عربيتي السيراتو اتسرقت قدامي وكان الحرامي معاه المفتاح

[Cutevampire]

يا جماعه ابعتوا شكوى لكيا بره و اطلبوا منهم حل جذرى للمشكله دى . ده عيب فى نظام حمايه السياره و دى شكوى جماعيه و هتاثر على سمعه الشركه و مبيعاتها

انا بعت لكيا فعلا و قولتلهم علي مشكلة السرقة
و في الاخر لاقيت حد هنا من كيا مصر اللي بيكلمني و يقولي ان العربية متأمنة و السرقة موجود في كل انواع العربيات و الكلام اللي مالوش لازمة .

للاسف فعلا موضوع السرقة نزل جدا من سمعة الشركة و سعر العربية نفسها في السوق بدأ ينزل

[Ali_Abo_Amr]

قدر الله وما شاء فعل
ربنا يرد لك عربيتك ان شاء الله

بس سؤال لاصحاب السيراتو ... هو مفتاح عربيتك ممكن يدور عربية زميلك ... لو ممكن حد جرب الموضوع ده يقولنا الكلام صح ولا ايه ؟؟؟

[MOSHAKS]

زميل والدى من اسبوع كان راكب سيراتو على الدائرى ناحية كارفور المعادى الساعة 1 بالليل ولقى الطريق وقف وشاف اقماع والناس واقفة وبيعدوا عربية عربية .عادى لجنة لحد موصل ليه الراجل بيقوله الرخص راح مطلع الرخصة قالو لو سمحت اركن على جنب قالو فيه ايه قالو بعد اذنك اركن وانزل راح راكن . بيقولو فى ايه قالو اتكل على الله قالو ازاى يعنى قالو بص كده لقى اتنين مخبييين الالى تحت الجاكيت ومصدرنيه ناحيته والراجل قالوه اامشى بدل ميغربلوك وخد منه تليفونه وقالو اتصل بينا بكره على رقمك واياك تبلغ حد والا مش هتشوفها تانى .وفعلا الراجل اللى اخد الرخص والموبايل نط فى السيراتو والاتنين كان واقف ميكروباص معاهم اكيد مسروق وملموا الاقماع فى سرعة رهيبةوجريوا وطبعا عمر محد هيفكر يجرى وراهم والراجل واقف فى قمة الذهول والناس فى العربيات حوليه ومحدش فاهم حاجة.
تانى يوم اتصل قالولو هات 50 الف وخدها. يجدعان حرام عليكم انا جايبها قسط مكملتش 4 ايام ومعيش ادفع 50 الف .من هنا لهنا وصلت 40 الف جنيه قال اتصل بكره ونحدد ميعاد . الراجل يتصل محدش يرد يتصل مقفلو مقفول . طبعا بلغ وراح التامين . التامين قالو هتدفع القسط عادى 6 شهور لحد منشوف هيتصرفلك ولا هنلاقيها ولا ايه. والمفروض كنت كلمتنا واحنا كنا اتصرفنا وكنا هنرجعها قالو ازاى يعنى؟؟ قالو كنا هنديك 40 الف تدفعهالهم وترجع العربية وتقريبا يخصموهم من التامين حاجة كده وكانت عربيتك تبئا معاك .قالهم انهم قالو متبلغش قالو ديه مشكلتك بئا وانت اللى غلطان والراجل يعينى مابيده حيلة وعمال يتصل على تليفونه على امل ان حد يرد عليه.
رجااااااااااااء من اخواتى واخوانى
*محدش يقف لحد الا لما يتاكد من هويته
*اذا اضطرتك الظروف تقف متفتحش زجاج السيارة اكتر من 5 سم اللى تقدر تديلو منها رخص لو ضابط او فرد امن طبعا بعد متتاكد من هويته . لما يقولك رخصتك قوله لو سمحت كارنيهاك بكل ادب مطلعش الكارنيه
اجررررررررى بكل ماعزمك وشيل اى حد ادامك مهما كان لان انت مش هتصعب عليهم لو مسكوك
* اذ وقفت ونزلت متعملش مغامر لانهم ممكن فعلا يصفوك انت واقف ومحدش هيقف معاك او يفكر ينزل من العربية. الا اذا كان ربنا مديك شوية صحة وكنت مخبى مطوة ولا حاجة وهتعرف تثبت اقرب حد فيهم وتهددهم بيه
وديه صعبة شوية بس مش مستحيلة وعايزة جرأة
* قدر الامكان متتاخرش ومتمشيش فى حتت فاضية
* اعمل مفتاح فصل للكهربا بتاع العربية علشان لو اتزنئت وهضطر تسيب العربية اقفله واجرى بعيد عنها مش هيعرفوا يدوروها هيسبوها حتى لو كسروا الازاز ارحم من انها تتاخد اهم حاجة انك تجرررررررررررررررررى
وربنا يرحمنا جميعا ويستر طريقنا

[mesaharaty]

لا حول ولا قوة إلا بالله العلى العظيم

اللهم أهلك الظالمين بالظالمين

ربنا يعوض عليك يا صديقى

[klioahmed]

شكرا لكل الي شارك بس لو سمحتوا خدوا بالكوا ودايما خلي عينك علي عربيتك لو شوفت حد شكلة غريب بيتبعك خلي باللك

[maryano]

ربنااا يصبرك و يرجهالك باذن الله

[hugan]

ربنا يصبرك وتلا قيها
لما العربيه تتسرق امام عين صاحبها وهو مش قادر يعمل حاجه
الواجب ان الوكيل يترفع عليه قضيه ويتحمل العربيات دي مش وكيل رينو وكيا بس كل الوكلاء الحراميه علشان يوفرله 2000 يحطهم في جيبه يلغي اوبشن اساسي ولا غني عنه
مانع السرقه او الايمبوليزر مش كماليات تنزل حسب الطلب لاء زيه زي الفرامل ينفع عربيه تنزل من غير فرامل حسب طلب المشتري وفلوسه
عربيتي الصيني المفتاح اتفك من الريموت وحاولت ادورها بالمفتاح بس استحاله انها تدور حتي المفتاح الاحتياطي غير صالح لتدوير العربيه لانه مافيهوش الشريحه الخاصه بالايمبوليزر
يعني اتاكت فعلا ان استحاله ان العربيه تدور بدون مفتاحها الاصلي المتصل بريموت العربيه وتمنها 67000 جنيه
كيف الحال بعربيات ممكن توصل ل 150000 ومافيهاش مانع سرقه علشان الوكيل عايز يكسب قرشين زياده
ان شاء الله ربنا يرد عليك ضالتك وتلاقي العربيه

[titos_81]

بس اللى اعرفه ان السيراتو الوكيل مش بتنزل بايموبلايزر اما الخليجى فيها و اولا و اخيرا فى حاجه يعرفها الحراميه غامضه عن السيراتو بدليل كل السرقات دى و ربنا يسترها علينا جميعا

[ma7oo]

ربنا يصيرك بجد ززهو حضرتك منين من المنصورة ؟؟انا من المنصورة

[mcmemam]

أنا هقولك رأيي الشخصي فالموضوع ده
العربيه من غير إيموبلايزر ممكن تتسرق من أى حد. الفكره إنه بعد ميطلع عليه هيبقا عاوز يعرف إنت ساكن فين ويروحلك ياخد العربيه ويمشى بسهوله. اكيد كيا مشغله واد حرامي بيطلع عالمفاتيح وبكره يترقى ويشتغل فالفطيم :)
الفكره إن لو العربيه هتاخد أكتر من 5 دقايق هيسيبها ويمشى والحل إنك تحط كلبش الديكسيون وتركب عن أي كهربائي مفتاح يفصل طلمبة البنزين. تفصله أول ماتركن.
أنا مركب جهاز فى عربيتى بيفصلها بالموبايل بتاعى أو موبيل مراتي بس مكلف شويه ب 1200. إنت ممكن تعمل المفتاح ده ب 50 جنيه.
لو حد وقفنى وأخد العربيه هعرف أوقفها بعدها يإما بموبايلي أو موبايل مراتي أو موبايل أخويا
الإيموبلايزر مهم بس لو الحرامي وقفك عالطريق هيخدها برده

[tifa55555]

ربنا يعوض عليك
ويا رب نسمع منك خبر رجعوها بالسلامه فى القريب العاجل

[medo_elgezy]

??????????????????????????????? يا ساتر يا رب ربنا يرجعهالك بالسلامه

[koheya]

انا فعلا عنية دمعت.مش عارف اذا كنت زعلان عليك ولا على عربيتك ولا على حال البلد.لا حول ولا قوة الا بالله.
اسال الله العلى الكريم رب العرش العظيم ان يرد عليك ضالتك وياجرك فى مصيبتك ويبدلك خيرا منها وان يحفظ مصر من كل سوء ويهدى البلاد والعباد انه تعالى ولى ذلك والقادر علية.

[amhhma2003]

الزميل mcmemam ممكن تفاصيل اكثر عن كيفية وقف السيارة عن طريق الموبايل.

يجب رفع قضية على التوكيل ...

[Donzi]

زميل والدى من اسبوع كان راكب سيراتو على الدائرى ناحية كارفور المعادى الساعة 1 بالليل ولقى الطريق وقف وشاف اقماع والناس واقفة وبيعدوا عربية عربية .عادى لجنة لحد موصل ليه الراجل بيقوله الرخص راح مطلع الرخصة قالو لو سمحت اركن على جنب قالو فيه ايه قالو بعد اذنك اركن وانزل راح راكن . بيقولو فى ايه قالو اتكل على الله قالو ازاى يعنى قالو بص كده لقى اتنين مخبييين الالى تحت الجاكيت ومصدرنيه ناحيته والراجل قالوه اامشى بدل ميغربلوك وخد منه تليفونه وقالو اتصل بينا بكره على رقمك واياك تبلغ حد والا مش هتشوفها تانى .وفعلا الراجل اللى اخد الرخص والموبايل نط فى السيراتو والاتنين كان واقف ميكروباص معاهم اكيد مسروق وملموا الاقماع فى سرعة رهيبةوجريوا وطبعا عمر محد هيفكر يجرى وراهم والراجل واقف فى قمة الذهول والناس فى العربيات حوليه ومحدش فاهم حاجة.
تانى يوم اتصل قالولو هات 50 الف وخدها. يجدعان حرام عليكم انا جايبها قسط مكملتش 4 ايام ومعيش ادفع 50 الف .من هنا لهنا وصلت 40 الف جنيه قال اتصل بكره ونحدد ميعاد . الراجل يتصل محدش يرد يتصل مقفلو مقفول . طبعا بلغ وراح التامين . التامين قالو هتدفع القسط عادى 6 شهور لحد منشوف هيتصرفلك ولا هنلاقيها ولا ايه. والمفروض كنت كلمتنا واحنا كنا اتصرفنا وكنا هنرجعها قالو ازاى يعنى؟؟ قالو كنا هنديك 40 الف تدفعهالهم وترجع العربية وتقريبا يخصموهم من التامين حاجة كده وكانت عربيتك تبئا معاك .قالهم انهم قالو متبلغش قالو ديه مشكلتك بئا وانت اللى غلطان والراجل يعينى مابيده حيلة وعمال يتصل على تليفونه على امل ان حد يرد عليه.
رجااااااااااااء من اخواتى واخوانى
*محدش يقف لحد الا لما يتاكد من هويته
*اذا اضطرتك الظروف تقف متفتحش زجاج السيارة اكتر من 5 سم اللى تقدر تديلو منها رخص لو ضابط او فرد امن طبعا بعد متتاكد من هويته . لما يقولك رخصتك قوله لو سمحت كارنيهاك بكل ادب مطلعش الكارنيه
اجررررررررى بكل ماعزمك وشيل اى حد ادامك مهما كان لان انت مش هتصعب عليهم لو مسكوك
* اذ وقفت ونزلت متعملش مغامر لانهم ممكن فعلا يصفوك انت واقف ومحدش هيقف معاك او يفكر ينزل من العربية. الا اذا كان ربنا مديك شوية صحة وكنت مخبى مطوة ولا حاجة وهتعرف تثبت اقرب حد فيهم وتهددهم بيه
وديه صعبة شوية بس مش مستحيلة وعايزة جرأة
* قدر الامكان متتاخرش ومتمشيش فى حتت فاضية
* اعمل مفتاح فصل للكهربا بتاع العربية علشان لو اتزنئت وهضطر تسيب العربية اقفله واجرى بعيد عنها مش هيعرفوا يدوروها هيسبوها حتى لو كسروا الازاز ارحم من انها تتاخد اهم حاجة انك تجرررررررررررررررررى
وربنا يرحمنا جميعا ويستر طريقنا

طيب الموقف اللي حضرتك بتحكيه دا ممكن يتعمل في اي عربية

ليه سابو العربيات كلها و اختارو السيراتو برضو ؟؟؟ ولا دي كانت صدفة