رابطة الوحوش ملاك السيفيا (ج3)

[dfdfdf]

السلام عليكم و كل سنه و أنتم طيبين بمناسبة شهر رمضان الكريم
إستفسار بسيط ، أنا عندى لمبة o/d off الصفرا بتنور و تطفى ، معناه أيه التحذير ده ، العربية شوما أوتو
و شكراً

[medo_mony]

نكمل بقى .... لقيت جورج هنج و طلع عينه خصوصا إنه شغال من الساعة 11 الصبح خليته يريح شوية و ضربنا 2 ميجا شيكولاتة و هو طلب قهوة و دماغه سخنت و نزل تحت العربية و إبتدا تقفيل.

لمدة ساعتين و نصف جورج بيقفل فى العربية من تركيب الإسكترا فى القنطرة و بعدين تنزيل القنطرة تحت العربية و رفعها و تركيبها فى العربية و بعدين تركيب الشكمان كامل و تربيط العفشة الأمامية كاملة و بعدين حطينا زيت الباور اللى كنت جايبه و دورنا العربية و استنينا لما منسوب الزيت ثبت و زودنا الزيت لحد ال full و خلاص.


على الساعة 2.30 الصبح و لا أنا و لا جورج كنا شايفين قدامنا قفلنا العربية و روحت و اتفقنا انى أروحله بالعربية تانى يوم بعد مشوار حلو علشان العفشة تريح وتتربط تانى و لو فى أى ملاحظات تتعمل مع التوصية بكسر الدركسيون كتير علشان نوصل الضغوط لأعلى حاجة فى الإسكاترا و لو فى تسريب يبان بدرى.

تانى يوم روحت بالعربية الشغل مشوار من النزهة الجديدة لحد المعادى و كنت بقرص فى الملفات شوية.
ظهرت طقة جامدة فى الملفات ناحية الشمال و طارة الدركسيون كانت مقلوبة تقريبا.

و أنا راجع عديت على جورج ربط العفشة و الطقة طلعت مسمار فى العفشة ناحية الشمال الصامولة بتعته فوتت غيرناها و ركبنا وردة و الصوت إختفى وبعدين ظبط الطارة (وديه مش بتتظبط غير و العربية ماشية).

جورج طبعا مرضيش يخلينى أمشى غير أما غسل الموتور بمسدس الميه و البريل و خلى الموتور فلة الصراحة.

التكاليف:
طقم إصلاح إسكاترا 95 جنيه
زيت باور (شيل) 1ك 28 جنيه

الف مبروك يا باشا ويديك خيرها ويكفيك شرها وتدوبقها فى عرق العافية ان شاء الله وانا كمان شوية كدة هاعمل القصة دة بس لما موضوع الزيت عندى يزيد شوية بس انت مقلوتلناش جورج خد كام على الحوار دة

[eldmrane]

السلام عليكم و كل سنه و أنتم طيبين بمناسبة شهر رمضان الكريم
إستفسار بسيط ، أنا عندى لمبة o/d off الصفرا بتنور و تطفى ، معناه أيه التحذير ده ، العربية شوما أوتو
و شكراً

يا باشا نفس المشكلة عندي وبتطفي لما افضل ماشي مثلا يوم كامل بالعربية هادي اووووووووي حطيتها علي الجهاز قالي دة الزار بتاع الاوفر دريف في مشكلة بس انا مش مقتنع بصرحة عشان طالما اللمبة منورة اكيد هيقرها كدة وكمان انا مش بشغل الزرار دة اصلا وبصرحة اخر حل بكرة هغير فلتر وابتديت اسال علي الفتيس بكام لو حضرتك لقيت حل قلي نعيش سوة وكمان عندي الغيارات ال2 وال3 بياخر وسنة تفويت باستثناء حركة غريبة لو عملت اوفر دريف اجي اجيب الفتيس علي اي وضع ينقل من غير التكة اللي بتحسها تحت رجلك وتيجدي تطلع لازم تكبس اووووووووووي كانها ممورة

[m_adeleid]

السلام عليكم يا وحوش و كل سنه وانتو طيبين
معلش غبت كام يوم كده كنت مسافر و كان عندي شغل في الشقه بعد ما رجعت
يار تكونوا كلكو بخير

[dfdfdf]

يا باشا نفس المشكلة عندي وبتطفي لما افضل ماشي مثلا يوم كامل بالعربية هادي اووووووووي حطيتها علي الجهاز قالي دة الزار بتاع الاوفر دريف في مشكلة بس انا مش مقتنع بصرحة عشان طالما اللمبة منورة اكيد هيقرها كدة وكمان انا مش بشغل الزرار دة اصلا وبصرحة اخر حل بكرة هغير فلتر وابتديت اسال علي الفتيس بكام لو حضرتك لقيت حل قلي نعيش سوة وكمان عندي الغيارات ال2 وال3 بياخر وسنة تفويت باستثناء حركة غريبة لو عملت اوفر دريف اجي اجيب الفتيس علي اي وضع ينقل من غير التكة اللي بتحسها تحت رجلك وتيجدي تطلع لازم تكبس اووووووووووي كانها ممورة

أنا النهارده لقيت العربية بقة تمام اللمبه دى بطلت تنور ز الأوفر دريف أشتغل تانى ، بس الحمد الله الفتيس عندى مفهوش اى مشاكل و بينقل فى الميعاد و بدون نتش أو تفويت و دى أكبر ميزه فى العربية مخليانى مستخصرها فى البيع ، على العموم انا إنشاء الله ناوى أغير الكاتينة و الصيانة الدوريه و ححتها على الجهاز و حاقوللك أيه الأخبار إنشاء الله .

[zomprakes]

ده بيتباع فين ده يا ريس بس انا الى عندى بوش تقريبا هوا صينى بس كنت جايبه ب950 جنيه من 3 سنين تقريبا والعالى من الى انت بتتكلم عليه ده بكام انا الى عندى عالى وواطى

دا مالي الدنيا ياباشا هتلاقية في دمشق او احمد سعيد في الحدائق

[SPY123]

يا رجاله محدش يعرف سعر الطنابير عامله كام ؟؟؟؟؟؟؟؟؟؟؟

[fekodedo]

ازاى الكلام ده ان طالع بيها من دلانوس ونوبيرا ولانسر وشاهين وكل الى قبل كده وبجيب بيها 180 مستريح
فى حاجه عندك غلط اكشف على حساس الاكسوجين وعلى كل الحساسات وخصوصا حساسات البوابه ونضف البوابه كويس وغير فلتر الهواء والزيت وغير البوجيهات وشوف كده وقولنا ايه الاخبار

انا متشكر جدا على رد حضرتك بس انا معرفش حاجات كتير زى ازاى انضف حساسات البوابة وهى في البوابه دى وازاى اعمل ريسيت للكمبيوتر واعمل ازاى ايدل كنترول ..


معلش يا جماعة احتضنونى عشان انا على قدى

[dobe66]

سؤال كدة على الماشى ينفع اغير اكصدام الشوما الشكل القديم يعنى اشيلو بالفوانيس بكل حاجة واركب اكصدام وفوانيس الشوما 2001 ولا مينفعش وهل هعدل حاجة تانى

[max_ziro]

سؤال كدة على الماشى ينفع اغير اكصدام الشوما الشكل القديم يعنى اشيلو بالفوانيس بكل حاجة واركب اكصدام وفوانيس الشوما 2001 ولا مينفعش وهل هعدل حاجة تانى

بهدلة على الفاضى

[mohamedzeineld]

ازيكم يا جماعه انا عاوز اسال لو اشتريت الاسبري بتاع تنظيف البوبات ابو50ج ورشيت ونظفت البوابه وهى ركبه مكانها ده ينظف الايدل والبوبات من غير ماافك حاجه

[mohamedzeineld]

احب اشارك معاكوا الاسبوع الفات رحت واشتريت طقم البوجيهات البلاتينيوم من شركه التوفيق ال فى السيده زينب 100ج وركبتهم المهم بعد التركيب السحب مش الجبار الكنت متخيله بس صوت المكنه هدى جدا بصراحه وحبيت اشركوا التجربه للهيركبوا

[AHMEd_REDA]

حبايبي السيفياوية كل سنه وانتوا طيبين ورمضان كريم عليكم يارجاله
عندي مشكلة بسيطه من امبارح بس
المشكله اني لما بشغل تكييف العربية وانا طالع بتحصل نتشه للعربية في الطلعه ودي مش بتحصل الا لما بكون مشغل التكييف بس
مع العلم انها بتحصل في الطلعه ياعني لما اهدي علي مطب واجي طالع
العربية سيفيا 2001

[AHMEd_REDA]

سؤال بالنسبة للسيفياوية الخبره
بالنسبة لحساس الشكمان لما بيكون بايظ ايه اللي بيحصل

[the9ranger]

سؤال بالنسبة للسيفياوية الخبره
بالنسبة لحساس الشكمان لما بيكون بايظ ايه اللي بيحصل

لمبه التشك هتنور انما الاعراض الى بتحصل فى العربيه ممكن متلاقيش فيها حاجه غير انها هتاكل بنزين جامد