رابطة الوحوش ملاك السيفيا (ج3)

[Ahmed_Ramadan]

500 جنيه بتاعة اصلاح الاسكاترا دى عند الدباحين اللى شغالين على السمعة انما هى اصلا فى حدود 300 او 350 جنيه وأنا عاملها بالمبلغ ده من حوالى شهرين دلوقتى والحمد لله الدنيا تمام

طيب يا راجل سايبنا دايخين .... ما تقولنا عملتها فين و المشكلة كانت فين و التفاصيل بدل الخنقة اللى الواحد مخنوق من الحوار ده .... دا أنا بزود كل يومين الزيت

[mohamedzeineld]

500 جنيه بتاعة اصلاح الاسكاترا دى عند الدباحين اللى شغالين على السمعة انما هى اصلا فى حدود 300 او 350 جنيه وأنا عاملها بالمبلغ ده من حوالى شهرين دلوقتى والحمد لله الدنيا تمام

هما خدو 400 واديت للعفشجى 100 علشان انا مكنتش فاضى وصلتو وفضل واقف معاهم 4 ساعات وراح الورشه علشان يركبها

[أحمد الجندى]

طيب يا راجل سايبنا دايخين .... ما تقولنا عملتها فين و المشكلة كانت فين و التفاصيل بدل الخنقة اللى الواحد مخنوق من الحوار ده .... دا أنا بزود كل يومين الزيت

يا باشا ده أنا حاكى القصة بالتفصيل الممل قبل كده وصاحب الورشة لما قلتله عن الرابطة وان لو شغله عجبنى حاصيطه زقطط وبقى شغال هو واتنين صنايعية كمان فى العربية وخلصوها فى حوالى 3 ساعات .... وهو اصلا كان شغال فى محل من بتوع الاسكاترا المشهورين فى شمبليون وسابهم وفتح لنفسه محل فسعره حلو علشان عايز زباين .

وعلى فكرة صاحب الورشة معاه كيا شوما اوتوماتيك معاقين .... أى حد عايز يروحله يبقى يقولى وأنا اجى معاه هو قريب منى

وجورج كمان بيصلح الاسكاترا ب 250 وانت تجيبله طقم الاصلاح من الجندى أو حلمى سليمان ب 95 وتسيب العربية عنده يوم أو يومين بس أنتم عارفين من ساعة اللى هو عمله فى عربيتى وأنا مبقيتش بحب اروحله ولا اعمل حاجة عنده ولا ارشحه لحد اعرفه

[أحمد الجندى]

هما خدو 400 واديت للعفشجى 100 علشان انا مكنتش فاضى وصلتو وفضل واقف معاهم 4 ساعات وراح الورشه علشان يركبها

مش مشكلة الفلوس المهم ان الدنيا اتظبطت عندك

[mohamedzeineld]

مش مشكلة الفلوس المهم ان الدنيا اتظبطت عندك

هو انا بقالى دلوقتى شهر ولحد دلوقتى مع الاستخدام اليومى مفيش اى مشاكل وبصراحه هو الفضل لله والعفشجى لانه هو الشال اليله كلها

[Ahmed_Ramadan]

يا باشا ده أنا حاكى القصة بالتفصيل الممل قبل كده وصاحب الورشة لما قلتله عن الرابطة وان لو شغله عجبنى حاصيطه زقطط وبقى شغال هو واتنين صنايعية كمان فى العربية وخلصوها فى حوالى 3 ساعات .... وهو اصلا كان شغال فى محل من بتوع الاسكاترا المشهورين فى شمبليون وسابهم وفتح لنفسه محل فسعره حلو علشان عايز زباين .

وعلى فكرة صاحب الورشة معاه كيا شوما اوتوماتيك معاقين .... أى حد عايز يروحله يبقى يقولى وأنا اجى معاه هو قريب منى

وجورج كمان بيصلح الاسكاترا ب 250 وانت تجيبله طقم الاصلاح من الجندى أو حلمى سليمان ب 95 وتسيب العربية عنده يوم أو يومين بس أنتم عارفين من ساعة اللى هو عمله فى عربيتى وأنا مبقيتش بحب اروحله ولا اعمل حاجة عنده ولا ارشحه لحد اعرفه

ده الكلام ده فى أى جزء من أجزاء الرابطة ... المفروض إنى حافظهم كلهم ...طيب مكان الراجل بتاعك فين ؟؟

[أحمد الجندى]

اعتقد انى اتكلمت عن تصليح الاسكاترا فى الجزء ده لو مكانش فيه يبقى فى اللى قبله .... خلينى ادور واقولك

اقرب مكان ممكن تعرفه للورشة عند دخلة شمبليون من شارع رمسيس هو بقى فى ضهر جمعية الشبان المسلمين تحت كوبرى الجلاء المحل اسمه بلو باور

[الغزالى]

هوا مين الى عنده جهاز كمبيوتر بتاع السيفيا اقدر ارفع العربيه عنده .. ؟؟

[eldmrane]

هوا مين الى عنده جهاز كمبيوتر بتاع السيفيا اقدر ارفع العربيه عنده .. ؟؟

انا يا باشا روحت فرع توكيل كيا في مصر القديمة عشان اضمن ان الجهاز بتاعهم متخصص عشان سمعت ان مش كل الاجهزة بتطلع عيوب الكيا لازم جهاز كيا بس المبلغ كان عالي 140 جنية كشف كمبيوتر اسمها الشركة الهندسية الدولية في طريق مصر القديمة جمب محطة مترو الزهراء

[john4]

يا جماعه انا شارى العربيه من شهر ونص ودايخ بيها انا العربيه عندى لما بتمشى اكتر من 30 كيلو الاقى مفيش سحب واسمع فرقعه فى الحوض كل اما ادوس بنزين لحد ما تقف وكل ما اروح لمبكانيكى يقول طلمبه بنزين ومغير لها 3 طلمبات حتى الان ونفس العيب هو هو ومش عارف اعمل ايه هل ممكن يكون فى حاجه فى الكهرباء ممكن تعمل كده يا ريت حد يساعدنى عشان انا زهقت وصرفت كتير عالفاضى . وهل ممكن حساس الشكمان لو بايظ يعمل كدا........ برجاء المساعده من الخبراء

[eldmrane]

يا جماعه انا شارى العربيه من شهر ونص ودايخ بيها انا العربيه عندى لما بتمشى اكتر من 30 كيلو الاقى مفيش سحب واسمع فرقعه فى الحوض كل اما ادوس بنزين لحد ما تقف وكل ما اروح لمبكانيكى يقول طلمبه بنزين ومغير لها 3 طلمبات حتى الان ونفس العيب هو هو ومش عارف اعمل ايه هل ممكن يكون فى حاجه فى الكهرباء ممكن تعمل كده يا ريت حد يساعدنى عشان انا زهقت وصرفت كتير عالفاضى . وهل ممكن حساس الشكمان لو بايظ يعمل كدا........ برجاء المساعده من الخبراء

يا باشا العيب دة بيبان عندك والعربية مش فيها بنزين كتير صح ؟

[john4]

يا باشا العيب دة بيبان عندك والعربية مش فيها بنزين كتير صح ؟

لاءه يا باشا دا انا ببقى مفول على طول عشان انا شغلى فى العاشر من رمضان وبقطع بيها 80 كيلو رايح

[m_adeleid]

يا جماعه انا شارى العربيه من شهر ونص ودايخ بيها انا العربيه عندى لما بتمشى اكتر من 30 كيلو الاقى مفيش سحب واسمع فرقعه فى الحوض كل اما ادوس بنزين لحد ما تقف وكل ما اروح لمبكانيكى يقول طلمبه بنزين ومغير لها 3 طلمبات حتى الان ونفس العيب هو هو ومش عارف اعمل ايه هل ممكن يكون فى حاجه فى الكهرباء ممكن تعمل كده يا ريت حد يساعدنى عشان انا زهقت وصرفت كتير عالفاضى . وهل ممكن حساس الشكمان لو بايظ يعمل كدا........ برجاء المساعده من الخبراء

طالما العيب مش طرمبه بنزين يبقي غالبا البوبينه و خلي بالك احنا عندنا 2 بوبينه حاول تشوف الاول بوبينه سليمه من عربيه تانيه و جرب علشان متدفعش تاني لو مش هوا ده السبب
ممكن تكون واحده بايظه او الاتنين
و غلطان طبعا انك غيرت 3 طرمبه بنزين
من اول مره متصلحش العيب متسمعش كلام الصنايعيه لو قالولك غير مهو هما مش حيدفعو من جيبهم

[Ahmed_Ramadan]

اعتقد انى اتكلمت عن تصليح الاسكاترا فى الجزء ده لو مكانش فيه يبقى فى اللى قبله .... خلينى ادور واقولك

اقرب مكان ممكن تعرفه للورشة عند دخلة شمبليون من شارع رمسيس هو بقى فى ضهر جمعية الشبان المسلمين تحت كوبرى الجلاء المحل اسمه بلو باور

واليكم جولة جديدة فى صيانة السيفيا

النهاردة روحت لأبو أدهم وجيبت ماتور مارشدير ب 40 جنيه علشان لما كنت باجيب غيار المارشدير النور الابيض اللى ورا ماكنش بينور وجيبت المارش كله ب 150 علشان كنت كل مرة اجى ادور العربية اسمع صوت نحرة والعربية تحتاج كذا محاولة لغاية اما تدور .

بعدين قلت اطقس على الراجل اللى بيصلح علبة الدركسيون فى شمبليون وسبق الناس اتكلمت عنه هنا وانه بيدى ضمان وحاجات من دى المهم طلع اسمه الاطرش واكتشفت ان علشان اصلح علبة الدركسيون ممكن ادخلى فى حسبه من 500 ل 600 جنيه وعرفت ان فيه حد تانى برضو بيلعب فى نفس السعر المهم روحت للميكانيكى قالى عندى واحد شاطر ولسه فاتح محل ليه وراح واخدنى ليه الورشة اسمها باللو باور فى شارع الجلاء فى ضهر جمعية الشبان المسلمين وصاحب الورشة شاب اسمه ناصر وعنده كيا شوما من هنا لهنا الراجل قالى حاصلحلك علبة الدركسيون على 350 خلال ساعتين ثلاثة ومن غير ما تجيبلى طقم اصلاح وليك عندى ضمان كمان 6 شهور ولو عايز تركب علبة استيراد عندى وحاتتكلف 700 جنيه بالمصنعية ....افتكرت ساعتها صاحبنا جورج اللى قالى حاتجيبلى طقم اصلاح ب 100 جنيه ومصنعيته 250 وحاسيبهاله يومين علشان يخلصها ولقيت نفسى بدل ما كنت رايح اطقس بقول للراجل ابدأ شغل ... وفعلا لقيت 3 معاه بدأوا شغل الساعة 2 وخلال الشغل لقيتهم بيطلعولى القاعدة الخلفية للموتور اللى عايزة تتغير عندى فقلت فرصة بالمرة اغيرها روحت جيبتها من حلمى سليمان ب 120 جنيه واديتهولهم يركبوه وخلصوا شغل على 5 ودفعت المعلوم .

الملاحظات بعد التصليح الدركسيون بقى اتقل شوية وكنت بسمع صوت تخبيط فى دواسة الدبرياج مع كل نقلة طبعا رجعتله تانى قالى التخبيط بسبب قاعدة الماتور الجديدة باين علشان هى اعلى والموتور محمل عليها وقعد يشرح شوية حاجات بس أنا كنت مهنج وقالى حاظبطهالك بحتة كاوتشة ولما مشيت لقيت فعلا الصوت بقى اخف بس لسه فيه تخبيط وعلى خفيف بعدين جيت اخد يوترن لقيت الدركسيون ما بيردش زى الأول فقلت خليها بكرة لغاية اما اجرب العربية اكتر واطلعله كل الملاحظات

وعلى فكرة أنا ظبطت معاه لو ان شغله طلع تمام حاظبطه هنا فى المنتدى ولو حد عايز يروحله يقله من طرف أحمد الجندى اللى معاه السيفيا الزيتى

لقيتها بس إنت مقولتش عملت إيه فى مشكلة التخبيط ديه و الدنيا عاملة معاك إيه دلوقتى؟؟

[john4]

طالما العيب مش طرمبه بنزين يبقي غالبا البوبينه و خلي بالك احنا عندنا 2 بوبينه حاول تشوف الاول بوبينه سليمه من عربيه تانيه و جرب علشان متدفعش تاني لو مش هوا ده السبب
ممكن تكون واحده بايظه او الاتنين
و غلطان طبعا انك غيرت 3 طرمبه بنزين
من اول مره متصلحش العيب متسمعش كلام الصنايعيه لو قالولك غير مهو هما مش حيدفعو من جيبهم

يا باشا كتر الف خيرك وانا متشكر جدا على اهتمامك بس البوبينه ديه عاوزه كهرباءي ولا ميكانيكى؟