رابطة الوحوش ملاك السيفيا (ج3)

[sakr122]

استفسار كده من رجالة الرابطة طالما العربية مفيهاش فلتر للتكييف يبقى كده لازم اروح لحد متخصص فى التكييفات عشان ينضفه ويظبطة وكده وهل كل صيف بقى لازم نعمل زيارة لاخصائى التكييفات وياترى الزيارة دى بتتكلف كام فى العادى من غير مشاكل يعنى

لو هتحتاج تنضف الجزء اللي وراء درج التابلوه اللي فوق البلاور يبقى محتاج تروح لحد بتاع تكييفات متخصص عشان يعملك الحكايه دي ودي حاجه مهمة لو انت حاسس ان الهواء مكتوم او ضعيف لكن غير كده ممكن يبقى شحن عادي للتكييف
وفي حاجه مهمة جدا في جزء شبه الكوز الالمونيوم كده وراء قربة المساحات على طول ده اسمه خزان الفريون السائل ده المفروض يكون سيلم ومش مسدود
انا رحت اشحن التكييف والراجل لقاه مسدود وفضل يخبط عليه بطريقه معينه ويعمل شويه حاجات كده وسلكهولي والفرق كان قوي جدا وطبعا شحنلي التكييف وخد مني 160 ج وده علشان هو حبيبي قوي
وعلى فكره الراجل ده اصلا بيصلح ثلاجات وتكييفات بيوت هو متخصص ودارس تبريد وتكييف وعملي الموضوع ده خدمة شخصيه
بس بصراحه حاسس بفرق جامد جدا يعني عمليا دلوقتي بامشي بيها الساعة 3 او 4 والمروحة على 2 وبكرة التبريد على الربع وبيكون الجو كويس جدا مش تلج يعني عشان انا مش بحب اكون بردان قوي لكن لو حبيت ازود درجة البروده او المروحة هاحس بالفرق

[eldmrane]

بيتهيألي الجديد افضل طبعا بس الفكرة في فرق السعر

انا سمعت الجديد مش لية مرتجع وممكن يقطع بسرعة وكدة ومحتار

[zadgo]

لو هتحتاج تنضف الجزء اللي وراء درج التابلوه اللي فوق البلاور يبقى محتاج تروح لحد بتاع تكييفات متخصص عشان يعملك الحكايه دي ودي حاجه مهمة لو انت حاسس ان الهواء مكتوم او ضعيف لكن غير كده ممكن يبقى شحن عادي للتكييف
وفي حاجه مهمة جدا في جزء شبه الكوز الالمونيوم كده وراء قربة المساحات على طول ده اسمه خزان الفريون السائل ده المفروض يكون سيلم ومش مسدود
انا رحت اشحن التكييف والراجل لقاه مسدود وفضل يخبط عليه بطريقه معينه ويعمل شويه حاجات كده وسلكهولي والفرق كان قوي جدا وطبعا شحنلي التكييف وخد مني 160 ج وده علشان هو حبيبي قوي
وعلى فكره الراجل ده اصلا بيصلح ثلاجات وتكييفات بيوت هو متخصص ودارس تبريد وتكييف وعملي الموضوع ده خدمة شخصيه
بس بصراحه حاسس بفرق جامد جدا يعني عمليا دلوقتي بامشي بيها الساعة 3 او 4 والمروحة على 2 وبكرة التبريد على الربع وبيكون الجو كويس جدا مش تلج يعني عشان انا مش بحب اكون بردان قوي لكن لو حبيت ازود درجة البروده او المروحة هاحس بالفرق

الف شكر على ردك المفيد جدااااااااااااااااا
بس كان ليا سؤال هى مصنعية الشغل بتاع التكييف عاليه عموما ولا الشحن هو اللى غالى بس

[sakr122]

انا سمعت الجديد مش لية مرتجع وممكن يقطع بسرعة وكدة ومحتار

طب مهو الاستيراد برضو مش هتعرف ترجعو لو اشتغل معاك شزيه وبعدين قطع هي هي
بصراحه انا كده احترت انا كمان محنتاجبن رأي حد خبير

[sakr122]

الف شكر على ردك المفيد جدااااااااااااااااا
بس كان ليا سؤال هى مصنعية الشغل بتاع التكييف عاليه عموما ولا الشحن هو اللى غالى بس

هو اغلب تكلفة الشغل في سعر الفريون بس طبعا في انواع من الفريون وسعرها بيختلف على حسب كل نوع

[Ahmed_Ramadan]

لو هتحتاج تنضف الجزء اللي وراء درج التابلوه اللي فوق البلاور يبقى محتاج تروح لحد بتاع تكييفات متخصص عشان يعملك الحكايه دي ودي حاجه مهمة لو انت حاسس ان الهواء مكتوم او ضعيف لكن غير كده ممكن يبقى شحن عادي للتكييف
وفي حاجه مهمة جدا في جزء شبه الكوز الالمونيوم كده وراء قربة المساحات على طول ده اسمه خزان الفريون السائل ده المفروض يكون سيلم ومش مسدود
انا رحت اشحن التكييف والراجل لقاه مسدود وفضل يخبط عليه بطريقه معينه ويعمل شويه حاجات كده وسلكهولي والفرق كان قوي جدا وطبعا شحنلي التكييف وخد مني 160 ج وده علشان هو حبيبي قوي
وعلى فكره الراجل ده اصلا بيصلح ثلاجات وتكييفات بيوت هو متخصص ودارس تبريد وتكييف وعملي الموضوع ده خدمة شخصيه
بس بصراحه حاسس بفرق جامد جدا يعني عمليا دلوقتي بامشي بيها الساعة 3 او 4 والمروحة على 2 وبكرة التبريد على الربع وبيكون الجو كويس جدا مش تلج يعني عشان انا مش بحب اكون بردان قوي لكن لو حبيت ازود درجة البروده او المروحة هاحس بالفرق

طيب لو انا عاوز أحله أنضف الكويل و السربنتينة و خزان الفريون اللى بتقول عليه .....ينفع و لا إسه و التكلفة هتكون فى حدود كام ؟؟

[dobe66]

ممكن استفسار من الناس الحلوة الى هنا
انا عندى العربية وهية دايرة وانا واقف عادى بسمع صوت دربكة فى الموتور وبحس بيها فى دواسة البنزين
بس الحكاية دية مش بتحصل على طول يعنى ممكن مشوار اة ومشوار لا ومش عارف المشكلة فين وخايف لتكون حاجة جامدة افيدونى افادكم اللة وشكرا

[elhelawy]

مساء الفل يا رجاله
جبت الحمد لله النهارده فيشة حساس هواء الفلتر و كاوتش داير الباب اليمين وراء الداخلى من عند ابو ادهم ب 75 جنيه وقلت لاحمد ابو ادهم و اكرامى انك يا ماكس انت و احمد الجندى هتروحلهم ان شاء الله اول الشهر زى ما كنتوا قايلين هنا
وانا ان شاء الله هروحلهم على نص الشهر الجى علشان هجيب اسكاترا و طرمبه باور

[أحمد الجندى]

ممكن استفسار من الناس الحلوة الى هنا
انا عندى العربية وهية دايرة وانا واقف عادى بسمع صوت دربكة فى الموتور وبحس بيها فى دواسة البنزين
بس الحكاية دية مش بتحصل على طول يعنى ممكن مشوار اة ومشوار لا ومش عارف المشكلة فين وخايف لتكون حاجة جامدة افيدونى افادكم الله وشكرا

أنا عندى حاجة شبه كده برضو والسبب فيها قاعدة الماتور .... فممكن ده يبقى احد الاحتمالات والله اعلم

[أحمد الجندى]

مساء الفل يا رجاله
جبت الحمد لله النهارده فيشة حساس هواء الفلتر و كاوتش داير الباب اليمين وراء الداخلى من عند ابو ادهم ب 75 جنيه وقلت لاحمد ابو ادهم و اكرامى انك يا ماكس انت و احمد الجندى هتروحلهم ان شاء الله اول الشهر زى ما كنتوا قايلين هنا
وانا ان شاء الله هروحلهم على نص الشهر الجى علشان هجيب اسكاترا و طرمبه باور

الف مبروك يا اسلام
طيب ما تبقى تيجى معانا فى الطلعة الجاية على أبو أدهم دى .... خلينا ندخل بتقلنا فنعرف نفاصل ونأكدلهم على أهمية الرابطة على فكرة عصام ممكن يجى معانا برضو

[zadgo]

صباح الفل عليكم ويسعد يومكم يارب
حبيت اصبح عليكم بس

[Ahmed_Ramadan]

صباح الفل عليكم ويسعد يومكم يارب
حبيت اصبح عليكم بس

صباح الفل ...ربنا يكرمنا جميعا

[the9ranger]

ماكس يا ماكس واضح ان حساس الايدل عندى توفى
النهاردة كنت نازل مشوار دورت العربية وسيبتها تسخن شوية عقبال ما اشيل التراب اللى عليها جيت اتحرك لقيت الار بى ام على 1.5 على غير عادته المهم قلت يمكن لما تسخن تنزل تانى فضلت ماشى وعينى على الار بى ام وبرضو مش راضى ينزل والعربية استهلكت بنزين ونزلت شرطتين فى مشوار عبيط ، المهم عصام قالى ده كده شكله حساس الايدل ومش حتلاقى بتاع السيفيا جديد بس ممكن تركب بتاع الفيرنا ولو استيراد فأنت وحظك وبما اننا النهاردة الحد فمفيش حد فاتح علشان اسأله ....

لو تفتكر انا عمل عندى كده من ييجى شهر ونصف وكنت اتكلمت فى المنتدى على ان السياره بتعلى لوحدها وروحت لواحد فى الهرم عندنا وهوه فكو ونظفهولى و ورجع احسن من الاول ومصنعيتو كويسه وهوه متخصص كمبيوتر سيارات وبيصلح كنترول كمان ممكن اوديك ليه لو عايز بدل ما تشترى جديد علشان لقيتو غالى فى حدود 250 ج وممكن متلاقيهوش استيراد وبدل ما تركب حاجه مش بتاعتها نجرب نصلحو الاول

[أحمد الجندى]

لو تفتكر انا عمل عندى كده من ييجى شهر ونصف وكنت اتكلمت فى المنتدى على ان السياره بتعلى لوحدها وروحت لواحد فى الهرم عندنا وهوه فكو ونظفهولى و ورجع احسن من الاول ومصنعيتو كويسه وهوه متخصص كمبيوتر سيارات وبيصلح كنترول كمان ممكن اوديك ليه لو عايز بدل ما تشترى جديد علشان لقيتو غالى فى حدود 250 ج وممكن متلاقيهوش استيراد وبدل ما تركب حاجه مش بتاعتها نجرب نصلحو الاول

طيب دلنى عليه يا محمود واتكلفت كام القصة ؟

[sakr122]

طيب لو انا عاوز أحله أنضف الكويل و السربنتينة و خزان الفريون اللى بتقول عليه .....ينفع و لا إسه و التكلفة هتكون فى حدود كام ؟؟

للاسف هو مش متخصص سيارات وكمان شغال في شركة وماعتقدش انو ممكن يعمل الحكايه دي