رابطة ملاك الكيا برايد - كلاكيت تانى مرة!

[A.Elsawaf]

العربيه كانت بتسخن علي الاخر لدرجه ان عداد الحراره بيوصل للتلات تربع و بطر اقفل العربيه و اسيبها شويتين تلاته .رحت لواحد قالي دا الردياتير مخروم و بص الصدي اللي عاملو قلتولو اشطه الحموا ف الاول قالي مش نافع و هاركبلك واحد جديد قولتلو لا اللحمو ف الاول قالي لا و بعدين راح لحمو يومين بالظبط و رجعت العربيه تسخن تاني رحتلو تاني قالي دا في خرمين كمان هالحمهوملك و كلو هايبقي تمام و بردوا مافيش يومين رجعت ريما لعادتها الاديمه ف رحت للميكانيكي بتاعنا قالي دول حراميه الردياتير اصلا دايب مش مخروم ولا حاجة و لازم يتغير و هوا كان بيقولي مخروم عشان يقبض فلوس و خلاص و غرمني ابن الازينه 25 جنيه علي الخرم الواحد ههههه يالله المهم غيرت الردياتير و مالقتوش الا عند الجندي اللي ف جسر السويسدا بعد مالفيت مصر كلها لدرجه اني كنت بقول لو ماقيتوش هاجيب اي واحد بتاع اي نوع تاني و خلاص و خدتوا مش فاكر بكام بس هابص علي الفاتورة و ابقي اقلوكوا و ركبتو بس كانت المياه بتخلص منو بطريقه غريبه جدا بس طلع من غطا الردياتير مش حلو بيسرب البخار ف الضغط جوا الردياتير مش متعادل ف مش بياخد ميا من القريه
المهم دي حكايتي مع الردياتير و يا ريت اللي بعد الشر عندو حاجة فيه يروح لواحد ابن حلال علي طول بدل ما يدوخ السبع دوخات عند ناس مالهاش ضمير
و ربنا مع الكل ان شاء الله

امين يا رب وربنا يبعد عننا الصنايعية اللى معندهمش ضمير

[A.Elsawaf]

دا انا جبت جركن سعودي امبارح بالليل 4 لتر اروح ارجعوا بقي و اجيب واحد 1لتر و اقولو عايز مياه مقطره للتكيف و هابقي اروح بيهم المحطه عشان ينضفولي الردياتير و يحطولي دول و هابقي اقولكم ان شاء الله عالنتيجه

لا هى مش مياة مقطرة للتكييف هو يقصد المياة اللى بتطلع من التكييف .. هى بتبقى مقطرة .. :) وممكن تشترى بدالها مياة مقطرة اللى بتتحط للبطارية

[A.Elsawaf]

بقولكو ايه ... ما كل واحد يعرف نفسه علشان نبقى عارفين بعض وعارفين بنكلم مين :)

انا هبدأ بنفسى ..
أحمد الصواف .. 23 سنة مهندس كهربا لسه متخرج السنة اللى فاتت دى بس بشتغل Web Developer علشان مبحبش شغلنا اوى :)

[Esam Mosaad]

تصدق وتؤمن بالله أنا لسه شغال لغاية دلوقتى وحكمل شغل لغاية بكرة ، الله يقطع الشغل وسنينه

ربنا يكون فى عونك يا باشا وتعدى الامور على خير

اهلا بيك معانا ويا رب تبقى منورنا دايما كده .. بس معلش خلينى اختلف معاك :) الكلام اللى انت قلته صح ومفيهوش اى مشكلة بس فى حالات وحالات ..
انا هقول على اللى انا اعرفه ورزقى على الله :) ... يمكن اكون من اجدد الناس اللى عندها خبرة بالعربيات بس الحمد لله انا دايما بحب اقرا فى اى حاجة حتى قبل ما اجيب العربية ...
الفرق بين المياة المقطرة والمياة الخضرا ان المياة الخضرا متضاف عليها ايثيلين جليكول علشان يرفع درجة غليان المياة.
اللى انا اقصده بقى ان كلام حضرتك صح فى حالات وحالات ده هوضحه دلوقتى ... اللى اعرفه ان المفروض تركيز الايثيلين جليكول ميزيدش عن 50-60% فى المياة الخضرا والا هيبدأ يضر أكتر ما يفيد وده بيأكد ان كلامك صح بس فى حاجة تانية.
فى تقسيمتين ممكن نقسم بيهم أنواع المياة الخضرا .. نوعها زى شيل ... موبيل كولانت .. أيدا
وممكن كمان نقسمهم على حسب التركيز ... بيتباع عبوات تركيزها بيكون عالى ودى فى الغالب بتكون لتر بالكتير انت بتجيبها وتخففها بمياة مقطرة زى ما قلت... وفى الجراكن ال4 وال 5 لتر ودى تركيزها مبيزيدش عن 35% ودى انت ممكن تملى بيها الريدياتير على طول من غير ما تخففها ولو نقصت بعد كده ممكن تزودها بمياة من نفس النوع لو فايض معاك ولو مش فايض معاك بدل ما تشترى جركن 4 لتر كمان علشان تزود بس اشترى مياة مقطرة وزود بيها وعلى فكرة الايدا اللى فى الصورة دى تركيزها اصلا 5% يعنى قليل.

الله يخليك يا باشا ده نورك والله
وكلامك صح مليون فى الميه
بس للاسف احنا دولقتى بنلاقى خمس تلاف نوع ميه خضرا
وبلاقى انواع مضروبه والميه الخضرا ساعات بنلاقيها صفره وحجات غريبه

عشان كدا الى عاوز يريح دماغو يحط ميه مقطره
والى عاوز يجمع بين الاتنين يبقى هوا لتر واحد كويس اوى مع الميه المقطره

على فكره الايدا معروفه فعلا انها كويسه
وانت ممكن تجيب جركن 4 لتر وتخليه معاه عشان لقدر الله لو حصل حاجه تزود الميه

[A.Elsawaf]

الله يخليك يا باشا ده نورك والله
وكلامك صح مليون فى الميه
بس للاسف احنا دولقتى بنلاقى خمس تلاف نوع ميه خضرا
وبلاقى انواع مضروبه والميه الخضرا ساعات بنلاقيها صفره وحجات غريبه

عشان كدا الى عاوز يريح دماغو يحط ميه مقطره
والى عاوز يجمع بين الاتنين يبقى هوا لتر واحد كويس اوى مع الميه المقطره

على فكره الايدا معروفه فعلا انها كويسه
وانت ممكن تجيب جركن 4 لتر وتخليه معاه عشان لقدر الله لو حصل حاجه تزود الميه

تمام كده متفقين .. :) اللى انا شايفه ان الواحد يجيب بقى موبيل او ايدا او اى حاجة مضمونة ... والسعودى نفسها مش مضمونة ناس كتير بتقول فيها انواع وانواع فناس بتقول كويسة وناس بتقول وحشة جدا.بدل ما نجيب حاجة وحشة ونخففها بمياة .. هى هتفضل وحشة برضه بس متخففة!

[أحمد الجندى]

الامتحانات كويسه الحمد لله و بتسلم علي الجميـــــــــع

ماشي انا ان شاء الله هاخلص يوم الاربع اللي جاي اخر امتحان و هانزل مصر الخميس و اعدي عليهم ينضفوا الردياتير لحسن الصدي شكلوا يرعب

ربنا يوفقك ان شاء الله

معلش يا مناور باشا كنت مسافر تبع الشغل عشان فى ضغط شغل انا بجد بشكرك على السوال على وانا مطمن طول ما انت موجود يا كبير منكم نستفيد ياباشا

حمدا لله على سلامتك يا عمنا الرابطة كانت مفتقداك

[أحمد الجندى]

السلام عليكم يا رجالة البرايد -- أنا أمير من اسكندرية وبشتغل في القاهرة -- أنا قريت كل الموضوع وبسم الله ما شاء الله مجهوود رائع -- فينكم من زماان أنا كنت محتاج لحاجات كتيير أوي أسأل عليها -- بس الحمد لله سألت وعرفت صنايعية كويسيين -- أنا معايا كيا برايد سيدان 2003 أوتو -- عاملة دلوقتي حوالي 60 ألف كيلو عشان مش بمشى بيها كتير لظروف السفر -- العربية دي صبورة جدا وبتستحمل طناش الصيانة وقطع غيارها رخيصة جدا -- بس مشكلتها الوحيدة ان مافيش ناس كتير بتفهم فيها حقيقي -- كلو يقولك "هو في حد ما بيفهامش في البرايد !! " وهاتك يا فتي -- المهم أنا عاوز أفيد الناس -خاصة الأسكندرنية اللي زي- عشان القاهرة واسعة و أسهل كتيير انك تلاقي حد يحل مشكلتك
أولا: كان عندي مشكلة في التكيييف -- الكمبرسور البلية خشنة -- بتعمل صوت عالي وقطعت السير من كتر الخشونة -- جبت سير قصير وفصلت التكييف مؤقتا عشان قالولي ان الكمبرسور كله لازم يتغير! -- بعد سنة كاملة روحت لواحد اسمه أحمد العريبي قدام أرض معارض كوته عند مجمع الكليات النظرية في اسكندرية -- شاب محترم جدا وشغال مع عمه -- الراجل كان واضح انه أول مرة يشتغل في البرايد -- عشان كده أخد شوية وقت لكن عمره ما هيسلم العربية فيها عيب -- وفاهم نظرية التبريد كويس جدا -- والكمبرسور نفسه ماكنش المشكلة -- المشكلة في شوية أجزاء تانية راكبة عليه زي الملف والطارة كانت معوجه والبلية برده كانت عايزة تتغير -- وكانت كهربة العربية "الكتاوت" بتهرب -- جاب كهربائى بص عليها وصلحها عشان هو شغله تكييف بس -- المهم التكييف رجع تانى الحمد لله جامد -- وعملى كشف حساب بكل حاجة اشتراها وركبها -- وقالي انو حفظ العربية خلاص وبلاش حد يشتغل فيها غيره
ثانيا: شغل الميكانيكا في اتنين كويسيين -- واحد في الورديان علي شريط ترام البلد اسمه الأسطى رضا ودا غيرلى بلى العجل القدماني بعد ما كنت غلبت في القاهرة عند واحد ف مدينة نصر وكلفنى 750 جنيه تمن ركبتين كامليين استيراد من الحرفيين وبرده صوت البلي رجع تانى -- أما رضا غيرلي بس البليتيين ب 80 جنيه والمشكلة اتحلت !!!
وفي واحد تانى فى ميامي شارع أبوقير بعد ميدان جيهان أول شارع يمين على ناصيته اسكندريه للمفروشات -- ادخل الشارع ده لحد ما تلاقى صيدلية دالاس على شمالك اكسر شمال -- اسمه الأسطى فايز
التوكيل -كيا- رحته بس عشان غيار زيت الاوتوماتيك
اسف على الاطالة ويارب اكون أفدتكم

أهلا بيك يا أمير فى الرابطة

[أحمد الجندى]

بقولكو ايه ... ما كل واحد يعرف نفسه علشان نبقى عارفين بعض وعارفين بنكلم مين :)

انا هبدأ بنفسى ..
أحمد الصواف .. 23 سنة مهندس كهربا لسه متخرج السنة اللى فاتت دى بس بشتغل Web Developer علشان مبحبش شغلنا اوى :)

اقتراح جميل وأنا بزود عليه ان احنا لازم نعمل مقابلة لينا كلنا لأننا ما شاء الله بقى عددنا مناسب جدا .

بالنسبة للتعريف فاخوكم أحمد الجندى عمرى 29 سنة شغال Network & System Administrator

[أحمد الجندى]

باركولى يا جماعة العربية النهاردة قفل عدادها 180000

[A.Elsawaf]

اقتراح جميل وأنا بزود عليه ان احنا لازم نعمل مقابلة لينا كلنا لأننا ما شاء الله بقى عددنا مناسب جدا .

بالنسبة للتعريف فاخوكم أحمد الجندى عمرى 29 سنة شغال Network & System Administrator

أهلا بيك يابو حميد ... هو انت الجندى بتاعكو ولا ايه
انا كمان كنت بفكر فى كده اننا نتقابل بس قلت استنى شوية ونسأل الناس :)

[A.Elsawaf]

باركولى يا جماعة العربية النهاردة قفل عدادها 180000

ألف مبرووووك عقبااال المليوووووون

[أحمد الجندى]

أهلا بيك يابو حميد ... هو انت الجندى بتاعكو ولا ايه
انا كمان كنت بفكر فى كده اننا نتقابل بس قلت استنى شوية ونسأل الناس :)

ياريت ده حتى كان زمانه وفر عليا تمن قطع غيار العربية

بالنسبة للمقابلة فاحنا عايزين نسمع رأى بقية الشباب

[may_moon911]

اه لقيت عادى .. هم تقريبا بيبقى ليهم مقاسات معينة بس مش متأكد من الحتة دى .. انا لسه مجبتش مسامير تانية .. عاوز اجيب بس مكسل ... بس يعنى قبل المغرب بشوية كده هنزل أركبه إن شاء الله علشان انا حاطه كده بين الكرسيين وامبارح نزل جنب الفتيس قرفنى فى عيشتى وانا بنقل :)

ماشي ربنا يكون في عون حضرتك و تركبوا و معلش يا ريت صور ليه كدا بعد ما يركب عشان لو هايريح الايد فعلا الواحد يجيبوا لحسن ايد الواحد بتتخلع منو و هوا سايق

[may_moon911]

لا هى مش مياة مقطرة للتكييف هو يقصد المياة اللى بتطلع من التكييف .. هى بتبقى مقطرة .. :) وممكن تشترى بدالها مياة مقطرة اللى بتتحط للبطارية

اااااااه انا لقيت مياه مقطره قديمه عندنا و صورتها و هارفع الصوره بعد شويه

[may_moon911]

باركولى يا جماعة العربية النهاردة قفل عدادها 180000

الف الف الف مبروك بس ما زلت انا في الصداره ب 142 الف