رابطة الوحوش ملاك السيفيا (ج3)

[Ahmed_Ramadan]

الف مبروك للاستاذ max_ziro
على تكريمه بوسام الامتياز عن قسم السيفيا . يلا نباركله كلنا يا رجاله .

ألف مبروك يا Max

[Ahmed_Ramadan]

هجرب انضفهم تانى ان شاء الله ب akai وانشفهم لغايه دلوقتى لمبه الاوفر درايف وتشيك انجن منورين

إن شاء الله خير و إبقى طمنا عملت إيه

[Ahmed_Ramadan]

انا غيرت الحساس عشاى العربيه بتعلى وتوطى وفيها نتشه فى الغيار التانى واول اما ادور الاقى مفيش سحب فعرفت انه كده جابت حساس شكمان, وكنت مركب قبليها صينى وكنت شاريه من الحرفيين ب 300 جنيه ومكملش شهر وقطع وزىادة تاكيد حطتها على الجهاز فقرا حساس شككمان, فدلوقتى ها يرضى يغير الحساس؟ وازاى اعرف ان الجديد هايركب على فيشة العربيه لانه بيبقى مغلف جوا كيس سيلفر وموضوع داخل علبه فعشان تشوفه لازم تقطع الكيس!!!!!

أنا مش فاهم إزاى الفيشة تتطلع مختلفة أصلا !!!!!

[john4]

أنا مش فاهم إزاى الفيشة تتطلع مختلفة أصلا !!!!!

انا زات نفسى مش فاهم ممكن تكون بتاعة موديل اعلى؟ واشمعنى لما جبت الصينى ركبت عادى؟ولا فيشة العربيه هى اللى متغيره عندى ولو كان كده ماكانش الصينى ركب عادى

[Ahmed_Ramadan]

يا جماعة عندي سؤال بجد ياريت حد يفيدني عشان دماغي هتضرب انا بغير الزيت الشل الاصفر ال5000 مش بيمشي اكتر من 2500 وبلقية محروق وصوت المكنة زفت اغير الزيت الصوت يهدي اية اللي ممكن يخلي الزيت يتحرق بسرعة ؟

هو الزيت ينزل مسود ده معناه إنه بيشتغل و بيشيل رواسب الكربون بس المحرو قده المفروض أما بيقعد مدة طويلة يسخن و يبرد (زى زيت الأكل كده)

شوف ... أنت شوف الزيت بينقص و لا لأ .... و وشوف الشكمان معرق زيت و لا لأ .... و المكنة مبخرة زيت عليها و لا لأ

لأو الكلام ده كله لأ يبقى غالبا من سواقتك حرق و المكنة بتسخن منك من الجرى

شوف و قولى ؟؟

[Ahmed_Ramadan]

انا زات نفسى مش فاهم ممكن تكون بتاعة موديل اعلى؟ واشمعنى لما جبت الصينى ركبت عادى؟ولا فيشة العربيه هى اللى متغيره عندى ولو كان كده ماكانش الصينى ركب عادى

أنت تروحله بالفيشة القديمة مفكوكة و الجديدة و الفاتورة و قوله على اللى حصل !!!!!

[sign_net]

السلام عليكم

استأذنكم يا جماعة ممكن رقم ابو الدهب

و حلمى سليمان و الجندى

علشان هعمل العربية بعد العيد و محتاج حاجات كتير

[medo_mony]

الف مبروك للاستاذ max_ziro
على تكريمه بوسام الامتياز عن قسم السيفيا . يلا نباركله كلنا يا رجاله .

الف الف مبروك يا ريس بس هو فين هو حد بيشوفة وبقى ينفضلنى خالص ولا حتى يخش يرمى السلام حتى

[eldmrane]

الزيت بينقص ولا بيتحرق بس ومش بينقص

بيتحرق بس بسرعة

[eldmrane]

هو الزيت ينزل مسود ده معناه إنه بيشتغل و بيشيل رواسب الكربون بس المحرو قده المفروض أما بيقعد مدة طويلة يسخن و يبرد (زى زيت الأكل كده)

شوف ... أنت شوف الزيت بينقص و لا لأ .... و وشوف الشكمان معرق زيت و لا لأ .... و المكنة مبخرة زيت عليها و لا لأ

لأو الكلام ده كله لأ يبقى غالبا من سواقتك حرق و المكنة بتسخن منك من الجرى

شوف و قولى ؟؟

مش فاهم ازاي المكنة تكون مبخرة زيت والشكمان

[أحمد الجندى]

السلام عليكم

استأذنكم يا جماعة ممكن رقم ابو الدهب

و حلمى سليمان و الجندى

علشان هعمل العربية بعد العيد و محتاج حاجات كتير

حلمى سليمان 25742326
الجندى 01068590440 - 01005881736 - 0224035099
تارجت 0123466882
أبو أدهم 01224103014 - 25758496

[sign_net]

حلمى سليمان 25742326
الجندى 01068590440 - 01005881736 - 0224035099
تارجت 0123466882
أبو أدهم 01224103014 - 25758496

الف الف الف شكر يا باشا و نخدمك فى الافراح ان شاء الله

بس انا حاسس ان ابو ادهم ده غالى اوى هو مفيش حد غيرة و لا اروح انا كوريا اجيبهم ارخص

[أحمد الجندى]

الف الف الف شكر يا باشا و نخدمك فى الافراح ان شاء الله

بس انا حاسس ان ابو ادهم ده غالى اوى هو مفيش حد غيرة و لا اروح انا كوريا اجيبهم ارخص

لو عايز تجيب من أبو أدهم يبقى لازم يكون هو موجود أو اكرامى والسعر اللى يقوله تفضل تفاصل فيه لغاية اما تطلع روحه وكمان لازم تقوله انك من الرابطة ....اما البديل ليه فهو حمدى على فى الحرفيين وناس كتير بتجيب منه وبتشكر فيه بس أنا مجربتوش وكمان مابيقولش اسعار فى التليفون... وأنا فى الخدمة يا جميل

[ahmedshoura]

السلام عليكم ورحمة الله وبركاته
أنا عضو جديد في عائلة "كيا"
اشتريت سيارة "كيا"(سيفيا) 99 من بورسعيد وارد الخارج (معاقين)
وذلك قبل العيد بأيام
واريد ان تدلوني على اشطر "فني" للكيا
لاني اريد ان اعرف ما بها بالضبط حتى استطيع ترتيب اولوياتي في اصلاحها
وهل وضعها على جهاز كشف الاعطال شئ جيد
أم ماذا أفعل
بالله عليكم الموضوع مهم جدااااااااااااااااااااااااااا
لاني نظرا لظروف الصحية لا استطيع التحرك بدون سيارة
يعني عاوز ادور وامشي زي الإبيزا اللي كانت معاية الله يمسيها بالخير

[Ahmed_Ramadan]

السلام عليكم ورحمة الله وبركاته
و عليكم السلام و رحمة الله بركاته

أنا عضو جديد في عائلة "كيا"
أهلا و سهلا بحضرتك معانا و إن شاء الله نقدر نساعدك و تحس إنك فى وسط عيلتك

اشتريت سيارة "كيا"(سيفيا) 99 من بورسعيد وارد الخارج (معاقين)
وذلك قبل العيد بأيام
ألف مبروك و إن شاء الله تستمتع بيها و ترضيك ..... بس مقولتلناش مانوال و لا أوتوماتيك

واريد ان تدلوني على اشطر "فني" للكيا
فيه فنيين كتير حضرتك قولنا مكانك فين علشان نقولك على أقرب فنى متجرب

لاني اريد ان اعرف ما بها بالضبط حتى استطيع ترتيب اولوياتي في اصلاحها
وهل وضعها على جهاز كشف الاعطال شئ جيد
أم ماذا أفعل
أول حاجة أنت لازم تعمل الصيانة اللى ألا حد بيعملها أما بيجيب عربية مستعملة و هى كالتالى:

- تغيير زيت الموتور و الفلتر

- تغيير طقم السيور (موتور-دينامو-تكييف)

- مراجعة باقى أنواع الزيوت (فتيس - فرامل-باور) من مستويات و هل محتاجيين تغيير و لا لأ

- مراجعة دورة التبريد من مستوى مياه و طبعا يبقى أحسن لو تروح عند واحد بتاع ردياتيرات يفكه و يغسله من جوه و من بره بالإريال و الفرشاة و تتغسل سربنتيتة التكييف و هى فى مكانها و بعدين تجيب جركن مياه خضرا و تحطه فى الردياتير ( لسه عامل الموضوع ده كلفنى 25جنيه+75 تمن المياه الخضرا موبيل)

- مراجعة العفشة و تربيطها بالكامل وتشحيمها علشان الشتا اللى داخل

-فحص قواعد الموتور و الفتيس و البطاحات

-مراجعة علبة الفيوزات الخارجية و التوصيلات و تغيير أى لمبة محروقة أو أى فيوز تالف/معموله كوبرى/محطوط قيمة غير اللى على علبة الفيوزات

-مراجعة شحن البطارية و شحن الدينامو

-مراجعة الكاوتش و مدى صلاحيته

ديه الحاجات اللى مفروض تعملها بالترتيب حسب أهميتها

بالله عليكم الموضوع مهم جدااااااااااااااااااااااااااا
لاني نظرا لظروف الصحية لا استطيع التحرك بدون سيارة
يعني عاوز ادور وامشي زي الإبيزا اللي كانت معاية الله يمسيها بالخير

يا فندم لا متقلقش و ربنا يقدرنا و نحاول نساعدك على قد ما نقدر