مفاجاة من العيار الثقيل عفشة السيراتو 2013 اتغيرت

[moha4tec]

محمد مصطفى
الله اكبر يا بنى .... خلص الكلام فيك يا بنى .... هههههه
مع الاعتذار لعصام الشوالى

مشكور جدا الله يكرمك
انا مستحقش الكلام ده خالص .
استاذ مصطفى(فورميولاتور ) اكثر من علما بمراحل لا نهايه لها
بس مش عارف ليه هو تقلان علينا بمعلوماته .

[tarek_rcc]

مشكور جدا الله يكرمك
انا مستحقش الكلام ده خالص .
استاذ مصطفى(فورميولاتور ) اكثر من علما بمراحل لا نهايه لها
بس مش عارف ليه هو تقلان علينا بمعلوماته .

لا والله يا ابو مصطفى ماشاء الله عليك فى معلوماتك وبحثك المستمر .....
وكمان الاستاذ مصطفى ( فورميولاتر) ماشاء الله علية واضح انه (بروفيشينال) بالمجال ده ...
لكن المشكلة ان الاستاذ / مصطفى دائما متخذ وضع الهجوم على السيراتو وانا باتابع كل (كومنتاته) بصراحة مافيش مرة انصف السيراتو باى شىء .... وفيه ناس كتير كرهت السيارة من تعليقات الاستاذ/ مصطفى .... وانا كنت اولهم اول ما اشتريتها وحسيت بالندم ولكن بفضل الله طلع اختيار سليم والحمد لله ..
تحياتى لك وللزميل (فورميولاتر)

[moha4tec]

لا والله يا ابو مصطفى ماشاء الله عليك فى معلوماتك وبحثك المستمر .....
وكمان الاستاذ مصطفى ( فورميولاتر) ماشاء الله علية واضح انه (بروفيشينال) بالمجال ده ...
لكن المشكلة ان الاستاذ / مصطفى دائما متخذ وضع الهجوم على السيراتو وانا باتابع كل (كومنتاته) بصراحة مافيش مرة انصف السيراتو باى شىء .... وفيه ناس كتير كرهت السيارة من تعليقات الاستاذ/ مصطفى .... وانا كنت اولهم اول ما اشتريتها وحسيت بالندم ولكن بفضل الله طلع اختيار سليم والحمد لله ..
تحياتى لك وللزميل (فورميولاتر)

و الله انا بحاول اتعلم شىء من العمالقه فى المنتدى هنا .
و ربنا يديك خيرها و يكفيك شرها .

[Youssef.Awad]

ممكن كلامك فى الماضى مظبوط بس الموديلات الجديده فيها شويه تعديلات كويسه مش بطاله .
و لكن طبعا منتظرين الافضل .
طيب و هو عفشة السبورتاج نوعها اه امامى و خلفى .و هل هى مش عجبات و مش ثابته و كده .و الا اه نوع التعديل اللى حضرتك عوزه فى عربيه suv و كبيره و عاليه على الارض .
طيب ما عند حضرتك الجيب شروكى الجديده 2012 فيها عيب صناعه انها فى غرزه تمنيات الكوتش بيفرقع و بتتقلب .و جربو 5 عربيات غير بعض و كلهم الكوتشات فرقعت و اتقلبوا .يعنى عربيه بالتمن الرهيب ده و الكوتشات تفرقع و تتقلب .ليه بقى ؟؟؟؟

- عيب الجيب جراند شيروكى انا عارفه وقريت عنه من فترة ومن زمان رأيى فى كل الامريكى انه عضلات بدون مخ يعنى قوة بدون امان او ثبات مدروس .. والحمد لله ماليش فيه واللى جربته منه مش ممتع بالمرة بكل ماركاته.

- تعليق السبورتاج امامى ماكفرسون والخلفى مالتى لينك مع اعمدة اتزان امامى وخلفى ومساعدين غاز وليس زيت
ومشكلتى معاه انه حتى فى عيون القطط واى فواصل فى الطريق باحس بدبدبة مرتدة داخل الصالون حتى بعد العبور عليها وصوت رنة كمان فى بعض الاحيان وليس صوت خبطة مكتومة زى ما جربت القاشقاى مؤخرا .. كمان مرجحة العربية فى الملفات الجامدة على سرعات اكتر من 50 كم/س باحس فيها بunder steering وباحتاج اصحح مسارها بالدركسيون
وفى موديل 2012 ركبوا زى طبق حديد جوة الطارة مع العمود للحد من الاحساس باهتزازات الطريق عن موديلات 2010-2011

لكن انا بارجح اكتر من 50% من الاصوات دى بسبب نوعية الكاوتش الرديئة التى سبق ونوهت عليها فى الموضوع التالى بقسم كيا ولم أجد اى رد من ملاك السبورتاج بمصر أنها صينى ومقاس غير ملائم لحجم الجنط بكل مقاساته

http://www.nilemotors.net/Nile/310408-a.html

اما اللى باتمناه انه يتعدل فى السبورتاج هو تصحيح مقاسات الاطارات والجنوط واختيار نوعية تليق بحجم وامكانيات العربية من دفع رباعى
وعيب اوى لما القاشقاى اليابانى تنزل بكاوتشات بريدجستون وكونتيننتال وميشلان انجليزى والسبورتاج تنزل بكومهو صينى وحتى مش كورى صناعة بلد العربية !!!

[moha4tec]

- عيب الجيب جراند شيروكى انا عارفه وقريت عنه من فترة ومن زمان رأيى فى كل الامريكى انه عضلات بدون مخ يعنى قوة بدون امان او ثبات مدروس .. والحمد لله ماليش فيه واللى جربته منه مش ممتع بالمرة بكل ماركاته.

+1111111111

- تعليق السبورتاج امامى ماكفرسون والخلفى مالتى لينك مع اعمدة اتزان امامى وخلفى ومساعدين غاز وليس زيت
مشكور على المعلومه يا كبير
ومشكلتى معاه انه حتى فى عيون القطط واى فواصل فى الطريق باحس بدبدبة مرتدة داخل الصالون حتى بعد العبور عليها وصوت رنة كمان فى بعض الاحيان
هتلاقيه اصوات زى بتاعة السيراتو .من فتحات التكييف من الهوايه نفسها عشان خاماتها بلاستيك و ليس ربر زى عربيات زمان قبل الازمه الاقتصاديه 2008 .
وليس صوت خبطة مكتومة زى ما جربت القاشقاى مؤخرا .. كمان مرجحة العربية فى الملفات الجامدة على سرعات اكتر من 50 كم/س باحس فيها بunder steering وباحتاج اصحح مسارها بالدركسيون
وفى موديل 2012 ركبوا زى طبق حديد جوة الطارة مع العمود للحد من الاحساس باهتزازات الطريق عن موديلات 2010-2011
ممتاز التعديل ده

لكن انا بارجح اكتر من 50% من الاصوات دى بسبب نوعية الكاوتش الرديئة التى سبق ونوهت عليها فى الموضوع التالى بقسم كيا ولم أجد اى رد من ملاك السبورتاج بمصر أنها صينى ومقاس غير ملائم لحجم الجنط بكل مقاساته
شفت الموضوع طبعا و اول واحد رادد فيه او التانى و الكوتش فعلا بيقلل من الاصوات لو نوعه كويس

http://www.nilemotors.net/nile/310408-a.html

اما اللى باتمناه انه يتعدل فى السبورتاج هو تصحيح مقاسات الاطارات والجنوط واختيار نوعية تليق بحجم وامكانيات العربية من دفع رباعى
وعيب اوى لما القاشقاى اليابانى تنزل بكاوتشات بريدجستون وكونتيننتال وميشلان انجليزى والسبورتاج تنزل بكومهو صينى وحتى مش كورى صناعة بلد العربية !!!

بصراحه حاجه تغيظ اوى لما ينزلو عربيه زى القشقاى بكوتش زى ده صينى ؟؟؟؟؟؟؟؟
لازم يعدلو سياستهم فى شوية نقط


بس مقولتليش اه رايك فى الكلام اللى كتبته و المقارنات و كده .هل انا على صواب .و لو فى اى معلومه عند حضرتك يا ريت تقولها عشان نستفاد كلنا .عشان اى حد يجى يغير العفشه يعدل التعديل اللى هنستقر عليه .
متبخلش علينا بالمعلومه لو سمحت .
و انا عارف ان حضرتك قديم فى المنتدى و ليك خبره فى العربيات لا يستهان بيها .

[moha4tec]

لو جت على البار والسوست اكيد الناس هتغير سوستها وتركب بتاعت ال 2013 ذى ما الناس كانت بتعمل فى الشاهين بتشيل سوستها وتركب 131 او بيجو ههه
والبار سهل تركيبه حتى لو هيعمل تعديل بسيط لو هيدى ثبات او لقدر الله حلصت حاجه ورة اتكسرت فالبار يمسك الباقى ومش تتسوح العربيه
الاهم فى العفشه قدام هى الى بيقابل كل الخراب وعلى ما شايف فى كل المعارض السيراتو مختفيه والريو مولعه الدنيا
وشكل الناس هتلبس فى الريو ديه لان ناس كثير اشتكت من عدم الثبات خصوصا الهاتش باك

الله يمسيكى بالخير يا شومه وياسبكترا وسبيا هعع نغيز بتوع السراتو

البار ده موجود فى الفئات و كل الموديلات من 2009 حتى الان
السوست زى بعض فى السيدان و مختلفه عن الكوبيه فى الطول فقط و الله اعلم
و على فكره سوست السيدان اطول من السيراتو الكوبيه بحوالى :15.9 ملى فى الخلف
و 6.9 ملى فى الامام .

و الصوره توضح ثبات نوع المساعد و تغيير فى طول السوسته فقط



انا اللى ملون الصوره للتوضيح و كاتب كوبيه و سيدان .
و الصور تؤكد

دى سوسته سيدان بتاعتى .خضرا زى ما مكتوب


و دى صوره السوسته بتاعة الكوبيه اللى على الشمال .

احمر فى ازرق

[moha4tec]

معنى كدا انى لو غيرت المساعدين ال قدام وجبت بتوع الالنترا الجديده هحس بفرق فى العفشه ملحوظ ..... وهل دا ممكن ياثر على ارتفاع العربيه والثبات ولا مش هيفرق

كل ما تزود الارتفاع الثبات يقل و العكس صحيح
و كل ما تزود النشوفيه الثبات يزيد و العكس صحيح الا فى بعض الحلات طبعا

[Hosam_Optrawy]

moha دانت لو بتعمل رسالة الدكتوراة بتاعتك مش هاتعمل الابحاث دى كلها :) هههههههه

حضر نفسك عشان هانسفرك كوريا قريب :)

[Formulator]

استاذ مصطفى(فورميولاتور ) اكثر من علما بمراحل لا نهايه لها
بس مش عارف ليه هو تقلان علينا بمعلوماته .

وكمان الاستاذ مصطفى ( فورميولاتر) ماشاء الله علية واضح انه (بروفيشينال) بالمجال ده ...
لكن المشكلة ان الاستاذ / مصطفى دائما متخذ وضع الهجوم على السيراتو وانا باتابع كل (كومنتاته) بصراحة مافيش مرة انصف السيراتو باى شىء .... وفيه ناس كتير كرهت السيارة من تعليقات الاستاذ/ مصطفى .... وانا كنت اولهم اول ما اشتريتها وحسيت بالندم ولكن بفضل الله طلع اختيار سليم والحمد لله ..
تحياتى لك وللزميل (فورميولاتر)

ليه كده بس يا رجالة؟!!

- أولا أنا معلوماتى على قدى والله، واتعلمت من المكان ده -ومن غيره- كتييييييييييييير، ولسه
والمعرفة مالهاش آخر (ودى Rule of Thumb أنا مقتنع بيها فـ شغلى، وفـ هوايتى)!!

بالنسبة لعفشة السيراتو أنا معرفش أكثر من اللى قلته؟!!!
وكمان ليا أصحاب عدلوا فـ كوبيه وسيدان.. وصرفوا عليها كتير فـ سوست ومساعدين
(وفيهم 2 واحد جاب كيت Tein و التانى مغير kyb من tps ومن غزى) واللى موفقلها سوست Merwede مع مساعدين koni صفرا... وكده.
دا غير اللى مركبين بارات!!
ومعظم النتائج -مش هقول disappointing- بس مش cost-effective
يعنى الفلوس دى لما كانت بتتصرف على جولف5 أو e46 (مع الفرق) أو حتى ميجان-307 كانت بتغير جاااااااااامد فـ الهاندلينج والثبات بتاع العربية؟؟!!!

عشان كده أنا متأكد تماما ان الـSetup بتاع المساعد جوا والسوسته برا هو المشكلة!!

بالنسبة لجزئية "دائما متخذ وضع الهجوم على السيراتو"
انتو فاهمينى غلط على فكرة؟!! هههههههههههههههههههه
- أنا بقول رأيى بصراحة -وان كان ظاهره انى متحيز- بس أنا بتكلم اللى أعرفه وجربته والله!

يعنى مثلا: الإلنترا الجديدة.. عربية inferior فـ حاجات كتييييييييييير عن عربيات فـ نفس الفئة السعرية..
وماتستاهلش الرقم الى بتدفع فيها -بأى حسبة منطقية- لكن هوا السوق بتاعك كده!! هههههههه

مثلا: إزاى أقول ان دى أحسن من الفوكاس -الـtrend- ولا الفلوينس ولا حتى الشارك 1.6؟؟!!!

- عيب الجيب جراند شيروكى انا عارفه وقريت عنه من فترة ومن زمان رأيى فى كل الامريكى انه عضلات بدون مخ يعنى قوة بدون امان او ثبات مدروس .. والحمد لله ماليش فيه واللى جربته منه مش ممتع بالمرة بكل ماركاته.

مختلف معاك ياباشا جامد فـ الحته دى؟!!!
هما فعلا أقل من الأوروبى واليابانى فـ حاجات كتير، بس ليهم Tribute كده فـ عربياتهم!!

آه عربياتهم بتاع Straight-line performance و Drag مش ملفات و Track
بس ده مش معناه أبدا ان عندهم مشكلة فـ الثبات والأمان؟؟؟!!
بالعكس عربيات ثقيلة وصاجها-محمل وعفشتها معقدة ومتكلفة.. لكن هى الباور الغاشمة من مواتير الـV8 وحتى الـV6 مع شاسيهات RWD ليها سواقة وتعود مختلف!
(وماتقارنهمش بالألمانى الـBM والـMerc لأنها عربيات مختلفة فعلا -وان كانت فـ نفس الفئة ظاهريا)؟!!

أقولك -بالنسبة للمتعة- جرب تشارجر (أو أى كرايسلر) حتى 300 بموتور 5.7 HEMI
عربيات فيها rush بطريقة mental.. بس ليها رهبة جامدة أوى وتخوف
تصدق عندك حق!!!!!! ههههههههههههههههههه

- بالنسبة للجراند الشيروكى ومشكلة الـMoose-Test
ليا صديق -مصرى وفياتاوى جدا- فـ السعودية فـ وكالة كرايسلر اللى ان Jeep خدت Corrective-Action جامد أوى فـ لمشلكة دى.
وان هما إكتشفوها مسبقا فـ فرع SRT الرياضى للدودج والجيب.. وMopar للكرايسلر

والصراحة أقنعنى لما قالى شوف إختبارات الشيروكى SRT-8 اللى عفشتها وفراملها متعدلة بالكامل، وان دى الموجهة للـSport/Performance مش النسخ الستاندرد
- وان تفوق المنافسين عليها- وده رأى!

[moha4tec]

moha دانت لو بتعمل رسالة الدكتوراة بتاعتك مش هاتعمل الابحاث دى كلها :) هههههههه

حضر نفسك عشان هانسفرك كوريا قريب :)

ههههههههه
و الله بجد الموضوع ده شاغل بالى جدا جدا و نفسى فعلا اظبط موضوع العفشه ده .
للاسف كان عندى صوره منزلها من موقع كورى لتعديل غريب بمعنى غريب فى العفشه الخلفيه بيقولو انه بيظبط موضوع التنطيط و مطبات الهوا و الدبدبه فى العفشه الخلفيه .
و للاسف مش لاقى الصوره و لا عارف اسم التعديل و لا عارف اعمل سيرش عليه ههههههههههههههههههههههههههههههههههههههه
بجد محبط جدا .حاجه تغيظ .مع انى زمان كنت فاكره حاجه اى كلام .بس لما قريت مقال عن تعديل عفشه عربيه امريكى قديم من مساعد و سوسته تقريبا زى بتوع السيراتو الى coil over و بقت تمام و احسن .و لقات حاجه كده غريبه واصله بين السوست و المساعدين عكس عكاس .معلش مش عارف اوصف .بس كانت شبه التعديل اللى قصدى عليه فى السيراتو اللى الموقع الكورى كان قايل عليه .

بص بقى نيجى للجد
الكوبيه بتاعة ال race بعد بحث و تمحيص توصلت لنتائج مبدئيه .بص طبعا هما ولاد لزينه مش مبينين غير بعض التعديلات من غير شرح و تفاصيل .وخصوصا عن العفشه الخلفيه .مفيش ولا صوره عرفت اجيبها عنها غير من واحده مخبوطه .و عرفت الاتى منها .
1- غيرو السوسته خالص :قطر اقل بكتير يمكن نصف الحاليه .سوسته عامله زى بتاعه ال coilover كده و عدد لفات كتييررررررررررررر يجيى 3 او 4 اضعاف العاديه .و طولها اكبر من العاديه يجى ب 30 % و عدلوا سقف الشاسيه اللى بتمسك فيه السوسته عشان القطر الصغير الجديد .و قصوا و عدلوا و القعده بتاعه السوسته الجديده فى التورشن بيم (الصاجه اللى بتبات عليها السوسته .قوروها و عملوا زى جزء اسفلها تكميلى عشان السوسته تنزل تبات فى ارتفاع اقل من السوسته العاديه .و تقريبا سوسته linear مش متاكد .و فى جزر كده بيركب قبل السوسته على القاعده المقوره من تحت (جزء مدور كده عامل زى ال 1 كيلو جرام بتاعه الحديد فى صالة الجيم و فيه بروز لتحت و بتبات فوقيه السوسته
2-سوست ايباخ امامى و خلفى و رجعوا غيروها
3-مساعدين كونى adjustable تقريبا و فى race تانى غيروه و خلوه non adjutable تقريبا .

4-و طبعا اكيد لاعبين فى الزوايا و الميل بتاع العجل مع رول كييدج و تدعيم للشاسيه من الخلف
5- مغيرين توزيع الاوزان الخلف .يعنى مكان تنك البنزين متشال خالص .و حطين جزء منه مكان الاستبن
طبعا اكيد مغيرين فى حجات تانيه كتير بس ده اللى عرفت اوصله
فى استنتاجات و ملاحظات تانيه فى السيراتو العاديه و الالنترا و الاكسنت ال rb .لانهم نفس ال setup للاسف و نفس الاعراض كمان .
و انا ماشى على الدائرى لقيت الكفه اللى شايله السوسته فى التورشن بيم .بتاع العربيات دى كلها ضعيف و بيتهز من اقل vibration و اقل مطب هوا و بيفتح لجوا و جدا .و بكده زاوية السوسته بتفتح و تتغير من الوضع العادى و عشان كده اكيد الزوايا بتخلف طبعا .
و لما الزوايا تخلف اكيد مش هتبقى ثابته .
بمعنى ان الكفه دى المفروض تبقى قويه جدا جدا .و لكن العكس صحيح .فيها نسبه مرونه عاليه .
وده بيسبب ان الزوايا تخلف و تظبط و تخلف و تظبط
و ده بيبان اوى فى ملف بتاع كوبرى فيه فواصل غبيه .بتلاقه العربيه عملت اوفر ستير فى جزء من الثانيه و لمت نفسها تانى .و ده لان فى الملف فى عجله بتبقى سابقه عجله .يعنى عجله سوستتها بتفتح لبرا مع الكفه و تلم و هى بتلم التانيه بتفتح عكس اتجاه الملف .و تلاقى العربيه اتزحلقت لبره .اوفر ستير و لما العجله التانيه تقفل زاويتها او السوته بترد لوضعها الطبيعى .العربيه بتلم نفسها .من تانى .
الكارثه بقى فين ؟؟؟؟؟
ان السواق يعمل كونتر استير فى كونتر استير .هتروح منه العربيه و مش هيعرف يسيطر عليها لانه فى اللحظه دى بتتصرف تقريبا ذى الدفع الخلفى و طبعا هو مش متعود .و لا منطقى اتعمل مع عربيه امامى فى موقف على انها خلفى . يعنى= حادثه طبعا . الموضوع ده حصل معايا قبل و بعد تركيب البارات .اللى مبتفرقش حاجه غير فى الطرق النضيفه فقط لا غير .بتزود الثبات فيها شويه 30 % زياده .و بتمسك العربيه فى الملف النضيف اللى مفهوش فوال على سرعه زياد شويه .
موقفين .
اول واحد كنت راجع على الدائرى ايام الثوره و خايف جدا من الحكاوى اللى بتتقال و التحزيرات و كده .و كنت بجرى جامد جدا و غرز بهبل من غير حساب على 180 و 170 و العربيه عومت من غلطتى جبت من الحاره اقصى اليمين الى اقصى اليسار 4 مرات عرز غشوميه بجد .و جيت فى الاخر معرفتش اخد الغرزه و كبست فرامل على الاخر و الطاره كلها ملفوفه للشمال .طبعا مكنتش فاهم حاجه غير انى كلبشت فى طاره بعد ما عدلتها .و صباح الدريفت العالمى ههههههههههههههه
على 170 و حظى كان عالى جدا ان الدائرى كان لافف بميل نايه الشمال فى اتجاه الدريفت .و الله و لا كانت كين بلوك بيعمل دريفت .طبعا مش مقصود و لا حرفنه نهائى .دى مجرد حظ و عنايه الاهيه طبعا .
الخلاصه انى لما عدلت الطاره و شيلت رجلى من على الفرامل .العربيه درفتت و لمت نفسها و عدلت من تانى .
الموقف التانى ,على 160 فى الطريق بتاع المطار الجديد .و 160 دى بعد البارات طبعا لان كان اخرى من غيرها 120 او 110 .و حصل موقف مفاجى و انا فى نصف الملف و هو نازل كمان لتحت هههههههههو الطريق ده كله معمول صح ما عدا الملف ده فقط .مايل لبرا عكس الملف حاجه بسيطه .و جولف على 100 دخل من الحاره بتاعته على حارتى هههههههه.لا ارادى طبعا كبست فرامل و لفات الطاره عكس الملف عشان افاديه و فاديته و جيت الم تانى هوب لقت حجر كبير مرمى فى نصف الطريق قدامى .و قمت رامى جامد العكس من تانى ومع فرامل و كا فى رمله ناعمه حوالين الحجر .و لبست الحجر بدل قدام لبسته بالجنب .و قطعلى الكوتش و جرح الجنط و خبط العتب و كده .
طبعا انا كل ده عملت كذا كونتر استير و دى كانت المصيبه .لانى عملت بسببها درفت زى الثعبان .و كنت هلبس فى حجات كبيره .و هخرج برا الطريق و هلبس يافطه كبيره تموتنى .
الحمد لله ربنا ستر .
اللى فهمته من حجات كتير .
لو العربيه عومت اعدل الطاره و شيل رجلك من البنزين و الفرامل اوعى تلمسها و لو تعرف تسقط نقله فى الوقت ده يقى كويس .و اوعى تعمل كونتر استير .كل حوادث السيراتو بسبب الكونتر ستير اللى السواقين عملوه .و ممكن تراجعوا المواضيع كمان للتاكد.

[moha4tec]

ليه كده بس يا رجالة؟!!

- أولا أنا معلوماتى على قدى والله، واتعلمت من المكان ده -ومن غيره- كتييييييييييييير، ولسه
والمعرفة مالهاش آخر (ودى Rule of Thumb أنا مقتنع بيها فـ شغلى، وفـ هوايتى)!!
و الله العظيم انت منور الموضوع و القسم كله .

بالنسبة لعفشة السيراتو أنا معرفش أكثر من اللى قلته؟!!!
وكمان ليا أصحاب عدلوا فـ كوبيه وسيدان.. وصرفوا عليها كتير فـ سوست ومساعدين
(وفيهم 2 واحد جاب كيت Tein و التانى مغير kyb من tps ومن غزى) واللى موفقلها سوست Merwede مع مساعدين koni صفرا... وكده.
دا غير اللى مركبين بارات!!
ايوا البارات مبتعملش حاجه مع فواصل الكبارى خالص و لا مطبات الهوا الا حاجه بسيطه
هو كده مش فاضل غير حاجه وحده بس الدامبر بتاع العفشه الخلفيه اللى ماسك من السوسته للسوسته .البتاع ده مش عارف اوصفه خالص بس هو زى الصوره اللى زكرتها قبل كده .
و الله اعلم
ومعظم النتائج -مش هقول disappointing- بس مش cost-effective
يعنى الفلوس دى لما كانت بتتصرف على جولف5 أو e46 (مع الفرق) أو حتى ميجان-307 كانت بتغير جاااااااااامد فـ الهاندلينج والثبات بتاع العربية؟؟!!!
اصلا العربيات دى ثابته جدا و مش محتاجه .هههههههههه بس كلامك صح طبعا .زى العماره اللى اساستها سليمه و كده .

عشان كده أنا متأكد تماما ان الـSetup بتاع المساعد جوا والسوسته برا هو المشكلة!!
فى الفيلوستر الرالى .عدلو العفشه و خلوها ملتى لينك و خلو العربيه دفع رباعى هههههههه.
و بقت ثبات السنين .خلو العفشه الخلفيه coilover , عملين شغل جبار و بقت عمله زى الفورد بتاعة كين بلوك و بتلعب لعب السنين
كلامك صح .
بس الكوبيه race احتفظوا بالsetup و عدلو زى ما انا عرفت اوصل من الصور لبعض الحجات
و العربيه شغاله زى الفل و بتكسب مينى كوبر اس و بي ام و حجات غريبه امريكى و يابانى و كده .
مش عارف ازاى بس هما لقولها حل غير ال setup .و يعنى احنا مش عجزه عشان منعرفش نفهم و نعمل زيهم .

بالنسبة لجزئية "دائما متخذ وضع الهجوم على السيراتو"
انتو فاهمينى غلط على فكرة؟!! هههههههههههههههههههه
مخلاص بقى عرفنا قيمتك يا كبير و فهمنا خلاص
- أنا بقول رأيى بصراحة -وان كان ظاهره انى متحيز- بس أنا بتكلم اللى أعرفه وجربته والله!

يعنى مثلا: الإلنترا الجديدة.. عربية inferior فـ حاجات كتييييييييييير عن عربيات فـ نفس الفئة السعرية..
وماتستاهلش الرقم الى بتدفع فيها -بأى حسبة منطقية- لكن هوا السوق بتاعك كده!! هههههههه

مثلا: إزاى أقول ان دى أحسن من الفوكاس -الـtrend- ولا الفلوينس ولا حتى الشارك 1.6؟؟!!!

+1111111111111111

مختلف معاك ياباشا جامد فـ الحته دى؟!!!
هما فعلا أقل من الأوروبى واليابانى فـ حاجات كتير، بس ليهم Tribute كده فـ عربياتهم!!

آه عربياتهم بتاع Straight-line performance و Drag مش ملفات و Track
بس ده مش معناه أبدا ان عندهم مشكلة فـ الثبات والأمان؟؟؟!!
بالعكس عربيات ثقيلة وصاجها-محمل وعفشتها معقدة ومتكلفة.. لكن هى الباور الغاشمة من مواتير الـV8 وحتى الـV6 مع شاسيهات RWD ليها سواقة وتعود مختلف!
(وماتقارنهمش بالألمانى الـBM والـMerc لأنها عربيات مختلفة فعلا -وان كانت فـ نفس الفئة ظاهريا)؟!!

أقولك -بالنسبة للمتعة- جرب تشارجر (أو أى كرايسلر) حتى 300 بموتور 5.7 HEMI
عربيات فيها rush بطريقة mental.. بس ليها رهبة جامدة أوى وتخوف
تصدق عندك حق!!!!!! ههههههههههههههههههه

- بالنسبة للجراند الشيروكى ومشكلة الـMoose-Test
ليا صديق -مصرى وفياتاوى جدا- فـ السعودية فـ وكالة كرايسلر اللى ان Jeep خدت Corrective-Action جامد أوى فـ لمشلكة دى.
وان هما إكتشفوها مسبقا فـ فرع SRT الرياضى للدودج والجيب.. وMopar للكرايسلر

والصراحة أقنعنى لما قالى شوف إختبارات الشيروكى SRT-8 اللى عفشتها وفراملها متعدلة بالكامل، وان دى الموجهة للـSport/Performance مش النسخ الستاندرد
- وان تفوق المنافسين عليها- وده رأى!
العربيات الالمانى دى ظاهره منفرده فى الثبات بصراحه .

كويس جدا انهم عدلو موضوع الجيب و مشكور جدا على مداخلتك كبير
يا ريت بس تخلى اصحابك اللى عدلو عربياتهم يدخلو على الموقع و يذكروا اللى حصل فى التعديل و نسبة التحسن و كده و المصاريف و كده .
لانى كنت خلاص هعدل و اركب عفشه kw المانى ب 7 الاف جنيه مع كوتش بريدج ستون .و كنت هصرب بالعبيط .و الحمد لله انك وضحتلى .

[moha4tec]

moha دانت لو بتعمل رسالة الدكتوراة بتاعتك مش هاتعمل الابحاث دى كلها :) هههههههه

حضر نفسك عشان هانسفرك كوريا قريب :)

منور الموضوع يا كبير
و معايا واحد صحبى فى بعثه لكوريا .
و تقريبا هيعملوله زياره لمصنع هيونداى و كيا .و الحجات المشهوره هناك .هبقى اخليه يتصور مع ال k3 ههههههههههههه