عربية سيئة السمعة

[romagti]

معلش ان شاء الله كله هيبقى تمام

بس مشكله البنزين تم حلها فى الريو الجديد (اسمع كده)

وبالنسبه للصوت...هوشديد اوى ولا ممكن تتعايش معاه

هو فعلا انا لما رحت ابو رواش وعملوا سوفت وير جديد و غيروا البوجيهات لان القديمة اتحرقت فى شهر من الاستخدام لكن رجعت باظت تانى و بقت مكتومة تانى

صوت العفشة الامامية صوت كانك فعلا ماشى بعربية ميكروباص مخلع وكمان بيجرى فى طريق مش نضيف والله صوت يخليك تعرف قد اية انت مضحوك عليك وهما واخدين فلوس ونايمين مستريحين

[romagti]

سبحان الله اانا عندي كيا ريو 2012 هاي لاين توكيل وبسم الله ما شاء الله على اعلي مستوى ومعنديش اي من المشاكل دي نهائي نهائي

الحمد لله اولا واخير على كل شى دة نصيب واحمد ربنا ان عربيتك من العربيات اللى مفيهاش العيوب دى لانى فعلا تعبت جدا وحاسس انى بتكلم بلغة غير مفهومة لم اروح هناك

[D/FARID CERATO]

انت راجل صح

[romagti]

للافاده الاكتر ياريت تطلب تغيير اسم الموضوع وتضيف اسم العربيه عشان اللي بيفكر فيها يتابع الموضوع ده ويشوف هينتهي على ايه.

بالمناسبه قبل حمايه المستهلك عرضت عليهم يغيرو العربيه؟ والحج الكوري ده كان رأيه ايه؟ كلمته بنفسك يعني وسمعت رأيه ولا لاء؟

انا بصراحة مش عارف اغير اسم الموضوع

اما بالنسبة لحماية المستهلك انا حاولت مرارا و تكرارا انى ارجع العربية او حتى محاولة ناجحة للاصلاح قابلت كل اللى الناس اللى تتخيلهم هناك و جبت مهندسين معايا من برة التوكيل بيفهموا وطلعوا المهندس بتاع فرع روكسى مش فاهك كويس و وماكنش عارف يحل المشاكل اللى على الكونترول بحجة ان الجهاز مش قابل يدخل على العربية

واتكلمت مع الخبير الكورى اول مرة لما رحت ابو راوش و حكيت لة المشاكل

وتانى مرة هوة بنفسة مع مهندس من هناك والله محترم جدا وفعلا نفسة يساعد من كل قلبة استلموا العربية الساعة 3 و اخدتها منهم الساعة 8 لكن للاسف بدون تغيير و دة كمان بعد خمس ساعات تغيير فى العفشة وتجارب و طلعت اجرب معاهم وسمعتهم الصوت من جديد بعد خمس ساعات

والله ويعلم ربنا احنا طلبنا تجربة عربية جديدة و فعلا طلع عربية لسة بأكياسها و طلع نفس الصوت ودى حاجة تثبت ان العربية دى فيها عيوب تصنيع بس هما مش عايزين يرجعوا ولا عربية علشان هتبقى فتحة سودة عليهم.

[romagti]

فيه حاجات مش واضحة بس ياريت توضيح

انتا رحت حماية المستهلك مع خالد شرف الزاى ؟؟ هوا راح يتابع يعنى حوار الشكوى ولا ايه ؟


وعمتن انا شايف ان لو ليك حق مع كيا او رينو مصر بتاخده والله يرحمه محمد نصير محدش اشتكا من حاجة ايامه

طبعا زى محضرتك شايف يا استاذ احمد انا عملت و مشيت على اللى هما بقولوا علشان لما اجى اشتكى ميقولوش انى رفضت المساعدة

لما العميل الطبيعى يروح التوكيل مرتين او ثلاث مرات علشان الصيانة فى السنة دة طبيعى
لكن انا رحت 15 مرة على نفس العيوب فى مدة 3 اشهر

الناس دى اهتمت اكتر علشان الاتى

1- عملت مشكلة كبيرة جدا وكان معايا 2 مهندسين عرفوا عيب الاستهلاك اون injector فاتح على 4.1 او 4.7 مش متذكر قوى ودة على السلانسية بدوت تكييف المفروض لحجم هذا الموتور يبقى مفتوح من 1.9 الى 2.4 ودة سبب الاستهلاك غير التاخير فى معالجة الكومبيوتر لبوابة الهواء

2- زيارة ابوا وراش و الاجتماع بكل من أ/خالد فارق مدير فرع ابو رواش و أ/هشاف سيف الدين مدير فرع روكسى و أ/ وائل مدير الصيانة للفروع و بعد كدة مقابلة الخبيير الكورى Mr. Cha

3- بعت ايميل محترم لكل الناس اللى لقتهم على الانترنت سواء فى كيا او هيواندى و بصراحة لقيت ايميلات اكتر لهيونداى ورضوا عليا وهما كمان ابلغوا الشركة والخبير الكورى بعدها طلب الكشف على السيارة.

انا هقولك على حاجة عملتها من كتر القرف اللى شوفتة انا كتبت فى جوجل بالانجليزى مايفيد عن ايمل شركة كيا كوريا وبعد كدة رحت على جوجل وترجمتها الى اللغة الكورية و طبعا مكنتش فاهم حاجة لكن رحت استخدم جوجل كروم لانة بيترجم الصفحات كلها واى ايميل كنت اخدة و اضيفة الى الايميل الشكوى

ارجوا نى مكنتش طولت عليكم بس بعد كل دة انا لسة مولع ومحروق وعلشان كان فى اكتر من شكوى من كيا ريو ولهذا أ/خالد شرف قام بالحضور لمناقشة المشاكل.

[romagti]

احب اشكر كل من شجعنى انتوا بجد شحنتوا طاقتى تانى وربنا يكفينا شر التوكيلات

اقسم بالله مش حسيب حقى و ممكن كمان اعمل موقع على النت على حسابى و اكتب فية اللى هما لا يتخيلوا وطبعا فى حدود الادب وعدم المغالاة او الكذب عليهم علشان احنا بنتعب مش بنسرق والحمد لله وبفضلة قدرت اغير قرار ناس كانت ناوية شراء هذة السيارة ( العميل الراضى عن السيارة والخدمة ممكن يكسبهم اتنين كمان لاكن العميل الغاضب من كل شى زى كدة بعون الله يخسرهم 10 عملاء لو هم كان عندهم ارضاء العميل مهم يبقى لازم كانوا يرجوعها قبل مانت توصل لحماية المستهلك

شكرا مرة اخرى للاخوة الاعضاء المحترمين
temo85
Ahmed_selmy
hossam_elwani
sakr1964
eng f3lix
Youssef.Awad
semsem kane

[t_bmw7]

السلام عليكم يا احلى منتدى

انا اشتريت الكيا ريو 2012 فى شهر 5 يعنى من 3 شهور رحت التوكيل على العيوب اللى هقولهالك دى 15 مرة فى 3 شهور
العفشة الامامية بايظة وتم تغيير علبة دريكسيون 3 مرات
استهلاك خيالى للبنزين مع العلم انا عملت السوفت وير دة و ظبطت جدا معايا لمدة 3 اسابيع بعد كدة رجعت هبلت تانى
وعملت سوفت وير للمرة 3 وبردة مش عايزة تزبط
السخونة الداخلية اللى فى الكونسول و تحت الكنبة ودخل شنطة العربية لم يتم الاصلاح حتى الان

اخير بعد كم هائل من الشكاوى ومقابلة ناس كتتتير منهم الخبير الكورى Mr. cha وتغيير معظم اجزاء العفشة الصوت مازل موجود والمفاجئة بقى ان المهندس هنالك جاب عربية زيرو من المخزن لتجربة صوت العفشة وطلع نفس العيب والتوكيل ردة ان الصوت دة طبيعى لما تمشى على ارض مش كويسة على اساس ان احنا الطرق عندنا حرير فى حرير وان اللى حمار او مكنش معايا عربيات قبل كدة

الخلاصة و انا مسئول عن كل الكلام اللى بقولوة العربية حلوة لكن فيها عيوب تجعلها اسوء من العربيات الصينى التى تصنع تحت السلم

انا النهارة 28/8/2012 كنت فى حماية المستهلك مع منودبى الشركة أ/ خالد شرف و أ/ وائل
لكيفية حل المشكلة و تصادف وجود 2 غيرى عندهم نفس المشاكل من كيا ريو 2012 و وسوف يتم العرض على لجنة فنية من كلية الهندسة يوم 13/9 للتحقق من وجود عيوب صناعة فى هذا الموديل


((((((((( برجاء الابتعاد )))))) انت مش لاقى فلوسك فى الارض و استخير ربنا قبل كل شى وانا اقسمت بالله انى مش هسكت على حقى واخدت رقم الاخ اللى كان معايا فى حماية المستلهك لتحريك دعوى قضائية فى المحكمة الاقتصادية ضد شكرة كيا وتعنتهم فى عدم استرجاع السيارات وحتى عدم المقدرة على الاصلاح بسرعة وبدون تكرار محاولة الاصلاح.

الى الاخ العزيز صاحب الموضوع :
انا ليا تعقيب على الكلام اللى قولته عن العربيه بشكل مبالغ فيه جدااااا جدااااا
اولا : من امتى والكيا ريو سيئه السمعه ؟؟؟؟ ده على اساس ان عربيتك فيها مشكله ما فبتعمم على كل الريو ؟؟؟ يوجد اخوه فى المنتدى قالوا رأيهم فيها وانا اولهم ان العربيه فى منتهى الجمال , ومش عشان عربيتك فيها مشكله يبقى كل الريو سيئه السمعه , احنا معاك انك تاخد حقك بالكامل ولكن مش معاك انك تطلع ان سمعتها سيئه بدليل انك اشتريتها , ولو كانت سمعتها قبل ما تشتريها سيئه ماكنتش اتفضلت واشتريتها .. صح ؟؟ ولا سمعتها طلعت فجأه سيئه اول ما ظهرت مشكلتك !!!
ثانيا : كلمه حضرتك الكبيييييره قوى ((((( برجاء الابتعاد )))))
على اى اساس قولت برجاء الابتعاد ؟؟؟؟؟؟؟؟؟؟؟
اللى حضرتك ما تعرفوش ان العفشه بتاعت عربيه سعادتك عفشه رياضيه يعنى مقاومه بشكل قوى جدا جدا للمطبات وده عشان يدى لسعادتك ثبات كبير فى المنحنيات الحاده وماتقلبش بيك .
ودى مش اول عربيه تبقى عفشتها ناشفه , فى كتير عربيات عفشتها ناشفه زي السيراتو و التيوتا الكامرى من 2007 ال 2011 و دودج شارجر من 2006 الى 2010 ودى لو ركبتها هتحس انك مركب مساعدين حديد وكل المطبات محسوسه بشكل كبيييييير جدا , وساعتها ممكن نقول ان الكامرى ولا الشارجر عربيات سيئه السمعه ورجاء الابتعاد ؟؟؟ اى عربيه سبور او رياضيه لازم هيكون عفشتها ناشفه للثبات مش عشان هم بيغلسوا عليك وبايعينلك عربيه بايظه .
صدقنى ماحدش هيصدق الكلام اللى قولته لانك بتقوله لانك منفعل وعايز تشوه صوره العربيه قدام الناس لكن كل اللى معاهم العربيه بيشكروا فيها , وزى ما قولتلك احنا كلنا معاك فى انك تحل مشكلتك , ولكن مش معاك انك تتطلع ان الريو سيئه السمعه او (((( برجاء الابتعاد )))) .
الخلاصه : الكيا ريو 2012 عربيه فى منتهى الجمال : ثبات , كماليات مش موجوده فى اى عربيه فى فئتها , شياكه , جذابه وملفته للنظر , ناعمه , اقتصاديه ( 11كم/100كم ) , وسائل امان ... الخ .
ارجو اعاده النظر فى عنوان موضوعك وشكرااا .

[eng_maged]

ربنا يوفق وتجيب حقك ان شاء الله

[romagti]

الى الاخ العزيز صاحب الموضوع :
انا ليا تعقيب على الكلام اللى قولته عن العربيه بشكل مبالغ فيه جدااااا جدااااا
اولا : من امتى والكيا ريو سيئه السمعه ؟؟؟؟ ده على اساس ان عربيتك فيها مشكله ما فبتعمم على كل الريو ؟؟؟ يوجد اخوه فى المنتدى قالوا رأيهم فيها وانا اولهم ان العربيه فى منتهى الجمال , ومش عشان عربيتك فيها مشكله يبقى كل الريو سيئه السمعه , احنا معاك انك تاخد حقك بالكامل ولكن مش معاك انك تطلع ان سمعتها سيئه بدليل انك اشتريتها , ولو كانت سمعتها قبل ما تشتريها سيئه ماكنتش اتفضلت واشتريتها .. صح ؟؟ ولا سمعتها طلعت فجأه سيئه اول ما ظهرت مشكلتك !!!
ثانيا : كلمه حضرتك الكبيييييره قوى ((((( برجاء الابتعاد )))))
على اى اساس قولت برجاء الابتعاد ؟؟؟؟؟؟؟؟؟؟؟
اللى حضرتك ما تعرفوش ان العفشه بتاعت عربيه سعادتك عفشه رياضيه يعنى مقاومه بشكل قوى جدا جدا للمطبات وده عشان يدى لسعادتك ثبات كبير فى المنحنيات الحاده وماتقلبش بيك .
ودى مش اول عربيه تبقى عفشتها ناشفه , فى كتير عربيات عفشتها ناشفه زي السيراتو و التيوتا الكامرى من 2007 ال 2011 و دودج شارجر من 2006 الى 2010 ودى لو ركبتها هتحس انك مركب مساعدين حديد وكل المطبات محسوسه بشكل كبيييييير جدا , وساعتها ممكن نقول ان الكامرى ولا الشارجر عربيات سيئه السمعه ورجاء الابتعاد ؟؟؟ اى عربيه سبور او رياضيه لازم هيكون عفشتها ناشفه للثبات مش عشان هم بيغلسوا عليك وبايعينلك عربيه بايظه .
صدقنى ماحدش هيصدق الكلام اللى قولته لانك بتقوله لانك منفعل وعايز تشوه صوره العربيه قدام الناس لكن كل اللى معاهم العربيه بيشكروا فيها , وزى ما قولتلك احنا كلنا معاك فى انك تحل مشكلتك , ولكن مش معاك انك تتطلع ان الريو سيئه السمعه او (((( برجاء الابتعاد )))) .
الخلاصه : الكيا ريو 2012 عربيه فى منتهى الجمال : ثبات , كماليات مش موجوده فى اى عربيه فى فئتها , شياكه , جذابه وملفته للنظر , ناعمه , اقتصاديه ( 11كم/100كم ) , وسائل امان ... الخ .
ارجو اعاده النظر فى عنوان موضوعك وشكرااا .

السلام عليكم يا اخى

يا فندم انا مش فاضى لدرجة انى اقول حاجات محصلتش و مفترى على الشركة واذا انا كنت كدة كانت الشركة قالت لى العربية سليمة و مفيهاش حاجة

لية لما هى سليمة غيروا علبة الدركسيون كذا مرة وكمان اجزاء كثيرة فى العفشة
لية لما هى سليمة نزلزا سوفت وير للعربية كذا مرة وباظت تانى
لية لما هى سليمة بتسخن من كذا مكان داخل السيارة و مش معزولة كويس زى اى عربية كويسة
كمان كلام حضرتك عن وجود عربيات اخرى من نفس الموديل ليس بها عيوب يعنى انى فى ممكن كذا دفعة هى اللى فيها المشكلة وان اكيد والناس اللى بتشتكى منهم

و مين قال انها وهى بتباع انها عفشة سبور اقسم بالله لو اكنت اعلم مكنتش اشتريها لانى مش هتبقى عربية مريحة فى شوارع بلدنا
لكن العفشة دى تبقى فى منتهى القوة والجمال فى شوراع بلاد اخرى اكثر نعومة من شوراعنا

انا مستعد لاى حد يجيى ويشرفنى يتفرج على العربية و يجربها وممكن حضرتك كمان تشرفنا بالحضور يوم 13/9/2012 بلجنة كلية الهندرسة لفحص السيارة اللى لو اثبتوا ان العربية سليمة انا هدفع 1250 جنية قيمة 1% من سعر السيارة واكيد يعنى لو انا ببالغ بالكلام هاجى ساعات دفع الفلوس وهعمل مش من هنا
لو انا غلطان حضرتك من حقك تقول رأيك وللعلم مش انا بس يا فندم اللى بشتكى من العيوب دى لما المشكلة تكرر بنفس الاسلوب بالزبط يبقى العربية دى جاية من كوريا مش مزبوطة ولم جت مصر لو هما كانوا يقدروا يصلحوها كان بردو صلحوها لكن يبدو ان العيب اكبر من ان يتم اصلاحة عن طريق قطع غير والله اعلى واعلم

يا زميلى العزيز انا بشتغل و عندى اسرة ومش فاضى ولا حابب انى اعمل مشاكل بدون سبب لانى بخاف الله من الافتراء على اى حد.

مع الشكر رامى الحضرى

[ibizaman]

ربنا معاك ان شاء الله يا استاز رامى وعلشان محدش يبقى زعلان من ملاك العربيه قول على المميزات الى لقيتها فى العربيه علشان تبقى محايد ومحدش يبقى زعلان تحيااتى ليك وربنا يعينك

[Ahmed_Adham]

على فكره يا جماعه ممكن يكون فيه عربيه أو دفعه كامله معيوبه - فكرين زمان لما كانت هاردات الماكستور ال 40 جيجا كلها في مصر معيوبه؟ ده مش معناه ان هاردات ماكستور أي كلام ولكن التوكيل كان بيجيب شحنات مضروبه بسعر واقع عشان يكسب أكتر فممكن تكون نفس الحاله. وعموما زي ما الراجل قال لجنه كليه الهندسه هتحسم الموضوع.

أنا لو مكانهم كنت غيرت العربيه للراجل حتى قبل ما هوه يطلب كده - هما كده كده مش خسرانين حاجه العربيه هترجع للمصنع وياخدو بدالها - حتى لو هيتحملو جزء من تمنها مش هيكون أكبر من مكسبهم وحتى لو اتحملو تمنها كامل كان ساعتها هيبقى الاخ صاحب المشكله مبسوط جدا ومش هيسيب حد بيشوفه الا ويحكيلو ازاى كيا شركة محترمه ويحكيله الموقف - مش بعيد يحكي الموضوع لعامل البنزينه كل مره يفول فيها كمان. للأسف مفيش عندنا في مصر خدمه عملاء صحيحه اللي مطلوب فيها عقل صح قبل التدريب. لازم يكون فيه حد قادر يستوعب حاله العميل ويتعامل مع كل مشكله كأنه هوه صاحبها بالظبط ويحاول يساعد صاحب المشكله لأبعد حد.

[AMRTOTI]

والله وانا زيك معايا الخليجي ومش بشتكي من حاجة خالص والعربية والحمدلله كويسة جدا معايا وثبات عالي على الطريق. انا في الساحل الشمالي بقالي اكتر من عشر ايام وعملت فيهم حوالي ٣ الاف كم واخد الطريق رايح جاي والعربية ممتازة .

وانا زيكم والله العربية زى الفل الحمد لله

[romagti]

بارك الله لكم يا شباب فى عربياتكم و يارب يكفينا شرها و يكفيها شرنا و يستر دايما طريقنا جميعا والله كنت اتمنى اصلاح السيارة ودة علشان زى ما زميلنا ibizaman بقول خلينى محايد هى فعلا عربية شكلا خارجيا و داخليا ممتازة لكن العيوب اللى معايا و مع واحد جارى و زميلى فى الشغل و الناس اللى كانت فى حماية المستهلك امبارح معايا تخلينى اقول كدة.

طيب انا افتكرت حاجة هقولها لم رئيس اللجنة سمح لمندوبى شركة كيا بالدخول قبل قفل الباب كان بقول وبصوت واضح
لكل من أ/ خالد شرف و أ/ وائل اهلا وسهلا ( اية الحكاية شكلنا هنشوفكم كتتير ) وتم غلق الباب و قعدا يتكلموا شوية بس مش سامعين طبعا حاجة وبعد كدة تم استدعاء الشاكين واحد واحد

طيب دة معناة اية!!!!!!! اكيد الزيارات كترت من كتر الشكاوى انا عمرى ما هروح المحاكم الا لو فى مشاكل ومفيش دخان من غير نار

[lanos2004]

انته تكتب يافطه على الزجاج
-----------تحذير لا تشترى تلك السيارة------

[hossam_elwani]

انا معايا ريو 2012 ماشاء الله زى الحلاوه العفشه تمام وموضوع استهلاك البنزين ده لانها 109 حصان ﻻكنى شايف
انها موفره جدا بعد تعديل السوفت وير .. يمكن عربيتك بس اللي فيها المشكله دى واى واحد معرض لها عادى .. ماتضايقش نفسك المهم انك تشوف حل .

فى الغالب ان كل الى معاهم العربيه بيشتكو من شفطها للبنزين

وعربية حضرتك من الاستثناءات