عربيتى وعربية جارى السيراتو اتسرقوا امبارح قدام عينى...!!!!

[PoweRPassioN]

برجاء غلق الموضوع إذا ما تأكد عدم صحته

[SaimOnatoR]

هو فعلا الكلام متناقض و غير منطقي بس الأخ الكريم اللي عرف ماركات العربيات من أرقام اللوحات عرفها إزاي؟، و عموما لو صح فعلا و اتضح إن الموضوع مفبرك فده جزء من حالة الترويع اللي بنعيشها اليومين دول من جهات المفترض إنها تحمينا بس للاسف بتحمي أعدائنا و تروعنا و حسبي الله و نعم الوكيل.
ربنا إننا مغلوبون فانتصر.

[محمد بدر]

حسبنا الله ونعم الوكيل

[dOoM3]

فينك من زممممممممان ..اوجزت فوفيت

شكرا لك ، انا كنت داخل بالصدفة علشان اقارن بين السيراتو و الاكسنت علشان انا عايز اغير عربيتى

هو فعلا الكلام متناقض و غير منطقي بس الأخ الكريم اللي عرف ماركات العربيات من أرقام اللوحات عرفها إزاي؟، و عموما لو صح فعلا و اتضح إن الموضوع مفبرك فده جزء من حالة الترويع اللي بنعيشها اليومين دول من جهات المفترض إنها تحمينا بس للاسف بتحمي أعدائنا و تروعنا و حسبي الله و نعم الوكيل.
ربنا إننا مغلوبون فانتصر.

انا شغلى ليه علاقة باللوحات الجديدة

[mody1221]

مش عارف اقوللك اية بصراحة ربنا يخلف عليك بأحسن منها ان شاء الله
بقينا فى شيكاغو ولا مصر ولا فين احنا هيا دى بلد الامن والامان؟؟ يعنى لو كنت نزلت لا قدر الله كان مجهز الطبنجة عشان يا قاتل يا مقتول
حسبى الله ونعم الوكيل

[SaimOnatoR]

انا شغلى ليه علاقة باللوحات الجديدة

اه كدة يبقى كلام حضرتك منطقي و فعلا الكذب ملوش رجلين ربنا ينتقم منه على كمية القسم بالله اللي أقسمها دي.

مش عارف اقوللك اية بصراحة ربنا يخلف عليك بأحسن منها ان شاء الله
بقينا فى شيكاغو ولا مصر ولا فين احنا هيا دى بلد الامن والامان؟؟ يعنى لو كنت نزلت لا قدر الله كان مجهز الطبنجة عشان يا قاتل يا مقتول
حسبى الله ونعم الوكيل

مودي باشا متضايقش نفسك أوي كدة لان القصة كلها طلعت متفبركة و لو قريت كل الصفحات هتصرف الحقيقة.

[abou_mohamed]

اين زهب صاحب الموضوع؟؟؟؟؟؟؟

[khalid1610]

معرفش ليه نظريه المؤامره ساعات بتصيطر على بعض الاعضاء بالذات فى موضوع السرقه ربنا ما يكتبها على حد ...... انا حصل معايا فى شهر اغسطس الماضى لما عربيتى اتسرقت م محطه بنزين بالاسكندريه وبعد اسبوع ربنا اراد انى الاقيها ... وللاسف بعضهم قال ان القصه مفبركه ..

[mero100]

مع احترامي لصاحب الموضوع و جميع الاعضاء .....

1- واحد بيقول عربيته اتسرقت و عربيه جاره

2- ندعييله انها ترجعله .و خلاص نقفل الموضوع و المفروض ميبقاش فيه مشاركات كتير في موضوع زي ده .

3- الا لما يلاقيها و ترجعله .... نقوله الف مبروك ....و خلاص .

4- سواء هوه صادق او غير صادق ....دي حاجه تخصه و ماا تضايقناش في حاجه .

5- موضوع سرقه العربيات موجود من ايام العهد البائد ....يعني مش جديد .... ف ياريت منروعش نفسنا ونخاف اكتر من اللازم .....و محدش حيصيبه غير نصيبه .
6- السيراتو اكتر عربيه بتتسرق اعتقد لانها مطلوبه بشده .... و برنامج وائل الابراشي وضح ده .....عربيه عليها طلب من الجهه اللي بتستلم العربيه المسروقه....اعتقد دي كل حكايه السيراتو .

7- و تقريبا مفيش عربيه بتعصي علي حرامي ....مش السيراتو بس .....الحراميه بقت مثقفه و عارفين في التكنولوجيا ااكتر مننا لانها شغلته ....بيتعامل مع عربيات تكنولوجيتها عاليه .....

8- موضوع سرقات السيارات معاكوا انه زاد .....بس لا داعي للخوف و الهلع الزائد ....زي ما قلت ما هو من عهد مبارك و سرقات السيارات شغاله زي الفل .
9- ربنا يستر علي جميع ممتلكات الناس .

ايه بقه الجديد في موضوع كلبشه العربيه لتعطيل الحرامي ؟ ( او بالنسبه لي جديده اول مره اشوفها )

شفت عربيه جنب البيت عندي في مدينه نصر ....شوارع جانبيه .....متكلبشه كلبش اصفر شكله مش بتاع الشرطه .....و صاحب العربيه مكلبش العجله اليمين ورا ......انا شفت الحكايه دي بسرعه و انا معدي بعربيتي ....بس ادركت انها حااجه نازله جديد ......ياريت نسأل عنها كلنا لان الموضوع ده عجبني جدا ........

طبعا حلاقي عضو يقوللي طب ما الحرامي اللي فتح العربيه مش حيغلب في فك الكلبش .....

طب ما يمكن ده يعطله ....و يمكن يطلع كلبش محترم و صعب .

اشكركم جدا و اسف للاطاله .....و ارجو نتكلم في كل جديد و مفيد .....و عدم تعطيل نفسنا بمواضيع غير مجديه .

[محمد بدر]

انا شوفت نوع من أنواع الكلبش ده ولاحظت 1- ضعيف جدا" 2- مسامير العجل سهل جدا" حلها 3- وبرضه المفتاح ذيه ذى غيره من المفاتيح سهل جدا" تفويرها

[hi_nmr]

يارب يجيرك في مصيبتك ويخلفك خير منها

[wael30003]

ربنا يعوض عليك خير ا منها ان شاء الله