رابطة الوحوش ملاك السيفيا (ج3)

[Ahmed_Ramadan]

غطا رادياتير بتاع التويوتا الياباني اللى هى الميكروباص نفس مقاس بتاعنا انا كنت شاريه بحوالى 50 او 60 مش فاكر بالظبط

عموما الغطا القديم اللى عندك بيبقى مكتوب عليه مقاسه, هات نفس المقار اى ماركة بس استنضف علشان الغطا ده مهم جدا جدا جدا

بالنسبة لطقم الدبرياج انا كنت جايب الاصلي من عند الجندي ب 550 جنيه معرفش الفاليو ده بكام, هو انت ليه مش بتجيب الاصلي وبتسأل على الماركة دي بالتحديد؟

ألف شكر على معلومة غطا الردياتير و هو فعلا مهم جدا علشان تقريبا هو اللى بيسخن العربية عندى و بيخلى المروحة تعلق.

بالنسبة لطقم الدبرياج الفاليو محترم و متجرب و سعره حنين عن الأصلى

[medo_mony]

بقول اية يا جدعان متيجى نتقابل الاسبوع الجاى

هااااااااا يا رجالة قولتو اية فى اقتراح ماكس دة انا راشق ان شاء الله ممكن الجمعة او السبت زى مانتو عايزين وذى كل مرة نفس المكان وممكن نحدد الميعاد ويكون بدرى حبتين علشان نعد مع بعض اطول فترة ممكنة

[SPY123]

حد يعرف اسعار الكبالن جديده واستيراد وانهى احسن؟؟؟؟ الكبالن مره واحده كده من غير اى حاجه بقيت بطاطا يمين وشمال الاتنين مع بعض هوا كده خلاص ده كوبلن اكيد وازاى اعرف ده داخلى ولا خارجى عشان من ساعت ما جبت العربيه مقابلتش مشاكل فى الكبالن

[hima13385]

سيدي الفاضل انا لسه مواجه المشكله دي بالظبط الاسبوع اللي فات والحمد لله تم الانتهاء منها اولا انا المشكله ظهرت عندي بدون سابق انذار على طريق سفر والعربيه كانت ميه ميه فجاة لقتها عومت مني وفي الملفت كان في رزع جامد زي كده بدق على حديد بالجامد المهم روحت على عافشجي انا بتعامل معاه ساق العربيه قالي ده كوبلن داخلي على تكه ويفصل والحمد لله انك لحقته المهم فك وجبت واحد استيراد حلو وبالمره وهو فكك قالي الكوبلن الخارجي عاوز يتغير برده جيته جديد وركب كل حاجه وظبط والعربيه الحمد لله ظبطت معايا
نيجي لاسعار كوبلن داخلي استيراد عامل 125 جنيه وده الراس بس وده ممكن يكون غالي شويه بس لان العفشجي عارف واحد بتاع قطع غيار جابه منه لان معظم بتوع قطع الغيار بيبعوه كامل الداخلي والخارجي مع بعض وجبت الكوبلن الخارجي 120 جنيه تيواني الصنع وفيه صيني وفي الالماني وده غالي شويه بس التيواني حلو شغال كويس وسط
يبيقى اعراض الكوبلن الداخلي هتلاقي العربيه بتعوم منك وفي الملفات هتلاقي رزعه جامده جدا والكوبلن الخارجي اكيد انت عارف اعراضه وهي التكتكه المستمره في الدورنات
ولو في اي معلومه تحب تسال عليها انا في الخدمه

[أحمد عبدالله]

العربية عندى مخنوقة ايه الاسباب التى ممكن تؤدى لذلك
وعايز ميكانيكى فى فيصل كويس

[Amr_2222]

رجالة بعد اذنكو
انا معايا سبكترا و مش لاقي حد يفدني لأن مش متير يعرفوها
هو انا ينفع اركب فوجات افيو عليها و اظبطلها الاكصدام ؟؟
عشان انا قدامي ارخص
ياريت حد يفدني

[medo_mony]

العربية عندى مخنوقة ايه الاسباب التى ممكن تؤدى لذلك
وعايز ميكانيكى فى فيصل كويس

يا باشا اسباب خنقة العربية لية مليون سبب مش حاجة معينة ممكن يكون سيرفيس عادى زى البوجيهات فلتر هواء فلتر بنزين او سلك البوجيهات او او حساس من الحسسات اللى عندنا ودة قصة لوحدها المهم دلوقتى تروح لحد كويس يحطها على الكمبيوتر للكشف على الحساسات ولو مفيهاش حاجة ان شاء الله تبقى سيرفيس او اى حاجة كما سبق وذكرتها وبالتوفيق ان شاء الله

[mas0h]

ألف شكر على معلومة غطا الردياتير و هو فعلا مهم جدا علشان تقريبا هو اللى بيسخن العربية عندى و بيخلى المروحة تعلق.

بالنسبة لطقم الدبرياج الفاليو محترم و متجرب و سعره حنين عن الأصلى

هو الغطا مهم جدا بس ملوش دعوة بحكاية المروحة اللى بتقف, المروحة دي الكتاوت بتاعها بيبقى عاوز يتثبت كويس فى علبة الفيوزات.

اما الغطا لو مش سليم ممكن يفضيلك الرادياتير من المية اللى فيه ويعمل مشكلة كبيرة.

[mas0h]

حد يعرف اسعار الكبالن جديده واستيراد وانهى احسن؟؟؟؟ الكبالن مره واحده كده من غير اى حاجه بقيت بطاطا يمين وشمال الاتنين مع بعض هوا كده خلاص ده كوبلن اكيد وازاى اعرف ده داخلى ولا خارجى عشان من ساعت ما جبت العربيه مقابلتش مشاكل فى الكبالن

انا كنت لسه شاري جوز خارجي تايوانى عاملين 280 جنيه
وعلشان تعرف ازا كان خارجي ولا داخلي كان الراجل اللى انا اشتريت منه وانا بسأله على الكبالن قاللى دخلي ولا خارجي, قلتله مش عارف, قاللى بتسمع طقطقة فى الملفات وانت جايب الدركسيون يمين او شمال على الاخر قلتله ايوه, قاللى يبقى خارجي.

والكل اجمع ان الكبالن الجديدة افضل حتى لو صيني

[أحمد عبدالله]

يا باشا اسباب خنقة العربية لية مليون سبب مش حاجة معينة ممكن يكون سيرفيس عادى زى البوجيهات فلتر هواء فلتر بنزين او سلك البوجيهات او او حساس من الحسسات اللى عندنا ودة قصة لوحدها المهم دلوقتى تروح لحد كويس يحطها على الكمبيوتر للكشف على الحساسات ولو مفيهاش حاجة ان شاء الله تبقى سيرفيس او اى حاجة كما سبق وذكرتها وبالتوفيق ان شاء الله

انا بالفعل حطيتها على الجهاز والحساسات تمام الكهربائى قالى فتيس والميكانيكى قال الموتور خفيف لذا بسال على حد ثقه فى فيصل وجزاك الله خير

[zomprakes]

انا بالفعل حطيتها على الجهاز والحساسات تمام الكهربائى قالى فتيس والميكانيكى قال الموتور خفيف لذا بسال على حد ثقه فى فيصل وجزاك الله خير

متابع مع حضرتك نفس المشكل و كشفت علي الفتيس سليم و الماتور سليم و اخر حاجة هاعملها انظف رشاشات بل الاترا سونيك

[samasamir]

أنا كان عندي مشكله واحب استشيركوا فيها غسلت المتور بالفوم الصبح واخر اليوم لقيت النور ضعف والتسجيل مش شغال والبطاريه فضيت رحت الي الكهربائي محمد السيد الي عرفتة عن طريقم قالي الدينوا عاوز يتغير الكتاوت تلفت ولقيت واحد عنده باعوا لي 200 جنية +50 مصنعية مع العلم سألت عليه عند أبو ادهم قال 250 وبعد الفصال 200
والحمد لله اشتغليت كويس السؤال هنا هل في علاقة بين غسل الماتور وتلف الدينو ؟
ولكو جزيل الشكر

[max_ziro]

هااااااااا يا رجالة قولتو اية فى اقتراح ماكس دة انا راشق ان شاء الله ممكن الجمعة او السبت زى مانتو عايزين وذى كل مرة نفس المكان وممكن نحدد الميعاد ويكون بدرى حبتين علشان نعد مع بعض اطول فترة ممكنة

يلا يا عم انا و انت بس و لو حد تانى جة نمشى اية رأيك ههههههه

[medo_mony]

يلا يا عم انا و انت بس و لو حد تانى جة نمشى اية رأيك ههههههه

انا وانت ولاحد تالتنا انا وانت انا وانت و بس والراجل يبقى يحصلنا ههههههههههه والله اشطا يا مان

اية رائيكو يا رجالة السبت اللى جاى هاااااااااااااااااااااااا

[max_ziro]

انا وانت ولاحد تالتنا انا وانت انا وانت و بس والراجل يبقى يحصلنا ههههههههههه والله اشطا يا مان

اية رائيكو يا رجالة السبت اللى جاى هاااااااااااااااااااااااا

هو الناس ماتت لية؟؟