قريبا

وشكرا لكل من تقدم مشكورا بالافادة

مبروك يا باشا

لو لسة عندك الجنوط الحديد و ناوى تبيعها ابقى اعلن هنا عنها لانها ضرورة لاى واحد معاه لانوس و عايز يعدل الفرامل و مش عايز يتعور فى طقم جنوط سبور

الكاوتش الGT غالبا حيبقى champiro 60 و دة انا كنت مركبة قبل كدة و ممتاز على الاسفلت و تماسكة حلو جدا... بس على المية خلليك حذر... دة مش عيبفى الفردة دى لكن دى طبيعة اى فردة يغلب على ادائها الطابع الرياضى



MMamdouh

[MMamdouh]

انا بقة عندى جنط بتاعة العربية اللى قبل اللانوس كانت اوبل فكترا مقاسها 15 بوصة هل ينفع يركبوا عندى لانى عرفت ان الفرامل بتبقى احسن مع الكاوتش الاعرض

لو مقاس المسامير 4x100 و فتحة الصرة 60 مللى يبقى يركب

MMamdouh

[MMamdouh]

هو التيوانى احسن من الاندلوسى ولا اية
انا اشتريت طقم نانكنج تايوانى بس والله يا جماعة بدون انحياز للكاوتش
صوتة معقول مش مزعج, مبيصفرش عمال على بطال مع كل فرامل,مقاومتة للزحف بتقدر تمنعة يزحف بس طبعا لازم تتعايش مع النقطة دى وتعمل حسابها .
اعتقد مش محتاج حاجة تانية فى الكاوتش غير كدة..فابصراحة صفة مش خصرانة
ومقارنة بالكومهو الكورى اللى كنت شارى بية العربية احسن بمراااااحل
اعتقد ان فى حد جربة هنا معانا وشكر فية

انا مركب النانكانج NS 1 و حاسس انة اى كلام... الثبات مش قد كدة و صوت تصفير فى كل وقت و بداعى و بدون داعى... الGT برقبتة



MMamdouh

[MMamdouh]

يعني احسن كاوتش يتجاب بسعر من 300الي 350 للفردة هو ايه
كومهو ولا ناكنج ولا جود يير(جود يير اغلى مش كده)

الكومهو او الGT او الهانكوك و بعديهم ب 5 كيلو كدة النانكانج

الفردة الgoodyear ال 185/60/14 ب450 جنية

MMamdouh

[nasroo]

مبروك يا باشا

لو لسة عندك الجنوط الحديد و ناوى تبيعها ابقى اعلن هنا عنها لانها ضرورة لاى واحد معاه لانوس و عايز يعدل الفرامل و مش عايز يتعور فى طقم جنوط سبور

Mmamdouh

هي الجنوط القديمة بتاعت كريم بلال 13 ولا 14

[MMamdouh]

هي الجنوط القديمة بتاعت كريم بلال 13 ولا 14

لامؤاخذة.... الدنيا لفت معايا و افتكرت العربية نوبيرا... عذرا على الخطاء الفنى

ياريت يا رجالة كل واحد يكتب مواصفات عربيتة فى بياناتة الشخصية عشان تسهل علينا عمليات البحث و التحليل ( و عشان انا متوهش منكم)

MMamdouh

[kareembelal]

الف مبروك ياباشا

يعني احسن كاوتش يتجاب بسعر من 300الي 350 للفردة هو ايه
كومهو ولا ناكنج ولا جود يير(جود يير اغلى مش كده)

الله يبارك فيك يا باشا وعموما انا اشتريت الـ gt الفردة بـ 345 جنيه

مش عارف بئي ده سعره واللا ايه الله اعلم

[kareembelal]

مبروك يا باشا

لو لسة عندك الجنوط الحديد و ناوى تبيعها ابقى اعلن هنا عنها لانها ضرورة لاى واحد معاه لانوس و عايز يعدل الفرامل و مش عايز يتعور فى طقم جنوط سبور

الكاوتش الGT غالبا حيبقى champiro 60 و دة انا كنت مركبة قبل كدة و ممتاز على الاسفلت و تماسكة حلو جدا... بس على المية خلليك حذر... دة مش عيبفى الفردة دى لكن دى طبيعة اى فردة يغلب على ادائها الطابع الرياضى



MMamdouh

الله يبارك فيك يا باشا وصدقني واحد شكر لي في الـ gt فعلا وما اقتنعتش بيه ابدا الا بعد ما قولت انت انه كويس فصممت عليه

ونعم الاختيار فعلا كما ذكرت حضرتك بالظبط هو متماسك جدا وخصوصا مع الفرامل بابقي حاسس ان العربيه مكلبشه في الارض جدا بسم الله ما شاء الله وبابقي خايف يحصل في البودي بتاعها حاجه من الاندفاع والكلبشه دي وما فيش صوت عالي
والحقيقه لولا المنتدي الرائع ده وتفاعل الاعضاء الكرام كنت وقعت فريسه للصنايعي لانه كان مصمم علي لاسا تركي تااااااااااااني

وكمان كاوتش مقاس 14× 70×185 وكان عايز يعلي العربيه وفضل يقنعني كتيرووراني عربيه عامله الحركة دي


بس فيه حاجه غريبه جدا بتحصل بعد تركيب الكاوتش الحالي

وهي المناورة بالعربيه في الحالة الاول كان كاوتش لاسا تركي مقاس 13×70×175 وكانت العربيه ثابته عند الدوران المفاجئ ولو علي سرعه عاليه ولو جبت عجلة القيادة شمال ويمين بسرعه كانت العربيه بتستجيب



اما الان العربيه استجابتها ضعيفة وحاسس انها مكلبشه في الارض عن طريق الكاوتش والجزء اللي بين الجانط وبين الارض هو اللي بيتحرك او كأنها علي قطعة مطاط لدرجة اني بخاف منها

فهل لذلك تفسير

[kareembelal]

هي الجنوط القديمة بتاعت كريم بلال 13 ولا 14

الجنوط 13 العربيه لانوس

[zocor742]

الف مبروك عليك التجديد ويبقوا فتحت خير عليك فالعربية ان شاء الله

انا مركب النانكانج NS 1 و حاسس انة اى كلام... الثبات مش قد كدة و
صوت تصفير فى كل وقت و بداعى و بدون داعى... الGT برقبتة



MMamdouh

استاذ محمد ممدوح انا عارف ان النانجانج مش هو التوب فى صناعة الكاوتش ولا هو الوسط
هو يعتبر تحت الجوديير وال جى تى وهانكوك والكومهو بس دة ميمنعش ان فية موديلات بتبقى فالتة
الموديل اللى بتتكلم عالية اللى صورة قدامنة دة جربتة على عربية جين 2 مع واحد صحبى مش قدكدة عامل زى الكومهو اللى كان عندى الاول دوشة كتير ومع الفرامل بيجى فى الاخر ولازم يصفر وواضح ال جى تى فى الموديل دة اجمد بكتير من النانجانج ز
اللى اللى معايا الصراحة مريحنى كتيييير عن الكومهو القديم لانة زى ماوصفت الكومهو مكنش عاجبنى
هو قريب اوى اوى من نقشة الكاوتش الميشلان تقريبا اللى بينزل على الاوكتافيا a5 اللى نقشتة فيها زى شكل ضفيرة من الجنب وكان اول مقاس من الشكل دة والاكبر ال16 وال17 كانوا شكلهم اعفى منة كمان
هبقى ادور على صورة لية انا لو فاكر اسم الموديل كنت عملت سيرش عالية حالا . بجد جميل واكيد فى احسن منة كتيييير بس انا ممكن عشان مجربتش اللى اعلى منة غير فى عربيا سوقتها طيارى فامركزتش اووى ،مكنش فى دماغى الكلام دة .عشان كدة حاسس انة جميل
يارب تكون وصلتك وجهت نظرى
وجارى البحث عن صورة فى اقرب وقت

[ahmedezzat78]

انا مركب النانكانج NS 1 و حاسس انة اى كلام... الثبات مش قد كدة و صوت تصفير فى كل وقت و بداعى و بدون داعى... الGT برقبتة



MMamdouh

النانكانج اللى أنا مركبو مختلف
موديل Remex RX-615

[MMamdouh]

بس فيه حاجه غريبه جدا بتحصل بعد تركيب الكاوتش الحالي

وهي المناورة بالعربيه في الحالة الاول كان كاوتش لاسا تركي مقاس 13×70×175 وكانت العربيه ثابته عند الدوران المفاجئ ولو علي سرعه عاليه ولو جبت عجلة القيادة شمال ويمين بسرعه كانت العربيه بتستجيب

اما الان العربيه استجابتها ضعيفة وحاسس انها مكلبشه في الارض عن طريق الكاوتش والجزء اللي بين الجانط وبين الارض هو اللي بيتحرك او كأنها علي قطعة مطاط لدرجة اني بخاف منها

فهل لذلك تفسير

فيه حاجتين:

1- انت ضابط ضغط الكاوتش على كام؟؟؟ لو اقل من 32 يبقى اللى بيحصل دة طبيعى

2- الكاوتش الجديد بيحتاج تليين... ايوة... تليين

الكاوتش لما بيتصنع بيتصب فى قوالب و بيتحط مواد زيتية على القالب عشان الفردة متلزقش فى الالب بعد ما تتصب... المواد دى بتفضل فى الفردة شوية و ممكن تديك احساس ان العجلة مش ماسكة نفسها زى الناس لحد ما تمشى بيها شوية بالتالى الحكم على اداء الاطار ميبقاش دلوقتى

Tire Tech Information - Breaking In Your Tires

MMamdouh