عربيتي السيراتو اتسرقت قدامي وكان الحرامي معاه المفتاح

[madoo_600]

طيب الموقف اللي حضرتك بتحكيه دا ممكن يتعمل في اي عربية

ليه سابو العربيات كلها و اختارو السيراتو برضو ؟؟؟ ولا دي كانت صدفة

+ 111111111

[lost2008]

ربنا ميكتبها على حد و يعوضك باحسن منها, و على فكرة مش السيراتو بس هيه الى بتتسرق بالطريقة ديه الفيرنا الكاملة كمان زى محكا صاحبها قبل كدة فى المنتدى و اكيد موديلات تانية كمان, انا شاكك يكون فى جهة ما مسربة مفاتيح ماستر عشان يكملو بيه مسلسل الانفلات الامنى.

[mido]

انا شايف الناس تبطل تشتري لحد ما التوكيل يعمل حاجه
عربية ابن خالتي اتسرقت في الفجر وراح القسم قالوله في كتير زيه و بيقولك من بعد ما بطلوا الضرب في الاقسام والمجرمين بطلت تعترف

[hossam_elwani]

ربنا يصبرك وان شاء الله ترجع

الموضوع غامض اكيد فى حد وراه من التوكيل اكيييييييييييييييد

بس معقوله السيراتو اعلى فئه وكيل مفهاش مفتاح مشفر؟؟؟؟

وهل كبل الموبينه فى السيراتو سهل الفك والتركيب؟؟ لانه لو سهل الواحد كل ماينزل يشيلو ويركبه تانى....

[yasserelsayad]

ربنا يصبرك وان شاء الله ترجع

الموضوع غامض اكيد فى حد وراه من التوكيل اكيييييييييييييييد

بس معقوله السيراتو اعلى فئه وكيل مفهاش مفتاح مشفر؟؟؟؟

وهل كبل الموبينه فى السيراتو سهل الفك والتركيب؟؟ لانه لو سهل الواحد كل ماينزل يشيلو ويركبه تانى....

اعلى فئة اصلا مفيهاش مفتاح وبعدين فيها immobilizer طبعا بس كل الكلام دا ميمنعش السرقة هو بيقليل منها وبيتحاول تعطل الحرامية لكن طبعا فى ناس محترفة وتقدر تسرق اتخن عربيات فى مصر

[hossam_elwani]

اعلى فئة اصلا مفيهاش مفتاح وبعدين فيها immobilizer طبعا بس كل الكلام دا ميمنعش السرقة هو بيقليل منها وبيتحاول تعطل الحرامية لكن طبعا فى ناس محترفة وتقدر تسرق اتخن عربيات فى مصر

مش الــ immobilizeR هو المفتاح المشفر ولا انا مختلط عليا الامر؟؟

[klioahmed]

يا جماعة ممكن ناس تتسرق كتير بس عمرها ما شافتش بعنيها العملية كلها 40 ثانية وكانك بدورها بمفتحها وكلمت ناس كتير اتسرقوا منهم السيراتو كلهم اجمعوا انهم بينزلوا ميلاقيش العربية وناس منهم كانت في زيارات عند ناس و تنزل متلاقيهاش برضوة بعد اللف والسؤال توصلت ان في مفتاح بيقفل دايرة الكهرباء و يخلي العربية تفتح علي طول و ممكن يكون علي ارقام شاسيهات معينة بس انا كنت مغطي رقم الشاسية و كمان واحد تاني اتسرق برضوة و قال نفس الكلام واللة اعلم الحقيقة فين بس انا اصدق الي شوفتو ا بعيني ان عربيتي اتفتحت كانها بمفتاحها

[BOOGIE]

انا العربية اتخدت فى مفيش و محدش فى الشارع شفها اخر وقت شوفتها كان 3:30 و سبعة الصبح مفيش

[BOOGIE]

بص يا باشا انا نازل هروح الصف يوم الجمعة إن شاء الله و بعد كدة يوم السبت هروح كوم السمن لو حابب انك تيجى معايا مفيش مشكلة

[yasserelsayad]

مش الــ immobilizeR هو المفتاح المشفر ولا انا مختلط عليا الامر؟؟

الـ immobilizer مش مفتاح هو جهاز فى العربية وظيفته انه يمنع العربية من انها تدور من غير مفتاحها ودا اللى بيتحكم فيه الـ ECU يتاع العربية بعد لما يتأكد من ان الكود اللى فى المفتاح مطابق للعربية ولا لا.

السيراتو الهاى لاين فيها keyless entry systems ودا بيستخدم rolling code ودا من الطرق الجديدة فى التشفير بتمنع ان حد يلقط ويسجل اشارة الريموت من برا ويستخدمها بعد كدا فى فتح العربية وصعب كمان ان حد يعمل عليه زى ما بنشوف مع المفاتيح المشفرة العادية.

ودا غير الطريقة العادية ان المفتاح بيكون مشفر بـ static code وبتحس بيه العربية من خلال دائرة RFID حوالين الـ ignition.

طبعا الاتنين بيتسرقوا عادى بس rolling code عايز ناس محترفة ودول بقى عندنا منهم فى مصر.

[ashouhdy]

ياسر

انا عندى مكتوب على الازاز Warning System بس العربية مش بتزمر مع الريموت ولا حاجة

غير أن العربية فيها امبولايزر ولمبة الامبولايزر بتنور فى التابلوة مع الكونتاكت بس بتطفى مع التدويرة

دى كدة فيها ال رولينج كوود دة ولا اية لاحسن الواحد مقلق ... انا مركب كلبش دركسيون بالعرض وبرضة قلقااااااااان عليها اقساط ياجماعة

[yasserelsayad]

ياسر

انا عندى مكتوب على الازاز Warning System بس العربية مش بتزمر مع الريموت ولا حاجة

غير أن العربية فيها امبولايزر ولمبة الامبولايزر بتنور فى التابلوة مع الكونتاكت بس بتطفى مع التدويرة

دى كدة فيها ال رولينج كوود دة ولا اية لاحسن الواحد مقلق ... انا مركب كلبش دركسيون بالعرض وبرضة قلقااااااااان عليها اقساط ياجماعة

مش عارف موضوع warning system بس ممكن يكون فيها انذار بس اسأل التوكيل افضل

انت عندك امبولايزر تمام بس الـ rolling code دا بيكون فى المفاتيح الالكترونية كدا زى بتاع السيراتو الهاى لاين عشان فى كل مرة بيبعت للكمبيوتر العربية كود مشفر مختلف غير المفتاح العادى اللى الكود فيه static فا هو هو نفس الكود مش بيتغير .. والله اعلم.

وبعدين فيه انواع معينة من العربية من السهل تبرمج مفتاح جديد على الـ ecu بتاع العربية
يعنى افتكر كان عندنا زمان opel vectra فى مرة المفتاح بتاعها مرديش يدور العربية راح والدى حط المفتاح فى الكونتاكت ودا على زراير كدا مدة معينة والفتاح بقى تمام وبيقفل ويفتح ويدور مفيش مشكلة.

[ashouhdy]

اومال اية

Warning System اللى على الازاز اللى قدمانى دة مكتوبة بالذهبى على البابين اللى قدام

..... انا كنت سئلت النتوكيل قاللى دة ضد السرقة !! ومزودش كلمة مكنش فاهم تقريبا !

[yasserelsayad]

اومال اية

Warning System اللى على الازاز اللى قدمانى دة مكتوبة بالذهبى على البابين اللى قدام

..... انا كنت سئلت النتوكيل قاللى دة ضد السرقة !! ومزودش كلمة مكنش فاهم تقريبا !

ما انا قولتلك والله مش عارف Warning System قصدهم بيها ايه !!
ممكن تصورلنا العلامة لو تقدر وشوف كمان فى الكتالوج بتاع العربية

[abdallahyassin]

لا اله الا الله
ان لله وان اليه راجعون
ربنا يصبرك والله ويرجعهالك يا رب

ربنا يسترها علينا يا رب

يا جماعه عايزين حل
وايه احسن جهاز انذار ومنين وبكام وكل حاجه الله يخليكم
انا اعصابى سابت
لا اله الا الله
لسه والدى بيقولى عربيه من البيت اللى جنبه اتسرقت امبارح من مدينه نصر من مكرم عبيد

لا اله الا الله