التغير فى شكل ومواصفات سيارات كيا .... خطا ام صواب ؟ موضوع للمناقشة

[ابو ليلى]

الصراحة أنا مش شايف أى تغيير فـ المواصفات الفنية؟؟!!! أو أساسيات العربية بمعنى أصح؟!!
يعنى
كل التغيير فـ الأوبشنز أو facelift لنفس الموديل؟!
أو تغيير شكل كامل زى الـK3 كده.. مع الإحتفاظ بنفس الشاسيه والمواتير والجيربوكسات والعفشة والفرامل (بتاع الهونضاى)!!
لكن بتفضل تكنولوجيا الـAutomotive.. زى ماهى، أو بتطوير ضئيل جدا؟!!!
(بتكلم على تغيير فـ العربية كـ ميكانيكا وهندسة.. شغل صناع عربيات- عربيات بقى) ههههههههههههههههه

يعنى مثلا يابوليلى..
رأيى بصراحة -وبدون تقليل فـ الكيا أو الكورى- فـ كل الموديلات (على مدى السنيــــــن) من أول السيفيا-شوما-سبكترا-سيراتو1-سيراتو2
ولحد الـK3 مفيش غير التغيير ده:



هو ده اللى يتقال عليه تغيير هندسى (بلغة العربيات مش بلغة البلوتوث)؟!!
لكن التاتش والـDVD والبارك-سنسور ده شغل سامسونج و LG والسونى والكلام ده؟؟؟!! ههههههههههههههه

- لكن تقوللى السيراتو موتورها 1.6 فيه VVT على كامة الـintake.. لكن السبكترا 1.6 لأ
طب ماشى: يعنى 3-5 حصان زيادة؟!!

- لا لأ.. أصل فتيس الشوما الأوتو مكانش فيه Step، ونزل فـ السيراتو؟؟؟!!!!!!
يبقى انت كده بتهرج؟؟ ما الإثنين 4-سرعات أوتو عادى؟!!!
وكده بقى... ههههههههههههههههههههههه

أقولك مثلا الـK3 فيها أيـــــــــه تطوير (فنيا- Technically) عن السيراتو؟!!
4 حصان فـ الموتور؟! وشكرا على كده يابرنس!! lol
طب ده مش إستهبال؟؟ خصوصا لما تلاقيها نازلة بفرق سعر جااااااااامد؟!!

- ياراجل ده فـ الكام موضوع اللى عاملينهم Hossam-Optrawy وحد تانى عن الـK3
الشباب ياعم عمالين يحلموا بالأوتو-بارك والفوانيس الليدات والكراسى الكهرباء (اللى غالبا مش بتنزل مصر)
ماهو مش لاقيين حاجة يتكلموا فيها غير الشكل والأوبشنز ياكبير!! دا حتى العفشة نفس التورشن-بيم بنفس الـsetup الفاشل؟!!
(أيه يارجالة هو محدش قالهم من الـgeneration اللى فات ان العفشة ناشفة والثبات وحش.. وياريت تطلعوا المساعدين برا وتدخلوا السوست جوا)؟؟!!!
ههههههههههههههههههههههه

الحاجات دى ماينفعش يتقال عليها All New Cerato/ K3 مثلا.. يبقى بيشتغلوا الناس؟!!
- بتكلم جد والله ياباشا، لو فيه فـ كلامى حاجة anti-korean قوللى!! lol

Edit: للأمانة الكورى فـ الأجيال الجديدة (والكيا تحديدا) بقوا يعترفوا بالـABS والإيرباجز.. بصرف النظر بقى عن ستاندرد ولا أوبشن-على خفيف كده- هههههههه

Rgds،

انا كنت حابب اسمع رائيك مع انى عارفه مسبقا بس انا اقصدالمستهلك المصرى بالموضوع مش اوربا ولا الخليجى لان اتفقنا ان دول معاهم انهم يغيرو بأستمرار وده طبيعى هناك بس اكيد الشركة تستحق الاشادة انه بتسعى انها تطور باستمرار وده شى مش بتعمله بعض الشركات اللى ليها اسم كبير فى اسيا واوربا
متفق معاك فى رائيك فى السيراتو k3 بس لاازم تعرف ان فى ناس يهمهم جدا المواصفات اللى مش عجباك فيها لان اى حد بيشترى عربية سواء فى مصر او فى العالم مش متخصص فنيا كل فكره تكون العربية شكلها شيك وفيها كماليات كتير ولا يفرق معاه نوع الماتور وبيخرج قد ايه ولا المساعد نوعه ايه ودول نسبتهم لا تقل عن 80% فى السوق وده اعتقد اللى يهم اى شركة بتسعى للتجديد باستمرار .
على فكرة زعلان منك وانت عارف ليه .

بص
مع احترامي لكل اللي في المنتدي
محدش يقدر يقول دي عيب ولا ميزه لان انت متعرفش ايه فكر الشركه وبتعمل كده ليه

ولكن كل اللي نقدر نعمله اننا نبص للشركات التانيه...بي ام ...مرسيدس...اوبل....فيات...نيسان....هوندا....ونشوف هل كيا ماشيه زيهم وزي موديلاتهم ولا لا

وانا اعتقد ...مجرد اعتقاد...ان كيا عندها اسهال في الموديلات والتجديد...حتي مبتديش لسلعتها فرصه انها تاخد نجاح مع الناس

احمد باشا انامش فارق معايا فكر الشركة بقدر ما يفرق معايا الناس اللى بتشترى وده بيأثر
فى قرارهم فى التعامل مع كيا عموما وهو متوقع ان فى خلال سنة ممكن تكون عربيته
موديل قديم ، والعكس صحيح اللى مقبل على الشراء ومنتظر الجديد وبيعمل مقارنة بين اللى نازل
جديد واللى موجود حاليا
عارف فى ناس تقولك انا اشترى السيراتو الشيب القديم 2009 عن الشيب الجديد علشان اريح
ليا فى العفشة وقيس على كده فى باقى الموديلات
برضه ميزة ولا عيب ليك انت كمستخدم

[Hosam_Optrawy]

formulator انت متوقع تطور ازاى يعنى فى الفئه دى ؟ من عفشه Torsion Beam للتوفير هايعملها Multi Link مثلا ولا هاينزل فيها الفتيس ال 8 سرعات اللى اكيد ملوش لزمه فى عربيه بالحجم والموتور دا ولا الموتور هايبقى تربو مثلا !!! هما عملوا الحقن المباشر ومابينزلش مصر وعملوا التربو بس لسه بادئين فيه متأخر ومبينزش غير فى الفيلوستر حاليا

كلمنى بقى عن تطور السيفيك الكورولا والمازدا 3 السوبارو اللانسر النيسان

الفلوونس الفوكس الجيتا الاوكتافيا البيجو الستروين

فى فئة ال Compact

هاتلاقى تطور عادى برضه مفيش حاجه تخض

وبتختلف بقى من بلد لبلد انت هايجيلك انهى مواصفات , لو عايش فى امريكا و اوروبا هاتدلع , فى مصر زى مانت شايف

[Hosam_Optrawy]

بخصوص سرعة تغيير الشكل

دى سنة الحياه وكل الشركات بتغير بس الفكره ان كيا وهيونداى غيروا بسرعه جدا الفتره اللى فاتت يعنى فى خلال 3 سنين كل الموديلات اتغيرت

التغيير السريع دا كان ليه هدف وحققوه , ومعتقدش فى المستقبل التغيير هايبقى سريع زى ماحصل الفتره اللى فاتت , التغيير بعد كدا هايبقى كل 5 سنين زى معظم الشركات

المستهلك لو بيحتفظ بالعربيه فتره طويله المفروض ميركزش فى موضوع الشكل عشان مايضايقش ولازم يفكر انه فى وقت ما اشترى كان مقتنع بان دا افضل اختيار بافضل مواصفات وسعر

ومفيش عربيه بتفضل جديده وبتحتفظ بقيمتها فتره طويله كله بيقدم ويتغير , الا لو الجيل الجديد نزل اوحش من اللى قبله ودى حاجه المفروض ماتحصلش ويبقى عيب عالشركه

[MohammedAladel]

الصراحة أنا مش شايف أى تغيير فـ المواصفات الفنية؟؟!!! أو أساسيات العربية بمعنى أصح؟!!
يعنى
كل التغيير فـ الأوبشنز أو facelift لنفس الموديل؟!
أو تغيير شكل كامل زى الـK3 كده.. مع الإحتفاظ بنفس الشاسيه والمواتير والجيربوكسات والعفشة والفرامل (بتاع الهونضاى)!!
لكن بتفضل تكنولوجيا الـAutomotive.. زى ماهى، أو بتطوير ضئيل جدا؟!!!
(بتكلم على تغيير فـ العربية كـ ميكانيكا وهندسة.. شغل صناع عربيات- عربيات بقى) ههههههههههههههههه

يعنى مثلا يابوليلى..
رأيى بصراحة -وبدون تقليل فـ الكيا أو الكورى- فـ كل الموديلات (على مدى السنيــــــن) من أول السيفيا-شوما-سبكترا-سيراتو1-سيراتو2
ولحد الـK3 مفيش غير التغيير ده:



هو ده اللى يتقال عليه تغيير هندسى (بلغة العربيات مش بلغة البلوتوث)؟!!
لكن التاتش والـDVD والبارك-سنسور ده شغل سامسونج و LG والسونى والكلام ده؟؟؟!! ههههههههههههههه

- لكن تقوللى السيراتو موتورها 1.6 فيه VVT على كامة الـintake.. لكن السبكترا 1.6 لأ
طب ماشى: يعنى 3-5 حصان زيادة؟!!

- لا لأ.. أصل فتيس الشوما الأوتو مكانش فيه Step، ونزل فـ السيراتو؟؟؟!!!!!!
يبقى انت كده بتهرج؟؟ ما الإثنين 4-سرعات أوتو عادى؟!!!
وكده بقى... ههههههههههههههههههههههه

أقولك مثلا الـK3 فيها أيـــــــــه تطوير (فنيا- Technically) عن السيراتو؟!!
4 حصان فـ الموتور؟! وشكرا على كده يابرنس!! lol
طب ده مش إستهبال؟؟ خصوصا لما تلاقيها نازلة بفرق سعر جااااااااامد؟!!

- ياراجل ده فـ الكام موضوع اللى عاملينهم Hossam-Optrawy وحد تانى عن الـK3
الشباب ياعم عمالين يحلموا بالأوتو-بارك والفوانيس الليدات والكراسى الكهرباء (اللى غالبا مش بتنزل مصر)
ماهو مش لاقيين حاجة يتكلموا فيها غير الشكل والأوبشنز ياكبير!! دا حتى العفشة نفس التورشن-بيم بنفس الـsetup الفاشل؟!!
(أيه يارجالة هو محدش قالهم من الـgeneration اللى فات ان العفشة ناشفة والثبات وحش.. وياريت تطلعوا المساعدين برا وتدخلوا السوست جوا)؟؟!!!
ههههههههههههههههههههههه

الحاجات دى ماينفعش يتقال عليها All New Cerato/ K3 مثلا.. يبقى بيشتغلوا الناس؟!!
- بتكلم جد والله ياباشا، لو فيه فـ كلامى حاجة anti-korean قوللى!! lol

Edit: للأمانة الكورى فـ الأجيال الجديدة (والكيا تحديدا) بقوا يعترفوا بالـABS والإيرباجز.. بصرف النظر بقى عن ستاندرد ولا أوبشن-على خفيف كده- هههههههه

Rgds،

لو مش عاجبك كيا وهونضداى فهو دا اللى عندهم دلوقتى

معلش هما بيبصوا لمنافسيهم لما هى تنزلك موتور بيطلع 130 حصان وجاما ومش عارف إيه بس معنديش فكرة عن العزم :)

وعربيات تانية كتير فى نفس السعر بل أقل وبتطلع أحصنة أقل مع عزم مساوى أو أقل

فهى كدا حققت منافسة برضه

مهو مينفعش تنزل حاجة أقوى من كدا بنفس السعر لازم هيغلوها

فهو الموضوع منافسة أنا منزل عربية سعرها جنيه غيرى منزل عربية سعرها جنيه لازم أبقى زيه أو مش زيه بالظبط بس فيه حاجات تبقى مشتركة بيننا تخلى حد يعجبه عربيتى ويسيب عربية المنافس التانى

يعنى الكيا سيراتو ليها مستوى معين هما عايزينه عشان تنافس بيه غيرها

مش عشان ترضى بيه formulator لأن حضرتك عايز عربية ثبات خرافى وموتور جبار فى بلد شوراعها مطحونة

وبرضه بص لسعرها وسعر إلنترا آه مبالغ فيهم بالإمكانيات اللى حضرتك مش شايف إنها تطوير فما بالك لو عملوا التطوير اللى حضرتك عايزه شوف سعرها هيبقى عامل إزا ى

وفى نفس الوقت فيه منافسين عمالقة الناس هتسيبهم وتروح لغيرهم

وهيونداى منزلة جينسيس كوبيه للى عايز أداء رياضى شوف سعرها عامل إزاى

وبرضه مهما كان هيونداى فى مجال السيارات مش زى مرسيدس فالتطوير اللى بيعملوه بيبقى غالى عندهم قوى

فمش بسهولة هيحطوه فى السيراتو بالسعر اللى الناس متوقعاه وعايزاه

عارف حضرتك لو حسبتها صح هتلاقى إن الأوبشن والكماليات بعد التجهيزات الأساسية زى الإيه بى إس والإيرباج وثبات معقول على سرعات معقولة زى 120 مثلا

هو دا اللى أحنا عايزينه فى مصر مش أكتر من كدا لما شوارعنا وطرقنا تسمح يبقى وقتها نقول عايزين اموتور الجبار

ولما ميزانية الشعب برضه تسمح

ولما الرقابة تشتغل وتراقب غلاء الأسعار

وقتها يبقى يحلها ألف حلال :)

[Mohamed.Ramah]

طول ما الشعب المصرى بيشترى وهو مبسوط يبقى لية هما مينزلوش عربيات كل يومين حتى زى شركة سامسونج ما بتعمل فى الموبيلات :) نهاية الشهر ينزل شكل جديد بس ازيد فى الكامير ا وبرضو الناس تجرى تبيع وتشترى الجديد لو بيفكر و زى ما قولت انها لازم تبقى معمرة وتقعد 5 سنين لانة داافع مبلغ كبير مكنش الناس تبيع الالنترا علشان تجيب كيا سيراتو وبعدها باعو تانى علشان شكل جديد للالنترا ورايحين برضو يبيعو الالنترا تانى علشان الشكل الجديد من الكيا سيراتو 2014 مع ان مفيش فروق بس ازاى !! + ان سعر السيارات بقى غالى على ناس كتير فلما يحصل على اوبشن وكماليات بالشكل دة وبسعر يتراوح فى 120 ل 130.000 بيبقى فى المتناومل للاغلب ودة سبب الزيادة الرهيبة خاصة كوريا بقت بتعمل سيارات تصميماتها جميلة جدا

[moha4tec]

و الله اعلم اعتقد ان كيا هتنزل2018 عربيات تخض فى الثبات و التسارع لانها بقالها سنتين تلاته بتعدل فى عربياتها و بتدخل بيها سباقات و كده و اتعلمت كتير فى المجال ده .من ثبات و تسارع و غيره
يعنى مثلافى 2010 دخلو سيراتو كوبيه سباق سرعه عالمى و العربيه رفعت 3 عحلات فى السبق و خيشت و كانت مصيبه .
و جابو شركه تعديل متخصصه و حلو المشكله و 2011 حازوا على المركز الاول فى وسط عربيات رهيبه اوروبى و يابانى و غيرها و مواتير الكيا من غير تيربو فى احد السباقات و العربيات المنافسه كلها تربو.
يعنى كيا بتتقدم جامد و بخطوات سريعه جدا .و بما ان خلاص موديلات 2014 انجت و فاضل بس انها تنزل السوق و تتباع فاعتقد انهم ملحقوش يعملو فيها التعديلات على ثبات السيراتو كوبيه مثلا و التسارع لكن اعتقد انهم فى الشكل بتاع 2018 هتبقى رهيبه باذن الله و متظبطه من مجاميعه .و كمان كيا نزلت حل للسرقه و جهاز تتبع بالجى بى اس و انها توقف العربيه عن طريق الستالايت و حلت مشاكل كتير كانت فى الموديل القديم .و كل فتره بتحسن من نفسها
و مثلا فى السيرات غيرو الفاس بتاعها و حجات نايه اساسيه و اخرى ترفيهيه زى الليدا ت و كده
و على فكره السيراتو اللى بتنزل كوريا مبتنزلش برا كوريا خالص مختلفه جدا جدا جدا و احسن 100 مره من اللى بتنزل مصر او الخليج او امريكا و عدادات ديجيتال و فوانيس مختلفه و حجات كتير مختلفه جدالا و الكلام ده شفته فى الالنترا و السيراتو و اكيد باقى الموديلات نفس الكلام
يا بخت اللى عايش فى كوريا بصراحه

[Formulator]

متفق معاك فى رائيك فى السيراتو k3 بس لاازم تعرف ان فى ناس يهمهم جدا المواصفات اللى مش عجباك فيها لان اى حد بيشترى عربية سواء فى مصر او فى العالم مش متخصص فنيا كل فكره تكون العربية شكلها شيك وفيها كماليات كتير ولا يفرق معاه نوع الماتور وبيخرج قد ايه ولا المساعد نوعه ايه ودول نسبتهم لا تقل عن 80% فى السوق وده اعتقد اللى يهم اى شركة بتسعى للتجديد باستمرار

مش لازم المستهلك يبقى Motor-Head يابوليلى عشان لما يركب الـK3 ويسوقها، يقولك أيــــــــه ده؟؟ ماهى هى السيراتو؟؟!!!
أمال عملوا تطوير أيه بقى يبرروا بيه فرق السعر (لأن الـK3 هتنزل بأسعار الإلانترا)؟؟!!!

عارف انه مش Enthusiastic-Driver..
بس يعمل أيه لما يلاقى حاجات ماتغيرتش زى:
العفشة الناشفة، إستهلاك البنزين العالى، صوت الموتور فـ السرعات، الفتيس الـ6-سرعات مابيفهمش، والتعويم على فواصل الكبارى ومطبات الهواء...etc

أيــــــــــه يارجالة؟؟ هى مش دى أساسيات تهم أى واحد بيركب عربية جديدة فـ مصر؛ سعرها من 120 لـ160 ألف؟ ولا أيه؟!!!
حتى لو مايعرفش عن العربيات غير الدركسيون وذراع النور والمرايات الضم؟!!
هههههههههههههههههه

على فكرة زعلان منك وانت عارف ليه .

والله ماعرفت، حقك عليا ياكبي..
أنا شفت الموضوع لما قولتلى.. مقدرش أتكلم فـ المكان، بس إتسحلت فـ الشغل والبيت وقتها؟!!
وأنا والله كان نفسى أشوفك.. وتتعوض قريب isA

ولكن كل اللي نقدر نعمله اننا نبص للشركات التانيه...بي ام ...مرسيدس...اوبل....فيات...نيسان....هوندا....ونشوف هل كيا ماشيه زيهم وزي موديلاتهم ولا لا

ماهو المصيبة فـ الشركات التانية دى؟!! هههههههههههههههههههههه

formulator انت متوقع تطور ازاى يعنى فى الفئه دى ؟ من عفشه Torsion Beam للتوفير هايعملها Multi Link مثلا ولا هاينزل فيها الفتيس ال 8 سرعات اللى اكيد ملوش لزمه فى عربيه بالحجم والموتور دا ولا الموتور هايبقى تربو مثلا !!! هما عملوا الحقن المباشر ومابينزلش مصر وعملوا التربو بس لسه بادئين فيه متأخر ومبينزش غير فى الفيلوستر حاليا

كلمنى بقى عن تطور السيفيك الكورولا والمازدا 3 السوبارو اللانسر النيسان

الفلوونس الفوكس الجيتا الاوكتافيا البيجو الستروين

فى فئة ال Compact

هاتلاقى تطور عادى برضه مفيش حاجه تخض

بص يا حسام:
- العفشة: يخليها تورشن
بس حل المشكلة، يغير setup بقى يتشقلب.. المستهلك مالوش فيه؟؟!!!
محدش قال Multi-link مش هيعرفوا يعملوها
ماهو معظم عربيات الفئة دى Torsion-beam عدا الجولف والفوكاس..

أقولك: شوف منتديات أجنبية أو إقرأ كومنتات على أى خبر فـ مواقع أمريكية أوروبية..
هتلاقى مشكلة الـSuspension-Design/Setup ده فـ الهيونداى-كيا منتشرة أوى والكل بيعلق عليها؟؟!!!

طب تمام، واحد جاى أهو:

- الكورولا
مواتير: 1.6 2-كامة، 1.6 VVTi.. وأخيرا 1.6 dual-VVTi
ومش هنحسب الفتيسات من الأوتو العادى 4-سرعات للـMMT الـ6-سرعات

- اللانسر
البومة 1.6 بـ 109 حصان وفتيس CVT وعفشة double wishbone
الشارك 1.5/1.6 mivec بـ117 حصان وفتيس INVECS-II وشاسيه EVO وعفشة Multi-Link
زعلتك أوى دى؟؟ صح!! على فكرة الشارك الجديدة عربية أجمد من كل الكلام الفاضى ده؟!!

انت اللى جبت سيرة الأوروبى: عشان ماتزعلش ههههههههههههههههه
- الفوكاس
من موتور 1.6 Zetec بـ100 حصان وفتيس أوتو 4-سرعات
لـ موتور 1.6 Ti-VCT بـ125 حصان وفتيس PowerShift ديوال-كلتش 6-سرعات
دا غير الـrevision للعفشة والفرامل (الشاسيه بالملتى-لينك زى ما هو)

- الجيتا
أنا ممكن أرجعك من البورا (زى مابوليلى بيتكلم على السيفيا والشوما)؟!! هههههههههه
بس هأتكلم عـ الجيلين الأخيرين كفاية عليكم..
الموتور من 1.6 100 حصان وفتيس Tiptronic بـ6-سرعات
للموتور الـTSI بـ122 حصان وفتيس DSG بـ7-سرعات
طبعا غير العفشة الـMulti-Link والفرامل اللى موجودين من الأول

حتى السيفيك اللى مش عاجباكم:
(برضه مش هتكلم على الفرق الشاسع بين الـ7th والـ8th generation)
بس حتى الـ9th gen فيها تطوير فـ الشاسيه والـwheel-base والـSteering وأنظمة الأمان!!

أقولك مثال يزعل طالما بتتكلموا عـ السوق المصرى:
الـ320i e90 الإكسكلوسيف كانت بتوصل 360-370 ألف جنيه
الـ320i F30 اللكشرى سعرها 350-360 ألف؟؟!!!

هاااااااااا؟؟ أقول BM غيرت أيه؟؟ ومحدش يزعل؟؟ هههههههههههههه
(اللى هيقولى دى فئة premium ماأعرفش أنا الكلام ده.. أنا بتكلم فـ مصر-EGYPT بتدفع فلوس بتاخد أيه مقارنة باللى فات)!!

1- شاسيه وعفشة وdrivetrain جديد بالكامل
2- موتور تربو حقن-مباشر 184 حصان (بدل الـ2.0 N/A بـ150 حصان)
3- فتيس 8-سرعات ZF بدل الفتيس القديم 6-سرعات

كفاية مش مكسوف من كيا؟؟!!! هههههههههههههههههه

Edit: اللى بيقول ماهى هيونداى-كيا ممكن تنزل الحاجات دى بس السعر هيزيد جامد.. هقوله ده إسمه فشل، ومحدش هيشتريها ساعتها
- عشان الشركات دى (فورد وفولكس وميتسوبيشى) مازودتش أسعار عربياتها بالفروق المغفلة بتاع الكورى.. وبلاش الـBM عشان دى رخصت؟!!! هههههههههههه

- بصرف النظر ان هيونداى-كيا معندهاش الـHigh-Tech.. بس حتى لو عندها:
جزء أساسى من صناعة العربيات انك تقدر تطور وتعمم التكنولوجى بتكلفة قليلة.. دون تحميل على الـmarketing؟؟!!!

فـ مابالك باللى لا يمتلك أصلا؟!! هههههههههههه

[mandouros]

عزيزي formulator ان هذا ما يسمى بالkoreanezm

[SAMEH_FOUAD]

دة عيب خطير لانها كدة بتضيع سعر السيارة المستعملة اللى لسة معداش عليها 4 سنين

انا منساش التعديل اللى حصل على السيراتو 2007 ونزل عام 2008 وفجأة وبدون مقدمات تم الاعلان عن نزول السيراتو 2009 والسيارة موديل 2008 اتردمت بالتراب ولا حد سمع عنها ولا متهيألى حد جابها

[ابو ليلى]

دة عيب خطير لانها كدة بتضيع سعر السيارة المستعملة اللى لسة معداش عليها 4 سنين

انا منساش التعديل اللى حصل على السيراتو 2007 ونزل عام 2008 وفجأة وبدون مقدمات تم الاعلان عن نزول السيراتو 2009 والسيارة موديل 2008 اتردمت بالتراب ولا حد سمع عنها ولا متهيألى حد جابها

طيب ياسامح مش فى موديلات جديدة بتنزل لماركات تانية وبتفشل والناس ترجع تدور
على الموديلات الاقدام وتشتريها واكبر مثال عندكو فى هوندا
طيب صحيح لو الكلام ده فى هوندا رائيك هيكون ايه

[ابو ليلى]

عزيزي formulator ان هذا ما يسمى بالkoreanezm

مش للدرجة دى يا سيدى الفاضل ومش عيب ان الواحد يكون معجب بشى ومتحيز ليه
واكيد لو كل واحد فينا كان معاه فلوس ال بى ام ولا مرسيدس كان جبها

[SAMEH_FOUAD]

طيب ياسامح مش فى موديلات جديدة بتنزل لماركات تانية وبتفشل والناس ترجع تدور
على الموديلات الاقدام وتشتريها واكبر مثال عندكو فى هوندا
طيب صحيح لو الكلام ده فى هوندا رائيك هيكون ايه

شوف ياباشا احنا دلوقتى مش بنتكلم على فشل ونجاح احنا دلوقتى بنتكلم عن شكل واوبشن

مثال : شركة نزلت اعلان ضخم جدا عن تعديل السيارة كذا وبقى فيها وفيها وفيها

وتخلى الناس تشترى وفجأة تروح الشركة دية معلنة عن نزول الجيل الجديد اواخر نفس العام اللى حصل فية التعديل , يعنى كدة بيقول حاجة واحدة للعملاء , البسوا العربيات دية واللى عايز يبيع هيبيع بتمن اقل من التمن اللى اشترى بية اكتر من اللى كان هيبيع بية لو مافيش غير الموديل دة اللى موجود

بالنسبة للهوندا عمرها ماهتنزل موديل وتغيرة بعدها بسنة غير لو فية مشاكل ( وحط مليون خط تحت فيها مشاكل ) وهذا ماحدث بالنسبة للسيفيك الجيل التاسع شكلها نزل مش عاجب الناس وخامات وحشة , لكن اوبشن , اداء . اعتمادية ) مالهومش حل كعادة هوندا

ولما جت عدلت الشكل والخامات , اتعدلت بعد سنة واحدة وكان رغبة من العملاء , واعلنت من اول نزول العربية عن المشاكل اللى واجهتها العربية وللمشترى حرية الاختيار
لان فية ناس مش مشكلة عندهم الخامات ولا الشكل

لكن كيا غيرت مفهوم السيارة تماما فى سنة واحدة بدون ادلاء اى نية عن نزول الجيل الجديد من السيراتو

[Eng.Sameh]

ممكن يكون فعلا افضل للشركة ... بس مش افضل للمستهلك ، لأن الواحد اول ما شكل العربية بيتغير بيحس ان عربيته قديمة ، فحاجة بايخة قوي ان اشتري عربية زيرو وبعد سنتين الاقي شكلها اتغير .. بس هما اذكياء في انهم فهموا السوق وبيلعبوا عليه صح ، الناس بتشتري شكل وشخاليل ويبقى وخلاص ، طب قبل كده كنا بنقول بيشترو الكوري عشان شكل ون\كمايلات وسعر رخيص نسبيا ، لكن بقه اللي حارق دمي ومش لاقيلو تفسير ، لما الكوري بقه غالي واسعاره تقريبا نفس اسعار الاوروبي والياباني ، وطبعا الأوروبي كشكل غاليبا احلى ( حسب العربية طبعا لكن مثلا هنقول ليون وبرافو و 308 ) وغيرهم ، وكجودة وثبات ونظم تعليق وخامات داخلية فرق بين السما والرض ، اي بقه المرض اللي مخلي المصريين يشرو الكوري ؟؟؟ ها !! ايه بقه ؟؟ والله نفسي اعرف بجد !!!!!!!!!!

[Formulator]

معرفش بقية المشاركة دى مش ظاهرة عندى ليــــــــــــه؟؟!!!

بص يا حسام:
- العفشة: يخليها تورشن
بس حل المشكلة، يغير setup بقى يتشقلب.. المستهلك مالوش فيه؟؟!!!
محدش قال Multi-link مش هيعرفوا يعملوها
ماهو معظم عربيات الفئة دى Torsion-beam عدا الجولف والفوكاس..

أقولك: شوف منتديات أجنبية أو إقرأ كومنتات على أى خبر فـ مواقع أمريكية أوروبية..
هتلاقى مشكلة الـSuspension-Design/Setup ده فـ الهيونداى-كيا منتشرة أوى والكل بيعلق عليها؟؟!!!


طب تمام، واحد جاى أهو:


- الكورولا
مواتير: 1.6 2-كامة، 1.6 VVTi.. وأخيرا 1.6 dual-VVTi
ومش هنحسب الفتيسات من الأوتو العادى 4-سرعات للـMMT الـ6-سرعات


- اللانسر
البومة 1.6 بـ 109 حصان وفتيس CVT وعفشة double wishbone
الشارك 1.5/1.6 mivec بـ117 حصان وفتيس INVECS-II وشاسيه EVO وعفشة Multi-Link
زعلتك أوى دى؟؟ صح!! على فكرة الشارك الجديدة عربية أجمد من كل الكلام الفاضى ده؟!!

انت اللى جبت سيرة الأوروبى: عشان ماتزعلش ههههههههههههههههه
- الفوكاس
من موتور 1.6 Zetec بـ100 حصان وفتيس أوتو 4-سرعات
لـ موتور 1.6 Ti-VCT بـ125 حصان وفتيس PowerShift ديوال-كلتش 6-سرعات
دا غير الـrevision للعفشة والفرامل (الشاسيه بالملتى-لينك زى ما هو)


- الجيتا
أنا ممكن أرجعك من البورا (زى مابوليلى بيتكلم على السيفيا والشوما)؟!! هههههههههه
بس هأتكلم عـ الجيلين الأخيرين كفاية عليكم..
الموتور من 1.6 100 حصان وفتيس Tiptronic بـ6-سرعات
للموتور الـTSI بـ122 حصان وفتيس DSG بـ7-سرعات
طبعا غير العفشة الـMulti-Link والفرامل اللى موجودين من الأول


حتى السيفيك اللى مش عاجباكم:
(برضه مش هتكلم على الفرق الشاسع بين الـ7th والـ8th generation)
بس حتى الـ9th gen فيها تطوير فـ الشاسيه والـwheel-base والـSteering وأنظمة الأمان!!


أقولك مثال يزعل طالما بتتكلموا عـ السوق المصرى:
الـ320i e90 الإكسكلوسيف كانت بتوصل 360-370 ألف جنيه
الـ320i F30 اللكشرى سعرها 350-360 ألف؟؟!!!

هاااااااااا؟؟ أقول BM غيرت أيه؟؟ ومحدش يزعل؟؟ هههههههههههههه
(اللى هيقولى دى فئة premium ماأعرفش أنا الكلام ده.. أنا بتكلم فـ مصر-EGYPT بتدفع فلوس بتاخد أيه مقارنة باللى فات)!!

1- شاسيه وعفشة وdrivetrain جديد بالكامل
2- موتور تربو حقن-مباشر 184 حصان (بدل الـ2.0 N/A بـ150 حصان)
3- فتيس 8-سرعات ZF بدل الفتيس القديم 6-سرعات

كفاية مش مكسوف من كيا؟؟!!! هههههههههههههههههه


Edit: اللى بيقول ماهى هيونداى-كيا ممكن تنزل الحاجات دى بس السعر هيزيد جامد.. هقوله ده إسمه فشل، ومحدش هيشتريها ساعتها
- عشان الشركات دى (فورد وفولكس وميتسوبيشى) مازودتش أسعار عربياتها بالفروق المغفلة بتاع الكورى.. وبلاش الـBM عشان دى رخصت؟!!! هههههههههههه


- بصرف النظر ان هيونداى-كيا معندهاش الـHigh-Tech.. بس حتى لو عندها:
جزء أساسى من صناعة العربيات انك تقدر تطور وتعمم التكنولوجى بتكلفة قليلة.. دون تحميل على الـmarketing؟؟!!!

فـ مابالك باللى لا يمتلك أصلا؟!! هههههههههههه

عايزين ردود يارجالة يا بتوع الكيا

[MohammedAladel]

معروف إن كل صانع ليه قدرات بس اللى مش معقول إن شركة كيا متعرفش تعمل عفشة مالتى لينك !!!! أنا شايف إنهاسياسة تصنيع مش أكتر وهدف كيا وهيونداى محدود مش زى البى إم ليها مستوى معين مينفعش تنزل عنه وكيا لاقت نجاح كبير بمستواها الحالى ودى (ثقافة شعب وأمكانيات فى نفس الوقت )

يعنى يا فورميلاتور مهندس من مهندسين تصميم العفشة ونظام التعليق فى الشركة ماخطرش على باله الكلام بتاع حضرتك ومش هيقدر يصمم قاعدة مالتى لنك للعربية

عشان كدا أنا بقول هما مش عايزين ينزلوها بالمالتى لنك ونزلوها بالتورشن بيم لأسباب الله أعلم بها أتوقع تكون تكلفة عليهم أو نظام تعليق العربية معدلين فيه حاجة وتلاشوا العيب فى القديم مع شكل العربية الجديد وديناميكية التصميم جايز يكون عامل فرق عشان كدا مينفعش تحكم على حاجة لسة منزلتش السوق

ولسة محدش جربها