رابطة الوحوش ملاك السيفيا (ج3)

[أحمد الجندى]

لقيتها بس إنت مقولتش عملت إيه فى مشكلة التخبيط ديه و الدنيا عاملة معاك إيه دلوقتى؟؟

التخبيط ده فضل معايا بتاع شهرين مش راضى يتحل وقفلت من العربية وبقيت قرفان منها لغاية اما غيرت بقية قواعد الماتور التخبيط راح ورجعت احب العربية تانى وطلع كلام الراجل مظبوط

بالنسبة للاسكاترا فلقيتها بعد شهر منزلة الزيت كله رجعتلهم تانى قالى احنا بعد ما صلحنا الاسكاترا بقى فيه ضغط على الخراطيم والخراطيم قديمة ومش مستحملة فلازم يتغيروا فغيرتهم والحمد لله الدنيا مظبوطة من ساعتها

[Ahmed_Ramadan]

التخبيط ده فضل معايا بتاع شهرين مش راضى يتحل وقفلت من العربية وبقيت قرفان منها لغاية اما غيرت بقية قواعد الماتور التخبيط راح ورجعت احب العربية تانى :10d5c8w1107: وطلع كلام الراجل مظبوط

بالنسبة للاسكاترا فلقيتها بعد شهر منزلة الزيت كله رجعتلهم تانى قالى احنا بعد ما صلحنا الاسكاترا بقى فيه ضغط على الخراطيم والخراطيم قديمة ومش مستحملة فلازم يتغيروا فغيرتهم والحمد لله الدنيا مظبوطة من ساعتها

تمام الله يكرمك .... يعنى كده فى 350 جنيه تصليح إسكترا و كام خراطيم و هل روحتلهم بالعربية و هم فكوا كل حاجة و ركبوا ولا فكتها عند ميكانيكى و روحتلهم ؟؟

[Ahmed_Ramadan]

يا باشا كتر الف خيرك وانا متشكر جدا على اهتمامك بس البوبينه ديه عاوزه كهرباءي ولا ميكانيكى؟

البوبينة محتاجة كهربائى

[أحمد الجندى]

تمام الله يكرمك .... يعنى كده فى 350 جنيه تصليح إسكترا و كام خراطيم و هل روحتلهم بالعربية و هم فكوا كل حاجة و ركبوا ولا فكتها عند ميكانيكى و روحتلهم ؟؟

هما خرطومين باين يعملوا 120 جنيه وده بيبقى على حسب يعنى ممكن تعمل الاسكاترا من غير ما تغير الحراطيم.... والورشة اللى رحتلها عملوا كل حاجة فكوا وركبوا وجابوا طقم الاصلاح يعنى انت تستريح وتضرب الشوب الفخفخينا الفاخر وخلال ساعتين ثلاثة تاخد عربيتك

[Ahmed_Ramadan]

هما خرطومين باين يعملوا 120 جنيه وده بيبقى على حسب يعنى ممكن تعمل الاسكاترا من غير ما تغير الحراطيم.... والورشة اللى رحتلها عملوا كل حاجة فكوا وركبوا وجابوا طقم الاصلاح يعنى انت تستريح وتضرب الشوب الفخفخينا الفاخر وخلال ساعتين ثلاثة تاخد عربيتك

شكرا جدا ... أنا هروحلهم على يوم السبت علشان بكره هيبقى فيه مليونية و الدنيا هتبقى مقفلة و ربنا يكرم

[m_adeleid]

يا باشا كتر الف خيرك وانا متشكر جدا على اهتمامك بس البوبينه ديه عاوزه كهرباءي ولا ميكانيكى؟

ميكانيكي
و بعدين الموضوع بسيط جدا
حتفك الوش اللي فوق البوجيهات حتلاقي بوبينتين بالفيش بتاعتهم حتفك و تغير ببساطه

[eldmrane]

يا جماعة سؤال للي بيعرف في الاوتوماتيك العربية عندي لو حرقت وعملت كيك دون وجيت وقفت بعدها اجي ادوس بنزين كانها ممورة والفتيس مش حاسس باي حاجة حتي لما بحرك العصاية المفروض بحس بخبطة كدة مافيش اي حاجة وبعدين تظبط هية مش بتعمل كدة غير لو قرصت جامد وعملت كيك دون وخليت الار بي ام عالي اووووووووووووووي دة ممكن يكون اية

[john4]

ميكانيكي
و بعدين الموضوع بسيط جدا
حتفك الوش اللي فوق البوجيهات حتلاقي بوبينتين بالفيش بتاعتهم حتفك و تغير ببساطه

معلش يا باشا هى سعرها كام؟؟؟؟ واتاءكد ازاى انها بايظه؟؟

[retaliation]

هما خرطومين باين يعملوا 120 جنيه وده بيبقى على حسب يعنى ممكن تعمل الاسكاترا من غير ما تغير الحراطيم.... والورشة اللى رحتلها عملوا كل حاجة فكوا وركبوا وجابوا طقم الاصلاح يعنى انت تستريح وتضرب الشوب الفخفخينا الفاخر وخلال ساعتين ثلاثة تاخد عربيتك

نفس الموضوع اللى حصل معايا فى الاول كان موضوع الزيت اللى بينقص على فترات ده زى ما فى عضو بيقول و الفترات دى بتقل لغاية لما وصلت الى أنها من أول ما أحطت الزيت و أبدأ أتحرك يكون الزيت كله نزل
ساعتها روحت لواحد جنبنا فى عين شمس فى شارع أحمد عصمت و كنت رايحله على السمعه مش اكتر و شكل العربيات اللى بشوفها عنده وحصل معايا نفس السيناريو بتاعك ده
فى الاول قال طقم أصلاح للأسكاترة و خد فيها 380 جنيه و بعديها العربية كانت زى الفل و قلت أخرج بيها كتير شوية وكانت كويسه

و جت بعديها بحوالى شهر تقريبا زيك بالظبط لقيت الزيت كله نازل رحتله قالى الخرطوم اللى واصل للأسكاترة ضرب و خد ساعتها حوالى 200 جنيه او أقل مش فاكر الصراحه

وهنا بقى ما أعدتش أسبوعين بالظبط لقيت الزيت كله نازل و صوت الزنة على جامد ساعتها عرفت أن خلاص الطرمبة جابت أخرها و جبتها من عنده أستيراد ب350 جنيه

و حصل بعديها بفتره مش كبيرة لقيت الزيت برضه نزل كله رجعتله قالى ده حاجه معموله فى الاسكاترة ضربت ودى أول مره تحصل وكده وساعتها بقى قفلت منه وحسيت أن العربيات اللى بشوفها عنده مأجرها ولا حاجه وبيعمل منظر أنه شغال فيها ودى غيرها و هى بتاعه كده شبه بكرة اللزق و هى فاضية وروحت عملتها عند واحد خراط فى النعام هو قالى عليه ب30جنيه و هو خد 50 جنيه و أنا بقول حسبى الله ونعم الوكيل فيه لو طلع نصاب

و هى من ساعتها وأنا عندى بقى الاعراض اللى أنت بتقول عليها دى الدريكسيون مش بيرجع لوحده بسلاسة زى الاول و بيتقل ساعات يعنى ممكن بعد مشوار الاقيه تقل و ساعتها قريت ماكس كاتب أنه ممكن يكون من كذا حاجه زى الكوتش مش مظبوط و ده فعلا لقيت الفرده اللى قدام شمال مهويه وروحت بيها المرور على كده ورجعت وسبتها كام يوم لقتها على الارض روحت لبتاع الكوتش كشف عليها قالى البلف بايظ وغيره وخد 10 جنيه
وقال ممكن كمان ظبط زوايا وأنا فعلا لسه ماظبطش زوايا لحد دلوقتى لان الفرامل عندى وحشه جدا و أنا بصيت عليها قدام وأنا بعمل الكاوتش الطنابير لسه زى ماهيه جديده و التيل كمان وأنا حاسس أنها من الفرامل اللى وراه لان الهاند ولا ليه لزمة خااااالص فناوى أروح أعملها وبعد كده أظبط زوايا

[retaliation]

وبالمره كمان عشان أبقى أٌقلت على كل اللى حصل فى العربيه خلال الفتره اللى فاتت
و أنا باخد العربية من عند الراجل بتاع الباور العربيه ماكنتش راضية تدور وكان الصنايعى اللى عنده بيدورها من عند الماتور كده وأنا ساعتها قريفت جااامد المهم ختها وروحت لكهربائى فى شارع أبراهيم عبد الرازق ولا أعرفه ولا أعرف هو كويس ولا لأ ده هو قالى مش عارف تروح لمين وانا ماشى لقيت ده روحت داخله المهم قالى فبرة الكونتكت باظبط ودى مش بتتصلح ولازم تتغير
وأنا مش عارف هو صح ولا لأ روحت جبتها من عند الشرقاوى فى جسر السويس ب 95 جنيه وركبها وأشتغلت
وفى حاجه كمان العربيه وأنا بلف بطقطق قلت أكيد الكبالن و أنا بعمل الكوتش لقيت الكوتشة متقطعه فديه بتتغير ولا كده خلاص كده الكوبلن جاب أخره ؟؟؟

[eldmrane]

الفتيس الاوتوماتيك بيخد كام كيلو زيت انا كنت حاطط 3 كيلو هوة الصح كام

[m_adeleid]

معلش يا باشا هى سعرها كام؟؟؟؟ واتاءكد ازاى انها بايظه؟؟

مش عارف سعرها دلوقت بس غالبا غاليه شويه ممكن تلاقيه في الاسعار في الجزء الاول او التاني للرابطه
و في رأيي مش حتتأكد انها بايظه الا لما تركب واحده سليمه و تقارن اداء العربيه في المشي

[m_adeleid]

وبالمره كمان عشان أبقى أٌقلت على كل اللى حصل فى العربيه خلال الفتره اللى فاتت
و أنا باخد العربية من عند الراجل بتاع الباور العربيه ماكنتش راضية تدور وكان الصنايعى اللى عنده بيدورها من عند الماتور كده وأنا ساعتها قريفت جااامد المهم ختها وروحت لكهربائى فى شارع أبراهيم عبد الرازق ولا أعرفه ولا أعرف هو كويس ولا لأ ده هو قالى مش عارف تروح لمين وانا ماشى لقيت ده روحت داخله المهم قالى فبرة الكونتكت باظبط ودى مش بتتصلح ولازم تتغير
وأنا مش عارف هو صح ولا لأ روحت جبتها من عند الشرقاوى فى جسر السويس ب 95 جنيه وركبها وأشتغلت
وفى حاجه كمان العربيه وأنا بلف بطقطق قلت أكيد الكبالن و أنا بعمل الكوتش لقيت الكوتشة متقطعه فديه بتتغير ولا كده خلاص كده الكوبلن جاب أخره ؟؟؟

لا الكاوتشه ملهاش دعوه بالطقطقه هيا بس علشان تحمي الكوبلن و تمنع نزول الشحم
كده الكوبلن ودع لازم تغير الاتنين احسن

[mohamedzeineld]

ياجماعه بالنسبه لموضوع الاكره بتاعه الباب البتكسر كثير فى السيفيا بعد ماكسرت عندى رحت وجبت وحده من عند ابو ادهم فى الوكاله وبعد مرشيتها وانا جى اركبها عند واحد فى شبرا لقيتوا بيقولى لوعاوز اصللحلك المكسوره ممكن ب25 ج فحبيت اشارك انها ممكن تتصلح الراجل فى الخلفاوى

[أحمد الجندى]

ياجماعه بالنسبه لموضوع الاكره بتاعه الباب البتكسر كثير فى السيفيا بعد ماكسرت عندى رحت وجبت وحده من عند ابو ادهم فى الوكاله وبعد مرشيتها وانا جى اركبها عند واحد فى شبرا لقيتوا بيقولى لوعاوز اصللحلك المكسوره ممكن ب25 ج فحبيت اشارك انها ممكن تتصلح الراجل فى الخلفاوى

انا اكرتى اتكسرت وصلحتها من غير ما اروح لحد ولا اشترى واحدة جديدة