عربيتى وعربية جارى السيراتو اتسرقوا امبارح قدام عينى...!!!!

[love_life]

الله يعوض عليك وثق تماما ان ده قدر من عند الله ةانشاء الله ربنا يعوض عليك
وتخيل ان العربية موجودة بس جرالك حاجة او مراتك او اولادك ربك بيفدي شئ بشئ وقضى أخف من قضى وقلبي معاك

أنا شايف ان حل السرقة دي هو كالآتي
انذار اول اما باب العربية يتفتح ترن على موبايلك وفي نفس الوقت يفصل الانجكشن يعني لو اعد يشغل فيها من هنا لبكرة مش هتشتغل
وممكن كمان حتى لو ماشي بيها تتصل بالرقم المخصص تقف مكانها تماما ولو شيخ الصنايعية مش هيعرف ايه فيها

[raedegypt]

السيراتو سرقتها بقت سهله .. لازم كيا تشوف حل مع المصنع والا معدش حد يشتريها

[محمد بدر]

احسن حاجة علشان موضوع السرقة ديه ومن الأخر ولامفتاح فصل ولاغيره
كلب دوبر مان وبيته فى العربية من غير عشاء وانسى بقى موضوع السرقة ده تانى

[samygh226]

لو موضوع سرقة السيراتو متكرر .. لابد يكون فيه واحد عنده مفتاح ماستر .. أو نبحث عن تفسير آخر .. ممكن مثلا نفترض أن هناك واحد فى التوكيل بياخد منك المفتاح وبينسخه أو بينسخ رقمه .. وبيعرف عنوانك من بياناتك أثناء الصيانة الدورية .. وبعدين يبعت لك اللى يسرقها منك .. طبعا هذا افتراض .. لكنه غير مستبعد ... لكن السؤال هو .. هل يمكن لأحد العاملين فى التوكيل طلب نسخة من المفتاح الأصلى بدون موافقة المالك أو بدون علمه ؟؟

[Donzi]

لا حول ولا قوة الا بالله

يا جماعة لازم كل اللي عربياتهم اتسرقت يتصرفوا و يتجمعوا و يشوفوا حل

[sefo]

لو موضوع سرقة السيراتو متكرر .. لابد يكون فيه واحد عنده مفتاح ماستر .. أو نبحث عن تفسير آخر .. ممكن مثلا نفترض أن هناك واحد فى التوكيل بياخد منك المفتاح وبينسخه أو بينسخ رقمه .. وبيعرف عنوانك من بياناتك أثناء الصيانة الدورية .. وبعدين يبعت لك اللى يسرقها منك .. طبعا هذا افتراض .. لكنه غير مستبعد ... لكن السؤال هو .. هل يمكن لأحد العاملين فى التوكيل طلب نسخة من المفتاح الأصلى بدون موافقة المالك أو بدون علمه ؟؟

ما هو اللى هيعمل كده اكيد غرضه السرقه فمش هيعمل كدة بشكل رسمى اكبد هيسرقه زى ما هيسرق العربيه

[ahmedsql]

أنا ساكن فى التجمع الخامس - منطقة الياسمين- امبارح الساعه 5 الاربع الفجر سمعت صوت الإنذار بتاع عربيتى قومت بصيت بسرعه من سباك أودة النوم بتاعتى لقيت واحد راكب جوه عربيتى انا أقسم بالله من الصدمه كنت حاسس انى بحلم أنا زعقت بعلو صوتى بقوله بتعمل ايه ياض يبن ال..............

غريبة انا كنت فاكرك جاري في الهرم :)

http://www.nilemotors.net/Nile/262068-98.html

[احمد المصرى]

غريبة انا كنت فاكرك جاري في الهرم :)
http://www.nilemotors.net/nile/262068-98.html

فعلا معاك حق الراجل ساكن فى الهرم والعربيه مسروقه من التجمع وكان نايم يعنى كمان فى بيته


غريبه دى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mishtawy]

غريبة انا كنت فاكرك جاري في الهرم :)
http://www.nilemotors.net/Nile/262068-98.html

والله معاك حق الواحد بقي يشك في كل حاجة تيجي منين صحيح انا من الهرم وساكن في التجمع لكن طالما هو عضو في المنتدى لازم نصدق احتراما للمنتدى لكن ارجو كل واحد يراعي ربنا في اللي بيكتبه

[samirsaid1]

قدر الله وما شاء فعل
وربنا يدلك عليه ان شاء الله

[fineart607]

معلش يا فندم ممكن اعرف تاريخ السرقة وياريت رقم تليفون حضرتك لان معى سيراتو وعايز اسال حضرتك شوية اسالة انا بحاول اامن نفسى على قد ما اقدر لا حول ولا قوة الا بالله

[fineart607]

انا عايز اقول لحضرتك انا من خوفى لا بصين فى توكيل ولا بعطى المفتاح لاى بشر حتى لو بغسلها بغسلها بنفسى ومغطى رقم الفين والله رعبتونى الواحد تعبان فيها واقسم بالله ربنا يرد العربيات لاصحبها يارب ويحفظ كل العربيات

[tarek_rcc]

فعلا معاك حق الراجل ساكن فى الهرم والعربيه مسروقه من التجمع وكان نايم يعنى كمان فى بيته


غريبه دى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا عم أحمد لا غريبة ولا حاجة .....
لو شفت تاريخ المشاركتين هاتلافى انهم فى نفس اليوم 18/12/1011 بس مشاركة كانت الساعة 1:50 مساء والتانية الساعة 3:34 مساء يعنى الفرق ساعة ونص ؟؟؟؟؟
الحدق يفهم يا حمادة .....
الرجل كان زعلان على السيراتو فسأل على الابيزا
برافو عليك يا ahmedsql
لا حول ولا قوة الا بالله

[احمد المصرى]

يا عم أحمد لا غريبة ولا حاجة .....
لو شفت تاريخ المشاركتين هاتلافى انهم فى نفس اليوم 18/12/1011 بس مشاركة كانت الساعة 1:50 مساء والتانية الساعة 3:34 مساء يعنى الفرق ساعة ونص ؟؟؟؟؟
الحدق يفهم يا حمادة .....
الرجل كان زعلان على السيراتو فسأل على الابيزا
برافو عليك يا ahmedsql
لا حول ولا قوة الا بالله

تصدق مخدش بالى والله من الحده دى طيب هو هيستفاد ايه من كدا بجد سبحان الله



ربنا يكون فى عون كل واحد عربيته مسروقه بجد وربنا ينتقم من كل واحد عايز يقلق الناس ويروع الامنين

[fouaa]

لا اله الا الله حاجه غريبه جدا