رابطة ملاك الكيا برايد - كلاكيت تانى مرة!

[monmonty]

هل حضرتك سألت في ميدان الجامع في شارع دمشق او في جسر السويس و في اماكن تانيه لقطع غيار الكيا في الصفحه الاولي تحت و بيها ارقام التليفونات ....... اشهر واحد هوا الجندي و دا في جسر السويس و في شارع دمشق و في كتير تانيين في كابري كمان كويس بس عاوز حد يفاصلوا بس هوا مش مغلي اوي
لو حضرتك عايز نمر تليفونات الجندي و كابري و واحد كمان في اول الشارع بس مش فاكر اسموا اجيبهم لحضرتك

شكراً على الرد أخي الكريم
أنا عاوز أرقام التليفونات بتاعة الناس اللي قولتلى عليهم بس حبيت أوضح إن السعر اللي أنا قلتهولك هو عند الجندي اللي في شارع دمشق بس لو فيه أرخص يبقى ممتاز ولو تعرف حد بيبيع إستيراد يبقي أحسن وأحسن وشكراً مرة تانية

[johnghaly]

شكراً على الرد أخي الكريم
أنا عاوز أرقام التليفونات بتاعة الناس اللي قولتلى عليهم بس حبيت أوضح إن السعر اللي أنا قلتهولك هو عند الجندي اللي في شارع دمشق بس لو فيه أرخص يبقى ممتاز ولو تعرف حد بيبيع إستيراد يبقي أحسن وأحسن وشكراً مرة تانية

احى العزيز هذا لينك الصفحه اللى مكتوب فيه اسماء واماكن وارقام تلفوننات بتوع قطع الغيرا اللى كان حاططهم المناور هتلقيهم فى مشاركات رقم 5 6

http://www.nilemotors.net/Nile/211218-a.html

[johnghaly]

اليوم 28/5/2011 تم تغير بلية العجله الاماميه يمين بسبب الصوت العالى اللى كانت بتصدره كانت مصدعانى والحمد لله تمام انا قلت احكيلكو واشار ككم
امامى هتلقم بليتين واحده بره وواحده جوه 60 جنيه البليتين +20 اولسيهان وعلبه شحم المهم الحمد لله غيرتهم والعربيه بيت تمام
البليه لا يوجد ليه خطر على العربيه سواى الصت اللى بتلعه زى نعره او وانه جاااامده والحمد لله خفيت وبقيت تمام

[أحمد الجندى]

معلش يا شباب اتأخرت عليكم كنت فى مكان مافيهوش نت ولسه راجع

[may_moon911]

معلش اصل انا عندي امتحانات ف مش بقعد كتير
معلش استاذ monmonty انا ما ردتش عشان ما كنتش بفتح نظرا للامتحانات و فعلا الرد في الصفحه اللي الاستاذ جون قال لحضرتك عليها و انا هادور لحضرتك علي ارقام الناس اللي اعرفها و غالبا كلهم في شارع دمشق بردوا

[may_moon911]

اليوم 28/5/2011 تم تغير بلية العجله الاماميه يمين بسبب الصوت العالى اللى كانت بتصدره كانت مصدعانى والحمد لله تمام انا قلت احكيلكو واشار ككم
امامى هتلقم بليتين واحده بره وواحده جوه 60 جنيه البليتين +20 اولسيهان وعلبه شحم المهم الحمد لله غيرتهم والعربيه بيت تمام
البليه لا يوجد ليه خطر على العربيه سواى الصت اللى بتلعه زى نعره او وانه جاااامده والحمد لله خفيت وبقيت تمام

و انا بردوا غيرت بلي العجل مرة نتيجه لان اخويا في مطب سلم عليه و كان صوت العربيه عامل زي الميكروباصات القديمه كدا بس انا جبت الاويلسهان بـ 30 الاتنين و البلي تمام انا جبتوا ب 60 برداو و العربيه بقت ميه ميه الحمد لله

و العربيه من كام يوم كان الفتيس تقيل شوية و مش كانت راضيه ترجع ورا و لا تجيب الخامس ف وديتها للميكانيكي و زبطها و الفتيس بقي يلعب مش بينقل و التاني كان بيحك شويتين في الكرسي و ما كانش بييجي من اول مره دلوقتي بقي ماشاء الله كويس جدا

انا ان شاء الله لما ربنا يفكها عليا شوية هابقي اجيب جوز كاوشت عشان بيبتدي يدوب بس مش عارف اجيب ايه انا علي طول بجيب بريدج ستون و حاطط فيه نتروجين

[أحمد الجندى]

معلش يا رجالة الأول مساء الخير عليكما وشكراً للمجهود الجبار اللي إنتوا عاملينوا
بس أنا عندي سؤال
أنا لسه شاري كيا ريو 2001 مستعملة بس إظاهر إنها خدت عين محترمة المهم إن الإكصدام الأمامي باظ خالص وكنت عاوز واحد تاني فسألت عليه فى التوكيل قاللولي ب 700 جنيه فهل ممكن أجيبة بسعر أقل من كدة ولو حتي إستيراد
وللمعلومات أنا سألت في الحرفيين ملقتش غير الجديد وبرضو ب 700 جنيه.
أرجو الإفادة سريعاً لأني من يوم مإشتريت العربية مركبتهاش غير مرة واحدة بس.
وشكراً

جرب تطلع على الوكالة

[أحمد الجندى]

السلام عليكم ورحمة الله وبركاته
احب اعرفكم بنفسى الاول
اسمى كريم ومن الاسكندرية ومعايا العربية موديل 99 السيدان وكاملة اوتوماتيك
بس عندى مشكلتين جامديين ياريت حد من السادة الافاضل يفيدنى فيهم
الاولى العربية بتاكل بنزين بشكل جامد
والتانية التكييف ضعييف شوية
لكن عدا >لك العربية زى الفل

هو الاوتوماتيك المفروض بيستهلك بنزين اكتر من المانيوال بس ياريت تقولنا بتعمل كام لتر فى ال 100 كيلو علشان نقولك ده زيادة ولا طبيعى.

بالنسبة للتكيف فشوف حد متخصص ممكن يكون محتاج يتشحن مثلا وما تنساش تبقى تطمنا أول باول

[أحمد الجندى]

اليوم 28/5/2011 تم تغير بلية العجله الاماميه يمين بسبب الصوت العالى اللى كانت بتصدره كانت مصدعانى والحمد لله تمام انا قلت احكيلكو واشار ككم
امامى هتلقم بليتين واحده بره وواحده جوه 60 جنيه البليتين +20 اولسيهان وعلبه شحم المهم الحمد لله غيرتهم والعربيه بيت تمام
البليه لا يوجد ليه خطر على العربيه سواى الصت اللى بتلعه زى نعره او وانه جاااامده والحمد لله خفيت وبقيت تمام

مبروك يا جون تدوبهم فى كاوتش العافية

[أحمد الجندى]

مشكلتين جداد طلعولى فى البخت الأولى فى الجنط اليمين اللى ورا اتعوج من عند الشفة وشوية من جوا بسبب نقرة ملهاش ملامح لبستها قبل ما الحق افاديها وأهل الخير قالولى مش حاينفع تستعدل بالمطرقة عليك وعلى الناس بتوع الجنوط فى الملك الصالح عندهم مكنة بتستعدل الجنوط

المشكلة التانية العربية لما اجى اخد منحنى فيه عيون قطط الاقى العربية جنحت من ورا وزحفت ولما بصيت على العربية من ورا لاحظت ان العجلة اليمين معووجة بسيط لجوا فانا شكلى محتاج حد بتاع عفشة يبصلى عليها

انا ان شاء الله لما ربنا يفكها عليا شوية هابقي اجيب جوز كاوشت عشان بيبتدي يدوب بس مش عارف اجيب ايه انا علي طول بجيب بريدج ستون و حاطط فيه نتروجين

أنا برضو عايزلى فردتين وكنت ناوى على هانكوك بس علشان السلك ضاربنى دورت على مستعمل بس لغاية دلوقتى مش لاقى حاجة كويسة .

[may_moon911]

مشكلتين جداد طلعولى فى البخت الأولى فى الجنط اليمين اللى ورا اتعوج من عند الشفة وشوية من جوا بسبب نقرة ملهاش ملامح لبستها قبل ما الحق افاديها وأهل الخير قالولى مش حاينفع تستعدل بالمطرقة عليك وعلى الناس بتوع الجنوط فى الملك الصالح عندهم مكنة بتستعدل الجنوط

المشكلة التانية العربية لما اجى اخد منحنى فيه عيون قطط الاقى العربية جنحت من ورا وزحفت ولما بصيت على العربية من ورا لاحظت ان العجلة اليمين معووجة بسيط لجوا فانا شكلى محتاج حد بتاع عفشة يبصلى عليها



أنا برضو عايزلى فردتين وكنت ناوى على هانكوك بس علشان السلك ضاربنى دورت على مستعمل بس لغاية دلوقتى مش لاقى حاجة كويسة .

حصلت مع اخويا في أفيو 2008 و في التوكيل عملوها معلش عادي في ساعات حاجات بتحصل بتضايق بس عادي دا قدرك

انا كان عندي المشكله دي و عرفت كدا لما رحت اعمل زوايا بس كانت عندي في العجله اليمين قدام و قالي عايزة تخش نص سم من فوق و روح لسمكري بس انا خدتها للميكانيكي و قولتلوا اللي حصل دا قالي سيبهالي نصايه و تعالا لقيتوا عملها بس مش عارف عمل فيها ايه انا لما رحت تاني للزوايا كانت راحت
معلش ربنا مع سعادتك

[أحمد الجندى]

لقيتلكم موضوع مفيد كان مستخبى عن البرايد

http://www.nilemotors.net/Nile/52217-2009.html

[may_moon911]

لقيتلكم موضوع مفيد كان مستخبى عن البرايد

http://www.nilemotors.net/nile/52217-2009.html

ياه الموضوع دا انا قريتوا من زمان بس موضوع كويس جدا و شامل بس بتاع البرايد السايبا مش اللي معايا
الصراحه انا كنت بفكر ابيع اللي معايا من سنه كدا و اجيب السايبا بس تراجعت لما كوريا وقفت خط انتاج قطع الغيار لايران عشان هيا دوله كويسه ف مش عاجباهم

[أحمد الجندى]

انا عن نفسى بفضل الكورى بل انى بفضل المصرى على الايرانى بس فيه ناس من اللى جابت العربية زى استاذ توفيق شكروا جدا فيها واعرف غيره كمان لسه بيشكروا فيها والعربية ماقلتش بأصلها معاهم

[roma33540]

العربية بتعمل فى ال 100كم حوالى 14 لتر بنزين وعلى فكرة ان بحط بنزين 92 وطبعا كده الزيادة كتير وعلى فكرة انا ظبط الكربارتير والبوجيهات بتحرق كويس بس انا مش عارف المشكلة من ايه
وبالنسبة للتكييف انا مستغرب من انه ملوش مروحة منفصلة ويمكن ده يكون هو سبب ضعفه
والف شكر على الرد والاهتمام ومنتظر منكم الرد فى موضوع البنزين