رابطة الوحوش ملاك السيفيا (ج3)

[farselkon]

للبيع كيا سيفيا فبريكا بالكامل
كيا سيفيا موديل 1999 كاملة مانيوال اللون نبيتى ، كورى
فابريكا بالكامل عدا الكبوت الأمامى والرفارف الأمامى( رش نظافة)
الكماليات
( تكييف تلاجة ، باور ، سنتر ، إنزار ، وحدة رفع ، 4 زجاج كهرباء ، مرايات كهرباء ، فتح الشنطة والتنك من الداخل ، فرش جلد ، جنوط إسبور ، فوج لايت ، زجاج حرارى ، سينسور بارك ، تابلوة فابريكا)
165000 كيلو متر فقط
السعر 42000 والمعاينة خير دليل
للإتصال : أ / أشرف أحمد على
ت / 01145498228

[the9ranger]

موفق ان شاء الله فى البيع

[the9ranger]

يا جماعه انا عايز عفشجى محترم وامين ويكون بيفهم فى السيفيا علشان انا الاصوات كترت اوى عندى فى العفشه من تحت ويا ريت لو قريب من الهرم او فيصل والجيزه عموما ولو بعيد خلاص مش مشكله بس يكون بيفهم فى السيفيا ومش يبوظلى حاجه

[Ahmed_Ramadan]

يا جماعه انا عايز عفشجى محترم وامين ويكون بيفهم فى السيفيا علشان انا الاصوات كترت اوى عندى فى العفشه من تحت ويا ريت لو قريب من الهرم او فيصل والجيزه عموما ولو بعيد خلاص مش مشكله بس يكون بيفهم فى السيفيا ومش يبوظلى حاجه

متابع معاك

[Ahmed_Ramadan]

يا رجالة هو مفيش فوج يركب عندنا غير فوج الفابريكة أبو 320 جنيه اللى الجندى الحرامى بيبيعه ده ؟؟
أنا شايف الناس بتوع الكريستالة بيركبو فوج الدبابة و فوج الأوبترا ..... معقولة إحنا ملناش بدايل زيهم ؟؟!!

[farselkon]

يا رجالة هو مفيش فوج يركب عندنا غير فوج الفابريكة أبو 320 جنيه اللى الجندى الحرامى بيبيعه ده ؟؟
أنا شايف الناس بتوع الكريستالة بيركبو فوج الدبابة و فوج الأوبترا ..... معقولة إحنا ملناش بدايل زيهم ؟؟!!

لو حضرتك قصدك على الفوج لايت أنا شاريهم للسيفيا المعروضة للبيع الإتنين ب 200 جندى إستيراد أصلى+ 70 جنية لمض + 10 جنية 2 فيشة + التركيب

[Ahmed_Ramadan]

لو حضرتك قصدك على الفوج لايت أنا شاريهم للسيفيا المعروضة للبيع الإتنين ب 200 جندى إستيراد أصلى+ 70 جنية لمض + 10 جنية 2 فيشة + التركيب

منين يا باشا و كانو مصفرين و لا حالتهم عاملة إزاى ؟؟؟

[eldmrane]

يا جماعه انا عايز عفشجى محترم وامين ويكون بيفهم فى السيفيا علشان انا الاصوات كترت اوى عندى فى العفشه من تحت ويا ريت لو قريب من الهرم او فيصل والجيزه عموما ولو بعيد خلاص مش مشكله بس يكون بيفهم فى السيفيا ومش يبوظلى حاجه

بص يا باشا انا هوصفلك واحد بجد هيطلع العيب من غير شك مجربة في مليون عربية قبل كدة هتدخل شارع البحر الاعظم وانت جاي من الجيزة اول بنزينة هتقبلك هتدخل الشارع اللي جمبها اسمة شارع كولدير هتدخل فية اول شارع شمال اسمة محمد امام ممكن تكشف علي العربية بس ويقولك محتاجة اية ب10 جنية بس وممكن تعمل عندة الشغل انت ودماغك بس هوة فنان انة بيطلع العيب فعلاااااااااااااااااااا بجد هتدعيلي انا عربيت صحبي ميكانيكي ومش كان فاهم فيها اية ومكسوف يروحلة روحتلو بيها عرفني العيب

[the9ranger]

بص يا باشا انا هوصفلك واحد بجد هيطلع العيب من غير شك مجربة في مليون عربية قبل كدة هتدخل شارع البحر الاعظم وانت جاي من الجيزة اول بنزينة هتقبلك هتدخل الشارع اللي جمبها اسمة شارع كولدير هتدخل فية اول شارع شمال اسمة محمد امام ممكن تكشف علي العربية بس ويقولك محتاجة اية ب10 جنية بس وممكن تعمل عندة الشغل انت ودماغك بس هوة فنان انة بيطلع العيب فعلاااااااااااااااااااا بجد هتدعيلي انا عربيت صحبي ميكانيكي ومش كان فاهم فيها اية ومكسوف يروحلة روحتلو بيها عرفني العيب

الف شكر

[medo_mony]

بقالى مدة مذكرتش الصيانات اللى عملتها فى العربية بس معلش كنت مشغول ومفيش وقت خالص وده اللى تم خلال ال 3 شهور اللى فاتوا

- السنتر عندى كان بيعلق ومبيفتحش غير باب السواق بس فحاولت اصلحه لقيت مفيش منه رجاء فجيبت سنتر وولف عادة بالضفيرة والكتاوت ب 100 جنيه الراجل ركبهالى فى نص يوم وخليته يعملى بالمرة الشنطة تتفتح من السنتر لما اضغط لمدة 4 ثوانى

- لمبات الفوانيس الامامية عندى كانت سهارى فجيبت جوز فوانيس تونجسرام 140\100 ب 90 جنيه من واحد هنا فى المنتدى وجيبت معاهم كتاوت تركى وسلك 10 متر 2 ملى وشوية حاجات كده .... اللمبات فرقت جدا معايا وبقيت مبنورش النور الواطى اصلا من شدة النور ولله الحمد .... بتاع الكوالين والكهربائى لهفوا فى موضوع السنتر واللمبات 150 جنيه

- حتقولوا بتاع كوالين ليه اقولكم لان صاحبنا الكهربائى كسرلى الاكرة اللى أنا كنت مصلحها اصلا وبقت ماتنفعش تانى فجيبت واحدة تانية من أبو ادهم ب 80 جنيه

- غيرت ولله الحمد ال 4 فرد كاوتش بعد ما لفيت جمهورية مصر العربية علشان الاقى مقاس العربية وماركة وسعر كويس ... روحت احمد سعيد والحى السادس فى مدينة نصر ومنهم على شبرا وفى الاخر جيبت من أولاد بيومى فى الدقى هانكوك مقاس 195\60\14 ب 440 الفردة وكان قدامى الكومهو على 395 بس موديل الهانكوك كان احسن فى الثبات والتحكم والفرملة

- روحت لميكانيكى معرفة وخليته غسلى الموتور والعفشة بالجاز ونزلت زيت الفتيس وحطيت زيت موبيل 90 وربطلى العفشة وغيرت جوز البطاحات الامامى وشيلت العلايات اللى كانوا ورا وطلع ان صاحب العربية مركب علايات 5 سم المفترى .... الفرق بقيت بحس بيه دلوقتى لما بحمل ناس لقيت الرفرف بيحك فى الكاوتش فحروح لسمكرى يرفعلى شفة الرفرف بس الثبات اختلف تماما والعضة اللى كانت فى الفتيس شبه راحت بالمناسبة أنا حطيت 3 كيلو وطلع زيادة برضو بس سنة بسيطة فاللى حايحط زيت فتيس يبدأ يقيس من أول ما يعدى ال 2 كيلو زيت ... مصنعية الكلام ده 100 جنيه

الف مبروك يا باشا وربنا يباركلك فيها ان شاء الله انتم السابقون ونحن الاحقون انا بردو لسة مغير زيت الفتيس من يومين كدة حطيت شل وبردو الراجل حطيلى 3 لتر بردو وغيرت 2 فرد كاوتش وعقبال الاثنين التانيين وربنا يسهل ان شاء الله وكمان لسة عايز اغير ال3 علب الشكمان لان الراجل قالى خالصنين خالص وتبقى كدة الدنيا عندى ان شاء الله زى الفل

[أحمد الجندى]

الف مبروك يا باشا وربنا يباركلك فيها ان شاء الله انتم السابقون ونحن الاحقون انا بردو لسة مغير زيت الفتيس من يومين كدة حطيت شل وبردو الراجل حطيلى 3 لتر بردو وغيرت 2 فرد كاوتش وعقبال الاثنين التانيين وربنا يسهل ان شاء الله وكمان لسة عايز اغير ال3 علب الشكمان لان الراجل قالى خالصنين خالص وتبقى كدة الدنيا عندى ان شاء الله زى الفل

ده احنا كده بصرة بقى كاوتش وزيت وشكمان
أنا كمان لسه فاضلى تغيير الشكمان كله ولسه كنت عند أبو اليزيد ولقيت ان العلبة الأولى والأخيرة عاملين حوالى 680 ولو ركبت فى أى مركز أبو اليزيد حاخد ضمان 6 شهور ومصنعية التركيب 45 جنيه لتركيب العلبة الواحدة .... ولو ركبت علبة البيئة حايبقى الضمان سنة على كله بس المشكلة انه بقاله زمن ما بينزلش لا الاصلى ولا الرنان فممكن يوفقلى من حاجة تانى

انت ناوى تغير الشكمان فين ؟

[Ahmed_Ramadan]

الرجالة اللى غيرت زيت الفتيس ....حسيتو بفرق ولا إيه و الزيت اللى نازل أخباره إيه و خطوات تنزيل الزيت فيها تعقيد و لا إيه ؟؟

[Ahmed_Ramadan]

الف مبروك يا باشا وربنا يباركلك فيها ان شاء الله انتم السابقون ونحن الاحقون انا بردو لسة مغير زيت الفتيس من يومين كدة حطيت شل وبردو الراجل حطيلى 3 لتر بردو وغيرت 2 فرد كاوتش وعقبال الاثنين التانيين وربنا يسهل ان شاء الله وكمان لسة عايز اغير ال3 علب الشكمان لان الراجل قالى خالصنين خالص وتبقى كدة الدنيا عندى ان شاء الله زى الفل

عرفت منين إنهم خلاصانين يا باشا ؟؟

[أحمد الجندى]

الرجالة اللى غيرت زيت الفتيس ....حسيتو بفرق ولا إيه و الزيت اللى نازل أخباره إيه و خطوات تنزيل الزيت فيها تعقيد و لا إيه ؟؟

أنا لسه ما مشيتش بيها كتير بس كان بيبقى عندى عضة خفيفة فى بعض النقلات بعد ما حطيت الزيت الجديد لاحظت انها اختفت بس لسه محتاج اجرب اكتر علشان اتأكد

[Ahmed_Ramadan]

أنا لسه ما مشيتش بيها كتير بس كان بيبقى عندى عضة خفيفة فى بعض النقلات بعد ما حطيت الزيت الجديد لاحظت انها اختفت بس لسه محتاج اجرب اكتر علشان اتأكد

تمام يا معلم ... الزيت اللى نازل أخباره إيه و خطوات تنزيل الزيت فيها تعقيد و لا إيه ؟؟