تقييم الكارينز الجديدة كليا 2014

[masryxt]

أولا هذا التقرير هو انطباعي الشخصي في حدود معرفتي وخبرتي الشخصية ويمثل رأيي الشخصي فقط ربما اخطئ وربما اصيب فبرجا تصحيح اخطائي بس اتمني تكون من حد جرب العربية

قبل ما ابدا احب اسجل اني اول ماركبت العربية حسيت اني تاية في ابعادها والتحكم فيها كان غريب شوية بس الاحساس دة راح بعد اول يومين بالعكس بقيت حاسس بالعربية كويس اوي

اولا الموتور

http://www10.0zz0.com/2013/10/07/18/924241762.jpg

الاستهلاك
مع الاداء الهادي موتور موفر جدا الاستهلاك لا يتعدي 7.5 لتر\100كم
اداء رياضي عنيف وكيك داون في كل الاوقات مع زحام وسرعات من زيرو الي 120دواسة علي الاخر يصل الاستهلاك الي 12.5 لتر\100كم
اداء مختلط يحتوي بنسبة 15% رياضي عنيف مع 40 % زحام بمعني كلمة زحام والباقي دائري 9.5-10 لتر\كم

الاداء
يستجيب لكل ظروف القيادة عايزة رياضي شغال عايز ماتسمعش صوتة شغال عايز موفر شغال الموتوردة فعلا متميز بس لازم نلاحظ ان حجم العربية مش قليل وبالتالي ماينفعش احط الاداء الرياضي في المقارنة مع العربيات الاقل حجما ووزنا وان كنت راضي عن اداءة الرياضي من وجهة نظري
طبعا انت بتاخد نتيجة الاداء بتاع الموتور مع الفتيس مش الموتور لوحدة واشهد ان الفتيس يستجيب بسرعة جدا لضغطتك علي الدواسة وبرضة مع حجم العربية لازم اقر واعترف ان الاستهلاك بيزيد جدا لما بتكون عنيف في القيادة

العفشة و التعليق


اكتر حاجة كانت مخوفاني الارتفاع عن الارض علشان المطبات الحلوة لاني عانيت كتيير مع السيراتو في حاجتيين
1 النشوفية بتاعت العفشة والحك في المطبات مع التحميل
مع الكارينز انا لحد الان وبحمد الله ماحكتش في مطب واحد
العافشة ادائها كويس مع مطبات ج م ع مريحة ومش قاسية

الفرامل
تستجيب بسرعة وبالرغم من الحجم الكبير نسبيا الا ان الفرامل فيها احسن من السيراتو بمراحل ومسافة التوقف ممتاااااااااازة

العزل
ممتاز ومعزول عن الطريق بشكل يتيح لك ان تسمع ما بالخارج وبدون ضجيج الطريق او اصوات السيارات المحيطة ميزةوعيب في نفس الوقت

التكييف
قوي جداوبيوصل لدرجة الحرارة في وقت قليل مع ملاحظة ان فية فتحات خلفية لراكبي الصف التاني وكمان فتحات من تحت الكراسي
العربية فيمية فممكن دة يكون لية دخل بان التكييف بيوصل لدرجة الحرارة المطلوبة في اقل وقت
التكييف منفصل السائق عن الراكب اللي جنبة بمعني كل واحد يضبط الحرارة اللي هو عاوزها

الخامات الداخلية

ممتازة ومختلفة كليا عن اي كيا او هيونداي ركبتها قبل كدة مش فاخرة ولكنها تعطيك احساس بالفخامة والرضا في التنسيق والملمس ارجو ملاحظة ان اللي معايا الهاي لاين فربما يختلف في الفئات الاخري

الخامات الخارجية
لست خبيرا بها ولكنها تعطيني احساس بان الصاج محمل والزوايا والانحنائات تعطي الهيكل قوة اضافية
اعتقد ان الدهان ضعيف نوعا ما .

الاتزان عي الطريق
العربية متزنة جدا ولكن في الملفات القاسية ببساطة محتاجة واحد بيعرف يسوق مش معني كدة انها مش ثابتة او غير متزنة في الملفات ولكن الملف علي سرعة عاوز حد محترف سواقة ودة ينطبق علي جميع انواع السيارات فما بالك بالحجم الكبير

الراحة
الكراسي مريحة خامتها ممتازة قاعدتها عالية من اميز الحاجات بالنسبة لي وضعية القيادة وراحة الكراسي وووضعية الدركسيون وضبطة وهيا في الكام نقطة دول ممتازة جدا
كمان حاجة المرايا وزاوية الرؤية للطريق ممتازة دة كمان باحس ان المناطق الميتة بالنسبة للرؤية قليلة جدا ودة لان المرايات الجانبية حجمها كبير فبتكشف الرؤية بشكل ممتاز.
طبعا المساحة الداخلة اميز مافيها
الكراسي الوسطي تتحرك للامام والخلف ودة معناة ان المساحة الخلفية يمكن توزيعها مابين الصف التاني والتالت ودة مخلي الركاب اللي ورا يقعدوا براحتهم
مساحات التخزين متعددة تحت ارجل ركاب الصف الاوسط وفي الخلف
التابلوة خطيير جدا فكرني بالبيجو ال307 من ناحية ميل الزجاج الامامي وعمق التابلوة
لاتوجد اصوات طقطقة او تزييق

فية اية تاني انا نسيييييت
لو فية اي حد عندة تساؤل انا تحت امرة

تم تثبيت الموضوع لتعم الفائدة
6/1/2014

[adelghanem]

ﺍﻟﻒ ﻣﺒﺮﻭﻙ
ﺭﺑﻨﺎ ﻳﺤﻔﻆﻬﺎﻟﻚ ﻣﻦ ﻛﻞ سوء

[عبدالله برعى]

شكرا على نقل التجربة
بس حضرتك متكلمتش عن التجهيزات الموجودة فيها زى مثلا الايمبوليزر

[masryxt]

بالنسبة للتجهيزات ماشاء الله لا قوة اللا بالله
جميع الفئات فيها ايموبيليزر
بتاعتي فيها انذار جاي معاها
ABS
- دريكسيون باختيارات اوضع القيادة "عادية - رياضية- متوسطة"
تكييف اتوماتيك Dual Zone
كل الزجاج اتوماتيك "بيفتح وينزل بضغطة واحدة
الابواب الجانبية ومسند اليد الاوسط مكسوة جلد
فوانيس شبورة
فوانيس ليدات امامية مضاءة طول الوقت
اضائة جانبية تشتغل مع الدريكسيون لما تلف شمال او يمين
اشارات ليدات في المرايات
سبويلر خلفي
الفوانيس الامامية عدسات
الاضائة الداخلية بيضاء ليدات
اضائةمن تحت المرايات الجانبية عند فتح الباب
المرايات ضم
مساحة خلفية مع مساحات امامية متعاكسة زي البيجو
مساحات تخزيين متعددة في الابواب والكرسي الامامي وتحت ارجل الصف الاوسط وفي الخلف
خاصية التبريد داخل درج التابلوة
جنوط 16
2ايرباج
فيها كذا سوكت للكهربا تقريبا 3 او اربعة
مخرج تكييف خلفي
المقابض الداخلية والخارجية كروم مش بلاستيك مطلي
فية درج امام الفتيس بة يو اس بس
النارة ملتي فانكشن للكاسيت
التارة فيها مثبت سرعة
فيها بلوتوث
فيها تحكم في القوائم بتاعت العداد الرئيسي " تتحكم في عدد مرات الاسارة الجانبية لما تلمس اذراع الاشارات-كمان تتحكم في اضاءة السيارةوكمان فتح الابواب لما تقف وتمور او لما تشيل المفتاح او تبطل -كمان تحدد الصيانات علشان تنبهك لما يجي موعد الصيانة -تصفيير عداد التريب وعداد الاستهلاك ..............الخ"
فيها حساس اضاءةوحساس مطر
كاميرا للرجوع وحساسات خلفية
الكاست بشاشة تاتش
الفتيس 6 سرعات
الموتور 1.6 GDI

هيا بصراحة من ناحية التجهيزات ماشاء الله لا قوة اللا بالله
دة اللي انا فاكرة لو افتكرت حاجة تانية هاضيفها او لو فية حد عندة استفسار من عينيا

[Silent~Dream]

الف مبروك يا باشا و ربنا يحفظهالك و يديلك خيرها و يكفيك شرها و تقرير رائع

[masryxt]

الله يبارك فيك وجزاك الله خيرا علي امنياتك الطيبة

[S O P H O S]

مشكوررر علي التقيم ونقل التجربة

[Dr.M_baz]

ألف مبروك ... وربنا يبارك لك فيها.

[Ramy.Gamal]

تقرير اكثر من رائع و ممتاز و جزاك الله خيراْ و الف مبروك العربيه و عيد سعيد عليك بأذن الله و انا فى غايه الحيره ما بين الهاى لاين و الفئه الاقل خوفاْ من فتحه السقف البانوراميه و لذلك اجلت لبعد العيد حتى اتمكن من الاستقرار على واحده

[Ramy.Gamal]

حضرتك بتقول ان التوب لاين من موجوده فى التوكيل ؟؟؟؟؟؟؟؟ ده انا كنت عاوز انزل ابص عليها بعد العيد لان انا من اسماعيليه

[J A G U A R]

ربنا يباركلك فيها

[masryxt]

تقرير اكثر من رائع و ممتاز و جزاك الله خيراْ و الف مبروك العربيه و عيد سعيد عليك بأذن الله و انا فى غايه الحيره ما بين الهاى لاين و الفئه الاقل خوفاْ من فتحه السقف البانوراميه و لذلك اجلت لبعد العيد حتى اتمكن من الاستقرار على واحده

بالنسبة لفتحة السقف بصراحة انا كنت متردد بس بعد ماجبتها ولو تشوف حضرتك التقرير هاتلاقي الموضوع مختلف احنا مش بنتكلم عن فتحة سقف احنا بنتكلم علي سقف بانوراما شبة كامل مع امكانية فتح الجزء الامامي وبمنتهي الامانة متعة تستحق كل مليم وكنت هاندم لو ماكنتش جيبتها

المشكلة بس دلوقت ان الوكيل جاب تقريبا 18 عربية هاي لاين ونام بعدها واعتمد علي الفئة الوسطي من الاوتوماتيك لانها بالتاكيد الاقبال هايكون عليها اكبر

بس علي كلام الكيل لواحد زميلي عاوز هاي لاين اتقالة بعد العيد احتمال دفعة تخش والله اعلم

[masryxt]

حضرتك بتقول ان التوب لاين من موجوده فى التوكيل ؟؟؟؟؟؟؟؟ ده انا كنت عاوز انزل ابص عليها بعد العيد لان انا من اسماعيليه

للاسف مش موجودة خالص بس لو حابب ممكن تقابلني بعد العيد واتفرج براحتك
كل سنة وانت طيب

[masryxt]

كل عام وانتم بخير

النهاردة انا سافرت للغردقة ووصلت من شوية بفضل الله

تجربتي مع السفر

اولا الاستهلاك فوق الممتاز 7.2طول الطريق بمتوسط سرعات 120 الربع, 160 -180 تلت المسافة وسرعات مختلفة باقي المسافة
الاستهلاك كان بتارجح بين 7 و 7.6 ومعظم الوقت 7.2 لتر\100 كم

ملحوظة هامة
الموتور دة مالوش حل بيجمع بسرعة جدا لحد 160 بعدهابيكون الاداء اقل

الصوت هادي جدا
العزل ممتاز
التكييف انا كنت سقعان وعاملة 24-25

الثبات
لحد 150 كم\ساعة والله الثبات ممتاز والتحكم دقيق ماحستش باي مشكلة "ماخلاص اتعودت عليها" بعدها كويس بس عن نفسي مش زي السيدان طبعا

مع ملفات الزعفرانة لم اعاني من اي مشكلة بالنسبة للاتزان او الثبات مع اني كنت سريع بس بعقل زي ماتفقنا قبل كدة

حصلت معايا مشكلة اني دخلت في سن مدبب منهم لله علي الطريق وانا علي 150 والكاوتش الامامي ضرب بس بفضل الله كنت قريت كذا موضوع عن ماذا تفعل في حالة انفجار الاطار الامامي
الموقف دة لم استخدم معة الفرامل فقط تشعيير بعد مابدات اهدي لحدماوقفت خالص
المفاجاءة ان الاستبن مش جنط لا فردة صغيرة شكلها يعر المهم ركبتها وحمدت ربنا وتوكلت علي الله
ملاحظة كمان الاستبن بينزل من تحت مش من قلب العربية
ربنا يسترها معانا جميعا

[Eng HateM]

ما شاء الله تبارك الله , سيارة تحفة بمعنى الكلمة وكماليات أكثر من رائعة

تقرير ممتاز بجد , ربنا يبارك لك في السيارة ويعطيك خيرها ويبعد عنك العين ومشاكل الطريق .

كل عام وأنت بخير وعيد سعيد إن شاء الله .