رابطة الوحوش ملاك السيفيا (ج3)

[أحمد الجندى]

طبعا انتم عارفين ان الشكمان عندى كان عايز يتغير ولما كنت روحت لأبو اليزيد قالى ان ال 3 علب عايزين يتغيروا بتكلفة اجمالية 1050 جنيه
طبعا أنا طنشت بسبب السعر الخزعبلى ده وقلت ابقى اشوف لما يبقى معايا فلوس اعملها ... المهم لما جيه وقت البيع كل ما حد يشوف العربية ويسمع صوت الشكمان يفتكر ان الموتور فيه حاجة احلفهم ميت يمين ان الشكمان هو اللى عامل الصوت ده محدش يصدق فقلت مابدهاش لازم اغير العلبة بتاعة البيئة
رجعت لعصام قالى ان فيه واحد عندهم بيبيع العلبة ب 80 جنيه فشديت الرحال على عصام وروحت للراجل لقيته بيقول ان العيب فى العلبة الوسطانية وجاب علبه مكانها وركبها دورت الصوت قل حوالى 50 فى المية بس لسه فى صوت طلع ان العلبة الاخيرة برضو لازم تتغير فقلت امرى إلى الله غير يا عم الحاج دور العربية هسسسس ايه ده هى دى عربيتى لدرجة انى بقيت متردد ابيعها اصلا
المهم حسابك كام يا حاج من هنا لهنا دفعت 150 جنيه للعلبتين بالتركيب ... واطلع جرب يا عم الحاج لقيت العربية بقت جراية وبطير على الطريق لدرجة انى جيبت ال 80 على التانى وال 120 على التالت لانى كنت بغير على أول الريد زون ... بصراحة أنا ندمت انى كنت مأجل الموضوع ده وفاكر ان الحل الوحيد عند أبو اليزيد علشان كده حبيت انقل تجربتى لانى فاكر ان فيه كذا حد عايزين يغيروا اجزاء من الشكمان

[Ahmed_Ramadan]

بص يا احمد باشا موضوع الريداتير ده عايز بتاع ريداتير يكشف عليه ويديك القول الفاصل فيه
اما بالنسبه لترموستات المروحه انا عندى واحد سليم ممكن تكلمنى وتجرب بيه اللى انتا عايزه وده رقمى 01007272177

أنا عمال أدور على حد يكبس دورة التبريد علشان أحل الموضوع ده ... و ربنا يخليك على ترموستات الحرارة هكلم حضرتك النهاردة و أظبط معاك

[أحمد الجندى]

ألف مبروك يا جندى و ربنا يباركلك فيها

الله يبارك فيك يا احمد

[الغزالى]

العربية اخر حاجة فى الشكل الخارجى القديم اما من جوا فالتابلوه هو نفس تابلوه ال face left
من حيث الامكانيات فالعربية فيها 12 ايرباج بس لسه عايز اتأكد من الرقم ده و abs و ebd و asr حتى الان لسه ما مشيتش بالعربية كتير فمش حقدر احكم عليها بس انا كنت ماشى على المحور النهاردة وقلت خلينى ماشى براحة علشان لسه مش عارف ابعاد العربية زائد اختلاف المرايات بيعملى زغلله ببص على العداد لقيتنى ماشى على 120 وأنا مش حاسس

تتأكد من ايه يا حماده
عد معايا يا بيه كده ...
واحد فى الطاره + واحده للى جنب السواق + واحده فى كرسى السواق وواحده فى الكرسى الى جنب السواق كده كام يا بيه 4
2 فى القوايم الى فى النص يبئى ... كام 6
وفى 4 فى القوايم الى الى ورا يبئى كده كام 10 يا عم جندى ..
و 2 تقريبا للبابين الى ورا يبئى 12 او 2 فى القاييمن الى قدامك يبئى برضو 12
جتلى ولا لاء يا برونس :]
مفتش يوم واحد اهو

[zomprakes]

بما انك كنت عايز تعرف اخر الاخبار فاحب ابشرك ان ربنا كرمنى بعربية الفا 156 موديل 2003 على غير ما كنت بدور فابريكة برا وجوا وحالتها ما شاء الله كويسة ... انت عارف انى كنت بدور على موديل 98 لغاية 2001 بس سبحان الله العربية دى كانها وقعت قدامى... ربنا يدينى خيرها ويبعد عنى شرها

الف مبروك يا حج وربنا يبركلك فيها و يكفيك شرها بس اوعي تنسانا

[Ahmed_Ramadan]

بمناسبة الصيف و الحر اللى بدأ و الناس اللى عاوزة تظبط تكييفها أنا هتكلم على الصيانة اللى كنت عملتها أخر الصيف اللى فات.
صو ده كان أول صيف ليا مع العربية بس للأسف ظبط التكييف فى أخره بعد أما قضيت الصيف كله بالتكييف زى ما إشتريت العربية من صاحبها و كنت فاكر تكييفها أصلا ضعيف لحد أما ركبت سيفيا بتاعة واحد صاحبى و شوفت تكييفها عامل إزاى

المهم روحت عند شريف بتاع التكييف اللى عند صقر قريش المعادى عند كوبرى المشاة على سمعة زميل فى المنتدى كان ركب عنده تكييف للماروتى من الألف للياء و ده اللى شجعنى إنى أروحله


و للأسف الأسطى شريف نفسه مكنش موجود علشان كان عامل حادثة و كان قاعد فى البيت
المهم كان فيه صنايعى عنده إسمه محمد و هو اللى إشتغل فى العربية و بعد أما إتفقنا على المصنعية و الشغل اللى أنا عاوز أعمله إبتدى فك فى التابلوه.

المهم بعد فك التابلوه زى ما فى الصورة ديه



طلعنا العلبة اللى فيها التلاجة الداخلية و مروحة الصالون و دفاية السخن بره و ده شكلها




بعد كده فك الثلاجة و زى ما إنتم شايفين الصورة أبلغ من أى تعليق و من هنا ظهر ليه الهوا اللى كان طالع كان ضعيف و التبريد أى كلام:








و ده الصبى اللى عنده و هو بيغسل فبر اللى فيه المروحة و بيظبطها:



بعد الغسيل و التنضيف مصورتش حاجة علشان الدنيا كانت ليلت بس التلاجة كانت عاملة زى كده بالظبط:



بعد كده ركبنا كل حاجة مكانها و كسحنا الدورة و كبسنا و بعد كده شحن التكييف و نبه عليا مفتحش تقليب الهوا من بره علشان معندناش فلتر للتكييف و بالتالى لو فاتح بوابة الهوا اللى بيدخلك بيبقى مليان تراب و هو ده اللى بيسد سربنتينة التكييفو بيخليها بالمنظر اللى شوفناه فوق

الموضوع أخد بتاع ساعتين ل 3 ساعات و إتكلف ساعتها 300 جنيه منهم 150 شحن و هو غالى شوية بس قولت مش مهم ساعتها

[dobe66]

باشا تقليب الهوا دة الى هو الزرار الى على اليمين صح تسيبو شغال على طول تمام كدة

[engwms]

باشا تقليب الهوا دة الى هو الزرار الى على اليمين صح تسيبو شغال على طول تمام كدة

هو تمام

[Ahmed_Ramadan]

هو تمام

+111111111

[أحمد الجندى]

تتأكد من ايه يا حماده
عد معايا يا بيه كده ...
واحد فى الطاره + واحده للى جنب السواق + واحده فى كرسى السواق وواحده فى الكرسى الى جنب السواق كده كام يا بيه 4
2 فى القوايم الى فى النص يبئى ... كام 6
وفى 4 فى القوايم الى الى ورا يبئى كده كام 10 يا عم جندى ..
و 2 تقريبا للبابين الى ورا يبئى 12 او 2 فى القاييمن الى قدامك يبئى برضو 12
جتلى ولا لاء يا برونس :]
مفتش يوم واحد اهو

مرجع من يومك يا غزالى

[أحمد الجندى]

الف مبروك يا حج وربنا يبركلك فيها و يكفيك شرها بس اوعي تنسانا

مقدرش انسى اجدع ناس

[medo_chemist]

طبعا انتم عارفين ان الشكمان عندى كان عايز يتغير ولما كنت روحت لأبو اليزيد قالى ان ال 3 علب عايزين يتغيروا بتكلفة اجمالية 1050 جنيه
طبعا أنا طنشت بسبب السعر الخزعبلى ده وقلت ابقى اشوف لما يبقى معايا فلوس اعملها ... المهم لما جيه وقت البيع كل ما حد يشوف العربية ويسمع صوت الشكمان يفتكر ان الموتور فيه حاجة احلفهم ميت يمين ان الشكمان هو اللى عامل الصوت ده محدش يصدق فقلت مابدهاش لازم اغير العلبة بتاعة البيئة
رجعت لعصام قالى ان فيه واحد عندهم بيبيع العلبة ب 80 جنيه فشديت الرحال على عصام وروحت للراجل لقيته بيقول ان العيب فى العلبة الوسطانية وجاب علبه مكانها وركبها دورت الصوت قل حوالى 50 فى المية بس لسه فى صوت طلع ان العلبة الاخيرة برضو لازم تتغير فقلت امرى إلى الله غير يا عم الحاج دور العربية هسسسس ايه ده هى دى عربيتى لدرجة انى بقيت متردد ابيعها اصلا
المهم حسابك كام يا حاج من هنا لهنا دفعت 150 جنيه للعلبتين بالتركيب ... واطلع جرب يا عم الحاج لقيت العربية بقت جراية وبطير على الطريق لدرجة انى جيبت ال 80 على التانى وال 120 على التالت لانى كنت بغير على أول الريد زون ... بصراحة أنا ندمت انى كنت مأجل الموضوع ده وفاكر ان الحل الوحيد عند أبو اليزيد علشان كده حبيت انقل تجربتى لانى فاكر ان فيه كذا حد عايزين يغيروا اجزاء من الشكمان

يا باشا الف مبروك على البيع وربنا يديك خير العربية الجديدة ويكفيك شرها
انا عندي نفس المشكلة بتاعت عربيتك الى بعتها
علبة البيئة عندي مخليه صوت الموتور زفت
يا ريت يا اخي تقولي على نمرة الراجل الى عملك الشغل بتاع الشكمان علشان اعمل الشغل عندة

[أحمد الجندى]

يا باشا الف مبروك على البيع وربنا يديك خير العربية الجديدة ويكفيك شرها
انا عندي نفس المشكلة بتاعت عربيتك الى بعتها
علبة البيئة عندي مخليه صوت الموتور زفت
يا ريت يا اخي تقولي على نمرة الراجل الى عملك الشغل بتاع الشكمان علشان اعمل الشغل عندة

انا معنديش ليه رقم للاسف وكمان معرفش مكانه انا روحت لعصام فى القناطر وهو اللى ودانى ليه ... فانت ممكن تتصل بعصام وهو مش حايتأخر عليك
وعلى فكرة هو كان عنده نوعين من علبة البيئة واحدة ب 80 اللى أنا ركبتها وتانية احسن منها ب 100 بيقول عليها مجلفنة وبتبقى احسن واهدى فى الصوت

[medo_chemist]

انا معنديش ليه رقم للاسف وكمان معرفش مكانه انا روحت لعصام فى القناطر وهو اللى ودانى ليه ... فانت ممكن تتصل بعصام وهو مش حايتأخر عليك
وعلى فكرة هو كان عنده نوعين من علبة البيئة واحدة ب 80 اللى أنا ركبتها وتانية احسن منها ب 100 بيقول عليها مجلفنة وبتبقى احسن واهدى فى الصوت

طيب من ناحية الصوت لما حطيت بديل علبة البيئة الجديدة الصوت اية ظروفة
واية الفرق بين العلبة دى والرنان الي موجود عند ابو اليزيد؟؟

[أحمد الجندى]

طيب من ناحية الصوت لما حطيت بديل علبة البيئة الجديدة الصوت اية ظروفة
واية الفرق بين العلبة دى والرنان الي موجود عند ابو اليزيد؟؟

هو من حيث الفرق فكان فيه فرق كبير جدا وأهل الرابطة كلهم عارفين انا الصوت عندى كان عامل ازاى وصوت الموتور بقى أهدى .... المقارنة بينه وبين أبو اليزيد مش حاقدر افيدك فيها بس يفترض ان ابو اليزيد هو احسن حاجة والدليل اننا لما فكينا الشكمان القديم كان الاصلى بتاع السيفيا وكان عليه علامة كيا وجنبها علامة أبو اليزيد فواضح انهم كانوا بيعملوا شكمانات السيفيا