تقرير عن مقابلة كيا 7/2010 ( اوعى تغمض عينك )

[Karimkaram]

بجد كان يوم ممتع جدا وأنا اتبسط في وكمان محستش قوي بـعدم النظام هي الناس كانت متعاونة جدا و كمان محستش خالص إني بين ناس غريبة الناس كلها كاني اعرفها من زمان عايزين نكرار الموضوع ده تاني وادعولي المرة الجاية أكون اشتريت سيراتو وآجي بيها.

[M7amD_7amDy]

كان نفسي تبقى موجود يا محمد حمدي انت وأحمد سامي ومحمد الجيزي

تسلملى ياعموره وكفاية بس إنك فاكرنى :)

وإن شاء الله تتعوض المرة الجاية بإذن الله

واللى محضرش هو اللى خسر كتير بس بنقوله متخفش هيكون فى مقابلات تانى كتير وفعلا تم تحديد ميعاد مبداى يوم 6/8 بأذن الله .

فعلا يا أبو ليلى أنا عارف إنى خسرت يوم زى ده بس تتعوض ان شاء الله

المهم المقابلة شكلها جااااااامد جداااااااااااا وحاسس إنى فاتنى كتيييير

وبجد شكلكوا جااامد أوى ومن الصور كلكم بلا استثناء ناس محترمة جدااا جدااا

وكان نفسى أكون معاكم بجد وأتعرف عليكم أكتر وأكتر

تتعوض ان شاء الله ومستنى بقيت الصور :)

[Amr A.salam]

كان نفسى اشارك معاكم المقابلة اللى فاتت , وقدمت اعتذارى لابوليلى

انا اتعرفت على ابو ليلى , وهو من الناس المحترمة جداااااا واللى تدخل القلب على طول , شوفته مرة واتعاملت معاه , وحسيت انه اخويا , وانى اعرفه من زمان , وان شاء الله التقى بيه قريب تانى باذن الله

وتحياتى كمان لاحمد باشا سعد اللى كان منورنا ى مقابلة نيسان , بصراحة احمد جدع جدا وخدوم ومن الشخصيات المحترمة

وتحياتى لاعمرو سلام , اللى تعب معايا ,وقت لما كنت باخد رايه وقت لما كنت بدور على عربية ,واستفدت منه كتير وهى من الشخصيات المتعاونة جدا والطيبة جدااااا ,
وعايزين ياعمور نتقابل قريب فى الهرم , ده مع بعض كلنا فى مكان واحد , ويبقا معانا كل اهل الهرم , بس بعد لما المصايف تهدى شوية عشان نضمن ان الكل يكون موجود وقتها

وتحياتى لاحمد باشا سامى اللى جمعنى معاه قبل كدا تلفونات كتير بردوا عشان استشارته فى حاجات للعربيات , وهو طبعا مش محتاج الى تعريف عن شخصيته , انسان عسل بجد , واخلاق اخلاق اخلاق ومش بيتاخر عن خدمة حد

وتحياتى الى اسرة كيا واعضاء كيا كلهم , كلكم باين عليكم فى الصور ناس زى العسل محترمين , ومتكاتفين مع بعض ,
ودايما فى ترابط مع بعض,ومتجمعين فى الخير

تقبلوا تحياتى
اخوكم احمد مصطفى

والله يا احمد باشا انت راجل محترم ومن الناس اللي انا مبسوط من المنتدى انه عرفني على ناس زيك

وبعدين انت صحيح جبت تيدا مش سيراتو في الاخر بس الموضوع مش بالعربية ....الناس الحلوة اللي زيك ما بتتعوضش

ويشرفني فعلاً اننا نتقابل يا احمد باشا في اي وقت

[ابو ليلى]

اعزرونا يا جماعه لقله الصور المفروض اسلام اللى كان بيصور ومعرفش ليه منزلش الصور لحد دلوقتى

[Hosam_Optrawy]

بجد كانت مقابله حلوه جدا

انا اول مره احضر مقابله وان شاء الله مش أخر مره

انا بالنسبه لى المقابله كانت منظمه , انتوا كنتوا عايزين تنظموا ايه اكتر من كدا :)

كفايه نتفق على الميعاد والمكان ونتقابل , من وجهة نظرى مش مطلوب اكتر من كدا

بجد اتعرفت على ناس محترمه وزى العسل

وفى ناس انا شخصيا حسيت انى اعرفهم من قبل كدا وتحس انهم قريبين منك

زى طبعا صديقى العزيز نورمال اول واحد شوفته وسلمت عليه اول ماوصلت

وعمرو عبد السلام

الزواوى الطيب الهادئ ( باتكلم بجد مش باهزر الزواوى هادى جدا )

يوكو ومغامراته :)

ياسر

أبو ليلى طبعا مفيش كلام أوصفه بيه بجد قمة الاحترام وخفة الدم والروح , كفايه انه أهلاوى :)

اسلام اللى ظبطنا فى الصور غير اسئلته ومناقشاته

ماكس اللى عرفنا كتير على السيفيا , واستاذ خالد اللى برضه كلمنا عن الكارينز

مش عايز انسى حد بس بجد اتشرفت بمعرفتكم جميعا وربنا يديم المحبه والمعروف

وطبعا فى اعضاء كنت اتمنى حضورها زى محمد حمدى ربنا يقومه بالسلامه

عتريس اللى خد الارباح وخلع

غازى المختفى

ومثلث كيا المرعب القديم اوى فى المنتدى , احمد سامى - احمد اسماعيل - نادر نبيل

ان شاء الله الجايات اكتر وتكون احلى من مقابلة امبارح كمان

[M.Akef]

واضح انه كان لقاء جميل جدا و الحقيقه من الصور كنت اتمني اني احضره
بس مفيش اي ريسنج حصلت طول الاعده كدا ولا حاجه يعني سبكوم بقا من التقارير عوزين نشوف اللعب اللعب العملي و نشوف 2 سياراتو طلعو مع بعض و واحده تفرق عاوز اشوف الينا و هي طلعه مع السياراتو كدا يعني

[M7amD_7amDy]

وطبعا فى اعضاء كنت اتمنى حضورها زى محمد حمدى ربنا يقومه بالسلامه

الله يسلمك يا حسام باشا شكرا على السؤال ياكبير

وإن شاء الله تتعوض المقابلة الجاية

أنت والأوبترا منورين فى الصور :))

[magdy1963]

عملوها الوحوش فى الذهاب للرحاب بصراحة انا كان نفسى اكون معاكم بس لما شوفت الصور كأنى معاكم والله بصراحة كلكم منورين الرحاب ربنا يجمعنا بكم فى اقرب وقت

[NoRmAl]

الله يسلمك يا حسام باشا شكرا على السؤال ياكبير

وإن شاء الله تتعوض المقابلة الجاية

أنت والأوبترا منورين فى الصور :))

عامل أيه دلوقتى يا حمدى؟؟
يا رب تكون بخير
إن شاء الله نشزفك فى المقابله الجايه وهى مش بعيده إن شاء الله

[Ahmed.TV]

منورنا يا استاذ احمد فعلا كان نفسى تكون معانا وانت من الناس اللى المفروض نتعلم منها يعنى ايه ازاى تنظم مقابلة وانت قلت فكرة ما بين السطور جميلة جدا ان الناس اللى فى منطقه سكانية واحده يعملو مقابلات ومش شرط ان العربيات هى اللى تجمعنا لان الفكرة دى هى اللى لاازم تكون ان الاشخاص اهم كتير من العربيات .

انا عارف ان عينك كانت على السيراتو وغيرت رايك فى اخر لحظة وجيبت النسيان تيدا وصدقنى احنا اللى خسرنا انك تكون واحد مننا ... بس رجعت فكرت وقلت ازاى ما احنا فعلا مع بعض والدليل الاحترام والحب المتبادل ما بنا .لو الناس تقرا وتشوف ازاى بنكون فى قمة السعادة فى اى مقابلة هيعرفو فعلا ان الخناقات والاستفزازت شى تافه فعلا مقابل انك تتعرف على ناس محترمة

منور قسم كيا والسيراتو بالتحديد وهتلاقى ناس هنا احسن منى بكتير .

ان شاء الله مش حافوت مقابلة ليكم ابدا بعد كدا , لان ليه الشرف اتعرف عليكم عن قرب اكتر , وبصراحة كل ما بتعرف على حد من كيا بكون سعيد جدا
وسبق واتعرفت على غازى - عمرو سلام - وابوليلى- واعرف كمان معاكم حسام الدرى زميلى معايا فى الشغل بس مش بيشارك كتير , واتمنى انى اتعرف على اعضاء واخوة اكتر واكتر

احنا مجموعة كبيرة من المنتدى ساكنين فى الهرم , وفعلا احنا اللى بيجمعنا الاشخاص وحبنا لبعض , مش العربيات , فعاوزين فعلا نرتبها مع بعض ونتقابل

وبالنسبة الى الناس اللى بتدخل وبتتكلم اى كلام على السيراتو , دول ناس مريضة , ومش بيعرفوا يقيموا على اساس صح , والعربية ممتازة بغض النظر عن العفشة الناشفة , وكنت خلاص حجيبها على اخر لحظة بس هى صلاة الاستخارة وتوجيه ربنا سبحانه وتعالى ,يعنى النصيب ,

بس فعلا هى عربية محترمة جدا وربنا يباركلكو فيها ويكيفكو شر الطريق
وانا سعيد بمعرفتى بيك يا ياابو ليلى جدا جدا , من القلب والله ليك معزة خاصة

والله يا احمد باشا انت راجل محترم ومن الناس اللي انا مبسوط من المنتدى انه عرفني على ناس زيك

وبعدين انت صحيح جبت تيدا مش سيراتو في الاخر بس الموضوع مش بالعربية ....الناس الحلوة اللي زيك ما بتتعوضش

ويشرفني فعلاً اننا نتقابل يا احمد باشا في اي وقت

انت حبيبى يا عمور , وانت اللى شخص محترم جدا والقعدة معاك شرف لاى حد , وشرف لاى حد يتعرف عليك فعلا
وباذن الله نتقابل قريب جدااا

[M7amD_7amDy]

عامل أيه دلوقتى يا حمدى؟؟
يا رب تكون بخير
إن شاء الله نشزفك فى المقابله الجايه وهى مش بعيده إن شاء الله

الحمدلله يازعيم نحمد ربنا ماشى الحال

عشت يانورمال ومتشكر على السؤال :)

إن شاء الله نتقابل عن قريب وأشوفك بقه

, دول ناس مريضة ,

[م. حاتم السباعي]

ما شاء الله ولا قوة الا بالله
ايه الحلاوة و الجمال ده يا شباب ويا رجال و يا اعزاء
طبعا كل اللي محضرش المقابلة كان عنده اكيد ميت الف عذر
ولكن بأذن الله ان احيانا الله للميعاد القادم (( مش هيفوتني ابدا ))
اقصد طبعا مش هتفوتنا ابدا بأذن الله تعالي
((وميت ندامة علي اللي حب ولا رحشي الرحاب))
نفسي من العزيز ابوليلي ونورمال وكل اللي حضر المقابلة ومعه الصور نرجو اضافة الاسماء مع الصورة المجمعة بعد استئذان اصحابها طبعا عن طريق برنامج الفوتوشوب مثلا او اي برامج اخري لاني حاسس اننا نعرف بعض واكيد بنتقابل كتير في اماكن مختلفة واليوم كنت في جراند مول المعادي وواحد كان راكب كيداهم كان هيخبطني من الجانب الايمن لانه كان مسرع اوي وبعدين لقيت واحد راكب (بي ام) راكن بعدي اتحمق اوي وعاوز يزعق للشاب بتاع السيراتو وجدتني والله بطريقة لا ارادية اهدي بتاع البي ام واقول له الحمد لله جت سليمة مفيش حاجة لاني خفت ان الشاب بتاع السيراتو يطلع واحد من اصدقائي في النايل موتورز عموما كان شكلكم يفرح اوي ومع انكم مسمعتوش نصيحتي بأن تغطو كيداهم من عيون الحساد بعد التجمع في الرحاب لكن الحمد لله كانت الدنيا ليل وجت سليمة ((لكن المرة الجاية مش هنرفع الغطا ابدا)) ربنا يعزكم جميعا
م.حاتم السباعي

[FIGO_30]

الحمد لله اليوم عدى على خير وكان من اجمد الايام اللى قضيتها فعلا كان يوم جامد جدا
رغم انى مكنتش متفاعل معاكوا اوى عشان معنديش خبرة فى العربيات اوى بس بجد كل الناس اللى كانت معانا لذيذه جدا ومنكرش انى استفدت حاجات كتير اوى منكوا "من مشكله ابو ليله - نقاش استهلاك البنزين اللى اقترحه اسلام"
وان شاء الله نتكلم مع بعض اكتر واى مقابلات جايه انا مع الزواوى اكيد "رغم انى حاسس انى كنت خانقكوا"
وبجد من الشخصيات اللى كانت ودوده و لذيذه جدا
ياسر - نورمال - اسلام - ابو ليله

[NoRmAl]

ما شاء الله ولا قوة الا بالله
ايه الحلاوة و الجمال ده يا شباب ويا رجال و يا اعزاء
طبعا كل اللي محضرش المقابلة كان عنده اكيد ميت الف عذر
ولكن بأذن الله ان احيانا الله للميعاد القادم (( مش هيفوتني ابدا ))
اقصد طبعا مش هتفوتنا ابدا بأذن الله تعالي
((وميت ندامة علي اللي حب ولا رحشي الرحاب))
نفسي من العزيز ابوليلي ونورمال وكل اللي حضر المقابلة ومعه الصور نرجو اضافة الاسماء مع الصورة المجمعة بعد استئذان اصحابها طبعا عن طريق برنامج الفوتوشوب مثلا او اي برامج اخري لاني حاسس اننا نعرف بعض واكيد بنتقابل كتير في اماكن مختلفة واليوم كنت في جراند مول المعادي وواحد كان راكب كيداهم كان هيخبطني من الجانب الايمن لانه كان مسرع اوي وبعدين لقيت واحد راكب (بي ام) راكن بعدي اتحمق اوي وعاوز يزعق للشاب بتاع السيراتو وجدتني والله بطريقة لا ارادية اهدي بتاع البي ام واقول له الحمد لله جت سليمة مفيش حاجة لاني خفت ان الشاب بتاع السيراتو يطلع واحد من اصدقائي في النايل موتورز عموما كان شكلكم يفرح اوي ومع انكم مسمعتوش نصيحتي بأن تغطو كيداهم من عيون الحساد بعد التجمع في الرحاب لكن الحمد لله كانت الدنيا ليل وجت سليمة ((لكن المرة الجاية مش هنرفع الغطا ابدا)) ربنا يعزكم جميعا
م.حاتم السباعي

والله كان نفسنا تيجي بالتريوس يا بشمهندس وتشرفنا
إن شاء الله المرة الجايه لازم تيجى بإذن الله

الحمد لله اليوم عدى على خير وكان من اجمد الايام اللى قضيتها فعلا كان يوم جامد جدا
رغم انى مكنتش متفاعل معاكوا اوى عشان معنديش خبرة فى العربيات اوى بس بجد كل الناس اللى كانت معانا لذيذه جدا ومنكرش انى استفدت حاجات كتير اوى منكوا "من مشكله ابو ليله - نقاش استهلاك البنزين اللى اقترحه اسلام"
وان شاء الله نتكلم مع بعض اكتر واى مقابلات جايه انا مع الزواوى اكيد "رغم انى حاسس انى كنت خانقكوا"
وبجد من الشخصيات اللى كانت ودوده و لذيذه جدا
ياسر - نورمال - اسلام - ابو ليله

خانقنا مين يا فيجو؟؟؟؟؟؟
يا باشا أنت نورتنا وإن شاء الله نشوفك المقابله الجايه بسيراتو بقى :)

[FIGO_30]

خانقنا مين يا فيجو؟؟؟؟؟؟
يا باشا أنت نورتنا وإن شاء الله نشوفك المقابله الجايه بسيراتو بقى :)

ان شاء الله يا نورمال باشا بس السيراتو هتكون على مقابله السنه الجايه كده :))