تقرير عن مقابلة كيا 7/2010 ( اوعى تغمض عينك )

[ابو ليلى]

السلام عليكم ورحمة الله وبركاته

الجمعه 9/7/2010
الساعة 4 عصرا
مدينة الرحاب
كنتاكى الرحاب
العدد / تقريبا 25 فرد
السيارات / تقريبا 15 سيراتو – 1 كارينز – 1 بياكانتو -1 سيفيا
الضيوف / احمد يوكو فيات لينا – حسام ابترواى الاوبترا

النهارده كان يوم عيد لكل اعضاء قسم كيا لان فى اليوم ده تمت المقابلة اللى كلنا كنا متشوقين ليها ..

فى البداية لاازم اقول ان المقابلة تمت كتحضير لمقابلة تانية قادمة بأذن الله هتكون فيها تنظبم اقوى وتحضير على اعلى مستوى لان كان همنا الاول والاخير ان نرى من هم خلف الكيبوردات نشوف بيتكلمو ازاى بيفكرو ازاى حتى بيضحكو ازاى .

لاازم نعترف من البداية ان التنظيم كان ضعيف وكنا محتاجين وقت اكتر من كده للتحضير ولكن المفاجاة كانت فى نسبة الحضور حوالى 25 فرد حضرو المقابلة عدد مكنتش احلم انه يكون موجود .....مع ان مكنش فى تحضير كويس قبلها ومع كده العدد ده كله حضر ده معناه ايه .........؟؟؟

المعنى ان المنتدى قدر يخلق حب بين ناس عمرهم ما شافو بعض قبل كده ناس محترمة فعلا بيحبو بعض وبيخافو على بعض علشان كده من كل قلبى بشكر نايل ماتورز

انا مش هعمل التقرير ده لوحدى كل من حضر هيتكلم ويقول رايه ويحكى هو شاف ايه من وجه نظره حس بايه وكان متوقع ايه واللى كان متخيله شافه فعلا فى الواقع
.كل شخص معه صورة ينزلها فى الموضوع ويعلق عليها من وجه نظره .

رغم كل ده انا شايف انها كانت مقابلة رائعه بكل المقايس واستفدنا منها الكتير ويكفى ان كل واحد طلع منها بصاحب واحد وده المعنى الحقيقى من وره التجمع ده . مش هتكلم كتير الكل مستنى الموضوع .

اسئلة للنقاس

كان احساسك ايه وانت قاعد وسط الاعضاء ؟؟

ايه اللى عجبك فى المقابلة والعكس ؟؟

تحب تقول ايه للناس اللى محضروش المقابلة ؟؟

استفدت ايه من المقابلة ؟؟ ولو فى مقابلة تانية هتيجى برضه ؟؟؟

اتفضلو ا انطلقو..........

[waleedelpiloot]

انا ارووود اول واحد:)))
بصراحة كانت مقابلة جامدة جدااااااااااا وكنت مبسوط اووى فى القعدة وحاسس انى قاعد مع ناس اعرفهم من زماان مش ناس اول مرة اشفهم فى حياتى
عادة اى تجمع بيطلع واحد كدة بتخنق منوا بس اول مرة تحصل دى والله فعلا ناس كلهم زى العسل وكلهم دمهم خفيف

معجبنش اننا ما عرفناش نتصور كويس بلعربيات

والى مجااااااااااااش فاتك نص عمرك لالالا كل عمرك بس ان شاء الله المرة الى جاية نبقى برة القاهرة ويوم من الفجر وتبقى اجمد من دى

[yasserelsayad]

مقابلة جامدة جدا وانتعرفت على ناس زى العسل وناس فاهمة كويس فى العربيات وفعلا كنا عايزين نصور العربيات الصبح عشان ماكنوش بينين
ومنتظرين الصور يا باشا..

[NoRmAl]

انا مع وليد فعلا
بجد حسيت أنى دى ناس مش أول مره أشوفها
حسيت أنى خارج مع أصحابى الى عارفهم من سنين
ودا يدل أن فعلا الاعضاء هنا ودودين فعلا
مقدرش أعد الحاجات الى عجبتنى لأنها كتير جدا
ومكنتش متوقع أنى أكون مبسوط جدا كدا من المقابله لأنى كنت قلقان من عدم التنظيم
بجد أحنا كان أسمنا خارجين
هنعمل أيه؟ الله أعلم :)
بس جت عكس توقعاتى تماما "وعكس توقعات أبو ليلى بالذات :))))" وحسيت أنى زى منكون كنا مرتبين كل حاجه
معجبنيش طبعا التصوير القليل عامةً وأننا ملقناش مكان نوقف العربيات بالطريقه الى نحبها
كمان معجبنيش عدم حضور عمالقه كيا الى أنا أعرفهم زى أحمد سامى وأحمد أسماعيل ونادر نبيل
أنا عارف أنهم بياخدوا الكلام دا بحساسيه بس دا واقع وكان نفسى يجوا معانا
أنا مع شوقى فى أقتراحه بتثبيت يوم فى الشهر نتقابل فيه دايماً لأن والله أنتوا وحشتونى من دلوقتى :))

[ابو ليلى]

شويه من الصور اللى كانت معايا على الكاميرا الخاصة بيا

[Khaled_Nowaihy]

مقابلة عفوية .. وبدون تنظيم ... ودى أحلى حاجة فيها
التلقائية وكل واحد على سجيته كأنه فى بيته وسط اخواته
كان نفسى اشوف الناس اللى باكلمهم من وراء الشاشة .... واحساسى بيهم كان صح ... الحمد لله

عيبها الوحيد من وجهة نظرى انها بدأت متأخر ... والمكان ما ساعدش عشان ناخد صور كفاية
ابو ليلة كان نجم المقابلة وحكايته مع السيراتو كانت شيقة برغم انها محزنة !!!

واسلام ... دينامو المقابلة فتح موضوع جميل عن استهلاك البنزين العربيات وأكيد حاينزلها
للأسف اضطريت امشى بدرى لارتباط عائلى ...
المرة الجاية يا جماعة عاوزين مكان وااااااااااااااااسع عشان الصور

اليكم بعض الصور من الكاميرا بتاعتى

أولها ابو ليلة و هو بيحكى حكايته مع السيراتو

وزى مانت شايفين ... الكل منصت باهتمام

[blackknight]

المقابلة بشكل عام كانت مثمرة و ممتعة جدا و اغلب الاعضاء - ان مكانش كلهم- ودوديين جدا و بشكل رائع - خاصة normal , yoko - وحوش السيراتو اللى مقدر انساه علشان ميضربنيش المرة اللى جاية الزواوى باشا رغم انى متضايق جدا علشان مشفتش الزينون اللى وجع دماغنا بيه بتاع اسبوع .

بالنسبة للصور انا ان شاء الله هاحاول ارفعهم باقصى سرعة و عندى صورة اعتقد هتعجب الناس كلها ربنا يسهل .

اللى معجبنيش ان كل واحد مخدش راحته فى الاسئلة و الاستفسارات علشان قلة الوقت .

و اكتر حاجة استفدت منها اتى عرفت ان موضوع استهلاك البنزين العالى مش عندى لوحدى بس و كمان ان موضوع تأخير التسارع حاجة معتادة فى العربيات الاوتوماتيك .

و بالنسبة للناس االى مجاتش فاتهم كتير انهم متعرفوش على الشباب اللذيذ اللى كانوا معانا.

محدثكم مهندس: اسلام صفاء ( مصوراتى المقابلة )

[bolok]

انت لابس ايه يا نورمال .. عايز اشوفك

[NoRmAl]

انت لابس ايه يا نورمال .. عايز اشوفك

متشوفش وحش
أنا الى حالق على 1 دا :)

[blackknight]

صورة لأغلب السيارات التى تواجدت فى المقابلة قبل دخول الرحاب

شباب نايل موتورز بعد التجمع فى ال food court -Rehab city

[bolok]

متشوفش وحش
أنا الى حالق على 1 دا :)

ليه يا نورمال على واحد .. انت هندسة ولا شرطة :))
بس حقيقي كلكو منورين

[Khaled_Nowaihy]

و ده فيديو سريع أول ما وصلنا فى البارك

[youtube]http://www.youtube.com/watch?v=TbsFT0gVKDI[/youtube]

[NoRmAl]

ليه يا نورمال على واحد .. انت هندسة ولا شرطة :))
بس حقيقي كلكو منورين

ربنا يخليك يا باشا
الحر بقى بعيد عنك :)
بس أيه الراس دى متستقلش بيها دى تعديك من أى لجنه مستريح

[bolok]

ربنا يخليك يا باشا
الحر بقى بعيد عنك :)
بس أيه الراس دى متستقلش بيها دى تعديك من أى لجنه مستريح

لا يا باشا .. استقل بيها ازاي .. دي كفاية انها راسك .. تبقى سونا اجدع راس
بعدين على واحد بأيدك احسن من زيرو غصب عنك .... زي حلاتي :))))

[zahaan]

كلمتين يعبرو عن اللى جوايا


1-اتشرف انى معاكم هنا وواحد منكم و بحمد ربنا اكتر على السيراتو علشان هى اللى عرفتنى بيكم


2-زى فى فيلم الطريق الى ايلات (ياريتنى كنت معاكم)


بس للاسف مش ينفع انا بعيد اوى دول 200 كم غير التوهان اللى حتوهه انا استاذ توهان فى القاهره