تجربة الشد مع الجيتا

[tutankhamoun]

. وللمعلومه الجيتا موتور vetic يعني
هو قوة الأحصنه 102 وبعد 100 بيفتح حوالي 147 حصان تقريبا والمكنه اللي علي الجيتا هي اللي علي الجولف
5 ,

يعني حضرتك تقصد أن فولكس فاجن بتعلن عن رقم متواضع لموتور و الموتور فيه تقريبا كمان 50 % من القوة المعلنة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مفيش حاجة أسمها الموتور 102 حصان .......... و لما يوصل لسرعة معينة الأحصنة تعلى

102 حصان القوة المعلنة و أقصى قوة ممكن يوصلها المحرك بمعداته اللي خرجت من المصنع بدون تعديلات عليه .

فيه بقى عوامل تانية ممكن تأثر على قوة العربية

الوزن .......... فيه موتور 102 حصان يركب على عربية 1000 كجم ......... و يركب على عربية تانية 1200 كجم
العربية أم 1000 كجم هاتقطع التانية أم 1200 كجم
ثبتنا قوة المحرك و قللنا عامل أخر من عوامل المعادلة
لأن مش كل حاجة قوة المحرك

و لو حضرتك عندك رابط من شركة فولكس فاجن أو أي رابط لموقع موثوق فيه بالنسبة لمعلومة 142 حصان ياريت يا فندم ترفقه

[zegna]

يا جدعان كل العربيات بتجري بس تفرق بقي اما تجري بمرسيدس s عن ماتجري ب 127

[ahmedfd]

يعني حضرتك تقصد أن فولكس فاجن بتعلن عن رقم متواضع لموتور و الموتور فيه تقريبا كمان 50 % من القوة المعلنة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مفيش حاجة أسمها الموتور 102 حصان .......... و لما يوصل لسرعة معينة الأحصنة تعلى

102 حصان القوة المعلنة و أقصى قوة ممكن يوصلها المحرك بمعداته اللي خرجت من المصنع بدون تعديلات عليه .

فيه بقى عوامل تانية ممكن تأثر على قوة العربية

الوزن .......... فيه موتور 102 حصان يركب على عربية 1000 كجم ......... و يركب على عربية تانية 1200 كجم
العربية أم 1000 كجم هاتقطع التانية أم 1200 كجم
ثبتنا قوة المحرك و قللنا عامل أخر من عوامل المعادلة
لأن مش كل حاجة قوة المحرك

و لو حضرتك عندك رابط من شركة فولكس فاجن أو أي رابط لموقع موثوق فيه بالنسبة لمعلومة 142 حصان ياريت يا فندم ترفقه

الله يفتح عليك يا توت باشا.
يا جماعة القدرة الحصانية بتكون للمحرك مش العربية .. يعنى موتور قدرته 120 حصان هما هيفضلوا 120 حصان سواء الموتور راكب في عربية سيات أو في بي إم أو في تريلا حتى.
يعني بكل بساطة لو جبنا 120 حصان فعلاً و خليناهم يجروا عربية سيات و جمبهم 120 حصان بيجروا تريلا محملة ... هما الـ 120 حصان دول زي دول بس اللي جارر السيات أكيد هيجروا أسهل و بالتالي هيتحركوا أسرع.
و مفيش طريقة ألماني و طريقة كوري و طريقة صيني للحساب ..... الهندسة و العلم مفيهاش الكلام ده ... كله زي بعضه .. مش إختراع.
الموضوع في النهاية يخضع لموديل و تكنولوجية الموتور و إستراتيجية الشركة..
يعني بكل تأكيد بي إم في ألمانيا تعرف قوي تعمل موتور يطلع هورس باور عالي من محرك 1600 زي ما كوريا و اليابان يعرفوا قوي قوي يعملوا عربية فخمة جداً و ثابتة جداً زي الألماني بالظبط .. الموضوع مش محتاج خبير صواريخ روسي يعني ...
الموضوع كله مرتبط بسياسة و رؤية شركات بتخاطب أسواق و شرائح معينة و الدليل إن تويوتا إرتبط إسمها بسيارات تحقق عملية و إعتمادية عالية (أعلى من الألماني) و قيمة جيدة مقابل النقود.. لما حبت تخش شريحة تانية عملت ماركة جديدة و هي ليكزس و زيها إنفينيتي من نيسان و أكورا من هوندا و إيكوس من هيونداي و غيرهم يعني الشركات دي مش ناقصين إيد ولا رجل.

[bob12345]

انا معايا جيتا و النترا
الجيتا فعلا مش بتاعت جري جامد بس ميتة خالص زي الباسات ال 1600 fsi
الجيتا بالفتيس ال dsg احسن بس مش الفرق الكبير اوي
ثبات الجيتا محدش يشكك فيه لانه ثبات ممتاز بالنسبة للفئة بتعاتها مالناش دعوة بالسي و الفئة 3
الجيتا الخليجي فيها 10 ايرباج الي هما 2 في القوايم بتوع الزجاج الامامي
2 في القوايم الي في نص
2 في القوايم الخلفية
2 في الكراسي
2 امامي
عشان كده بيقولو 10 ايرباج
الباسات لو 11 هيبقي في للركبة
انا مبشدش بالجيتا خالص
لكن ليا تجربة بالانترا مع جيتا علي دائري انا كنت واثق انو مش هيشوفني بس ادت حلو
الراجل كان ليسا جيبها و سخن معايا ازاي التنرا تطلع منو و قفت و اتكلمت معاه و قلت ليه لنل معايا جيتا
بردو بس ماشاء الله عربيتك بتجري حلو بس بتعتو dsg مش الفيتس ال 6 العادي

[bob12345]

و علي فكرة البنزين بيفرق في الجيتا فرق مش كبير بس ملحوظ

[amado318]

العربيات الكورى لو حطيت فيها ميه بتمشى جاز بتمشى او كحول هتمشى الباسات لو حطيت فيها بنزين 90 عاوز حد يجرها ولو بنزين92 يدوبك تتحرك لازم على الاقل 95 علشان تبداء تبقه عربيه

[bob12345]

العربيات الكورى لو حطيت فيها ميه بتمشى جاز بتمشى او كحول هتمشى الباسات لو حطيت فيها بنزين 90 عاوز حد يجرها ولو بنزين92 يدوبك تتحرك لازم على الاقل 95 علشان تبداء تبقه عربيه

انا سافرت شرم و انا رايح كنت حاطت 95 و العرية كانت رايقة اوي و ناعمة و استهلاك البنزين حلو جدا
و كنت مثبت السرعة علي ساعت 140 و ساعت 160 و كنت لما اهدي و اشغل المثبت تاني كانت بتجيب السرعة تاني بطريقةو بسحبة احسن من دوستي انا عشان اوصل للسرعة دي
و انا راجع مفيش 95 و انا استغربت ازاي شرم الشيخ مفهاش 95 حسيت اني في كفر الشيخ مش شرم
حطيت 92 و انا شاكك انو 92 اصلا
السحب زفت و استهلاك البنزين اكتر و حاسس العربية مش ناعمة
بس انا في المشي العادي بحط 92 من بنزية نضيفة الاداء معقول بس في السفر 95 عشان نعرف نج ا نمشي برحتنا

[A_AMR_86]

يا جماعة مع احترامى لكل مالكى السيراتو
سيراتو ايه اللى تتقارن بالجيتا ....! دا جنان دة ولا ايه
دة سعر الجيتا يجييب عربيتين سيراتو
وبعدين عاوز اقول ان فعلا الجيتا تقيله وثابتة جدا ودا اكيد كل الناس عارفاه وكمان ماتورها عليه سيفتى يعنى فى عربيات جيتا مش بتعدى ال200 وكمان موضوع ال 102 حصان دة النت
- السيراتو عربية محترمة بس متتقارنش بالجيتا خالص علشان منظلمهاش
وعاوز اقول حاجة تانى ان اى عربيه جديدة حتى ولو صينى او اى صناعة وجريت بيها هتلاقيها ثابته وملفاتها حلوة بس تعالى كمان سنه او سنتين وجربها كدة وتعالى كمان 10 سنين وجرب الجيتا
انا مش ضد السيراتو لاء بجد هى عربية محترمه وتفوقت على الالنترا وكذا عربيه تانى

[M.Osman]

ماهو حتى على سرعة 60 فيه عربيات بتاخد 5 نجوم وعربيات بتروح آسيا (وتتيجى تختبر تانى بعد 3شهور... زى الرخصة كده.. هههههههه:pointiy2[2]:هههههههه)
فحضرتك عايز تقول ان أداء الأثنين على 180 هيبقى واحد...!!!؟؟؟؟ تيجى ازاى؟!

انهم يحاولوا يخلوها ماتحصلش دى حاجة... ولما تحصل العربية هتعمل ايه.. دى حاجة تانية ... بالأوروبى: Active safety + passive safety

للأسف الشركات الصغيرة والمتواضعة تكنولوجيا... مبتعرفش تفرق بينهم بردو :o_stupid[1]:

يا ريت تفهم كلامي كويس قبل ما ترد و تتريق عليه

و مفيش طريقة ألماني و طريقة كوري و طريقة صيني للحساب ..... الهندسة و العلم مفيهاش الكلام ده ... كله زي بعضه .. مش إختراع.
الموضوع في النهاية يخضع لموديل و تكنولوجية الموتور و إستراتيجية الشركة..

تخيل ان بعض التوكيلات الأوروبية اللامحترمة بتستغل جهل الناس بالنقطة دي و يقولوا الحصان الأوروبي غير الصيني ؟؟

ده حتى الخيول العربية الأصيلة احسن من الأوربي يعني !!

فعلاً العلم نور

[Formulator]

يا ريت تفهم كلامي كويس قبل ما ترد و تتريق عليه

يا أ.محمد انا مش بتريق على حضرتك... مفيش حد أحسن من حد..!
ولو انت فهمتها كده... انا آسف جدا .. ومش هعلق على أى مشاركة ليك تانى فى الموضوع ده علشان متزعلش...!!!
واثباتا انى فهمت كومنتك على موضوع الأمان:

فحضرتك عايز تقول ان أداء الأثنين على 180 هيبقى واحد...!!!؟؟؟؟ تيجى ازاى؟!

انا قصدى ان سلوك العربيتين عند التصادم على سرعة 180... مش الثبات عند السرعة دى...!!! لأن حضرتك قولت مش هتفرق (سردين) وانا قولت لأ تفرق طبعا..

تخيل ان بعض التوكيلات الأوروبية اللامحترمة بتستغل جهل الناس بالنقطة دي و يقولوا الحصان الأوروبي غير الصيني ؟؟

وليه ماتقولش التوكيل والعربية .. وش .. محدش هيزعل.. بالعكس هنعرف ونستفيد..!
انا عن نفسى لما اشتريت من اوماترا قالولى موتورها 120 حصان ولقيته 135..!!
ومن يوميها وانا بحاول أخلص من الأحصنة الزيادة... علشان يرجع 120 حصان تانى... هههههههههههههههههههههههه

[yasserelsayad]

السلام عليكم ورحمة الله وبركاته

مع احترامي لتجربة حضرتك وكل اللي راكبين سيراتو , ممكن يكون صاحب العربيه نفسه مالوش في الشد
اوي , انا مره شديت مع بي ام 318 وكلته مليون مره علي الطريق مصر السويس هل ده معناه ان الجين2
اقوي من 318 لأ طبعا , وهقول لحضرتك سبب يأكد كلامي انا كنت ساعات بشد مع جين2 نفس عربيتي
وكنت ساعات مابعرفش اجيبه هل وانا عربيتي جين2 2009 مانيوال الفكره كلها اني مانش ليا في الشد
خالص وبعدين اتعلمت ازاي اشد مع بالعربيه وبقيت فعلا اجنن ناس كتير . وللمعلومه الجيتا موتور vetic يعني
هو قوة الأحصنه 102 وبعد 100 بيفتح حوالي 147 حصان تقريبا والمكنه اللي علي الجيتا هي اللي علي الجولف
5 , و ارجو ان حضرتك ماتزعلش من كلامي انا بحكي عن تجربه ان المسحب والجري مش علي العربيه فقط
عربيه وسواق ....

:e_braces[1]:

بس مشوفتش انا 147 حصان دول بعد الـ 100
على فكرة هو دا اللى مخلينى اعمل الموضوع عشان اللى فاكر ان هى بعد الـ 100 بتبقى 330

[yasserelsayad]

يا جماعة بلاش المواضيع اللي بتسخن الشباب الصغير على الجري
الحتة اللي حضرتك شديت فيها يا أٍستاذ ياسر ما ينفعش يتشد فيها
و خطر جدا

بس ايه اللي الأستفادة اللي حضرتك أستفدتها ؟؟؟؟؟؟؟؟
أو أيه الخسار اللي خسرها صاحب الجيتا ؟؟؟؟؟؟؟؟؟؟؟

أو كنت هاتخسر أيه لو هو اللي كان سبقك ؟؟؟

و الله يا جماعة الموضوع ما هو مستاهل

و لكنا راكبين عربيات 1600 و الفروق كلها ضعيفة يعني مش حاجة كبيرة .

و النقطة الأهم

حياتنا و حياة غيرنا على الطريق أهم بكتير أننا نثبت أن عربياتنا اللي صنعها غيرنا كويسة أو وحشة .

ازيك يا باشا ؟؟؟ والله نورت الموضوع

انا مستفدتش حاجة ولا بتاع حتى بتاع الجيتا لكن احنا كنا بنلعب بس مع بعض
بس على فكرة الطريق كان فاضى تماما فى الحتيتين اللى انا جبت فيهم سرعات عالية كدا عشان الاشارة كانت مقفولة فى المارتين عشان كدا الشارع بعديها كان فاضى يعنى فيه كله 3 عربيات مثلا

[yasserelsayad]

يا جماعة مع احترامى لكل مالكى السيراتو
سيراتو ايه اللى تتقارن بالجيتا ....! دا جنان دة ولا ايه
دة سعر الجيتا يجييب عربيتين سيراتو
وبعدين عاوز اقول ان فعلا الجيتا تقيله وثابتة جدا ودا اكيد كل الناس عارفاه وكمان ماتورها عليه سيفتى يعنى فى عربيات جيتا مش بتعدى ال200 وكمان موضوع ال 102 حصان دة النت
- السيراتو عربية محترمة بس متتقارنش بالجيتا خالص علشان منظلمهاش
وعاوز اقول حاجة تانى ان اى عربيه جديدة حتى ولو صينى او اى صناعة وجريت بيها هتلاقيها ثابته وملفاتها حلوة بس تعالى كمان سنه او سنتين وجربها كدة وتعالى كمان 10 سنين وجرب الجيتا
انا مش ضد السيراتو لاء بجد هى عربية محترمه وتفوقت على الالنترا وكذا عربيه تانى

انت جبت تتقارن دى منين ؟؟ لو قصدك فى الجرى فا السيراتو تتقارن وتكسب
الجيتا مش اتقل من السيراتو .. موضوع ثابتة دا حاجة تانية
والموتور مش عليه سيفتى ولا حاجة ولو ال102 حصان بتوعها نت وما السيراتو 124 دول نت باردوا
كل الشركات بتقيس الهورس باور بنفس الطريقة
وانا عربيتى مش زيرو يعنى بقالها سنة ونص

[egypt0777]

بعد لما عديت الـ 190 المسافة زادت تانى لحد لما انا وصلت لـ 205 تقريبا وهديت تانى عشان المطب اللى قبل المحور .. وهو طلع المحور وانا لفيت من تحت وروحت.

الحمد لله انك مكملتش معاه شد كان زمان العداد بتاعك وصل لل 220 و لف معاك كمان لفة من الاول

انا مش قادر خلاص

ولا انت العداد عندك بالمتر مش بالكيلو متر

[yasserelsayad]

:pointiy2[2]:الحمد لله انك مكملتش معاه شد كان زمان العداد بتاعك وصل لل 220 و لف معاك كمان لفة من الاول :pointiy2[2]:

انا :pointiy2[2]:مش:pointiy2[2]: قادر :pointiy2[2]:خلاص :pointiy2[2]::pointiy2[2]:

ولا انت العداد عندك بالمتر :pointiy2[2]: مش بالكيلو متر :pointiy2[2]::pointiy2[2]:

انا مش هرد عليك عشان انت شكلك معلوماتك على ادك
على العموم اعلى حاجة انا جبتها بالسيراتو كانت 215 تقريبا وحصلت كذا مرة

ودى مرة باردوا قريب من التوب سبيد