عربيتى وعربية جارى السيراتو اتسرقوا امبارح قدام عينى...!!!!

[AHMED1718]

جزاك الله خيرا على الرد...........

والله العظيم الرد بتاع الأستاذ ده ضايقنى جدا ومعرفتش فعلا أرد عليه....!

أقسم بالله العظيم إن كل حرف انا كتبته فى الموضوع ده حقيقه وحصل امبارح الفجر - أنا مش مجبر انى احلف- بس الموضوع ده نصيحه لوجه الله مش اكتر عشان الناس تاخد احتياطاتها.....

ومره تانيه للأخ اللى رد بالنيابه عنى " جزاك الله كل خير "

وللأخ اللى شايف انى انسان متامر " ربنا ما يكتبها عليك ولا على غيرك يارب العالمين "

جرى ايه يا استاذي هو حضرتك لسة عارف ان السيراتو بتتسرق بسهولة او متعرفش المشكلة اللي حصلت في التوكيل بسبب موضوع السرقة دي ؟؟ الراجل داخل يحكي تجربة وياتقوله كلمة تواسيه ياتسكت وبلاش تتكلم
واسف اني انفعلت بس الظاهر نظرية المؤامرة مسيطرة علينا

أغرب رد ممكن يتقال على فكره.......!!! مش عارف أرد عليك اقول ايه والله فعلا

انا معايا ابيزا فعلا 98 ومعنديش بى ام يعنى كنت كاتبها كده فور فن بس.....!!!

هوا يعنى أنا هدخل ألف قصه وأقعد اقسم بالله كده واحلف عشان أستفاد ايه يعنى.....قلتلك فى الموضوع عاوزك تساعدنى مثلا فى حق العربيه............!!!

أنا كتبت الموضوع ده نصيحه لوجه الله يعنى للى معاه كيا سيراتو ومش عاوز حاجه ليا....ربنا يعوض عليا إن شاء الله.....

رقم العربيه ( لو كانت نيتك خير يعنى ) "م ل 7613" العربيه فيرانى 2010

العربيه التانيه " ط ى 7284" لونها بتنجانى 2010 هوا بنى يعنى بس فى الرخصه بتنجانى

أخيرا ربنا ما يكتبها عليك ولا على غيرك.....وإن لله وإن اليه راجعون..

مبدأيا الله يعينك
واعزرنى ف اللى هقولوو

ليه ديما المواضيع دى بتيجي من اعضاء جديدة
متهيألى انتا ف البروفايل قايل ان عندك ابيزا وبي ام

وياريت صوره عربيتك ولوحاتها علشان جايز حد من الاعضاء يوصل لحاجة مفيدة

[leader4ever]

لا حول ولا قوة الا بالله
ان شاء الله العربيتين يرجعوا

[M.Elgergawy]

في انتظار الرد من صاحب الموضوع على الاتهامات الموجهة اليه
عشان الموضوع سخن اوي :)

[tarek_rcc]

في انتظار الرد من صاحب الموضوع على الاتهامات الموجهة اليه
عشان الموضوع سخن اوي :)

+1111111111111111
الموضوع مش سخونية بقدر ماهو أستفسار زى ماقال اخونا أحمد المصرى

[ahmadm]

+1111111111111111
الموضوع مش سخونية بقدر ماهو أستفسار زى ماقال اخونا أحمد المصرى

ايوا انا كمان عايز اعرف

ذهب الليل طلع الفجر و العصفور صوصو

[fineart607]

فى سيراتو كتير راحت غزة ووائل الأبراشى معه ارقام السيارات هناك يا ريت تتابع وربنا يرد لك ولجارك سيارتكم لا حول ولا قوة الا بالله

[tarek_rcc]

فى سيراتو كتير راحت غزة ووائل الأبراشى معه ارقام السيارات هناك يا ريت تتابع وربنا يرد لك ولجارك سيارتكم لا حول ولا قوة الا بالله

ان شاء الله ترجع كل اللى سيارتهم مسروقة .....
لكن الموضوع هنا هو شكوك حول قصة الراوى ... مطلوب رد منه على تلك الاتهامات

[fady_anis]

بإذن ربنا العربيتين هيرجعوا
ربنا معاك

[Elawany13]

يانهار اسود ومنيل بنيلة ...... ده ايه الغم ده !!!
اللهم انتقم من الحرامية ولاد الحرااااااااام
ويارب يعوضك خير

[Dr.cairoky]

فعلا معاك حق الراجل ساكن فى الهرم والعربيه مسروقه من التجمع وكان نايم يعنى كمان فى بيته


غريبه دى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته،،،،،،،،،،،،،،،،،،

أولا : أنا صاحب الموضوع الأصلى اللى شفت ناس كتير جدا قعدت تتكلمعليه وترميه بالباطل والربط بين التجمع الخامس والهرم والسيراتو والابيزا وكلام كتير أوى من غير سند ولا هدف وربط تواريخ مواضيع بين الإبيزا والسيراتو ورد هنا الساعه 1 وبعدين رد هنا الساعه 2 كأنى حرامى مثلا أو بطلب منكم مساعده.

ثانيا : حبيت أجمعلكم شوية دلائل وأسانيد وايات قرانيه (أنا الحمد لله مسلم ) فى حرمة رمى الناس بالباطل ياريت تقروها الأول :-

حرمة رمى الناس بالباطل:-

قال تعالى
وَمَن يَكْسِبْ خَطِيئَةً أَوْ إِثْمًا ثُمَّ يَرْمِ بِهِ بَرِيئًا فَقَدِ احْتَمَلَ بُهْتَانًا وَإِثْمًا مُّبِينًا}.

قال العلامة ابن كثير في تفسيره:

وقوله تعالى: {والذين يؤذون المؤمنين والمؤمنات بغير ما اكتسبوا} أي ينسبون إليهم ما هم براء منه لم يعملوه ولم يفعلوه {فقد احتملوا بهتاناً وإثماً مبيناً} وهذا هو البهت الكبير أن يحكى أو ينقل عن المؤمنين والمؤمنات ما لم يفعلوه، على سبيل العيب والتنقص لهم، ومن أكثر من يدخل في هذا الوعيد الرافضة الذين يتنقصون الصحابة، ويعيبونهم بما قد برأهم اللّه منه، ويصفونهم بنقيض ما أخبر اللّه عنهم، فإن اللّه عزَّ وجلَّ قد أخبر أنه قد رضي عن المهاجرين والأنصار ومدحهم، وهؤلاء الجهلة الأغبياء يسبونهم ويتنقصونهم، ويذكرون عنهم ما لم يكن ولا فعلوه أبداً، فهم في الحقيقة منكسو القلوب، يذمون الممدوحين ويمدحون المذمومين، وقد روي عن عائشة رضي اللّه عنها قالت، قال رسول اللّه صلى اللّه عليه وسلم لأصحابه: "أي الربا أربى عند اللّه؟ قالوا: اللّه ورسوله أعلم، قال: "أربى الربا عند اللّه استحلال عرض امرئ مسلم" ثم قرأ: {والذين يؤذون المؤمنين والمؤمنات بغير ما اكتسبوا فقد احتملوا بهتاناً وإثماً مبيناً} (أخرجه ابن أبي حاتم).

ثالثا :- فكرت كتير جدا جدا جدا أرد على الناس -صاحبة نظرية المؤامره - ولا بلاش أرد ، بس أنا هرد عليكم عشان خاطر فيكم ناس كتير أوى انا حبيتها فى الله هنا فى المنتدى ده وبس عشان كده اناهرد وأشرح - على الرغم إنى مش مضطر ولا مجبر بس احتراما للناس دى واحترما لنفسى.

- اللى ميعرفنيش كويس يعنى أوى ما قابلنيش شخصيا لسه يعنى - أنا اتشرفت وقابلت ناس كتير من المنتدى المحترم ده - أنا أخوكم فى الله ( م/إسلام سالم) عندى شركة مقاولات فى التجمع الخامس فى عماره خاصه بالعيله بتاعتى يعنى - ومكتبى فى الدور الأرضى فيها - وساكن فى الدور الأول فيها برده - وده المكان اللى عربيتى اتسرقت فيه يعنى.

- العربيه السيراتو ( فيرانى 2010 رقمها "م ل7613") خاصه بيا وبتاعتى شخصيا - ربنا يعوض عليا فيها ، على فكره أنا مشترى العربيه الابيزا لزوجتى يعنى واشتريت العربيه الابيزا تقريبا قبل أسبوع من سرقة سيارتى السيراتو - لحد الان انا معرفش هيا فين .

- اللى برده ميعرفنيش كويس - وانا عاذر ناس كتير أوى - لأن نظرية المؤامره بقت بتسيطر علينا كلنا يعنى ولله الأمر من قبل ومن بعد - يسأل عليا فى منتدى سيات - هيعرفنى كويس من الناس اللى هناك وعرفتنى شخصيا عن قرب - معلش هتعبكم معايا ينى ربع ساعه بس.

- أخيرا يعنى ، مش فاهم هوا ايه المشكله انى ساكن فى الهرم والتجمع يعنى هوا حاجه عيب ، ومش فاهم فعلا ايه المشكله انى تكون عربيتى اتسرقت ، واكون بسأل على شوية أسئله يعنى عن عربيه تانى ، هوا المطلوب منى انى اقعد جمبها أعيط وأصوت وألطم على وشى يعنى.....!!!!

- أخر حاجه انا حابب أقولها هنا - برده عشان خاطر ناس كتير محترمه عرفتها هنا - أقسم بالله العظيم أقسم بالله العظيم أقسم بالله العظيم كل حرف أنا كتبته فى الموضوع ده وفى الرد ده هيحاسبنى عليه ربنا بس - مش أى عضو منكم هنا يعنى ، وحسبى الله ونعم الوكيل فى اللى ظلمنى وحكم عليا بالباطل وهوا ميعرفنيش ولا عمره شافنى ، وأقسم بالله العظيم إنى كتبت الموضوع فى الأصل عشان أحذر الناس الغلابه اللى معاها عربيات من سرقتها مش أكتر من كده ، وبفضل الله والحمد لله أنا مش محتاج فلوس السيراتو اللى راحت فى ستين الف سلامه فدا زوجتى وابنى هيا ومليون عربيه زيها.

[ابو ليلى]

الاخوة الافاضل على ما اظن العضو وضح واجاب على اسئلتكم
مع العلم انه غير مطالب بكده فرجاء شخصى عدم التشكك مرة ثانية

[Amr A.salam]

الف مليون سلامة ليك ولعائلتك

وان شاء الله العربية هترجع بالسلامة

[Dr.cairoky]

الاخوة الافاضل على ما اظن العضو وضح واجاب على اسئلتكم
مع العلم انه غير مطالب بكده فرجاء شخصى عدم التشكك مرة ثانية

اتشرفت بحضرتك مره قبل كده ورديت غيبتى ، وللمره التانيه برده بترد عنى ، ربنا يجازيك كل خير يارب ، وبرده انا مش زعلان من أى حد بيشكك الناس معذورهفعلا من اللى بيحصل فى البلد.

- ربنا يصلح الأحوال يارب ويسترها علنا وعلى أهلنا أجمعين.

[Dr.cairoky]

الف مليون سلامة ليك ولعائلتك

وان شاء الله العربية هترجع بالسلامة

الله يسلمك يا أ/ عمرو - وبعتذر جدا جدا لكل الناس المحترمه اللى ردت عليا فى الموضوع وكانت زعلانه علشانى ، ربنا يجازيهم كل خير ويسترها عليهم وعلينا أجمعين.

- ربنا يصلح الأحوال وربنا يولى فينا من يرتضيه ويتق الله فينا وفى بلدنا

[احمد المصرى]

مين قال انه بيشكك فيك اخى الفاضل بالعكس كل الناس بتقول ربنا يكون فى عونك والناس بس كانت ليها سؤال واحد وحضرتك لم تجاوب عليه وجبت احاديث مع اننا عارفين كويس الاحاديث دى وعمر ما حد قال كلمه فى حقق كل الموضوع شويه اسئله واكيد حضرتك مش مجبر تجاوب عليها اطلاقا


على العموم ربنا يكون فى عونك ومقلتلناش ايه الجديد فى موضوع العربيتين ان شاء الله يكون فى جديد