رابطة الوحوش ملاك السيفيا (ج3)

[the9ranger]

رجعت علبه الفيوزات لقيتها كلها سليمه وتمام رحت لواحد بتاع تكييف قالى الفريون سرب والعربيه فيها حساس لما الفريون بيسرب الكومبريسور موش بيشتغل قلت والله كويس انا هاكمل كده بقيه الصيف واخش على الشتاء ولما يجى الصيف ابقى اشوفو فيه ايه

[SPY123]

فعلا راجع على علبة الفيوزات

احمد باشا انت فين انا مستنيك تقولى عملت ايه فى العربيه طلع المشكله ايه ؟؟؟

[ahmadshokry]

السلام عليكم
ماحدش عنده فكره مشترك الفرامل استيراد بكام ومنين
ومفيش حل لتعلية العربية غير العلايات لان ليها صوت مع المطبات

مافيش حد يعرف

[Ahmed_Ramadan]

مافيش حد يعرف

للأسف لأ يا باشا ...طيب ما تسأل عند حلمى سليمان أو الجندى

[Ahmed_Ramadan]

احمد باشا انت فين انا مستنيك تقولى عملت ايه فى العربيه طلع المشكله ايه ؟؟؟

ألف شكر لإهتمامك ...بص اللى حصل بالظبط كان نتيجة لإنى غيرت البطارية من أسبوعين كده و البنى أدم الله يسامحه اللى كان بيبدل البطارية حط البطارية على كابل المراوح بتاع الضفيرة لحد أما سخن و ساح و بقى بيلمس فالمراوح مشتغلتش.

و علشان انا كان معظم الطريق اللى كنت واخده سريع فا الهوا اللى كان بييجى فى وش العربية كان بيعوض المروحة إلا حد كبير فالعربية مسخنتش غير أما قربت من البيت و الزحمة إبتدت ...يعنى مفضلتش سخنة كتير.

المهم اللى حصل بعد كده إن العربية الردياتير سخن و فضلى لحد أما الصدأ اللى فيه بقى بودرة على الرديايتر كله

هو عموما العربية مركونة جنب البيت لحد دلوقتى علشان انا طول الأسبوع مكنتش فاضى فى الشغل و علشان باخد كورسات اليومين دول بس اللى عملته لحد دلوقتى هو إنى بعد أما فصل البطارية و شلتها و نضفت مكانها و ظبطت كابل المروحة و زودت ميه عادى و أخدت هوا من الدورة و المروحة إشتغلت و المؤشر مظبوط بس طبعا المياه اللى حطتها فى القربة طلعت فى الردياتير و خدت كل الصدأ اللى كان فى الردياتير و مليت الردياتير.

بإذن الله بكره هروح لواحد كويس بتاع ردياتيرات كويس الحاج عندى قاللى عليه هخليه يفك الردياتير ينضفه كويس و يحط مزيل صأ كذا مرة لحد أما الميه تنزل نضيفة و بعدين نكبس الدورة و بعد أما يدينى التمام هجيب ميه موبيل الخضرا أو الزرقا (سمعت إنها الأفضل للردياتيرات الألومنيوم زى حالاتنا) و هشترى دماغى من موضوع ميه الحنفية اللى مبهدلة دورة التبريد ديه.

[shams8275]

السلام عليكم يا أحلى ملاك للسيفيا زميل جديد لكم ينضم اليكم حيث اشتريت سيفيا 2002 من حوالي شهرين.... عندي شويه اسئله يا ريت اجد اجابه عنها و هابدأ في كل فقره بسؤال........
السؤال الأول السياره بتنتش و ساعات لا تقبل الغيار في الأول و التاني بعد ما أمشي مسافه بيها و لا تستجيب الا بعد الضغط على الدبرياش اكثر من مرة و ساعات لا تستجيب اضطر اطلع على التالت.... بس موضوع التنتيش ممكن يبدأ من الأول و ساعات بيكون النقل سهل...ناس قالوا اسطوانه و ديسك و ناس قالوا الكبشه اللي تحت الفتيس ..... هل من سابق خبره في الموضوع ده و جزاكم الله خيرا

[roland_yamaha]

مافيش حد يعرف

ممكن تسأل بالتليفون عند حمدي علي في الحرفين بس غالبا مش هيقولك ع السعر 01221050864

[Ahmed_Ramadan]

رجعت علبه الفيوزات لقيتها كلها سليمه وتمام رحت لواحد بتاع تكييف قالى الفريون سرب والعربيه فيها حساس لما الفريون بيسرب الكومبريسور موش بيشتغل قلت والله كويس انا هاكمل كده بقيه الصيف واخش على الشتاء ولما يجى الصيف ابقى اشوفو فيه ايه

طيب تمام أوى يا معلم مقلكش الراجل على مكان السنسور ده ؟؟

[shams8275]

مشكله تانيه حصلت اليوم العاده السخيفه ان المروحه ما تشتغلشي فوجئت العربيه حرارتها قربت من الربع النهائي للمؤشر و بخار بيطلع طبعا بطلت و بعد ما بردت راجعت على الفيشتين بتوع المراوح و زودت ميه و أكدت عالفيوزات....... جيت اجرب و اسخن العربيه و هي واقفه لقيت المروحه الشمال بس هي اللي شغاله و مش عارف ده الطبيعي والا لأ..... يا ريت حد يدلني

[Ahmed_Ramadan]

السلام عليكم يا أحلى ملاك للسيفيا زميل جديد لكم ينضم اليكم حيث اشتريت سيفيا 2002 من حوالي شهرين.... عندي شويه اسئله يا ريت اجد اجابه عنها و هابدأ في كل فقره بسؤال........
السؤال الأول السياره بتنتش و ساعات لا تقبل الغيار في الأول و التاني بعد ما أمشي مسافه بيها و لا تستجيب الا بعد الضغط على الدبرياش اكثر من مرة و ساعات لا تستجيب اضطر اطلع على التالت.... بس موضوع التنتيش ممكن يبدأ من الأول و ساعات بيكون النقل سهل...ناس قالوا اسطوانه و ديسك و ناس قالوا الكبشه اللي تحت الفتيس ..... هل من سابق خبره في الموضوع ده و جزاكم الله خيرا

ألف مبروك يا فندم و ربنا يباركلك فيها و يقدرنا و نقدر نساعدك

أظن إنت محتاج تروح لميكانيكى كويس يبصلك على الإسطوانة و الديسك و دورة الدبرياج (الهيدروليك) اللى عندك فى العربية

[Ahmed_Ramadan]

مشكله تانيه حصلت اليوم العاده السخيفه ان المروحه ما تشتغلشي فوجئت العربيه حرارتها قربت من الربع النهائي للمؤشر و بخار بيطلع طبعا بطلت و بعد ما بردت راجعت على الفيشتين بتوع المراوح و زودت ميه و أكدت عالفيوزات....... جيت اجرب و اسخن العربيه و هي واقفه لقيت المروحه الشمال بس هي اللي شغاله و مش عارف ده الطبيعي والا لأ..... يا ريت حد يدلني

مبدأيا درجة الحرارة المثالية هى إن المؤشر يبقى على الشرطة اللى تحت النص تماما و فعلا المروحة اللى على الشمال هى بس اللى بتشتغل أما العربية تسخن و المروحة التانية بتشتغل بس أما تشغل التكييف غير كده مش هتقوم.

بالنسبة لموضوع المروحة اللى مشتغلتش و العربية سخنت منك ...أظن عندك العيب من المكان اللى بيبيت فيه فيوز المروحة فى علبة الفيوزات السودا اللى ورا البطارية بيبقى عاوز تشعيرة علشان المكان اللى بيبيت فيه الفيوز بيبقى وسع شوية

[mas0h]

و زودت ميه عادى و أخدت هوا من الدورة و المروحة إشتغلت

يعنى ايه اخدت هوا من الدورة يا باشا؟؟

[SPY123]

يعنى ايه اخدت هوا من الدورة يا باشا؟؟

انا عاوز عربيه سيفيا 1999 لواحد صاحبى عاوز عربيه حاله كويسه ويفضل لو مانوال لو حد عاوز يبيع يقولى

[zerox2010]

السلام عليكم

السلام عليكم
ياريت ياجماعه اللى عنده عربيه سيفيا 2000 او 99 للبيع يقولى بس تكون حالتها ممتازه .
وسؤال للسيفياويه المانيول احسن ولا الاتوماتيك ؟ ولو فى عربيه اتوماتيك حالتها كويسه بس التابلوه فى طقطقه هل ده عيب جامد ؟ ياريت تردو عليه علشان انا عاوز اشترى عربيه سيفيا .

[Ahmed_Ramadan]

السلام عليكم
ياريت ياجماعه اللى عنده عربيه سيفيا 2000 او 99 للبيع يقولى بس تكون حالتها ممتازه .
وسؤال للسيفياويه المانيول احسن ولا الاتوماتيك ؟ ولو فى عربيه اتوماتيك حالتها كويسه بس التابلوه فى طقطقه هل ده عيب جامد ؟ ياريت تردو عليه علشان انا عاوز اشترى عربيه سيفيا .

المانوال أفضل و مشاكله تقريبا مفيش فى السيفيا و الشوما .... و بالنسبة للتابلوه ده عيب شائع جدا فى السيفيا و لا يعيبها و إصلاحه بيتكلف 100-150 جنيه و يرجع سليم