عربيتي إتسرقت, والأضرار بعد عودتها, وياريت تساعدوني

[Dr.M_baz]

ربنا يعوض عليك والحمد لله أنها رجعت.
أبعد عن موضوع التوكيل خالص و عليك وعلى الحرفيين و بإذن الله ترجع زي الأول.

[mahmoud_afifi]

انا رحت سألت النهارده على الحزام كامل والراجل قالي مالهوش علاقه بالايرباج !!
الراجل بيفتي ولا ايه ؟

[K_E]

انا رحت سألت النهارده على الحزام كامل والراجل قالي مالهوش علاقه بالايرباج !!
الراجل بيفتي ولا ايه ؟

على حد علمي كل العلاقه الي بين الحزام والايرباج هي انه في حساس فالحزام بيحدد الحزام راكب ولا لا علشان الاير باج ماتفتحش غير لو كان الحزام راكب

[mhf_77]

ربنا يعوض عليك خير بس قطروها ازاى انت ساكن فى حته بعيد عن العمران ؟؟ وفكو لوك الفتيس ازاى؟؟ هى مش اوتوماتيك برضه ولا مانيوال؟؟واخبار الانذار والامبليزر ايه؟؟معلش احنا بنتقل عليك فى التفاصيل عشان نحاول نعرف اخر ماتوصلو اليه من حيل ايه

[mahmoud_afifi]

على حد علمي كل العلاقه الي بين الحزام والايرباج هي انه في حساس فالحزام بيحدد الحزام راكب ولا لا علشان الاير باج ماتفتحش غير لو كان الحزام راكب

متشكر على الرد يا باشا. يعني نتوكل على الله ونجيبه ؟ يمكن لمبة الايرباج تطفي

[K_E]

ربنا يعوض عليك خير بس قطروها ازاى انت ساكن فى حته بعيد عن العمران ؟؟ وفكو لوك الفتيس ازاى؟؟ هى مش اوتوماتيك برضه ولا مانيوال؟؟واخبار الانذار والامبليزر ايه؟؟معلش احنا بنتقل عليك فى التفاصيل عشان نحاول نعرف اخر ماتوصلو اليه من حيل ايه

اكسر الازاز وافتح الباب من جوه وادخل فك الفتيس واقطر وامشي وبالنص بقا :)

متشكر على الرد يا باشا. يعني نتوكل على الله ونجيبه ؟ يمكن لمبة الايرباج تطفي

مش عارف والله مقدرش افتي لكن في كل الاحوال الارقام الي بتقولها فالتوكيل دي خياليه لو دي الاسعار فعلاً يبقى ركب الحزام من بره حتى لو الاير باج مش هيشتغل

شوف كده لو تعرف تسأل في مركز السبع الي في زهراء المعادي الناس هناك محترمين جداً لعل وعسى يمكن يقولوا كلام تاني

[mahmoud_afifi]

مش عارف والله مقدرش افتي لكن في كل الاحوال الارقام الي بتقولها فالتوكيل دي خياليه لو دي الاسعار فعلاً يبقى ركب الحزام من بره حتى لو الاير باج مش هيشتغل

شوف كده لو تعرف تسأل في مركز السبع الي في زهراء المعادي الناس هناك محترمين جداً لعل وعسى يمكن يقولوا كلام تاني

فعلا معاك حق. مش لازم الايرباج وربنا ما يحوجناش ليه انما المهم الحزام.

هشوف مركز السبع هسألهم عليه ولو غالي هشوف لو ينفع اجيبه من بره وهما يركبوه.

الف شكر يا باشا على مساعدتك

[Ahmed_Adham]

فعلا معاك حق. مش لازم الايرباج وربنا ما يحوجناش ليه انما المهم الحزام.

هشوف مركز السبع هسألهم عليه ولو غالي هشوف لو ينفع اجيبه من بره وهما يركبوه.

الف شكر يا باشا على مساعدتك

يا باشا الحزام بيمنع الجسم انه يطير بره العربيه أو يتقلب جوه العربيه لو انقلبت بس مش بيمنع الراس انها تخبط في الدركسيون وده دور الايرباج وبالتالي أمرها مش هين خالص.

[mahmoud_afifi]

يا باشا الحزام بيمنع الجسم انه يطير بره العربيه أو يتقلب جوه العربيه لو انقلبت بس مش بيمنع الراس انها تخبط في الدركسيون وده دور الايرباج وبالتالي أمرها مش هين خالص.

بس الحزام بالايرباج تمنه مش هين خالص يا باشا
21 الف جنيه والاستيراد بيبيع الحزام بس

[S O P H O S]

قدر الله وما شاء فعل
الحمد الله انك رجعتها

[Karim_Monir]

ممكن سؤال
ليه كل حرامية السيارات بيقطعو احزمة الامان

[mahmoud_afifi]

ممكن سؤال
ليه كل حرامية السيارات بيقطعو احزمة الامان

لو العربيه ماشتغلتش معاهم بيقطروا العربيه بالحزام لأنه قوي ويستحمل يشد العربيه

[foxhonda2008]

عليك و علي الحرفين يا باشا انا عندي خبرة كويسه هناك و لو عايزني اروح معاك انا تحت امرك و ان شاء الله نرجعها زيروا و ده رقمي 01111115933

[Karim_Monir]

لو العربيه ماشتغلتش معاهم بيقطروا العربيه بالحزام لأنه قوي ويستحمل يشد العربيه

في عربيات اتوماتيك كتير وبي امات قديمة ولازم يقطعو الحزام برضه

[Ahmed_Adham]

ممكن سؤال
ليه كل حرامية السيارات بيقطعو احزمة الامان

اللي يغيظ اني حضرت حزام قبل كده بيتقطع بعد حادثه وقطعه مش سهل سواء بسكينه أو بولاعه لازم مجهود عشان قطعه.