رابطة الوحوش ملاك السيفيا (ج3)

[amr_walid]

السلام عليكم ورحمة الله وبركاته
برجاء الافادة من الاخوة الافاضل عن السيارة كيا سيفيا 1 موديل 1994 من حيث قطع الغيار وتوافرها وسعر السيارة في حدود كام لاني مش لاقي اي معلومات عنها متاحة . وهي كيا سيفيا 94 فبريكا دواخل كاملة مانيوال بس فيه مشكلة في التكييف . فمحتاج اعرف سعرها كام تقريباً وهل قطع غيارها متوفرة ولا لا وهل يركب عليها قطع غيار سيفيا 2. فمحتاج رأي ضروري . وجزاكم الله خير.
ومحتاج اعرف معلومة ثانية هل يوجد كيا ( بستا 94)

[mohamad80]

عايز اعلى العربية من غير علايات يعنى اغير السوست بسوست عربية تانيه
حد جرب الموضوع ده وياريت لو حد يعرف عفشجى كويس اروحله

[ahmed99]

السلام عليكم . انا عملت شوية شغل فى العربية امس كنت حابب اعرفكم التفاصيل علشان لو حدعايز يعمل حاجات شبه دى مبدئيا انا كان عندى لمبة التشيك منورة فاحطيت العربية على الاسكانر فطلع حساس شكمان روحت جبته استيراد بــ 200 جنيه من عند الكيلانى فى الحرفيين وجبت الفيشة بتاعت الضفيرة بــ 50 جنيه لان الحساس عندى كان راكب دايركت على الضفيرة المهم ركبنا الحساس وجرب على الاسكانر طلع ايرور فى حساس المياه بص على حساس الميه طلعت الفيشة مكسورة جبت فيشة بــ 30 جنيه من عند عمار اللى جنب محمد عسكر جرب يا معلم قالى فيه ايرور فى حساس مش فاكر اسمه هو تقريبا حاجة كدة زى gkrاو, kg مش فاكر المهم العربية صوتها عالى نسبيا فقالى هو ده الحساس اللى عامل المشكلة دى ياريت يا مستر ماكس ياللى حرمتنى من شرف المقابلة علشان خاطر ظروفك تقوللى ايه الحكاية .والعمل الخطوة القادمة

[superrem_2000]

ولله مقدرش افيدك على ميكانيكيى فى النواحى دى عشان معرفش فيها حد
بس عموما كل دى حجات بسيطة

طب ممكن تقولي تقريبا ايه الي ممكن يكون في العربية بيعمل العيوب دي عشان لما اروح لميكانيكي ميشتغلنيش

[gaballa1971]

السلام عليكم . انا عملت شوية شغل فى العربية امس كنت حابب اعرفكم التفاصيل علشان لو حدعايز يعمل حاجات شبه دى مبدئيا انا كان عندى لمبة التشيك منورة فاحطيت العربية على الاسكانر فطلع حساس شكمان روحت جبته استيراد بــ 200 جنيه من عند الكيلانى فى الحرفيين وجبت الفيشة بتاعت الضفيرة بــ 50 جنيه لان الحساس عندى كان راكب دايركت على الضفيرة المهم ركبنا الحساس وجرب على الاسكانر طلع ايرور فى حساس المياه بص على حساس الميه طلعت الفيشة مكسورة جبت فيشة بــ 30 جنيه من عند عمار اللى جنب محمد عسكر جرب يا معلم قالى فيه ايرور فى حساس مش فاكر اسمه هو تقريبا حاجة كدة زى gkrاو, kg مش فاكر المهم العربية صوتها عالى نسبيا فقالى هو ده الحساس اللى عامل المشكلة دى ياريت يا مستر ماكس ياللى حرمتنى من شرف المقابلة علشان خاطر ظروفك تقوللى ايه الحكاية .والعمل الخطوة القادمة

هو اسمه egr وهو ليس حساس ولكن ممكن نقول عليه بلف وهو خاص بإعادة تدوير غازات العادم وده ممكن الميكانيكى يفكه وينظفه بس خلى بالك بعد الفك فيه قطعة صغيرة زى الصفيحة كده ممكن تقع ومش ياخد باله منها وربما يكون مسدود من الكربون ولو كده تجيب واحد استيراد

[medo_mony]

انا من وجهة نظرى السيفيا احسن شكلا ومضمونا

[ahmed99]

ايوة فعلا هو اسمة كدة بس الكهربائى فك البوابة كلها واتنضفت هو الــ egr ده مش من ضمن الحاجات اللى اتنضفت ولا ده بيتفك لوحده . الحاجة التانية الميكانيكى اللى بيفكه ولا الكهربائى .
الحاجة الاهم ان عندى العربية عالية يعنى الـت rpm على السلانسيه بيبقى على 1.1 ودا كان الاستاذ محمد قالى انه الايدل عايز يتغير هل الــ eegr له علاقة بالموضوع ده ولا لا وشكرا ليكم جميعا

[hima13385]

رجالة السيفياويه مساء الفل عليكم وربنا يبارك في عربيتنا كان عندي سؤال أنا ناوي اغير نظام الصوت عندي فهغير سماعات العربية للاصليه الخلفيه وطبعا كلنا عارفين سماعات العربيه الاصليه هي بيضاويه فهل أنا لو جبت سماعات بايونيير البيضاوي هتركب مكان الاصليه علطول ولا هحتاج برده اقص في الصاج ياريت تفيدوني أعمل ايه اكيد فيكم اللي مغير سماعات العربيه الاصليه وركب سماعات تانيه وشكرا ومنتظر ارئكم.

[ahmed99]

انا عربيتى راكب فيها السماعات البايونير البيضاوى بس للاسف انا مش عارف صاحبها مركبها على الفتحة ولا موسع شوية لانى شارى العربية كدة

[misho2008]

رجالة السيفياويه مساء الفل عليكم وربنا يبارك في عربيتنا كان عندي سؤال أنا ناوي اغير نظام الصوت عندي فهغير سماعات العربية للاصليه الخلفيه وطبعا كلنا عارفين سماعات العربيه الاصليه هي بيضاويه فهل أنا لو جبت سماعات بايونيير البيضاوي هتركب مكان الاصليه علطول ولا هحتاج برده اقص في الصاج ياريت تفيدوني أعمل ايه اكيد فيكم اللي مغير سماعات العربيه الاصليه وركب سماعات تانيه وشكرا ومنتظر ارئكم.

هتركب على نفس الفتحات من غير ما تعمل حاجة فى الصاج
انا كنت مركب jbl وبعدين ركبت بايونير

[hima13385]

هتركب على نفس الفتحات من غير ما تعمل حاجة فى الصاج
انا كنت مركب jbl وبعدين ركبت بايونير

يعني السماعه راكبه مستريحه وتمام ولا ايه ولا مرفوعه شويه أصل لسه مش عارف وأنا مش عاوز اقطع في الصاج وشاكر جدا ليك

[misho2008]

يعني السماعه راكبه مستريحه وتمام ولا ايه ولا مرفوعه شويه أصل لسه مش عارف وأنا مش عاوز اقطع في الصاج وشاكر جدا ليك

يا باشا راكبة زى الفل الحتة بتاعت السماعى اللى فى الصاج اساسا عالية عن باقى الرف لية بقى؟؟؟؟؟؟
عشان السوستة بتاعة الشنطة متخبطش فى السماعة

[hassanmoktar]

كده الله ينور عليك ... هو مصنعية التابلوه معقولة بس التكييف مش عارف ليه حاسسها مبالغ فيها شوية لو هو غسل التلاجة بس

ألف مبروك و فعلا غسيل التلاجة هيفرق معاك جدا فى الهوا اللى خارج

باشا بالنسبة الى مصنعية التكيف ده شامله كل حاجه يعنى الشحن وغسيل التلاجه

[hassanmoktar]

الله ينور وربنا يباركلك فيها

معلش سؤال بقى على موضوع لمبة الصالون ام 20 جنيه، فرقت كتير بعد ما ركبتها؟
اصلى بكفر أجيب الليدات ده مثلا واحد هيمين و واحده شمال و اسيب بتاعة الصالون ولا الاضاءه الجديده خلتك تستغنى ؟ أنا بتكلم عن اضاءه قويه تخليك بالليل تعرف تقرأ و تبحث عن شئ فى العربيه.

شكرا

باشا ليدات الصالون ممكن تتجاب 16 24 36 حسب ما انت عاوز ام 20 جنيه 36 وفى اعتقد 42 ومنصحش حضرتك بليدات الجنب أولا شكلها 28 خالص هههههه وبعدين ممكن ان السلوك تكون ظاهرة واضائة الصالون بجد حلوه جدا

[hassanmoktar]

يا جماعة لو حد عنده اى سؤال للصنيعية في نطاق المعادى ممكن افيد حضراتكم من كهرباء او قطع غيار او كبالن او علبة دركسيون او بور بس المكانيكى....ههههههه لسه شوية