عربيتي السيراتو اتسرقت قدامي وكان الحرامي معاه المفتاح

[klioahmed]

انا بحط قصتي جايز تكون سبب في ان ناس كتير عربيتها متتسرقش وانا قاعد في بيتي الساعة 0200 فجرا سمعت صوت زي هوا فتحت الشباك ببص لقيت عيال حوالي 17 سنة و معاهم عربية تانية سيراتو اكيد مسروقة مسافت مازعقت وروحت انزل دوروها وكان معاهم مفتاحها انا شفتهم وطارو بضبط كانهم معاهم المفتاح و متقولش انا سبت مفتاحي مع حد او روحت لميكانكي والكلام الي زي دة عربيتي توكيل ورقم الشاسية مغطية الرجاء من كل واحد معاه سيراتوا ياخد كل الاحتياطات الازمة اقطع الكهرباء حط عصاية الفتيس او اشتري جهاز الاندار الي بالقمر الصناعي اوع تسيبها كدة استودعها عند الله وانا كنت بعمل كدة وحتي لو رايح مشوار بسيط حط عصاية الدركسيون اوعا تقول انا رايح مشوار صغير الشارع الي هركن فية زحمة الحرامي معاه المفتاح ممكن يفتح و يدورها في اي مكان وكانوا صاحبها

وادعوا لي ان عربيتي ترجعلي و خلي بالكوم

[Donzi]

لا حول ولا قوة الا بالله

والله الناس المفروض تبطل تشتريها و يعملو وقفة ولا مظاهرة عند المقر الرئيسي لشركة كيا و يشوفو ازاي بتتسرق بالسهولة دي ؟؟؟؟؟

[minicooper20]

معاهم مفتحها !!!!!!!!!!!!!!!!!!

[klioahmed]

ايوة صدق انا شفتهم بعيني وسامع صوت الكونتاك و اخدوا ما فيش 40 ثانية ممكن تكون ناس كتير عربياتهم اتسرقت بس ما شفوش زيي انا شفت بعيني كنت باسمع افلام كتير بس صدقني انا شفت بنفسي وخد بالك

[pirlo2000]

ربنا يصبرك و يرجعهالك بالسلامة

[ابو ليلى]

اللهم ياجامع الناس ليوم لاريب فيه رد اليه ضالته

حضرتك مأمن على العربية ؟

[nice_bird]

لا حول ولاقوة الا بالله
ربنا يكرمك وترجعلك باذن الله

[klioahmed]

لا أنا موش مأمن عليها

[yasserelsayad]

ربنا يكرمك وترجعلك باذن الله
بس هو اكيد فور الكونتاكت ودور العربية ومشى

[medo111]

ربنا يعوضك خير
ويسترها علي حال البلد دي

[mohamed_selim]

انت اى فئه ؟؟؟ فى ايموبيليزر؟

ربنا يرجعهالك على خير ان شاء الله

[me5222222]

حسبي الله ونعم الوكيل ربنا يكرمك انشاء الله وترجعلك انا كنت زيك بسمع كلام كتير ومش مصدق بس انت كلامك تعبلي قلبي والله ومن هنا ورايح هاعمل زي ماقولت و ربنا يرجعهالك انشاء الله

[ammarhameda]

حسبيي الله ونعم الوكيل الحرامية كترانة بهل الدنيا

[ammarhameda]

شباب مافي طريقة اني واحد يشغل السيارة بدون المفتاح الاصلي يعني بس انسخ المفتاح يلي بيفتح الباب واشغل وامشي
بسبب اني انا و واهلي منسوق السيارة كتير وعجزنا من المفتاح من واحد لواحد صرنا نضيع مع مين يلي معو الجهاز رحت على الوكالة بدي اعمل مفتا اصلي الي بكلف 10000ل.س وهوة سعر غالي جداً ارجو الافادة ولكم جزيل الشكر

[Land_Cruiser]

يا جماعه ابعتوا شكوى لكيا بره و اطلبوا منهم حل جذرى للمشكله دى . ده عيب فى نظام حمايه السياره و دى شكوى جماعيه و هتاثر على سمعه الشركه و مبيعاتها