المشاركة الأصلية كتبت بواسطة normal
مشاهدة المشاركة
ربنا يوفقك فى الامتحانات
الشكر لله يا باشا
انا اتعلمت من ناس كتير فى المنتدى علشان بحب القراءة و كمان قرات جزء كبير من المانيوال بتاع العربيه و بعد كده جربت اكتر من مره موضوع استهلاك البنزين فوجدت الاتى :
1- عداد قرايه البنزين يعمل معاك كام كم دايما بيدى قرايه اقل فى معظم الاحوال و مينفعش تقيس حساباتك عليه .
2- تحسب لعربيتك معدل الاستهلاك من كذا حاجه .(1- تصفر عداداتك كلها و انت فى البنزينه بتفول لحد اول تكه,و انت ماشى تقلب العدادات بين معدل الاستهلاك اللحظى و المتوسط ((كل شويه تصفر المتوسط على حسب كل مشوار علشان بتختلف جامد)) وتحاول تخلى رجلك ثابته على دوسه معينه(اقل ضغطه لدواسة البنزين )و انت بتابع عداد الاستهلاك اللحظى .و خلى بالك علشان بيحسب و انت واقف فى اشاره +المشى العادى و الجرى .علشان كده يا نورمال بتلاقى معدل الاستهلاك ثابت عندك سواء جريت او وقفت(اعلى استهلاك و انت بتسخن او العربيه دايره ووقفه او فى الاشارات او السرعات الاقل من 60 كم )جرب و هات معدل الاستهلاك اللحظى و شوف انماط سواقتك اه و هتعرف انت بتستهلك اكتر امتى و اقل امتى.
3-تشوف عداد الرحله a لما تيجى تمون و تفول المره اللى بعدها وتشوف عمل اد اه هتلاقيه عمل اكتر من اللى الكمبيوتر قالهولك بكتير لو ماشى هادى ,و على الفكره التكيف مبياكلش كتير ,اللى بياكل كتير الجرى و الحرق على الغيارات و السرعات العاليه الخطيره بتاكل جامد جدا (((الشد مالوش كبير زى البحر ممكن تموت او تعجز فى اى لحظه لا قدر الله ))) , (الافضل تمون بليل من 11 و انت طالع لحد 6 الصبح لان الخزانات بتبقى بارده و بتاخد بنزين صافى انما فى اى وقت من النهار بتاخد بنزين مع شوية غازات و ابخره ).

![Zb Sor1[1]](https://www.nilemotors.net/Nile/core/images/smilies/Zb_sor1[1].gif)
![S Thum1[1]](https://www.nilemotors.net/Nile/core/images/smilies/S_thum1[1].gif)
Comment