رابطة الوحوش ملاك السيفيا (ج3)

[mozerts]

السلام عليكم ازيكم يارجالة السيفيا عاوز احكلكم على حاجة حصلت معايا من اسبوع كده فوجئت ان صوت طرمبة الباور عالي وبيعلى عن الطبيعي وأنا من سنتين كده كنت مغيرها وجبتها استعمال وكانت شغالة زي الفل أنا قولت اكييييد عاوزه تتغير مش عارف حاجه اللهمتني كده ان ابص على الاسكاتره وكانت المفاجأة ان لقيت زيت راشح فيها وكانت الصدمة ليا فبصيت على قربة الزيت لقيتها فاضيه خالص روحت علطول اشتريت جركن زيت باور ومليتها عشان عاوز اطمن على الطرمبه والحمد لله الطرمبه سليمه والصوت العالي اختفى المشكله هنا بقا في الاسكاتره كنت مرعووووب جدا ان بتاع العفشه يقولي نزل الاسكاتره وأنا عندي مبدأ الحاجه اللي بتتفك عمرها مابترجع زي الأول ابدا وخاصه ان الموضوع ده عمره ماتفك قبل كده
المهم اتكلت على الله ورحت لبتاع العفشه لأن الموضوع ده لازم يتصلح المهم الراجل قعد يبص يمين وشمال تحت العربية وراح داخل عند الدواسه وبص لقى رشح الزيت من جوه قولتله ازاي الرشح كله بره قالي لأ هو من جوه بس بيرمي بره قولتله أهم حاجه هتنزل الاسكاتره قالي لأ ففرحت جدا قالي هات اولسيه علوي اسكاتره ورحت عشان اشتريه لقيت طقم الاصلاح كله على بعضه قولت مش هيخصر واشتريته والراجل الصراحه محترف جدا ونظيف جدا واتكيفت من شغله والحمد لله الرشح اتمنع
خلاصه الموضوع عشان مطولش عليكم أهم حاجه من فتره للتانيه كل واحد يفتح الكابوت ويبص على الزيوت ويشوف الدنيا كده مظبطه ولا لأ واسف للأطاله
صح اجمالي التكاليف طقم اصلاح 100 جنيه مصنعية 80 جنيه وظبط زوايا عشان الطاره خلفت 25 جنيه

الله يباركلك لسة كنت داخل اكتب استفسار من الاعضاء نفس الموضوع حصل عندى والزيت كان بيينقص روحت لواحد غيرلى خرطوم من تحت وقالى هو دة بعديها العربية تقلت اوى فى الباور و الزيت بينقص جامد كشفلى تانى لقى ترشيح الزيت عند الاسكاترة كدة وقالى علبة الدريكسيون هية اللى بتجيب زيت ولازم تتغير بصراحة مش واثق فى الكلام دة خالص لان الزيت كان بيقل اة بس مش بالشكل دة والدريكسيون كان شغال زى الفل معايا مرة واحدة تقل ... المهم ممكن تقولى الراجل دة فين بدل مغير علبة دريكسون وكلام من دة والموضوع دة عايز ميكنايكى ولا عفشجى

[medo_mony]

اليومين اللى فاتو غيرت زيت و قررت أجرب فالفولين بعد أما قلبت المنتدى و إشتريت فالفولين engine armour نص تخليقى و المفروض يقعد بتاع 6000-7000 هو الجركن ذهبى و جبته من موزع جنبى فى أخر جسر السويس شغال فى منتجات فالفولين بس و الإنتاج شهر 7 سنة 2013 ...الزيت ب 215 و التغيير 10 و غيرت فلتر بالمرة أصلى ب 25 جنيه

و عملت دورة غسيل ردياتير و قربة فى بنزينة جنبى و الحمد الله مفيش صدأ مع إنى بستخدم ميه حنفية بس أنا كنت مقرر أغيرها علشان بعد أما عملت طقم الشنبر شفت تأثير ميه الحنفية البشع على المواسير و جبت جركن موبيل تركيز 33% ب 80 جنيه و عبوة 1 لتر ب 22 جنيه ..... كان فيه فى البنزينة فى الماركت ميه خضرا تركى فى علبة صفيح زرقا بس أنا مرضتش أستعملها علشان كنت عاوز أشتغل على نضيف .... التنضيف ب 25 جنيه و 5 جنيه بقشيش

شوية و هغير فلتر الهوا كمان علشان بقالى كتير بفكه بنضفه بالهوا بس و حاسس العربية سحبتها مش زى الأول

مبروك على حملة النظافة دية ومستنين تقرير مبدئى عن الزيت ان شاء الله

[Saeed Desoki]

السلام عليكم جميعا يا وحوش السيفيا....
أنا قررت أشتري عريبه سيفيا حتكون اول عربيه أركبها واتفرجت علي كذا واحده بصراحه وآخر واحده شفتها كانت مو2000 عامله 250الف كيلو وعايزه تغير علبة دركسيون وحالتها كويسه ,صالونها جيد مش متبهدل قوي وصاحبها طالب 43 الف قابله للتفاوض البسيط وللاسف لعدم خبرتي خايف مش عارف أعمل إيه ..ومحتار وعاوز أكشف ع العربيه ومش عارف أروح لمين عشان أعرف فيها ايه وكمان عشان اعرف حالتها كلها قبل ما آخدها بدل ما اكتشف مفجآآآت مستخبيه بعد ما اشتريها........
أرجو الرد ممن يستطيع المساعده او حتي لو يقدر يكلمني أو يرنلي بس ع تليفوني 01022212401 "سعيد دسوقي"
معلش استحملوني بقي طالما نويت أبقي سيفياوي :)

[geasa]

انا ابتديت اسلي نفسى مع العربيه قومت فكيت الرادياتير وفلاتر الهوا وغسلتهم وغسلت صدر العربيه
الملاحظات
كذا سلك مش معزولين عزلتهم بشيكرتونه
المروحتين بتوع الردياتير توصيلتهم للكهربا معجبتنيش ظبطها من الاول تانى
فيه سنسور فى فلتر الهوا جيت افكه سلكه اتقطع عملته فيشه دكر ونتايه علشان يبقى سهل انى افكه تانى
قاعده المروحه الصغيره كانت متكسر فيها كذا حته سالت عليها بدلع كدة ملقتهاش قعدت ظبطت الشاسيه كله بالصفيح ومسامير البرشام وبقت افضل من الاول بكتير
عند التركيب حاسس ان الردياتير مع السربنتينه مع الفلاتر مش واخدين راحتهم وده مش عيب تركيب يعنى السربنتينه ماكانتش داخله فى القواعد بتاعتها تحت الا بعد مجهود وكذلك الرادياتير وبرضك بناءا عليه فلاتر الهوا مش راكبه بالزاويه المناسبه
المهم العربيه اشتغلت ولسه لمبه التشك انجن قايدة هاضطر اكشف عليها كده

[geasa]

عاوز اغير زيت وفلتر تنصحونى بايه
وقاعدة المروحه اجيبها منين وبكام

[misho2008]

انا ابتديت اسلي نفسى مع العربيه قومت فكيت الرادياتير وفلاتر الهوا وغسلتهم وغسلت صدر العربيه
الملاحظات
كذا سلك مش معزولين عزلتهم بشيكرتونه
المروحتين بتوع الردياتير توصيلتهم للكهربا معجبتنيش ظبطها من الاول تانى
فيه سنسور فى فلتر الهوا جيت افكه سلكه اتقطع عملته فيشه دكر ونتايه علشان يبقى سهل انى افكه تانى
قاعده المروحه الصغيره كانت متكسر فيها كذا حته سالت عليها بدلع كدة ملقتهاش قعدت ظبطت الشاسيه كله بالصفيح ومسامير البرشام وبقت افضل من الاول بكتير
عند التركيب حاسس ان الردياتير مع السربنتينه مع الفلاتر مش واخدين راحتهم وده مش عيب تركيب يعنى السربنتينه ماكانتش داخله فى القواعد بتاعتها تحت الا بعد مجهود وكذلك الرادياتير وبرضك بناءا عليه فلاتر الهوا مش راكبه بالزاويه المناسبه
المهم العربيه اشتغلت ولسه لمبه التشك انجن قايدة هاضطر اكشف عليها كده

اللمبة شغالة عشان حساس العمة اسمة mat شوف السلوك لا تكون معكوسة

[geasa]

اللمبة شغالة عشان حساس العمة اسمة mat شوف السلوك لا تكون معكوسة

انا لسه شارى العربيه وواخدها من صاحبها واللمبه قايده فانا ماعكستش السلك ركبته زى ماكان بالظبط فقط عملته بفيشه علشان لما اخلعه تانى يبقى سهل
وجزاكم الله خيرا على النصيحه

[Ahmed_Ramadan]

مبروك على حملة النظافة دية ومستنين تقرير مبدئى عن الزيت ان شاء الله

إن شاء الله أما أمشى بيه شوية و عاوزين حد يجرب وولف و Xado علشان نرسى على نوع كويس لعربياتنا

السلام عليكم جميعا يا وحوش السيفيا....
أنا قررت أشتري عريبه سيفيا حتكون اول عربيه أركبها واتفرجت علي كذا واحده بصراحه وآخر واحده شفتها كانت مو2000 عامله 250الف كيلو وعايزه تغير علبة دركسيون وحالتها كويسه ,صالونها جيد مش متبهدل قوي وصاحبها طالب 43 الف قابله للتفاوض البسيط وللاسف لعدم خبرتي خايف مش عارف أعمل إيه ..ومحتار وعاوز أكشف ع العربيه ومش عارف أروح لمين عشان أعرف فيها ايه وكمان عشان اعرف حالتها كلها قبل ما آخدها بدل ما اكتشف مفجآآآت مستخبيه بعد ما اشتريها........
أرجو الرد ممن يستطيع المساعده او حتي لو يقدر يكلمني أو يرنلي بس ع تليفوني 01022212401 "سعيد دسوقي"
معلش استحملوني بقي طالما نويت أبقي سيفياوي :)

هو 43 تجيبلك حالة نضيفة و مش متهانة قولنا مكانك فين علشان نوجهك لأأقرب مكان أول لو مكانك قريب منى أجى أبصلك عليها مفيش مشاكل

[geasa]

لاحظت زيت تحت العربيه سالت الميكانيكى على السريع كده قالى احتمال يكون اويلسيل بتاع الكرنك وبالمرة لوفتحت فى الموضوع. ده هاغير الاولسيهات التانيه بالمرة
الاقى الاولسيهات دى فين. قبل ماافتح فى الموضوع ده وبكام علشان اعمل حسابى

[Saeed Desoki]

إن شاء الله أما أمشى بيه شوية و عاوزين حد يجرب وولف و xado علشان نرسى على نوع كويس لعربياتنا



هو 43 تجيبلك حالة نضيفة و مش متهانة قولنا مكانك فين علشان نوجهك لأأقرب مكان أول لو مكانك قريب منى أجى أبصلك عليها مفيش مشاكل

أ. أحمد رمضان أنا شاكر جدا لرد حضرتك السريع وبصراحه الصفحات الشيقه اللي انتو عاملينها كانت من مشجعاتي علي إختيار السيفيا....
العربيه موجوده مع صاحبها في شبرا "الخلفاوي" وانا مش ساكن داخل القاهره لكن شغلي ف مصر الجديدة فأعتقد مش حتفرق معايا أنا المكان كتيير....

[mohmmedzohier]

السلام عليكم

ممكن اعرف اعراض تلف حساس الشكمان ايه ؟غير انه بيزود استهلاك البنزين


عندى رجه عل السلانسيه والجو بارد والميكانيكى قالى ممكن حسا س الشكمان

[hassanmoktar]

الله يباركلك لسة كنت داخل اكتب استفسار من الاعضاء نفس الموضوع حصل عندى والزيت كان بيينقص روحت لواحد غيرلى خرطوم من تحت وقالى هو دة بعديها العربية تقلت اوى فى الباور و الزيت بينقص جامد كشفلى تانى لقى ترشيح الزيت عند الاسكاترة كدة وقالى علبة الدريكسيون هية اللى بتجيب زيت ولازم تتغير بصراحة مش واثق فى الكلام دة خالص لان الزيت كان بيقل اة بس مش بالشكل دة والدريكسيون كان شغال زى الفل معايا مرة واحدة تقل ... المهم ممكن تقولى الراجل دة فين بدل مغير علبة دريكسون وكلام من دة والموضوع دة عايز ميكنايكى ولا عفشجى

تمام انا كمان حصل معايا الموضوع ورحت لواحد في المعادى متخصص وفك الاسكترا عادى مفيش قلق منها وطقم الإصلاح في ب 65 -150-200 والمصناعيه 100 وتمام الحمد للهوعندو المشكله لو في حد قريب من المعادى ممكن اوصف المكان لو حد عاوز

[eslamuk]

فى كهربائى كويس جدا فى شارع متحف المطرية متفرع من شارع جسر السويس عند موقف الاتوبيس اسمة محمد بفاريا لة عاوز تروحلة ممكن تكلمنى على 01001077701 لو انت مش عارف المكان ولما تروح قولة انا جاى من طرف الكابتن / اسلام بتاع السيفيا الكحلى

[eslamuk]

عند الجندى فى مصر الجديدة

[eslamuk]

واللة انا بافكر ابيع عربيتى سيفيا موديل 99 الكورى كاملة اوتومتك اللون كحلى بجد مش محتاجة مصروف ممكن تكلمنى على 01001077701