رابطة الوحوش ملاك السيفيا (ج3)

[medo_mony]

كل سنة وانتو طيبين يا رجالة وربنا يعود علينا الايام بخير و بصحة ان شاء الله



رمضان كريييييييييييييم

[mas0h]

ازيكم يا جماعه انا عاوز اسال لو اشتريت الاسبري بتاع تنظيف البوبات ابو50ج ورشيت ونظفت البوابه وهى ركبه مكانها ده ينظف الايدل والبوبات من غير ماافك حاجه

خلى بالك علشان لازم يكون فيه نسبة تزييت ولا ممكن يبوظلك الايدل, انا معرفش نوع السائل ابو 50 جنيه ده, ممكن تسأل حد فاهم فى الموضوع ده .. بس الكلام ده انا كنت سمعته من ماكس قبل كده.

[hanyzabady]

رمضان كريم عليكم جميعا

انا عندى عربيه شوما الموتور بتاع فتحه السقف بايظ و دورت عليه فى الوكاله و الحرفيين و بورسعيد و مش لاقيه

و المشكله ان العربيه بتتسمكر و فرش السقف مفكوك و مستحرم افكه تانى علشان فتحه السقف ديه و هوا اللى معطل العربيه عند السمكري

هل فيه موتور بتاع نوع تانى ينفع يركب عليها

[engwms]

حبايبي السيفياوية كل سنه وانتوا طيبين ورمضان كريم عليكم يارجاله
عندي مشكلة بسيطه من امبارح بس
المشكله اني لما بشغل تكييف العربية وانا طالع بتحصل نتشه للعربية في الطلعه ودي مش بتحصل الا لما بكون مشغل التكييف بس
مع العلم انها بتحصل في الطلعه ياعني لما اهدي علي مطب واجي طالع
العربية سيفيا 2001

انا عندى نفس المشكلة بس بتبان فى النقلات لما اجى اغير من التانى للتالت
او من التالت للرابع

[max_ziro]

رمضان كريم عليكم جميعا

انا عندى عربيه شوما الموتور بتاع فتحه السقف بايظ و دورت عليه فى الوكاله و الحرفيين و بورسعيد و مش لاقيه

و المشكله ان العربيه بتتسمكر و فرش السقف مفكوك و مستحرم افكه تانى علشان فتحه السقف ديه و هوا اللى معطل العربيه عند السمكري

هل فيه موتور بتاع نوع تانى ينفع يركب عليها

فك الماتور و لفة عند بتوع المواتير و لو محروق خالص لما هيتصرفولك فى ماتور تانى .

[max_ziro]

خلى بالك علشان لازم يكون فيه نسبة تزييت ولا ممكن يبوظلك الايدل, انا معرفش نوع السائل ابو 50 جنيه ده, ممكن تسأل حد فاهم فى الموضوع ده .. بس الكلام ده انا كنت سمعته من ماكس قبل كده.

فعلا لازم يكون فية نسبة تزييت عالية كمان .

[john4]

عاوز اجيب طلمبة بنزين اجيب نوع ايه وبكام ومنين؟؟؟ لانى كل ما اجيب طلمله تطلع بايظه اقصد قلب الطلمبه

[Ahmed_Ramadan]

رجعتلكوا بعد الإيقاف....كل سنة و أنتوا طيبين و رمضان كريم

عندى مشكلة فى السريع كده ....إمبارح حسيت العربية مخنوقة شوية يمكن علشان بقالى فترة بمشى بالراحة و بنقل بدرى (2.5-3) أخرى ....قولت أجرب أحرق على الغيارات لقيت العربية بعد rpm -3 صوتها بيعلى و السرعة تقريبا مش بتزيد إلا حاجة بسيطة !!!!

الواحد إتخنق الصراحة خصوصا إنى مش مهمل فى العربية خالص و اما بيظهر حاجة بعملها على طول
تفتكروا المشكلة من إيه ؟؟؟

[Ahmed_Ramadan]

نسيت أقول السرعة مع ال rpm اللى بمشى بيها معظم الوقت
السرعة - rpm - نقلة الفتيس
0-20 - 3 - 1
20-40 - 3 - 2
40-60 - 3 - 3
60-80/90 - 3 - 4
90-160- 3 - 5


هل أنا كده بخنق العربية و لا عادى مع العلم إنى مش بخرج بيها كتير....هما مرتين تلاتة فى الأسبوع بالكتير و مش مسافات طويلة

[the9ranger]

نسيت أقول السرعة مع ال rpm اللى بمشى بيها معظم الوقت
السرعة - rpm - نقلة الفتيس
0-20 - 3 - 1
20-40 - 3 - 2
40-60 - 3 - 3
60-80/90 - 3 - 4
90-160- 3 - 5


هل أنا كده بخنق العربية و لا عادى مع العلم إنى مش بخرج بيها كتير....هما مرتين تلاتة فى الأسبوع بالكتير و مش مسافات طويلة

بص هوه عموما الى بيخنق العربيه فعلا وعن تجربه انك مش بتخرج بيها كثير حاول تاخودها مشوار حلو كده بعد رمضان سافر ياعم وادينا فرصه اهو فى الصيف اطلع اسكندريه المهم اى طريق سريع علشان تفتح موتورها

[Ahmed_Ramadan]

بص هوه عموما الى بيخنق العربيه فعلا وعن تجربه انك مش بتخرج بيها كثير حاول تاخودها مشوار حلو كده بعد رمضان سافر ياعم وادينا فرصه اهو فى الصيف اطلع اسكندريه المهم اى طريق سريع علشان تفتح موتورها

انا الأول عاوز أعرف أنا كده عندى مشكلة و لا لأ و هل رنج السرعات على النقلات كده طبيعى و لا إيه ؟؟

[pero17]

السلام عليكم و رحمة اللة ..... بسعدنى أن أكون معكم فى الرابطة .... عندى مشكلة فى سيفيا 99 أوتو اللمبة o/d drive بتنور و تتطفى و النقلة الثلاثة ال RPM بيهيس فيها بيوطى و شوية يعلى علما أن زرار ال O/D drive شغال تمام فلو حد يعرف متخصص أوتوماتك و جزاكم الله خيرا

[eldmrane]

السلام عليكم و رحمة الله ..... بسعدنى أن أكون معكم فى الرابطة .... عندى مشكلة فى سيفيا 99 أوتو اللمبة o/d drive بتنور و تتطفى و النقلة الثلاثة ال rpm بيهيس فيها بيوطى و شوية يعلى علما أن زرار ال o/d drive شغال تمام فلو حد يعرف متخصص أوتوماتك و جزاكم الله خيرا

انا عندي نفس المشكلة في العربية بس اللمبة بتطفي لو قرصت وحرقت بتشتغل وعندي مشكلة في ال3 روحت لواحد قالي كدة فتيس بيودع مش لية علاج ياريت حضرتك لو لقيت حل عرفني بردو

[dfdfdf]

أنا يا جماعة إنشاء الله حاغير ردياتير بعد بكره لأن العربية عندى بقت تسخن و أكتشفت أن معمول للردياتير علبه نحاس متبرشمه ، ايه رايكم اجيب ردياتير جديد كورى مش اصلى ب 380 جنيه و لا اجيبة أصلى إستيراد ، و كل سنه و أنتم طيبين .

[the9ranger]

أنا يا جماعة إنشاء الله حاغير ردياتير بعد بكره لأن العربية عندى بقت تسخن و أكتشفت أن معمول للردياتير علبه نحاس متبرشمه ، ايه رايكم اجيب ردياتير جديد كورى مش اصلى ب 380 جنيه و لا اجيبة أصلى إستيراد ، و كل سنه و أنتم طيبين .

الريدياتير هاتو جديد احسن بس اقولك على حاجه متشوف الردياتير بتاعك القديم فيه ايه وممكن يتنظف ويتلحم ويرجعه زى الجديد انا كنت هشترو واحد جديد وربنا بعتنى لواحد ابن حلال لحملى الخرم الى كان فيه و ظبطهولى بدل ما تشترى واحد جديد الحمد الله ان العلب بتاع عربياتنا نحاس ممكن تتلحم مش بلستك زى الجديد اول ما تبوظ تترمى ويترمى الردياتير كلو