رابطة الوحوش ملاك السيفيا (ج3)

[m_adeleid]

السلام عليكم

اذيكم يا جماعه يارب تكونوا لسه فاكرنى ,,, الجندى مصدعنى عشان ادخل المنتدى والرابطه
انا عارف انى مقصر معاكوا بس والله هيا ظروف شغل وكورسات والواحد مش عارف يركز فى ايه ولا ايه بس متابع معاه والله وربنا يعنكوا

غير انى شايف ناس كتير هنا ما شاء الله يعنى متابعه الرابطه وقايمه بالواجب وزياده
:10d5c8w1107:بس والله وحشتونى والميكانيكا وحشتنى
اتمنى ان الجميع يكون بخير

كان نفسى اكون معكم فى المقابله اهو اتعرف على الناس الجديده واطع احمد فى البينج
بس متوقعتش انها تتم غير ان كنت تعبان جدا يوميها بس خساره انكوا متصورتوش
ان شاء الله تتكرر مره تانيه وربنا يسهل
واستحملوا صداعى ورغى بقى فى المنتدىِ

حمد الله علي السلامه يا باشا

[Esam Mosaad]

ومعلش هسأل فى صوت زي ميكون مياه محبوسه بتكبس من تحت الطبلوه فقالو ليه ده بوابه الميه بتاعه التبريد بتبقى مفتوحه ومفهاش ضرر مع العلم انى المفروض تقفل والعربيه بارده وتفتح لما تسخن فانا عاوز اسال هل يوجد ضرر فى الحاله ده

ده غير انى من ساعت الحكايه ده خرطوم الميه بتاع الرديتير كل ممسكوه بيكون طرى وهى العربيه سخنه مع انى الاعرفه انى المفروض يكون منفوخ وناشف شويه علشان السخنيه
مع العلم العربيه مبتسخنش منى خالص فبرجاء المشوره وشكرا

متقلقش ده طبيعى انا عارف هوا صوت رخم بس متحطهوش فى دماغك بس انت تسمعو والعربيه بارده
لو بتسخن عربيتك قبل متمشى مش هتسمعوا
وطالما العربيه مش بتسخن معاك يبقى انت كدا تمام وتابع بس مستوى الميه فى القربه ولذياده الاطمئنان ممكن تاخد هوا من دوره الميه

اة يا رايس عامل اةة يا كبيييير انا تمام الحمد لله والنبي يا عم ماتفكرني دانا كنت هولع من المكتوب دا و المشكلة بيكدب الكدبة و يصدقها و الكل يقول اميييينننن الك لانوس خيطت بي ام 316 و البي ام بطة ههههههههههههههه ههه

ولانوس هتجيب 200 يا نهار دية مع ناس اعرفها موديل السنة مش بتجيب 170 ههههههوبتبقي بتطير

هيا المشكله مش فى انها جابت 200 ده ممكن يحصل عادى الى يدايق انو بيقولك علمت على البى ام !! رغم انها موديل حديث ويقدر يجيبوا ويعديه بسهوله
فالموضوع عقده نقص صاحب البى ام عادى انو يمشى 200 او اكتر وبتجبهم مستريح
بتاع الدايو او يما شابه بالنسبالو ديه حاجه بتحصل كل فين وفين عشان كدا لازم يصور بس هتقول لمين

[Esam Mosaad]

طبعا عصام معاه حق
النقطه دي كانت في بالي بس لما نرتب

حمد الله علي السلامه يا باشا

يا باشا الله يسلمك وشكرا على سؤالك وان شاء الله مشكله التبلوه تنتهى للابد

[Ahmed_Ramadan]

عاوز أصلح دراع النور النهاردة البطارية نامت لتالت مرة بسببه العربية بترعش لوحدها و هيه مطفية و مركونة ....عاوز أصلحه و لو جبت جديد هيتكلف كام ؟؟

[أحمد الجندى]

الجديد حايدخله فى 350 جنيه انما الاستيراد حايبقى فى حدود 150

[Ahmed_Ramadan]

الجديد حايدخله فى 350 جنيه انما الاستيراد حايبقى فى حدود 150

350 سرقة علنى ...طيب محمد إبراهيم بيصلحه و لا ميعرفش؟؟

[أحمد الجندى]

350 سرقة علنى ...طيب محمد إبراهيم بيصلحه و لا ميعرفش؟؟

لو قصدك محمد السيد الكهربائى فغالبا مش حايتعب نفسه فى تصليحه هما دلوقتى بقوا بيكبروا دماغهم من تصليح أى حاجة أنا باظ عندى دراع النور والمارش والاتنين الكهربائية عملوا من بنها وقالولى هات جديد أو استيراد مع انى اعرف ان الحاجات دى زمان كانت بتتصلح

[Esam Mosaad]

لو قصدك محمد السيد الكهربائى فغالبا مش حايتعب نفسه فى تصليحه هما دلوقتى بقوا بيكبروا دماغهم من تصليح أى حاجة أنا باظ عندى دراع النور والمارش والاتنين الكهربائية عملوا من بنها وقالولى هات جديد أو استيراد مع انى اعرف ان الحاجات دى زمان كانت بتتصلح

انا عملت القصه ديه عندى قبل كدا لما كنت بشغل النور بدون استجابه من دراع النور
وكنت لازم اقعد احاول لحد مالريش تلقط
ولما رجت للكهربائ قالى انظفلك الدنيا بس لازم تجيلى من اول اليوم عشان يفك ويظبط بقى

لحد مجيت فى يوم عملت القصه ديه مع نفسى وبوظان الدراع اول اواخيرا بيرجع لكميه التراب الى بتدخل عشان كدا بتلاقى ناس كتير حاطه قطن حولين دراعات النور والمساحات
لاما هتلاقى ريشه اتكسرت وهيا الى عامله كدا

فممكن تتعامل فيه مع نفسك بدون خوف ولو فرضنا انك بوظتوا اكتر مش هتخسر حاجه
وانا ارشحلك حاجه تكون استيراد وتكشف على الكتاوت ولو فى امكانيه لتغيرها كمان يكون افضل مع الدراع الجديد او الاستيراد

وراجع الموضوع ده
http://www.nilemotors.net/Nile/263228-a.html

[medo_egypt86]

طيب نشوف إحنا كام واحد فى الحوار ده و نقسم نفسنا على مرتين و لا حاجة

ممكن اجى معاكوا المشوار ده ؟

[Ahmed_Ramadan]

ممكن اجى معاكوا المشوار ده ؟

تنور ... قولنا بس إسمك و سيب رقم تليفونك و أول ناس رايحين نظبطلك معاهم

[Ahmed_Ramadan]

رحت عند واحد كهربائى وطلع المشكلة ف الفيوز غيرناه واشتغلت مروحة البلاور تمام

مروحة التكييف (البلاور) كانت عندك ضعيفة و الفيوز ده مكانه كان فين ؟؟

[retaliation]

السلام عليكم ورحمة الله وبركاته
أزيكم يا وحوش السيفيا يارب الكل يكون بخير
دلوقتى العربية بقت تعمل أصوات غريبة ومختلفة عن بعض يعنى و أنا طالع بالعربية بيبقى فى صوت زى كركبة كده وواحد جارى قالى دى قعدة الموتور دى حاجه
تانى حاجة زى صوت فس فس من العجل اللى ورا وأنا أظن أن ده من الفرامل اللى ورا لانها عندى ولا ليها أى لزمة يعنى ممكن اشدها و أنا ماشى ما يحصلش اى حاجه و المساعدين تقريبا بتجيب أخرها
فأنا مش عارف كل ما يبقى معايا فلوس أعمل حاجه ولا أحوش مبلغ و ربنا يسهل كده وأعمل كله مره واحدة
عايز رأى الوحوش .

[mas0h]

لو قصدك محمد السيد الكهربائى فغالبا مش حايتعب نفسه فى تصليحه هما دلوقتى بقوا بيكبروا دماغهم من تصليح أى حاجة أنا باظ عندى دراع النور والمارش والاتنين الكهربائية عملوا من بنها وقالولى هات جديد أو استيراد مع انى اعرف ان الحاجات دى زمان كانت بتتصلح

من كام يوم كده اول تكه فى دراع النور اللى هى بتاعة النور الصغير ونور التابلوه مبتعملش حاجة رحت لكهربائى قاللى دراع النور بايظ وعاوز يتغير وعملى زرار خارجى كده اشغل منه النور الصغير لحد ماربنا يفرجها واجيب واحد جديد او استيراد.
هو فك الدراع قدامى وفك علبة كده فيها اربع حاجات بارزه كده وفيهم واحدة سايحة وقاللى دى بتاعت النور الصغير, سألته مش ممكن تتصلح قاللى لأ.
السؤال بقه هو ايه اللى السبب فى العطل ده مع العلم انى مركب كتاوت تقوية يابانى بتاعت التويوتا؟

[mohamedzeineld]

متقلقش ده طبيعى انا عارف هوا صوت رخم بس متحطهوش فى دماغك بس انت تسمعو والعربيه بارده
لو بتسخن عربيتك قبل متمشى مش هتسمعوا
وطالما العربيه مش بتسخن معاك يبقى انت كدا تمام وتابع بس مستوى الميه فى القربه ولذياده الاطمئنان ممكن تاخد هوا من دوره الميه

الف شكر على الرد وطمنتنى الله يطمنك علشان انا كنت فاكر ان الموضوع فيه تغير الثلاجه

[mohamedzeineld]

عندى سسؤال ازاى اخذ هواء للرديتير