رابطة ملاك كيا سبكترا وقطع غيارها

[mohamedkaouh]

اللى اعرفه ان لو الطرمبه مش متركبه صح بتهرب الضغط وتلاقى التنك بيشفط لجوه ويتشرخ
فى واحد كان مغير التنك 3 مرات بسبب القصه دى

وناس لما التنك يبقى فيه نصه العربيه بتشتغل كويس


ربنا يعينك وإن شاء الله تتحل وانا معاك

انت كده بدأت تمسك مشكلتي اللي بقالها اكتر من سنه و هي ان في كتمه في العربيه عندي بتحصل كتير و صوت الماتور بيعلى و قليل لما تمشي كويس وسحبها يتحسن و صوت الماتور يهدى و جربت كل حاجه ممكنه من تغيير فلاتر و بوجيهات و جربت سكانر 4 مرات و مش مسجل حاجه و في ناس بتقولي ده ممكن يكون ضغط طرمبة البنزين بس العربيه تمام و مش بتغييب في الدوار الحمدلله بس مؤخرا بدأت الاحظ اني لما التانك ينزل عن النص العربيه سحبها بيتحسن فممكن لو سمحت تشرحلي الموضوع ده و ايه حله عشلان انا مش حاسس ان ماتور الطرمبه هو السبب ...

في حاجه تاني انا عندي العربيه اول ما بدور الصبح الار بي ام بيكون تقريبا على 1000 بس كان من سنه فاتت "اول ماجيبت العربيه تقريبا " كان بتفتح على 1500 ...

[mohamedkaouh]

دا الطبيعى .. المؤشر بيكون قبل النص بحاجه بسيطه

شكرا على الرد

[mohmmedzohier]

السلام عليكم

بص ياباشا باختصار 1000 او 1500 دا بيرجع لقرايه حساس الحراره فى الشتا او الصيف (درجه حراره المياه اللى جوا الماتور)تانى حاجه الاسكنر ما بيجبش ضغط طرمبه البنزين (انا عندى جهاز وعارف بقولك ايه ) دائره البنزين عندنا مغلقه
المشكله عندك انشاء الله

طلمبه بنزين او حساس الشكمان او عليه مسدوده

او فرده من سلك البوجيهات مفصوله ( العربيه متلته )


اولا :العربيه متلته هتلاقى سحب العربيه قليل جدا وممكن طول ما انت ماشى طوالى العربيه كويسه انما تطلع مطلع تلاقى نفسك عمال تنزل فى الغيرات

وهتلاقى الشكمان عمال يتفتف

شيل غطاء الماتور ودور وشوف سلكه سلكه ممكن تكون بتشرز او فيه فرده مش بطلع شرز (هات السلك جنب جسم الماتور )

ثانيا ؛فك الخرطوم اللى داخل على مسطره الرشاشات وهات زجاجه وحط الخرطوم فيها ودور وشوف ضغط البنزين مره والعربيه سليمه ومره والعربيه بايظه

ثالثا ؛لو علبه مسدوده (المفرض تحط ايدك على بعد 25 سم وتحس بخروج العادم) وفضل واحد بتاع شكمانات يبص عليه


ربنا يسهل وانا معاك

[mohamedkaouh]

بص ياباشا باختصار 1000 او 1500 دا بيرجع لقرايه حساس الحراره فى الشتا او الصيف (درجه حراره المياه اللى جوا الماتور)تانى حاجه الاسكنر ما بيجبش ضغط طرمبه البنزين (انا عندى جهاز وعارف بقولك ايه ) دائره البنزين عندنا مغلقه
المشكله عندك إن شاء الله

طلمبه بنزين او حساس الشكمان او عليه مسدوده

او فرده من سلك البوجيهات مفصوله ( العربيه متلته )


اولا :العربيه متلته هتلاقى سحب العربيه قليل جدا وممكن طول ما انت ماشى طوالى العربيه كويسه انما تطلع مطلع تلاقى نفسك عمال تنزل فى الغيرات

وهتلاقى الشكمان عمال يتفتف

شيل غطاء الماتور ودور وشوف سلكه سلكه ممكن تكون بتشرز او فيه فرده مش بطلع شرز (هات السلك جنب جسم الماتور )

ثانيا ؛فك الخرطوم اللى داخل على مسطره الرشاشات وهات زجاجه وحط الخرطوم فيها ودور وشوف ضغط البنزين مره والعربيه سليمه ومره والعربيه بايظه

ثالثا ؛لو علبه مسدوده (المفرض تحط ايدك على بعد 25 سم وتحس بخروج العادم) وفضل واحد بتاع شكمانات يبص عليه


ربنا يسهل وانا معاك

ان متشكر جدا لرد حضرتك ....



بص انا مشكلتي اني مش بعرف اعمل الكلام ده بايدي في العربيه "انا متعب " بس كلامك بالنسبه لدرجة الحراره و علاقته بعدد لفات الماتور مظبوط علشان تقريبا الفرق في عدد لفات الماتور عندي حصل في الصيف...

بالنسيه لاسلاك البوجيهات انا متهيألي بالنسبه لكلام حضرتك مش بيحصل " مش بتتعبني في المطالع و لابحتاج اسقط نقله الحمدلله و هي بس نفس الكتمه اللي بتحصل في العربيه" و ان كان فيها مشكله كانت هتكون علطول مش شويه تتظبط و شويه لأ , ولا ايه رايك ؟
الشكمان وريته لتلاته واحد قالي علبة البيئه و اتنين قالولي سليم بس صنايعي منهم قالي ريحة البنزين مش مظبوطه و ده دليل ان دورة البنزين في حاجه غلط بس علب الشكمان صوتها عالي دايما و اللي فهمت ان العربيه طبعتها كده...

بالنسبه بقى لموضوع الطرمبه من قريب بالصدفه كنت سايب التانك لتحت النصف"نادر قوي اني اعملها " و لقيت سحبها بقى مظبوط قوي و صوت الماتور هدي و تاني يوم قولت ازود 10 لتر علشان اشوف لما تكون فوق النص ايه النظام و لقيتها فعلا اول مازودتها رجعت الكتمه تاني و صوت الماتور علي تاني و لما قولت للميكانيكي قاللي كده ماتور الطرمبه عزمه ضعيف و محتاج مستوى البنزين يكون اقل منه علشان يسحب كويس
العربيه لما بتكون مكتومه بحس ان دواسة البنزين تقيله قوي تحت رجلي و بتحتاج مقومه اكتر مني بس السرعه بتزيد و بتوصل كمان 120 و ممكن تزيد كمان

ملحوظه : في ميكانيكي عملت عنده سكانر و قاللي ان ضغط الطرمبه بيتغير من وقت للتاني و قاللي انا عملتلك ريست للدايره و جربها هتلاقيها ظبطت و فعلا لما جربتها لقيتها زي الفل ساعتها بس يوم كده و رجعت تاني تكتم

هحاول اخلي الميكانيكي يعمل معايا الكلام ده و اشوف معاه ايه النظام

[mohmmedzohier]

السلام عليكم

العربيه لما بتكون مكتومه بحس ان دواسة البنزين تقيله قوي تحت رجلي و بتحتاج مقومه اكتر مني بس السرعه بتزيد و بتوصل كمان 120 و ممكن تزيد






يبقى واير دواسه البنزين عايز يزيت هو دا المشكله


ريحه البنزين بوجيهات حساس الشكمان

[mohmmedzohier]

السلام عليكم

ياجماعه كف المرايا التايوانى ابو 50 جنيه اللى عند تارجيت دا كوويس ولا ضرب

[Darchmides]

معايا كيا سبكترا 2003 .. وعندى المشكلة الى تقريباً موجودة في كل العربيات الكيا سيفيا وشوما وسبكترا .. وهى ان التابلوه مطرقع من قدام .. محدش يعرف حد بيحل المشكلة دى وياريت لو تقولوه المكان والتكلفة :)

شكراً .

[wma_eg]

بطارية الاسبكترا يا جماعة كام امبيبر ؟ وهل البطارية الجافة ممكن يتعاد شحنها ولا لاء ؟؟؟

[wma_eg]

يا جماعة حد يفيدنى بطارية الاسبكترا كام امبير ؟؟

[mohamedkaouh]

يا جماعة حد يفيدنى بطارية الاسبكترا كام امبير ؟؟

نفسي افيدك بس انا الحمدلله لسه مش جربت اغيرها بس هي عندي جافه .. ليه مش تجيب زي اللي كانت راكبه

[mohmmedzohier]

السلام عليكم

البطاريه اللى نازله مع العربيه 35 امبير بس الناس كلها بتجيب 70 امبير احلى واقوى واحسن حاجه دلوقتى ال acdlco سعودى ممتازه ب 400 وشويه وفيه الفارته الالمانيه بس انا الacdlco عشان ضمان الاستبدال

[Darchmides]

يا جدعان التابلوه اعمل فيه ايه ؟ محدش رد علياااا
وياريت لو في نصايح انا لسه شارى العربية جديد .. لو في نصايح تتقال من خبراء السبكترا وحاجات اعملها اكون شاكر ليكم

[ahmedss3]

فى اول الموضوع فى ناس محطوط نمرهم زى الكاظم فى الحرفيين وغير ممكن تتصل تسال على التابلوه بكام او ممكن تروح الحرفيين برضوا عند السروجى وبتوع الاستكيرات هيظبطهولك ويقولك التكلفه

[ahmedss3]

يا جدعان التابلوه اعمل فيه ايه ؟ محدش رد علياااا
وياريت لو في نصايح انا لسه شارى العربية جديد .. لو في نصايح تتقال من خبراء السبكترا وحاجات اعملها اكون شاكر ليكم

فى اول الموضوع فى ناس محطوط نمرهم زى الكاظم فى الحرفيين وغير ممكن تتصل تسال على التابلوه بكام او ممكن تروح الحرفيين برضوا عند السروجى وبتوع الاستكيرات هيظبطهولك ويقولك التكلفه

[ahmedss3]

ياريت حد يفيدنى ويقولى حساس الشكمان اجيبوا منين وبكام