تقرير عن مقابلة كيا 7/2010 ( اوعى تغمض عينك )

[elsewedy78]

السلام عليكم
بجد يا جماعة النهارده مع انو كان اول مره اشترك بشكل فعلى وانضم لجروب الكيا سيراتو الخاص بنيل موتورز الى بجد مش هلاقى زايو فى اى حته وأعضاء تحس فعلا انك تعرفهم من زمان بجدانا عن نفسى استفدت من المقابلة دى و اليوم كان جامد معادا اول نص ساعه بتاعت جنينه مول اتسلقنا فيها هناك ههههه وبعد ماوصلنا الرحاب والاعضاء بدأو يظهرو واحد و احد والعدد بدأ يكتر وكيداهوم بدأت تملى الرحاب وحاسيت بفرحه الأعضاء
بجد الف شكر لكل من سعى لتنظيم التجمع ولكل من حضر
وأنشاء الله معاكم فى التجمع الجاى اينما كان
و أنشاء الله متوقع فى التجمع الجاى ان العدد هايزيد والتنظيم هايبقى احسن طالما هايبقى خارج القاهره
والى مجاش المره دى انشاء الله يبقى موجود المره الجاية
بس نفسى نبدأ فى التجهيز للمره الجايه دى من دلوقتى المعاد والمكان والى أكيد هايبقى اكبر و أوسع علشان نعرف نصوركيداهوم براحتنا ................

[mastr_n]

يخسارة عملوها الرجالة يارتنى كنت معاهم

واللة بجد الى ماخلانيش أجى انى فى الشغل وبعدين دة انا فى البحر كمان يعنى كدة كدة ماكنتش هاعرف اجى المهم ان من خلال الصور دية حسيت انى كنت معاكوا بالظبط وعارفكوا واحد واحد كمان ومتشكرين لنايل موتورز الف مرة


المرة الى جاية الى ماعرفش يحضر هوة الى هايحدد الميعاد

[ahmedbasto]

اللينيا منورة الصور مفيش حد منور زيها بسم الله ماشاء الله مقابلة جميلة

[Mshawky]

فين بقيت الصور يارجااااااله انا مستينى ههههه

وبشكر كل الناس الجميله اللى كانت معايا فى اليوم ده ومن كتر ماتعلقت بيهم ومبسوط معاهم

اقترحت اننا نثبت يوم خلاص فى كل شهر باذن الله نشوف بعض فيه ويبقا جروب ثابت على طول للمقابلات

وممكن فى رمضان نروح مكان نفطر سوا مع بعض ونتصور وهيبقا يوم جاااااااااامد اوى كمان

[lolly136]

كان يوم جميل وكفاية إني اتشرفت بكم كلكم

[Atrees]

يقول ايه - وديني لو معملتوها تاني لحسيب المنتدي ومش حتشوفو ارباح اصلا



بصوا بقي - عقابي اني مجتش الغيظ اللي انا فيه دلوقتي :( بس والله منفع اخلع من المشوار بتاعي - رغم اني كنت جنب جنينة حوالي الساعة 4 وبقيت نفسي اعدي اسلم حتي بس منفعش

بجد ربنا يسهل ونتقابل تاني - ممكن الجمعة الجاية ونجيب ناس تاني اكتر - لو الناس معندهاش مانع


انا بجد كنت عامل حسابي اجي اقعد معاكم شويه وبعدين اروح الاستوديو - بس ادبستتتتتتتتتتتتتتتتتتتتتتتتتتتتتت



بجد اتشرف بيكم

[Amr A.salam]

كان يوم جامد جداً

شكراً لضيوفنا اللي بجد نورونا (حسام - يوكو)

شكراً لكل اللي حضر..... بجد ناس محترمة وكنت حاسس اننا أصحاب من زمان

كان نفسي تبقى موجود يا محمد حمدي انت وأحمد سامي ومحمد الجيزي

طبعاً ما كانش في ترتيب بس كفاية ان احنا شفنا بعض

[Amr A.salam]

يقول ايه - وديني لو معملتوها تاني لحسيب المنتدي ومش حتشوفو ارباح اصلا



بصوا بقي - عقابي اني مجتش الغيظ اللي انا فيه دلوقتي :( بس والله منفع اخلع من المشوار بتاعي - رغم اني كنت جنب جنينة حوالي الساعة 4 وبقيت نفسي اعدي اسلم حتي بس منفعش

بجد ربنا يسهل ونتقابل تاني - ممكن الجمعة الجاية ونجيب ناس تاني اكتر - لو الناس معندهاش مانع


انا بجد كنت عامل حسابي اجي اقعد معاكم شويه وبعدين اروح الاستوديو - بس ادبستتتتتتتتتتتتتتتتتتتتتتتتتتتتتت



بجد اتشرف بيكم

طيب يا عتريس طمنتنا

احنا كنا فاكرينك تايه ومش عارف تيجي عند جنينة من مكرم عبيد ههههههههههههههه

لا بجد كانت ناقصاك يا معلم

ان شاء الله تتعوض المرة الجاية

[xShadow]

المقابلة كانت رائعة جداً جداً فعلاً.. ونا مبسوط جداً اني اتعرفت على الشخصيات الرائعة والمحترمة إلي شفتها فاليوم دة .. أنا فعلاً مكنتش حاسس اني كنت خارج مع ناس معرفهاش، بالعكس كنت حاسس كأنها خروجة مع أسرة والله

إلي عجبني فاليوم تقريباً كل حاجة .. إلي معجبنيش فاليوم إن الوقت كنت حسو قصير و ملحقناش نتعرف على بعد أكتر

ونا نفسي اليوم دة يتكرر تاني إن شاء الله عشان أشوف الناس الحلوة دي كلها تاني

بس فين بقية الصور يا جماعة ؟ مفيش ولا صورة وخدا الصف كلو بالطول لم كنا بليل ؟ دي تبقى جامدة أوي :)

و مفيش صورة ولا حاجة للناس لما كانو رايحين جايين جمبنا وحنا طالعين بليل ؟ أصلها كانت "كيداهم" أويييييي

[Ahmed.TV]

كان نفسى اشارك معاكم المقابلة اللى فاتت , وقدمت اعتذارى لابوليلى

انا اتعرفت على ابو ليلى , وهو من الناس المحترمة جداااااا واللى تدخل القلب على طول , شوفته مرة واتعاملت معاه , وحسيت انه اخويا , وانى اعرفه من زمان , وان شاء الله التقى بيه قريب تانى باذن الله

وتحياتى كمان لاحمد باشا سعد اللى كان منورنا ى مقابلة نيسان , بصراحة احمد جدع جدا وخدوم ومن الشخصيات المحترمة

وتحياتى لاعمرو سلام , اللى تعب معايا ,وقت لما كنت باخد رايه وقت لما كنت بدور على عربية ,واستفدت منه كتير وهى من الشخصيات المتعاونة جدا والطيبة جدااااا ,
وعايزين ياعمور نتقابل قريب فى الهرم , ده مع بعض كلنا فى مكان واحد , ويبقا معانا كل اهل الهرم , بس بعد لما المصايف تهدى شوية عشان نضمن ان الكل يكون موجود وقتها

وتحياتى لاحمد باشا سامى اللى جمعنى معاه قبل كدا تلفونات كتير بردوا عشان استشارته فى حاجات للعربيات , وهو طبعا مش محتاج الى تعريف عن شخصيته , انسان عسل بجد , واخلاق اخلاق اخلاق ومش بيتاخر عن خدمة حد

وتحياتى الى اسرة كيا واعضاء كيا كلهم , كلكم باين عليكم فى الصور ناس زى العسل محترمين , ومتكاتفين مع بعض ,
ودايما فى ترابط مع بعض,ومتجمعين فى الخير

تقبلوا تحياتى
اخوكم احمد مصطفى

[max_ziro]

مع انى كنت دخيل عليكم بس بقيت واحد منكم

بجد الف شكر على اليوم الجامد دة و مستعد لتكرارة فى اى وقت و ف اى مكان

و كفاية معرفتكم ولله شباب زى العسل و ووووو .......
مش عارف اقول اية انتوا خلصتوا كل الكلام بس من الاخر كان يوم جامد و جميل بكل المقاييس ...

[ابو ليلى]

كان نفسى اشارك معاكم المقابلة اللى فاتت , وقدمت اعتذارى لابوليلى

انا اتعرفت على ابو ليلى , وهو من الناس المحترمة جداااااا واللى تدخل القلب على طول , شوفته مرة واتعاملت معاه , وحسيت انه اخويا , وانى اعرفه من زمان , وان شاء الله التقى بيه قريب تانى باذن الله

وتحياتى كمان لاحمد باشا سعد اللى كان منورنا ى مقابلة نيسان , بصراحة احمد جدع جدا وخدوم ومن الشخصيات المحترمة

وتحياتى لاعمرو سلام , اللى تعب معايا ,وقت لما كنت باخد رايه وقت لما كنت بدور على عربية ,واستفدت منه كتير وهى من الشخصيات المتعاونة جدا والطيبة جدااااا ,
وعايزين ياعمور نتقابل قريب فى الهرم , ده مع بعض كلنا فى مكان واحد , ويبقا معانا كل اهل الهرم , بس بعد لما المصايف تهدى شوية عشان نضمن ان الكل يكون موجود وقتها

وتحياتى لاحمد باشا سامى اللى جمعنى معاه قبل كدا تلفونات كتير بردوا عشان استشارته فى حاجات للعربيات , وهو طبعا مش محتاج الى تعريف عن شخصيته , انسان عسل بجد , واخلاق اخلاق اخلاق ومش بيتاخر عن خدمة حد

وتحياتى الى اسرة كيا واعضاء كيا كلهم , كلكم باين عليكم فى الصور ناس زى العسل محترمين , ومتكاتفين مع بعض ,
ودايما فى ترابط مع بعض,ومتجمعين فى الخير

تقبلوا تحياتى
اخوكم احمد مصطفى

منورنا يا استاذ احمد فعلا كان نفسى تكون معانا وانت من الناس اللى المفروض نتعلم منها يعنى ايه ازاى تنظم مقابلة وانت قلت فكرة ما بين السطور جميلة جدا ان الناس اللى فى منطقه سكانية واحده يعملو مقابلات ومش شرط ان العربيات هى اللى تجمعنا لان الفكرة دى هى اللى لاازم تكون ان الاشخاص اهم كتير من العربيات .

انا عارف ان عينك كانت على السيراتو وغيرت رايك فى اخر لحظة وجيبت النسيان تيدا وصدقنى احنا اللى خسرنا انك تكون واحد مننا ... بس رجعت فكرت وقلت ازاى ما احنا فعلا مع بعض والدليل الاحترام والحب المتبادل ما بنا .لو الناس تقرا وتشوف ازاى بنكون فى قمة السعادة فى اى مقابلة هيعرفو فعلا ان الخناقات والاستفزازت شى تافه فعلا مقابل انك تتعرف على ناس محترمة

منور قسم كيا والسيراتو بالتحديد وهتلاقى ناس هنا احسن منى بكتير .

[star1991]

السلام عليكم بجد انتم خليتوني اندم اشد الندم على عدم الحضور لكن المشوار بعيد عيليا وانا ماعرفش الرحاب فين اصلا هههههه


لكن واضح من الصور ان كل الناس الموجودين من الناس الافاضل المحترمين اللي الواحد يحزن فعلا لعدم التعرف بامثالهم


لكن عندي اقتراح اتمنى ان يلقى صدى عندكم وهو الاتحرموني والعشرات من امثالي الذين لم يوفقوا في الحضور للمقابله لظروف خارجه عن الاراده او طارئه من التعرف على الناس المحترمين دول فاتمنى من احد الاعضاء اللي معاه الصور انه يرفع الصور ويكتب اسم كل عضو على صورته حتى ننول شرف التعرف على حضراتكم.



مره اخرى ابدى كامل الاسف والندم واتحسر على عدم المجيء لانه فعلا فاتني عمري كله.

[timtim77]

انا بحمد ربنا على معرفه الناس الحلوة ديه وبحب اشكر نايل موتورز انه عرفنى بيكم
بصراحه كان يوم جميل قوى .......
مكنتش حاسس انى اول مرة اشوفكم كنت حاسس انى اعرفكم من زمان ومحسيتش انى فى اى واحد مضايق بل العكس كل المجموعه كانت مبسوطه جدا
وكمان كان موجود بينا كل الاعمار و حسيت ان الاصغر فى السن انه اخويا الصغير والاكبر انه اخويا الكبير
ربنا يجمعنا على محبته لان المحبه فى الله هيه الدائمه
مشلى كلام اعبر بيه غير فرحتى بيكم وان شاء الله نتجمه تانى وتالت و كل لما تيجى فرصه

[ابو ليلى]

رغم انى كنت متخوف جدا جدا من المقابلة وكان حماسى للحضور ضعيف بس الصراحه اللى حصل بعد المقابلة غير المفهوم ده تماما بصراحه كنت فرحان وكان فى شعور داخلى اننا متفاهمين تماما وحسيته اكتر واحنا ماشين وره بعض اكتر من 15 عربية سيراتو منورة فلاش الانتظار من غير تنظيم كل واحد شغل الانتظار.....

تحس ان كل واحد بيقول انا انتمى للناس دى وكان فى عربيات سيراتو بتمشى جنبا وشفت عربية سيراتو عملت زينا وشغلت الانتظار وكأن العربيات بتحن لبعض وبتكلم بعض.... سيراتو الوكيل بتكلم الخليجى وبترحب بيه والسعودى بيمسى على الاردنى والعراقى بيرحب بالسورى كانهم يعرفو بعض قبل كده واتجمعو زينا كده.

انا عن نفسى مش محتاج صور لان كل الاحداث والوجوه محفورة فى مخى عمرى ما هنساها واللى محضرش هو اللى خسر كتير بس بنقوله متخفش هيكون فى مقابلات تانى كتير وفعلا تم تحديد ميعاد مبداى يوم 6/8 بأذن الله .

وحشتونى يا ناس