رابطة الوحوش ملاك السيفيا (ج3)

[the9ranger]

يعنى ينفع موتور الاسبكترا ولا لأ وهل هو نفس موتور الشوما

انا لما رحت علشان اسقط الموتور بتاع الاسبكترا ناس كثير قالتلى مينفعش علشان مش فاهمين فى التعديل بتاع فك وركب الاصلى بتاعها وخلاص ونصحونى بالشوما وفعلا لقيتو نفس الموتور ونفس الحجم انما فى واحد فى الحرفيين قالى ينفع بس هيعدل فى قواعد الموتور والحوض وفعلا انا لما فكرت فيها لقيتها تنفع بس انا مبحبش العب فى اساسيات العربيه يعنى العب فى المتور اه علشان ازود الهورس باور مثلا انما مش بحب العب فى اساسيات العربيه فا علشان كده سيبت الموضوع وفكرت فى موتور الشوما 1600

[shams8275]

عاوز رأيكم.... السيفيا اللي معايا 2002 شاريها من شهرين و فيها بعض المشاكل اولها ان العربيه فيها رش في القوايم تاني حاجه تنتيش في الالأول و التاني في الفتيس مع المشي و الكبلن الشمال بيطقطق بسيط و التكييف بيشتغل على السريع بس لكن في المطبات او العربيه ماشيه بطيء ممكن يبطلها, فيه كتاوت في علبه الفيوزات معمول له تشعيره غير كده العربيه ما شاء الله سحبها رائع بتعدي ال 150 بثبات وواسعه عاوزه رشه نضافه من بره مفيش رش من الكابوت او الشنطه كاسيت بيونير اصلي انذار سنتر وقدامي كورولا 1998 هاف باور زجاج يدوي تكييف شغال رشه بره بس و حالتها كويسه معروضه ب 46 و برضه لانوس 2006 لسه ما شفتهاش..... رأيكم ايه خصوصا اني في طنطا و قطع الغيار صعبه شويه هنا............ بتاعتي تمنها يوصل كام ؟؟؟ و لو حد عنده خبره في النوعين التانيين يدلني

[zerox2010]

خد بالك من علبه الفيوزات دى اهم حاجه خد بالك لو لمه التشك منوره ولا لا علشان ممكن يكون فى حساس فيها مش شغال والعربيه دى مشكلتها فى كهربتها والكنترول بتاعها وحساستها لو اوتوماتك لازم تركبها وتشوف بتنتش ولا لا وسحبها عامل ايه معاك علشان الاوتو منها فى مشاكل كثير اهم حاجه متكونش متهانه وتكشف عليها كويس علشان لو متهانه هتتعبك انما لو حالتها حلوه مش هتتعبك خالص علشان هيه عربيه جميله ومشاكلها قليله ومشهوره معروفه وحلها بسيط موتورها مش فى مشاكل واعطالو بسيطه والفتيس بتعها كويس ماعدا الاوتو فى شويه مشاكل

شكرا ياباشا
يعنى كل العيوب اللى فيها بتكون فى الكهربا طيب لو انا عاوز اكشف عليها واعرف انها كويسه ولا لأ ازاى ؟

[gaballa1971]

كل سنه وجميع أعضاء الرابطة بخير و يارب يكون عيد سعيد علينا كلنا ، محتاج نصيحة صغيره ، أنا ناوى إنشاء الله أغير طلمبة البور بعد العيد على طول أغيرها جديد و لا أغيرها أستيراد أيهما أحسن ، و طلمبة البنزين الأصلية الجديده عامله كام و هل فعلاً لما تكون طلمبة البنزين ضعيفة العربية بتستهلك بنزين زيادة أيه مدى صحة المعلومة دى و شكراً .

اول حاجة لما تغير طلمبة البور تجيبها جديدة اوعى تجيب استيراد مش بتنفع واهم حاجة تكشف على خرطوم البور المضغوط ولو عاوز يتغير غيره وتخلى باللك من نقص زيت البور وده بيكون عيب فى السكاترا لو الأمور تمام هات جديدة وريح دماغك اما بخصوص طلمبة البنزين هات موتور داخلى بوش وعموما كله صينى ومكتوب عليه المانى وكده ونظف دورة البنزين واكشف على الخراطيم وشوفها سليمة والمحتاج تغيير غيره اما بالنسبة لأستهلاك البنزين الزيادة فده ممكن يكون من حساس الشكمان او علبة اليئة بايظة او الرشاشات واسعة وفيها تسييل اكشف عليها الأول

[ahmadshokry]

انا لما رحت علشان اسقط الموتور بتاع الاسبكترا ناس كثير قالتلى مينفعش علشان مش فاهمين فى التعديل بتاع فك وركب الاصلى بتاعها وخلاص ونصحونى بالشوما وفعلا لقيتو نفس الموتور ونفس الحجم انما فى واحد فى الحرفيين قالى ينفع بس هيعدل فى قواعد الموتور والحوض وفعلا انا لما فكرت فيها لقيتها تنفع بس انا مبحبش العب فى اساسيات العربيه يعنى العب فى المتور اه علشان ازود الهورس باور مثلا انما مش بحب العب فى اساسيات العربيه فا علشان كده سيبت الموضوع وفكرت فى موتور الشوما 1600

جبته من عند مين وبكام وايه اللى عملته فى المرور علشان تغيير الموتور

[الغزالى]

السلام عليكم يا رجاله السيفيا ماشاء الله منورين الرابطه ومولعنها ...
ليا عندكم طلبين .. عايز جوز فوانيس امامي سيفيا 99 و جوز شبوره او فره يمين
الى قدامه حاجه او عنده حاجه يعرفنى عشان محتاجهم ضرورى خصوصا الامامى

[medo_chemist]

السبت 19 ذو الحجة 1433السلام عليكم ورحمة الله وبركاتة
انا فى غاية السعادة انى الاقي منتدي بيتكلم فى الكيا سيفيا بالاهتمام دة
انا لسة مشتري سيفيا موديل 2000 مانويال واتمني انكم تقبلونى صديق للرابطة
يا جماعة انا عندي ونه فى الفتيس مش عارف من اية وخايف اروح لميكانيكي يفتيلي فيها
انا معايا سيفيا موديل 2000 مانويال
الراجل الى خدتها منه بيقوله ان ( ترس الكرونا) عاوز يتغير وهو الى بيعمل الونه دي
ساعدونى ارجوكم
اية هوة ترس الكرونا دة وانا اغيرة والا اغير الفتيس كله ولا اعمل اية؟؟؟؟؟

[the9ranger]

السبت 19 ذو الحجة 1433السلام عليكم ورحمة الله وبركاتة
انا فى غاية السعادة انى الاقي منتدي بيتكلم فى الكيا سيفيا بالاهتمام دة
انا لسة مشتري سيفيا موديل 2000 مانويال واتمني انكم تقبلونى صديق للرابطة
يا جماعة انا عندي ونه فى الفتيس مش عارف من اية وخايف اروح لميكانيكي يفتيلي فيها
انا معايا سيفيا موديل 2000 مانويال
الراجل الى خدتها منه بيقوله ان ( ترس الكرونا) عاوز يتغير وهو الى بيعمل الونه دي
ساعدونى ارجوكم
اية هوة ترس الكرونا دة وانا اغيرة والا اغير الفتيس كله ولا اعمل اية؟؟؟؟؟

كارونه ايه العربيه كبالن مش كرونه على فكره

[medo_chemist]

الكلام دة كلام الراجل الى مشتري منه العربية
طب الونة دى تعتقد من اية يعنى؟؟

[eldmrane]

السبت 19 ذو الحجة 1433السلام عليكم ورحمة الله وبركاتة
انا فى غاية السعادة انى الاقي منتدي بيتكلم فى الكيا سيفيا بالاهتمام دة
انا لسة مشتري سيفيا موديل 2000 مانويال واتمني انكم تقبلونى صديق للرابطة
يا جماعة انا عندي ونه فى الفتيس مش عارف من اية وخايف اروح لميكانيكي يفتيلي فيها
انا معايا سيفيا موديل 2000 مانويال
الراجل الى خدتها منه بيقوله ان ( ترس الكرونا) عاوز يتغير وهو الى بيعمل الونه دي
ساعدونى ارجوكم
اية هوة ترس الكرونا دة وانا اغيرة والا اغير الفتيس كله ولا اعمل اية؟؟؟؟؟

لو تسمع حضرتك مني النصيحة امشي بالفتيس كدة وبلاش تصليح ولما تحس انك زهقت منة غيرة هوة سعرة مش غالي لانة مش مطلوب اصلا او بمعني اصح اعطالة قليلة جدا وتمنة اتسيراد حوالي 900 جنية وانت وشطرتك يمكن التصليح اي ان كان هيكلفك علي الفاضي ومهما كان مش هيخلية زي الاول طبعا فحضرتك غيرة احسن

[gaballa1971]

سيارة سيفيا 99 اوتوماتيك للبيع

سيارة كيا سيفيا موديل 99 اوتوماتيك جميع الكماليات جنوط اسبور كاسيت وسماعات كينوود فرش جلد طابلوه سليم جدا عداد 110000 كم لا يوجد بها اى مصاريف اطلاقا" بها رخصة ثلاث سنوات من المالك مباشرة اللون ابيض رشة جنبين واكصدامات فابرية دواخل وسقف وشنطة وكبوت كوتش امامى جديد زجاج ومرايات كهرباء ومكن رفع زجاج امامى وانذار وسنتر وتكيف شغال بكفاءة عالية ومعمول ليها كل الصيانات ومغير تيل فرامل امامى وخلفى حديث وجميع الكماليات تعمل بكفاءة مطلوب نهائى 42000 جنيه السيارة موجودة بالزقازيق للمعاينة والأستعلام تليفون 01121263996 رجاء عدم الكلام فى المادة لحين معاينة السيارة

[the9ranger]

الكلام دة كلام الراجل الى مشتري منه العربية
طب الونة دى تعتقد من اية يعنى؟؟

الاصوات الى فى العربيه سببها حاجات كثيره وصعب النحديد من غير حتى ما تسمع الصوت ده طرمبه البوربتعمل ونه وطلمبه المياه بتخشن وبرضو تعمل ونه والفتيس ساعات بيوش ويشخلل يعنى فى اصوات كثيره اوى فى العربيه لازم توديها لحد متخصص ومتسبهاش غلشان متبوظش حاجه ثانيه خلص عربيتك واعملها علشان تحس انك راكب عربيه محترمه وتعجبك وتبان امكانيتها فعلا مش تبقى راكبها وقرفان منها وتقول لما اجيب اخرها ابقى اصلهحا لا اركب عربيه محترمه

[medo_mony]

يا جماعة انا عايز رأيكو فى الموضوع دة انا عندى صوت الموتور عالى اوى روحت لبتاع الشكمانات وغيرت العلبة الخلفية المهم لسة الصوت الموتور زى ما هو ورحت لكذا ميكانيكى 3 منهم اجمعوا ان الصوت دة من طرمبة الباور وبالاخص بلى الطرمبة خشن وعايز يتغير فهل الكلام دة صح ولا ايييية فدة فعلا يخلى صوت الموتور عندى يعلى اوى كدة بالصورة دة ويبقى فى النحرة دية كل ما ادوس بنزين ولا اييييية وعلى الرغم من ان الباور تمام ولايوجد زنة فيية لما اجى الف يمين او شمال حتى لو جايب اخر الدركسيون فهل فعلا البلى دة بيتغير وهواللى العامل الصوت النحرة ومعلى الموتور اوى كدة ولو غيرتها مش هبوظ علطول وهتعيش اد اية وهى بكام وليها انواع ولا نوع واحد والميكانيكى هيحل الطرمبة كلها ولا البلى دة من برة وهتتكلف كام العملية دة كلها بأجرة الميكانيكى معلشى يا رجالة طولت عليكم بس دة من عشمى فيكم والله

يا رجالة دية رابع مرة اسأل فيها السؤال دة ومحدش عبر اللى خلفونى ارجوكم الافادة علشان الموضوع دة عاملى قالوووو فى دماغى و ارجوكم عدم التنفيض

[medo_chemist]

لو تسمع حضرتك مني النصيحة امشي بالفتيس كدة وبلاش تصليح ولما تحس انك زهقت منة غيرة هوة سعرة مش غالي لانة مش مطلوب اصلا او بمعني اصح اعطالة قليلة جدا وتمنة اتسيراد حوالي 900 جنية وانت وشطرتك يمكن التصليح اي ان كان هيكلفك علي الفاضي ومهما كان مش هيخلية زي الاول طبعا فحضرتك غيرة احسن

مين احسن واحد استراد يكون مضمون ممكن اشترى منه الفتيس
انا سالت عليه لقيته بـ 1700ج دلنى على الراجل الى بيبيعه بـ 900 ج

[zomprakes]

مين احسن واحد استراد يكون مضمون ممكن اشترى منه الفتيس
انا سالت عليه لقيته بـ 1700ج دلنى على الراجل الى بيبيعه بـ 900 ج

1700 ازاي ؟ انتا اكيد سالت علي الاوتومتيك و الحرفيين مليانة و كدة كدة انتا بتاخد الفتيس علي التجربة يعني سليم بعد ما ركب خير و بركة مش سليم بترجعو