عربيتي إتسرقت, والأضرار بعد عودتها, وياريت تساعدوني

[MITSUKERO]

استيراد ياباشا فقط

واحد صاحبي حصل معاه نفس اللي حصلك بس هو راح سرقها و لقي نفس الموضوع بالظبط الاحزمة متقطعة و الفبرة مكسورة و الكونتاكت مكسور

الفبرة و الكونتاكت : هات الفبرة استيراد او جديد تقريبا مش غالية و قلب الكونتاكت هاته استيراد او جديد

الاحزمة استيراد فقط

لبمة الايرباج : ربنا يستر و يكون قرص الايرباج متكسرشي

و ربنا معاك

[mahmoud_afifi]

عليك و علي الحرفين يا باشا انا عندي خبرة كويسه هناك و لو عايزني اروح معاك انا تحت امرك و ان شاء الله نرجعها زيروا و ده رقمي 01111115933

جزاك الله كل خير يا باشا :)
احنا رحنا الحرفيين فعلا وجبنا اغلب الحاجات من هناك

في عربيات اتوماتيك كتير وبي امات قديمة ولازم يقطعو الحزام برضه

هما عند اخويا قطعوا الحزام عشان يشدوا العربيه ماعرفش بقى في باقي العربيات ليه بيقطعوا الحزام.
عندهم عقده باين :d

اللي يغيظ اني حضرت حزام قبل كده بيتقطع بعد حادثه وقطعه مش سهل سواء بسكينه أو بولاعه لازم مجهود عشان قطعه.

فعلا اثار محاولاتهم لقطع الحزام باينه في الفيبرات وفرش الكراسي. فيهم قطوع من المطوه الي قطعوا بيها.
تصليح الفرش ده لسه موال تاني :(

[mahmoud_afifi]

استيراد ياباشا فقط

واحد صاحبي حصل معاه نفس اللي حصلك بس هو راح سرقها و لقي نفس الموضوع بالظبط الاحزمة متقطعة و الفبرة مكسورة و الكونتاكت مكسور

الفبرة و الكونتاكت : هات الفبرة استيراد او جديد تقريبا مش غالية و قلب الكونتاكت هاته استيراد او جديد

الاحزمة استيراد فقط

لبمة الايرباج : ربنا يستر و يكون قرص الايرباج متكسرشي

و ربنا معاك

الف شكر يا باشا. احنا روحنا الحرفيين وجبنا معظم الحاجات استيراد.
والحمدلله لمبة الايرباج طفت لوحدها وماقربناش للايرباج

[salodas]

حسبنا الله ونعم الوكيل .... اللهم انتقم من السارق

[bestlife2all]

ممكن اعرف جبت الكونتاكت والفبرة بكام علشان عربيتى اتسرقت ولسة جايبها

[mahmoud_afifi]

ممكن اعرف جبت الكونتاكت والفبرة بكام علشان عربيتى اتسرقت ولسة جايبها

الف مبروك يا باشا رجوع العربيه وربنا ينتقم من الحراميه.
الكونتاكت (طقم الكوالين بالكونتاكت بالمفاتيح الجديده) + الفبره + المصنعيه بتاعت كله ب2900 في التوكيل.

[ahmed_afifi84]

حسبنا الله ونعم الوكيل .... اللهم انتقم من السارق

اللهم آمين

[akmm]

انا كمان حابب أقولكم كمان على آخر تقاليع الحرامية

الشخص اللي كنت جايبه يتفاوض معاهم أتصل بيهم بعد العشاء على إعتبار إن ده الوقت اللي بيفتحوا فيه الموبايل, مردش عليه أول مرة وبعدها رد عليه وقاله
"معلش علشان كنت بصلي التراويح"

لكم التعليق

اللهم انى صايم ....... لو هعلق هفطر عليه .

[MB1986]

باشا انا فى نفس موقفك بالظبط عندى لمبة الايرباج منوره و احزمة الامان قافله و الفبر اللى حواليها مكسور و لفيت فى الحرفيين لقيت كلهم بيهبلوا فى الاسعار و بيتنكوا

ياريت تقولى جبتهم منين و اسعارهم ايه و لو امكن رقم تليفونه ابقى شاكر ليك جدا

[mahmoud_afifi]

باشا انا فى نفس موقفك بالظبط عندى لمبة الايرباج منوره و احزمة الامان قافله و الفبر اللى حواليها مكسور و لفيت فى الحرفيين لقيت كلهم بيهبلوا فى الاسعار و بيتنكوا

ياريت تقولى جبتهم منين و اسعارهم ايه و لو امكن رقم تليفونه ابقى شاكر ليك جدا

احنا عندنا لمبة الايرباج طفت لوحدها بعد ما غيرنا الفيبرات بتاعت الدركسيون في التوكيل. مش عارف عملوا ايه وطفت لوحدها. بس في الحرفيين في ناس بتعمل موضوع حزام الايرباج.

بالنسبه لأحزمة الأمان الي قافله اعتقد كده مدفع الحزام ضرب وهتحتاج تجيب حزام بالمدفع بتاعه. في الحرفيين بيبيعوا اتنين قدام بالمدفع ب1200 وانت تنزل فيهم وانت وشطارتك ممكن تنزلهم لحد 800. سوسو في الهرم بيبيع الاتنين ب800 وممكن تهزها شوية.

بس نصيحه غير الكونتاكت (طقم الكوالين بمفاتيح جديده) والفيبرات في التوكيل بتعمل 2800 بالضريبه بالمصنعيه. أما ذراع الاشاره لو بايظ هاته استيراد لأن الجديد ب1050 من غير ضريبه.

احنا جبنا الحاجه دي من محل اسمه رحمه .مغلواني شوية بس عنده الحاجه كلها وهيوديك لسروجي عشان يركب الاحزمه. للأسف مش معايا نمرته

[eng.khater]

ربنا يعوض عليك و يكرمك ويستر طرقنا جميعا ويقدرك عليها و ترجع زيرو ان شاء الله