مفاجاة من العيار الثقيل عفشة السيراتو 2013 اتغيرت

[ابو ليلى]

السلام عليكم ورحمة الله ويركاته

من يومين كنت عند موزع معتمد لكيا ومدير المكان صديق وعلى فكرة هو ليه عضوية معانا هنا فى المنتدى .......المهم كانت السيراتو 2013 موجوده هناك وسبحان الله برضه الواحد بيحن للى من دمه سيبت كل العربيات وقمت اتفرج عليها ...
كان همى الاكبر اشوف التغيرات اللى حصلت فيها واللى ميعرفش انا معايا
موديل 2010 4 غيار داخليا مفيش فرق كل حاجه هى هى وطبعا الفرق هيكون فى الكماليات

المهم فى وسط كلامنا قالى العربية عفشتها اتغيرت بقت انعم قلته ياعم انت فكرنى زبون معروف
عفشة السيراتو ناشفة .... قلى والله العظيم اتغيرت
هو معاه سيراتو هاى لاين 2010 وعلى طول بيجرب العربيات مع العملاء فلما ركب دى حس
بفرق فى العفشة ملحوظ مفيش دب فيها نعومة غير اللى بيركبها كل يوم
المهم .... نزلت تحت العربية اشوف العفشة لقيتها هى هى ..تورشن بيم ...بس الملاحظ ومش متاكد
من المعلومة ان السوست بقت 6 حلقات واللى معايا 4 فقط
الاهم بقى لقيت بار بالعرض رابط بين المساعدين وره وده التغير اللى حصل فيها
قلت لا كده الكلام باين عليه صحيح بقى ورحت مصور

طبعا محدش فينا ركب 2013 لسه واللى اشترو اكيد برضه مش هيعرفو يقولو اذا كان فى فرق فى العفشة ولا لا

[AHMED1718]

انا مش واخد بالى من البار اللى ماسك بين المساعدين
بس عمتن انا مظنش ان البار ده هينعم العفشة
والله اعلم

[hossam_elwani]

شكرا على الافاده ولكن الاهم قدام هل من تغيير؟؟

[ابو ليلى]

انا مش واخد بالى من البار اللى ماسك بين المساعدين
بس عمتن انا مظنش ان البار ده هينعم العفشة
والله اعلم

اللى عليه التكت يا احمد
معلوماتى برده ان البار ده المفروض للثبات اكتر ولكن انا اثق فى كلام الراجل لانه فاهم

شكرا على الافاده ولكن الاهم قدام هل من تغيير؟؟

معلش بس مش فاهم تقصد شكل العربية من قدام ؟

[hossam_elwani]

اللى عليه التكت يا احمد
معلوماتى برده ان البار ده المفروض للثبات اكتر ولكن انا اثق فى كلام الراجل لانه فاهم



معلش بس مش فاهم تقصد شكل العربية من قدام ؟

قصدى هل العفشه الاماميه بها اى تغيير يذكر ؟؟؟ لان دايما العفشه الاماميه هيا المقياس بنسبة 70 فى الميه

[temo85]

ده شىء كويس جدا المهم التجربه على ارض الواقع و أظن كده ان السيراتو 2014 هتنزل مختلفه كليا من ناحيه العفشه

[yasserelsayad]

للاسف هو نفس الـ setup ونفس عدد لفات السوست والبار اللى فى النص دا هو الـ torsion beam

[haissam24h]

لو جت على البار والسوست اكيد الناس هتغير سوستها وتركب بتاعت ال 2013 ذى ما الناس كانت بتعمل فى الشاهين بتشيل سوستها وتركب 131 او بيجو ههه
والبار سهل تركيبه حتى لو هيعمل تعديل بسيط لو هيدى ثبات او لقدر الله حلصت حاجه ورة اتكسرت فالبار يمسك الباقى ومش تتسوح العربيه
الاهم فى العفشه قدام هى الى بيقابل كل الخراب وعلى ما شايف فى كل المعارض السيراتو مختفيه والريو مولعه الدنيا
وشكل الناس هتلبس فى الريو ديه لان ناس كثير اشتكت من عدم الثبات خصوصا الهاتش باك

الله يمسيكى بالخير يا شومه وياسبكترا وسبيا هعع نغيز بتوع السراتو

[yasserelsayad]

شكرا على الافاده ولكن الاهم قدام هل من تغيير؟؟

ملها العفشة الامامية ؟

[moha4tec]

للاسف هو نفس الـ setup ونفس عدد لفات السوست والبار اللى فى النص دا هو الـ torsion beam

+111111111111
كلامك صح و مظبوط 100% يا ياسر
هى نفس العفشه بتاعتى 2010 بالظبط نفس عدد اللفات و الست اب و التورشن بيم و داخله بار استابليزر داخل التورشن بيم .
و لكن ممكن ال 2013 المساعدين مختلفين .انعم يعنى زى بتوع الالنترا الجديده
و زى ما انت قلت يا ياسر لما اتقابلنا اخر مره فى الهرم .........
مساعدين السيراتو و الالنترا شبه بعض فى الشكل جدا و لكن مختلفين فى حاجه بسيطه
مساعدين السيراتو انشف و اقصر و بتوع الالنترا انعم و اطول 1 سم زى ما انت قولتلى فى اخر مقابله بتاعة الهرم
.
فممكن يكونوا حطوا مساعدين الالنترا الجديده .عشان ينعموا العفشه و لكن ده هيكون على حساب الثبات طبعا بس بجزء بسيط
والدليل على كده .

كان فى موضوع معمول عن واحد معاه سيراتو ماشى بيها 160 الف كم و غير العفشه الاماميه و ركب مساعدين النترا .و العربيه بقت انعم و مبقتش ترزع و لا تدبدب فى المطبات .

http://www.nilemotors.net/Nile/311683-a.html

و الله اعلم

[hossam_elwani]

ملها العفشة الامامية ؟

مش دايما نشوفية العفشه تتحس بــتقييمك للعفشه الاماميه اكتر من الخلفيه ؟؟

[احمد المصرى]

معنى كدا انى لو غيرت المساعدين ال قدام وجبت بتوع الالنترا الجديده هحس بفرق فى العفشه ملحوظ ..... وهل دا ممكن ياثر على ارتفاع العربيه والثبات ولا مش هيفرق

[amrelsaqqa]

ايه اللى اتغير ماهى زي ما هى اهيه !

[AHMED1718]

مش دايما نشوفية العفشه تتحس بــتقييمك للعفشه الاماميه اكتر من الخلفيه ؟؟

محدش فهمك على فكرة تقصد ايه ؟؟

المشكلة كلها كانت ف العفشة الخلفية علشان النطة اللى كانت بتيجي على الفواصل على سبيل المثال لكن مفيش مشاكل ف الامامية

[tarek_rcc]

معنى كدا انى لو غيرت المساعدين ال قدام وجبت بتوع الالنترا الجديده هحس بفرق فى العفشه ملحوظ ..... وهل دا ممكن ياثر على ارتفاع العربيه والثبات ولا مش هيفرق

اضيف صوتى لصوتك يا استاذ/ احمد .... وكمان يا ريت حد يقولنا تكلفة التغيير دة كام ..؟؟؟؟