رابطة الوحوش ملاك السيفيا (ج3)

[Ahmed_Ramadan]

السلام عليكم يا شباب
أنا العربية لسه شاريها وعاملة 217 ألف كيلو (رقم كبير طبعا)
مع ذلك الميكانيكي قالي الموتور كويس مش عارف ازاي!
المهم عايز أغيرلها زيت، يا ترى إيه أحسن زيت ينفع مع الكيلومتر الكبير ده؟

الموتور مادام بيتعمله صيانة منتظمة و بيتغير له الزيت فى مواعيده هيعيش معاك مش هيقول لأ و كل حاجة ليها عمر إفتراضى و الصيانات بتطول أو تقصر العمر ده.

بالنسبة للكيلو العالى مش عارف بصراحة بس أنا بستخدم شل الأصفر و شغال تمام معايا أنا عامل 170 ألف

[medo_chemist]

هو أخر سعر أنا فاكره كان 750 للطلمبة الجديدة و الصناعة بيقولوا إنها أصلى و فى الغالب كورى بس مش فاكر الضمان إيه نظامه الصراحة لأنى سألت عليها من فترة طويلة.

بالنسبة لزيت الموتور أنا عربيتى عاملة 170 ألف و بستعمل زيت شل الأصفر عامل 120 جنيه و شغال تمام و بيهدى صوت العربية و بيقعد معايا من 3500-4000 كم و بجيبه من البنزينة (بلاش تجيبه من بتوع الزيوت) و ببص على تاريخ الإنتاج و كل غيارين أو 3 بتغير الفلتر مع الزيت

تسلملي يا باشا
انا هروح انهاردة اعمل الصيانة الدورية للعربية
انا اشتريتها من حوالى شهرين والعملية كانت مزنقة شوية وأتأخرت على الصيانة دة بس باذن الله هخلصها انهارة
انا هغير زيت ( ان شاااء الله شيل علشان هيه عاملة 180 الف) وكمان هغير فلتر الزيت علشان ابقي عارف اتركب امتى وبعد كدة بالمرة هغير فلتر البنزين والهوا
لو فى صيانات دورية بتتعمل يا ريت حضرتك تقولي عليها علشان اعملها

[Ahmed_Ramadan]

تسلملي يا باشا
انا هروح انهاردة اعمل الصيانة الدورية للعربية
انا اشتريتها من حوالى شهرين والعملية كانت مزنقة شوية وأتأخرت على الصيانة دة بس باذن الله هخلصها انهارة
انا هغير زيت ( ان شاااء الله شيل علشان هيه عاملة 180 الف) وكمان هغير فلتر الزيت علشان ابقي عارف اتركب امتى وبعد كدة بالمرة هغير فلتر البنزين والهوا
لو فى صيانات دورية بتتعمل يا ريت حضرتك تقولي عليها علشان اعملها

السيور و ديه مهمة جدا و تعملها مع الزيوت و الفلاتر

الردياتير تطلعه بره هو و القربة و يتغسلوا غسلة متينة من بره و جوه و تحط مياه خضرا لو اللى قبلك كان بيستخدم ميه حنفية....... الموضوعت ده هيريح معاك العربية و يخلى المراوح تشتغل أقل. (المصنعية تقريبا 25-30 جنيه)

عدى على كهربة العربية و شوف علبة الفيوزات فيها كبارى و لا لأ

تبص بقى على زيت الفتيس و الفرامل و الباور

ربط عفشة و لو العربية بترج بعد 90 رصص و أظبط زوايا

أنا مجمعلك كل مجموعة مع بعض علشان مرتبطة ببعض و أى سؤال أنا فى الخدمة

[medo_chemist]

السيور و ديه مهمة جدا و تعملها مع الزيوت و الفلاتر

الردياتير تطلعه بره هو و القربة و يتغسلوا غسلة متينة من بره و جوه و تحط مياه خضرا لو اللى قبلك كان بيستخدم ميه حنفية....... الموضوعت ده هيريح معاك العربية و يخلى المراوح تشتغل أقل. (المصنعية تقريبا 25-30 جنيه)

عدى على كهربة العربية و شوف علبة الفيوزات فيها كبارى و لا لأ

تبص بقى على زيت الفتيس و الفرامل و الباور

ربط عفشة و لو العربية بترج بعد 90 رصص و أظبط زوايا

أنا مجمعلك كل مجموعة مع بعض علشان مرتبطة ببعض و أى سؤال أنا فى الخدمة

شكرا جدا يا باشا على المعلومات دي والى اكيد هاخد بيها
المهم انا دلوقتى وقعت فى مشكلة تانية وشكلها كبيرها : انا من حوالى 10 ايام سمعت صوت طقطقة فى الملفات روحت للراجل بتاع العفشة قالى ده كوبلم شمال روحت جبت راس كوبلم خاريجي(تايوانى 125ج) وغيرته بالفعل الوضع اختلف معايا لمدة 3 ايام بعد كدة سمعت صوت الطقطقة من ناحية اليمين قولت شكل الكوبلم اليمين ضرب روحت جبت راس كوبلم وروحت للراجل بتاع العفشة انهاردة وقبل ما نفك قولتلة نجرب العربية بالفعل طلعنا نجربها فاجأني ان جوز الكبالم (الجديد والقديم) محتاج يتغيروا بجوز استيراد
انا محتار اصدق كلام الراجل دة ولا اعمل اية وهل غلطتي انى مغيرتش جوز الكبالم مع بعض هو الى سببلى المشكلة دى ؟ طب لو انا غيرتهم بالجوز التيوانى احسن ولا اجيب جوز كوبلم _كامل) استراد
معلش انا عارف ان القصة طويلة بس انا حبيت افسرلك الى حصل

[sameh_loza]

شكرا جدا يا باشا على المعلومات دي والى اكيد هاخد بيها
المهم انا دلوقتى وقعت فى مشكلة تانية وشكلها كبيرها : انا من حوالى 10 ايام سمعت صوت طقطقة فى الملفات روحت للراجل بتاع العفشة قالى ده كوبلم شمال روحت جبت راس كوبلم خاريجي(تايوانى 125ج) وغيرته بالفعل الوضع اختلف معايا لمدة 3 ايام بعد كدة سمعت صوت الطقطقة من ناحية اليمين قولت شكل الكوبلم اليمين ضرب روحت جبت راس كوبلم وروحت للراجل بتاع العفشة انهاردة وقبل ما نفك قولتلة نجرب العربية بالفعل طلعنا نجربها فاجأني ان جوز الكبالم (الجديد والقديم) محتاج يتغيروا بجوز استيراد
انا محتار اصدق كلام الراجل دة ولا اعمل اية وهل غلطتي انى مغيرتش جوز الكبالم مع بعض هو الى سببلى المشكلة دى ؟ طب لو انا غيرتهم بالجوز التيوانى احسن ولا اجيب جوز كوبلم _كامل) استراد
معلش انا عارف ان القصة طويلة بس انا حبيت افسرلك الى حصل

ابعد عن الاستيراد والكبالن الصيني وكمان اوعي تصلحهم ده عن خبرة كبيرة في الكبالن

[الغزالى]

ابعد عن الاستيراد والكبالن الصيني وكمان اوعي تصلحهم ده عن خبرة كبيرة في الكبالن

اخيرا ظهرت على الساحه .. ماشى ياعم هان عليك انت الكشرى بتاع سيد حنفى والبت صباح بتاعه فكه ال 100 جنيه ماشى ياعم سامح

[the9ranger]

يا ريس من غير م اسمحللك احنا هنا بنتناقش و نتبادل معلومات بس انا مش بقول بيسرب انا بقول بيترسب لما تكون لسا مغير زيت او العربية يتيقي مركونة بقالها فترة الزيت بيتقل و بيبقي فية ترسبات مش تسريب و الموضوع دا حصل معايا و مع اثنين معانا في الرابطة و لما خدنا العربية مشوار طويل و قرسنا عليها اتظبطت و كمان مش شرط الزيت ممكن كمان البنزين المغشوش يعمل داخنة و ياريت لو في حاجة غلط تصححهالي

انا برجح فعلا ان البنزين يكون مخشوش

[misho2008]

يا جماعة عاملين اية يا رب تكونو بخير
عندى مشكلة السوستة بتاعت التيل الامامى اتكسرت ومش لاقيها سألت تارجيت وحلمى سليمان معندهمش وقالى هتلقيها استيراد

الحقيقة انا بقيت خايف من العربية عشان قطع الغيار وبفكر -----------:( انى ابيعها انصحونى

[Ahmed_Ramadan]

يا جماعة عاملين اية يا رب تكونو بخير
عندى مشكلة السوستة بتاعت التيل الامامى اتكسرت ومش لاقيها سألت تارجيت وحلمى سليمان معندهمش وقالى هتلقيها استيراد

الحقيقة انا بقيت خايف من العربية عشان قطع الغيار وبفكر -----------:( انى ابيعها انصحونى

لو على السوستة إمسك السوستة فى إيدك و روح لأى حد باع قطع غيار كورى و قوله عاوز واحدة زى ديه و هيجيبهالك بسهولة

[fekodedo]

السلام عليكم

انا موضيعى قليلة لكن انا متابع كويس جدا وبحسد نفسى انى معايا سفيا عشان بس فى ناس زى

وحوش الرابطة , وبصراحه من غير ما أطول انا ناوى أعمل الصيانة الدورية للعربية بعد مدة إفلاس لا

بأس بها وناوى ان شاء الله أعمل شوية دلع كده لسفيتى حبيبتى وكنت عايز شوية نصائح منكم بقدر

المستطاع يعنى مثلا :

هغير الطنابير الأمامى بطنابير سكاكين ( هل ينفع ولا لا )

طبة الزيت هجبها Magnetic

بوجيهات Radium أو Platinum

وهكذا فياريت تفدونى وانقل تجربتى فى أداء العربية وربنا يعنى واعمل شوية لعب خارجى وارفع

الصور ..

وأسف على الإطالة

[fekodedo]

ومين أروحله يقدر يساعدنى فى التعديل ويكون بيفهم .

[misho2008]

لو على السوستة إمسك السوستة فى إيدك و روح لأى حد باع قطع غيار كورى و قوله عاوز واحدة زى ديه و هيجيبهالك بسهولة

تسلم يا كبير هجرب واقول لحضرتك الف شكر

[misho2008]

السلام عليكم

انا موضيعى قليلة لكن انا متابع كويس جدا وبحسد نفسى انى معايا سفيا عشان بس فى ناس زى

وحوش الرابطة , وبصراحه من غير ما أطول انا ناوى أعمل الصيانة الدورية للعربية بعد مدة إفلاس لا

بأس بها وناوى ان شاء الله أعمل شوية دلع كده لسفيتى حبيبتى وكنت عايز شوية نصائح منكم بقدر

المستطاع يعنى مثلا :

هغير الطنابير الأمامى بطنابير سكاكين ( هل ينفع ولا لا )

طبة الزيت هجبها magnetic

بوجيهات radium أو platinum

وهكذا فياريت تفدونى وانقل تجربتى فى أداء العربية وربنا يعنى واعمل شوية لعب خارجى وارفع

الصور ..

وأسف على الإطالة

معلش تعديل صغير الطنابير الامامى سكاكين يمكن قصد حضرتك الخلفية

[fekodedo]

تمام ,, اشكرك

متابع

[Ahmed_Ramadan]

تسلم يا كبير هجرب واقول لحضرتك الف شكر

على إيه يا فندم كلنا ففى خدمة بعض .......... و طمنا عملت إيه