إعـــــــلان

Collapse

.

,
See more
See less

لما قلت اخطر مشكلة فى السيراتو ....كان عندى حق

Collapse
X
Collapse
 
  • Page of 7
  • Filter
  • الوقت
  • Show
Clear All
new posts
السابق 1 2 3 4 5 6 7 template التالي
  • #31
    المشاركة الأصلية كتبت بواسطة john_samy_1 مشاهدة المشاركة
    طب تاني اشهر مركز باسمع عنه هو امير وجوزيف واعتقد حضرتك جربته. لو ماكانش ممكن حضرتك تجربه.
    أنا بس مش عايز ناس تفتيلك كتير في العربية عشان أنا كنت فاكر إني قريت موضوع عن عضو معانا كان عنده مشكلة في فتيس اوتوماتيك في لانسر 1600 وحضرتك طبعا عارف إنه cvt ومفيهوش لعب إن باظ هات واحد كامل جديد. المهم هو سمع إن التكلفة في التوكيل هتكون 26,000 جنيه. طبعا رقم فلكي فجرب مع كذا ميكانيكي و وصل الموضوع إنه جاب 4 فتيس استيراد وطبعا في كل مرة يملاهم 4 لتر زيت الcvt وده اغلي من العادي وصرف فالاخر عليهم حوالي 28,000 جنيه واعتقد العيب لسة ماتصلحش. أنا مش لاقي لينك الموضوع بس أنا بدور عليه. أنا بس خايف كل واحد يفتي شوية وتوصل التكلفة تكلفة تصلحيه في التوكيل وهما في التوكيل يقدروا لو احتارو يرسلوا kia انما المراكز شغالة علي الاجتهاد.
    فيه حاجة تانية ممكن حضرتك تحاول تروح بيها غبور عند توكيل هيونداي وممكن يكون عندهم فكرة عن سبب حاجة زي كده. بس ممكن حضرتك تجرب معاهم بالتليفون الأول.
    حضرتك حاول تعمل كل المحاولات اليائسة من غير ماتدفع مبالغ غير لما تكون متأكد, ممكن حضرتك تشوف ميكانيكي kia في الحرفيين مثلا. بس بلاش من موضوع نجيب يا بيه كنترول استيراد بـ2500 جنيه ونجرب أو وإن شاء المولي الموضوع يتحل. لو قابل حضرتك حاجة زي كده جرب الكنترول الجديد الأول لو اشتغل ادفع تمنه انما متدفعش مبالغ تروح في الارض.
    لو مفيش حاجة جايبة نتيجة ادفع ال4000 جنيه هما مش طايرين يعني حضرتك لما هتدفعهم هيكون من حقك تكمل عادي مع التوكيل وصياناتك تكون في التوكيل. أو أي عيوب تانية لاقدر الله خصوصا إن لو حصل إن العيب ده جاب معاه حاجة تانية بعد الشر حضرتك هتقدر تظبطها في التوكيل.

    أنا أتفق معاك قلباً وقالباً

    بس أعتقد أمير وجوزيف مبيشتغلوش في الكوري... بس في نفس الوقت مقدرش أنفي وأيضاً للشهادة بالرغم من إنه مركز مش كبير من حيث المساحة بس هما ناس محترفين بجد

    وبجد انسى موضوع الكنترول ولو مضطر خلي الي قالك اجيبلك كنترول يجيبوا على مسؤوليته هوه وتجربه في العربية مش أقل من اسبوعين أو3 أسابيع لحد ما تتطمن ان الدنيا لطيفة. وإن كنت متحفظ على موضوع الكنترول وعندي يقين إن الموضوع في منطقة تانية بنسبة 90%
    [CENTER]شايلك في قلبي وفاكرك يا [OVERLINE][COLOR=orange][B]مصر[/B][/COLOR][/OVERLINE]...صوتك بيعصر فقلبي [COLOR=orange][B]عصر[/B][/COLOR]...خدي بأيدي...وامشي معايا...نعدي [B][COLOR=orange]نصر[/COLOR][/B] ندخل في نصر[/CENTER]
    [CENTER]قال الله تعالى: {ما يلفظ من قول إلا لديه رقيب عتيد} صدق الله العظيم[/CENTER]
    [CENTER]قال الإمام علي (كرم الله وجهه): لا غنى كالعقل ولا فقر كالجهل[/CENTER]

    Comment

    • #32
      يااااااااااااااااه يا أبو ليلى
      ربنا يصبرك يا أبو ليلي لأنك طيب جدا وشفت كتير
      بجد أنا حزنت جدا لأنى أفتكرت خلاص انها أتحلت
      مش عارف أقولك أيه والله
      ربنا يعينك فى الايام المفترجه دى ويهون عليك
      [CENTER][FONT=Century Gothic][I]I am my problem[/I][/FONT][/CENTER]
      [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
      [CENTER]Eng. M.Ali[/CENTER]

      Comment

      • #33
        قدر الله وما شاء فعل والله ياأستاذ ابوليلى زعلتنى ياشيخ انا قولت العربية الحمدلله بقت تمام عالعموم مش انت كنت روحت للمهندس احمد فى تكنو ون وقعدت معاك ليلة فى الموضوع دة ممكن ترولة تانى يشوف حل وربنا معاك والمشكلة تتحل ان شاء الله
        [SIZE=5][COLOR=blue](magdy)[/COLOR][/SIZE]

        Comment

        • #34
          لا حول ولا قوة الا بالله

          مش عارف اقول ايه بس

          انا زعلان جداا والله وقلبى وجعنى

          قدر الله وما شاء فعل

          والله الواحد كان مبسوط وفرحان ان عربيتك بقت كويسة سبحان الله

          المهم متزعلش نفسك وتتعب فى نفسيتك الحمدلله على كل شيىء

          ومحدش عارف الخير فين ولازم نفكر سوا على حل جذرى للموضوع ده
          [CENTER][sor2]http://www10.0zz0.com/2011/02/23/13/799582098.gif[/sor2][/CENTER]
          [CENTER][SIZE=3][B]ورايــــــا[/B][/SIZE][/CENTER]

          Comment

          • #35
            اللهم فرج كربك وكرب المسلمين - ان شاء الله الموضوع يخلص علي خير - انا مش مصدق بس ازاي العطل بيختفي بالاسابيع ويرجع تاني

            اكيد في حاجة معينة ممكن تكون هبلة جدا بس بترجع العيب للظهور - يا ريت تلاحظ العيب بيظهر بعد اية عشان حتي كيا كوريا حتسالك السؤال دة

            ولو احتجت حاجة يا ابو ليلي ومش عزومة مراكبية بجد انا تحت امرك وعربيتي كمان تحت امرك في اي وقت - عييد بالاولاد وروق كدة دي ايام مفترجة وربنا حيكرم صدقني -



            قلبي معاك
            [CENTER][SIGPIC][/SIGPIC][/CENTER]

            Comment

            • #36
              الحمد لله و ربنا ييسرهالك و تخلص على خيير
              [B]اللهم إنى لا أسألك رد القضاء و لكن أسألك اللطف فيه[/B]

              Comment

              • #37
                فكرتني بايام صعبه والله ربنا يعينك.....

                انا مش عارف اقولك ايه بس و الله انى بجد اتصدمت و حزنت لما رجعلك الموضوع تاني .....

                متزعلش هحكيلك مغامرتي بنفس مشكلتك بس مع الشيروكي علشان تعرف انك مش لوحدك

                انا كان عندي في الشيروكي نفس المشكله واكتر منك - انا كانت العربيه مبتطلعش اولاني - عارف يعني ايه تبقى واقف في اشاره والعربيه تطلع على سرعة 20 كم مهما ادوس بنزين مفيش اكتر من 20 وبعد شويه الاقيها فتحت وجريت .... بس اول ما اقف في اشاره ابتدي استعد لشتيمت الناس اللي ورايا

                عايز اقولك رحت للتوكيل قالي كنترول يونت مش هاقولك الرقم علشان انا رجعت من الخضه و البنطلون اتبل وحجات من ده كتير .

                انا لفيت على كل من له علاقه بالشيروكي ( الهيئة العربيه - ابو غالي - عز العرب - اولاد سند - محمد عبد الوهاب - ابو سيفين - مكرم - الخ الخ الخ ) وكله يقولي انه الكنترول يونت بايظ لازم يتغير وجربت كنترول ومنفعش - غيرولي حجات كتير و برده مفيش فايده

                مخلتش و الله يا ابو ليلى لغايه مكنت ابص للعربيه ولاقي دمعتي على خدي - انا من النوع اللي بيرتبط بالعربيه لدره اني بعامله معاملة ابني .

                وكل ما اروح لحد ويبتدي يفك فيها ويفك الفتيس ويفتح بطن العربيه و الله كنت بحس انهم بيعملوا عمليه لابني و كنت بتقطع من جوايه.

                وسمعت اراء ناس كتير ( يا عم بيعها دي عربيه نحس وانته خت خيرها ارميها او لبسها لحد - وشويه الاقي تجار مستعمل يتصلوا بيه ويقولولي هناخذ العربيه منك ونقطعها ونبيعها حتت انا كنت بشتمهم كانهم عايزين يمصمصوا عربيتي وانا عايش ) برده كانت حاجه جوايه بتقولي اصبر لعل الله يجعل لكل مخرجا ... و الحمد لله على كل حال .

                وفي يوم واحد صاحبي شغال في توكيل جاجور قلي ان في مهندس معاهم فاتح ورشه في حدائق القبه وانه ممتاز - قلت هو جت على ده رحت ولاقتها ورشه عاديه جدا وهو شاب عادي محستش اي نوع من انواع العبقريه بس كنت مسلمها لله وزي ما قلتلك مجتش عليه - قالي سبهالي وعدي عليه كمان 4 ايام وحصل .

                انا حاولت اشغل نفسي بالشغل و بعد معدت الاربع ايام قولت يا يتصل و يقول عربيتك ملهاش حل او ميتصلش علشان هو مش لاقي حل وعدى يومين كمان بقو 6 وبرده متصلش قولت اتصل انا بيه واروح اخد عربيتي كفايه عليه 6 ايام بيدور على حل - كان يقولي انه مش لاقي بدل مسيبني 6 ايام - وفعلن اتصلت -ايه يا هندسه كل ده بتدور على حل - لقيته بيرد في هدوء قاتل - العربيه خلصت - قولتله خلصت ازاي - قالي اتصلحت - قولتله ايه مسمعتكش - قالي خلصت من اربع ايام زي ماقلتلك - قلتله والله العظيم احلف - قالي وهو بيضحك و الله اتصلحت العيب كان في السينسيرز بتاعت الفتيس هما 3 لقيت 2 بيزين تعاله علشان تاخد عربيتك - قلتله حمامه

                و الله وانا رايحله حاسس اني رايح اشوف ابني بعد ما عمل عمله وطلع منها وخف و ربنا شفاه .

                مش هتصدق اول مرحت اركب العربيه كانت ايدي بتترعش وانا بدور العربيه واول ما دوست البنزين والعربيه طلعت حسيت ان 4100 سي سي اتنفضوا و ال6 سلندر زأرو زي اسد حر كان محبوس في قفص بقاله سنسن العربيه جريت وانا جريت معاها -اقولها اديني اكتر وريني عايز اسمع موسيقة ال 6 سلندر وهي تقولي انا تحت امرك اديني الاذن وريح رجلك على البنزين شويه وانا هعملك كل ما يخطرلك على بالك وفعلا كلامها صادق لفيت بيها يومها مصر كلها من مصر الجديده ل 6 اكتوبر ومن شبرا لحلوان ونا ماشي بقول الحمد لله الحمد لله من فرحتي بجد انا بكيت وسجدت شكر لله و حسيت ان ربنا شفالي ابني والحمد لله....... الحمد لله

                متزعلش يا ابو ليلى كله بيهون ومتقطعش دعاك لله و املك في الله و خد بالاسباب ودور على الحل .......

                فكرتني بايام صعبه والله ربنا يعينك.....

                Comment

                • #38
                  شكرا لكل الناس اللى بتدعيلى وده مش غريب علينا هنا فى بيتنا .

                  فى احد الاعضاء كان بيتكلم على مركز امير وجوزيف وفعلا انا رحت هناك وكانت النتيجة وبدون دخول فى تفاصيل انى احاول ادخلها التوكيل .

                  قدر الله وماشاء فعل .
                  [SIGPIC][/SIGPIC]

                  Comment

                  • #39
                    ربنا معاك ويعينك يا ابو ليلى
                    [CENTER][SIGPIC][/SIGPIC][/CENTER]


                    [CENTER][B]بردو لو عملو ايه هيا كيداهوم الى تملى عينى[/B][/CENTER]
                    [CENTER][URL]http://www.slide.com/r/4vTOfY4J5T_Z7pArCaeToAqrtnbtmEc3?previous_view=lt_embedded_url[/URL][/CENTER]

                    Comment

                    • #40
                      دلوقتى فى بعض الناس قالت اقتراح انى ابعت شكوى للشركة الام واشرح فيها المشكلة بالتفصيل وهما ممكن يكون عندهم حل .

                      بس المشكلة ان اللغة عندى ضعيفه شويه ومش هعرف اوصف المشكلة بالظبط لو فى حد ممكن اكتبله المشكلة بالعربى ويترجمها ترجمه محترفه بالمصطلحات الهندسية اكون متشكر جدا .
                      وانا هبعتها على ايميل الشركة فى كوريا .
                      [SIGPIC][/SIGPIC]

                      Comment

                      • #41
                        المشاركة الأصلية كتبت بواسطة abouleila مشاهدة المشاركة
                        دلوقتى فى بعض الناس قالت اقتراح انى ابعت شكوى للشركة الام واشرح فيها المشكلة بالتفصيل وهما ممكن يكون عندهم حل .

                        بس المشكلة ان اللغة عندى ضعيفه شويه ومش هعرف اوصف المشكلة بالظبط لو فى حد ممكن اكتبله المشكلة بالعربى ويترجمها ترجمه محترفه بالمصطلحات الهندسية اكون متشكر جدا .
                        وانا هبعتها على ايميل الشركة فى كوريا .
                        الحل ده كويس قوي وربنا يصبرك ولو غحتجت أي حاجة أنا تحت أمرك ولو الدنيا قفلت جيب فتيس إستيراد وريح دماغك (حل صعب لكن الوحيد الي مضمون)
                        [img3]http://img21.imageshack.us/img21/3957/28138510150332809507433.jpg[/img3]

                        Comment

                        • #42
                          المشاركة الأصلية كتبت بواسطة abouleila مشاهدة المشاركة
                          دلوقتى فى بعض الناس قالت اقتراح انى ابعت شكوى للشركة الام واشرح فيها المشكلة بالتفصيل وهما ممكن يكون عندهم حل .

                          بس المشكلة ان اللغة عندى ضعيفه شويه ومش هعرف اوصف المشكلة بالظبط لو فى حد ممكن اكتبله المشكلة بالعربى ويترجمها ترجمه محترفه بالمصطلحات الهندسية اكون متشكر جدا .
                          وانا هبعتها على ايميل الشركة فى كوريا .
                          تأمرني يا بيه... انا بس عندي مشكلة صغيرة كده في التركيز ف انت بس اكتبلي انت عايز ايه وانا اديك الترجمة ان شاء الله
                          [CENTER][sigpic][/sigpic]
                          [SIZE="3"][FONT="Book Antiqua"]Proud Chevrolet Club Member Number 113[/FONT][/SIZE][/CENTER]

                          Comment

                          • #43
                            المشاركة الأصلية كتبت بواسطة yoko مشاهدة المشاركة
                            الحل ده كويس قوي وربنا يصبرك ولو غحتجت أي حاجة أنا تحت أمرك ولو الدنيا قفلت جيب فتيس إستيراد وريح دماغك (حل صعب لكن الوحيد الي مضمون)
                            اشكرك يا احمد باشا وحمدلله على سلامتك

                            جميع المراكز اللى رحتها اجمعت ان الفتيس سليم والعيب مش منه انت عارف لو قالو كده من البداية كنت اشتريته وخلصت نفسى .
                            [SIGPIC][/SIGPIC]

                            Comment

                            • #44
                              المشاركة الأصلية كتبت بواسطة kamalsalem مشاهدة المشاركة
                              تأمرني يا بيه... انا بس عندي مشكلة صغيرة كده في التركيز ف انت بس اكتبلي انت عايز ايه وانا اديك الترجمة ان شاء الله
                              استاذ / كمال اشكرك جدا لتعبك معايا وجازك الله كل خير

                              انا بعت صيغه الشكوى على الخاص .
                              [SIGPIC][/SIGPIC]

                              Comment

                              • #45
                                المشاركة الأصلية كتبت بواسطة abouleila مشاهدة المشاركة
                                استاذ / كمال اشكرك جدا لتعبك معايا وجازك الله كل خير

                                انا بعت صيغه الشكوى على الخاص .
                                أبعتلى أنا كمان واحده يا أبو ليلى
                                [CENTER][FONT=Century Gothic][I]I am my problem[/I][/FONT][/CENTER]
                                [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
                                [CENTER]Eng. M.Ali[/CENTER]

                                Comment

                                السابق 1 2 3 4 5 6 7 template التالي
                                Working...
                                X