تقييم الكارينز الجديدة كليا 2014

[عمرو مجايفر]

بالمناسبة انا عامل بيها 23000 كم وحتي الان ممتازو بفضل الله وماليش اي شكاوي

التكاليف بتاعت الصيانة كانت 860 جنية
تغيير زيت شل الترا 300 جنية
فلتر زيت مش فاكر
فلتر هوااااا 175 جنية
علبة شحم 30 جنية
مصنعيات لوحدها 225 جنية
+ 10 % ضريبة

عند محمد ذكي
تقييمي كمان لمحمد زكي متوسط
مستوي الصنايعية والمهندسيين زي مستوي اي حاجة في البلد دي

ههههه الله يرحمك يا لانوس فلتر الهوا الاصلى كان ب ٤٥ وفلتر الزيت ب ٣٥ وفلتر البنزين ٤٠ ... كل حاجة بتمنها برضة ... ربنا يتمها عليك نعمة يا استاذ مصرى

[masryxt]

اخى العزيز طارق بك
السلام عليكم ورحمة الله وبركاته
انا احمد فودة اول واحد اتصلت به لتسأله عن الكارينز الجديدة وقمت بإتخاذ قرارك بالشراء عقب حديثنا عنها، وحيث ان العبد لله من أوائل الذين تشرفوا بشراء هذه السيارة الجميلة، اعرفك ياأخى الفاضل اننى وبعد 8500 كيلو متر تقريباً أحببت أن اكتب لك وللامانة ولكل من يرغب فى اقتناءها، اقول ان السيارة أكثر من ممتازة والفلوس فيها حلال ولقد سبق لى كما تعلم امتلاك سيارتين من قبل الاولى كانت فورد كونتور والثانية كانت أوبل زافيرا ( 7 راكب ) - ولأننى مقبل على فترة الصيانة المجانية الاولى ( 10000 كيلو ) فبماذا تنصحنى هل اذهب الى التوكيل بابو رواش أم الى محمد زكى ولا أوتو السبع - حيث انه قريب منى بزهراء المعادى - كذلك هل اتخذت قرار بعمل الفرش ب جينز كار وبالنسبة للمصدات النيكل أمام وخلف العربية هل تنصح بها وإن كانت من وجهة نظرى سوف تعطى شكل غير محبب للعربية بشكل عام .. وبالمناسبة فأنا ادخل ما بين الوقت والاخر على مساهماتك وأجد انها اكثر من ممتازة واشيد فى هذا الخصوص بتقريرك الأكثر من رائع وممتاز عن الكارينز 2014 والذى هو بحق من أروع واحسن التقارير التى كتبت بإستفاضة وحب شديدين عن الكارينز 2014 وهو مرجع هام . واخيراً هل هناك رابطة أو ناد او صفحات تحمل اسم عشاق كارينز 2014 او ما شابه - حيث أننى أنوى عمل صفحة على الفيس بوك بهذا الاسم . والف الف شكر ودمتم.

استاذ احمد
وعليكم السلام ورحمة الله وبركاتة
بالفعل كانت مكالمتك الفيصل في اختياري للكارينز والحمدلله كان اختيار موفق وربنا يباركلنا فية
بالنسبة للصيانة انا تعاملت مع محمد زكي فقط وذلك لقربة النسبي مني واعتقد ان الفروقات لن تكون ملحوظة في التعامل او في جودة الصيانة لانها صيانة دورية " تغيير زيت وفلتر ومراجعة علي نقاط الكشف"

بالنسبة للفرش عاوز اعملة من ساعت ماجبتها ولكن موضوع الانتظار لعدة ساعات حتي الانتهاء من الفرش هو العائق بالنسبة لي ودة اللي مأخرني فعليا لاني ماعنديش رفاهية الوقت دة كلة وفي نفس الوقت ماحبش اسيب العربية وبعد ماتخلص اخدها بس هايحصل لانة مهم جدا

بالنسبة لموضوع المصدات الامامية والخلفية فانا ليا تحفظ شديد علية لانة مخالف لقواعد السلامة بالنسبة للمشاة لاقدر الله الخبطة بموتة اعاذنا الله واياكم وعلشان كدة بصراحة لا اؤيدة ولا انصح بة دة بالنسبة للامامي اما الخلفي لا اعتقد انة هاينفع علشان الحساسات الموجودة في الاكصدام الخلفي واعتقد انة هايتعارض معاة ويكون عائق دائم بالنسبة للحساسات

اخيرا اشكرك بشدة علي تعليقك علي الموضوع بس الموضوع بسيط ولو كل واحد فينا خدة من ناحية انك بتوصل تجربتك للاخرين عسي ان حد ينتفع بية ويكون قصادة تجربة عملية للعربية اللي عاوز يشتريها بالتاكيد هايكون عندنا مرجع للعديد من السيارات تفيد المقبل علي الشراء
واقترح عمل قسم منفصل في المنتدي عن تجارب الاعضاء مع السيارات

اشجعك علي اقتراحك بالنسبة للصفحة اللي ممكن من خلالها تبادل الخبرات بين مالكي السيارة من ناحية مراكز الخدمة وايها افضل او العيوب اللي ممكن توجد في السيارة وكيفية التعامل معاها ان وجدت ونضيف عليهم الاكسسوارات والكماليات وهكذا
انا معاك واول المنضمين للصفحة الكارينزاوية

[ashrafE51]

كلام اكثر من ممتاز ،،، ياريت لو اي زميل بالمنتدي يقول لنا عن مكان الاكسسوار ،،، للكارينز الجيده من صندوق الامتعه ،،، ...

[papafouda]

الف شكر ياطارق بك

بالنسبة للفرش عاوز اعملة من ساعت ماجبتها ولكن موضوع الانتظار لعدة ساعات حتي الانتهاء من الفرش هو العائق بالنسبة لي ودة اللي مأخرني فعليا لاني ماعنديش رفاهية الوقت دة كلة وفي نفس الوقت ماحبش اسيب العربية وبعد ماتخلص اخدها بس هايحصل لانة مهم جدا

[OVERLINE][OVERLINE][justify]
طيب ايه رأيك نتفق على يوم نفرش فيها العربيتين فى وقت واحد وممكن يعملوا لنا خصم كويس - وفرصة أتعرف على حضرتك واستشيرك فى بعض الامور الخاصة بالسيارة[/justify][/OVERLINE][/OVERLINE]

[masryxt]

بالنسبة للفرش عاوز اعملة من ساعت ماجبتها ولكن موضوع الانتظار لعدة ساعات حتي الانتهاء من الفرش هو العائق بالنسبة لي ودة اللي مأخرني فعليا لاني ماعنديش رفاهية الوقت دة كلة وفي نفس الوقت ماحبش اسيب العربية وبعد ماتخلص اخدها بس هايحصل لانة مهم جدا

[overline][overline][justify]
طيب ايه رأيك نتفق على يوم نفرش فيها العربيتين فى وقت واحد وممكن يعملوا لنا خصم كويس - وفرصة أتعرف على حضرتك واستشيرك فى بعض الامور الخاصة بالسيارة[/justify][/overline][/overline]

انا يكون لي الشرف يافندم
وتكون فرصة اتعرف علي سخصية محترمة ورأية سبب رئيسي اني جبت النيو كارينز

[ads]

منتظرين الصور وبالتوفيق ان شاء الله

[ads]

[QUOTE=papafouda;3875588248]بالنسبة للفرش عاوز اعملة من ساعت ماجبتها ولكن موضوع الانتظار لعدة ساعات حتي الانتهاء من الفرش هو العائق بالنسبة لي ودة اللي مأخرني فعليا لاني ماعنديش رفاهية الوقت دة كلة وفي نفس الوقت ماحبش اسيب العربية وبعد ماتخلص اخدها بس هايحصل لانة مهم جدا

[OVERLINE][OVERLINE][justify]
طيب ايه رأيك نتفق على يوم نفرش فيها العربيتين فى وقت واحد وممكن يعملوا لنا خصم كويس - وفرصة أتعرف على حضرتك واستشيرك فى بعض الامور الخاصة بالسيارة


[QUOTE=masryxt;3875589140]انا يكون لي الشرف يافندم
وتكون فرصة اتعرف علي سخصية محترمة ورأية سبب رئيسي اني جبت النيو كارينز

منتظرين الصور وبالتوفيق ان شاء الله

[faelgaber]

عندي مشكله في إظهار الساعه بصفه مستمره اثناء تشغيل الكاسيت

[osamaelnahas]

ربنا يبارك للجميع وكلنا متابعين لاني بفكر في العربية دي جديا

[houseiny]

مش ملاحظين يا جماعة ان الكارينز الجديدة بقت منتشرة جداً ، وبدأت تحقق مبيعات كويسة ، انا في الشارع عندي والله عديت العربيات الكارينز الجديدة لقيتهم 6 عربيات والله بدون مبالغة في شارعنا بس ، وبقيت بشوها على الطريق كتير ، ربنا يكرم لان بجد العربية كل متنتشر اكتر كل ما هتريحنا احنا اكتر في قطع الغيار واعادة البيع ، ربنا يوسع على الناس كلها ويرزق الجميع احسن عربيات في الدنيا

[assemsoliman]

ربنا يباركلك فيها ويكفيك شرها

[faelgaber]

مفيش حد عنده اجابه علي موضوع عدم ظهور الساعه عند تشغيل الكاسيت

[houseiny]

مفيش حد عنده اجابه علي موضوع عدم ظهور الساعه عند تشغيل الكاسيت

باشا ، هي بتظهر بس بخط صغير كده فوق على الكاسيت على اليمين

[khaledref]

مكن تركيب شبكه للكارينز 2015

أولا هذا التقرير هو انطباعي الشخصي في حدود معرفتي وخبرتي الشخصية ويمثل رأيي الشخصي فقط ربما اخطئ وربما اصيب فبرجا تصحيح اخطائي بس اتمني تكون من حد جرب العربية

قبل ما ابدا احب اسجل اني اول ماركبت العربية حسيت اني تاية في ابعادها والتحكم فيها كان غريب شوية بس الاحساس دة راح بعد اول يومين بالعكس بقيت حاسس بالعربية كويس اوي

اولا الموتور

http://www10.0zz0.com/2013/10/07/18/924241762.jpg

الاستهلاك
مع الاداء الهادي موتور موفر جدا الاستهلاك لا يتعدي 7.5 لتر\100كم
اداء رياضي عنيف وكيك داون في كل الاوقات مع زحام وسرعات من زيرو الي 120دواسة علي الاخر يصل الاستهلاك الي 12.5 لتر\100كم
اداء مختلط يحتوي بنسبة 15% رياضي عنيف مع 40 % زحام بمعني كلمة زحام والباقي دائري 9.5-10 لتر\كم

الاداء
يستجيب لكل ظروف القيادة عايزة رياضي شغال عايز ماتسمعش صوتة شغال عايز موفر شغال الموتوردة فعلا متميز بس لازم نلاحظ ان حجم العربية مش قليل وبالتالي ماينفعش احط الاداء الرياضي في المقارنة مع العربيات الاقل حجما ووزنا وان كنت راضي عن اداءة الرياضي من وجهة نظري
طبعا انت بتاخد نتيجة الاداء بتاع الموتور مع الفتيس مش الموتور لوحدة واشهد ان الفتيس يستجيب بسرعة جدا لضغطتك علي الدواسة وبرضة مع حجم العربية لازم اقر واعترف ان الاستهلاك بيزيد جدا لما بتكون عنيف في القيادة

العفشة و التعليق


اكتر حاجة كانت مخوفاني الارتفاع عن الارض علشان المطبات الحلوة لاني عانيت كتيير مع السيراتو في حاجتيين
1 النشوفية بتاعت العفشة والحك في المطبات مع التحميل
مع الكارينز انا لحد الان وبحمد الله ماحكتش في مطب واحد
العافشة ادائها كويس مع مطبات ج م ع مريحة ومش قاسية

الفرامل
تستجيب بسرعة وبالرغم من الحجم الكبير نسبيا الا ان الفرامل فيها احسن من السيراتو بمراحل ومسافة التوقف ممتاااااااااازة

العزل
ممتاز ومعزول عن الطريق بشكل يتيح لك ان تسمع ما بالخارج وبدون ضجيج الطريق او اصوات السيارات المحيطة ميزةوعيب في نفس الوقت

التكييف
قوي جداوبيوصل لدرجة الحرارة في وقت قليل مع ملاحظة ان فية فتحات خلفية لراكبي الصف التاني وكمان فتحات من تحت الكراسي
العربية فيمية فممكن دة يكون لية دخل بان التكييف بيوصل لدرجة الحرارة المطلوبة في اقل وقت
التكييف منفصل السائق عن الراكب اللي جنبة بمعني كل واحد يضبط الحرارة اللي هو عاوزها

الخامات الداخلية

ممتازة ومختلفة كليا عن اي كيا او هيونداي ركبتها قبل كدة مش فاخرة ولكنها تعطيك احساس بالفخامة والرضا في التنسيق والملمس ارجو ملاحظة ان اللي معايا الهاي لاين فربما يختلف في الفئات الاخري

الخامات الخارجية
لست خبيرا بها ولكنها تعطيني احساس بان الصاج محمل والزوايا والانحنائات تعطي الهيكل قوة اضافية
اعتقد ان الدهان ضعيف نوعا ما .

الاتزان عي الطريق
العربية متزنة جدا ولكن في الملفات القاسية ببساطة محتاجة واحد بيعرف يسوق مش معني كدة انها مش ثابتة او غير متزنة في الملفات ولكن الملف علي سرعة عاوز حد محترف سواقة ودة ينطبق علي جميع انواع السيارات فما بالك بالحجم الكبير

الراحة
الكراسي مريحة خامتها ممتازة قاعدتها عالية من اميز الحاجات بالنسبة لي وضعية القيادة وراحة الكراسي وووضعية الدركسيون وضبطة وهيا في الكام نقطة دول ممتازة جدا
كمان حاجة المرايا وزاوية الرؤية للطريق ممتازة دة كمان باحس ان المناطق الميتة بالنسبة للرؤية قليلة جدا ودة لان المرايات الجانبية حجمها كبير فبتكشف الرؤية بشكل ممتاز.
طبعا المساحة الداخلة اميز مافيها
الكراسي الوسطي تتحرك للامام والخلف ودة معناة ان المساحة الخلفية يمكن توزيعها مابين الصف التاني والتالت ودة مخلي الركاب اللي ورا يقعدوا براحتهم
مساحات التخزين متعددة تحت ارجل ركاب الصف الاوسط وفي الخلف
التابلوة خطيير جدا فكرني بالبيجو ال307 من ناحية ميل الزجاج الامامي وعمق التابلوة
لاتوجد اصوات طقطقة او تزييق

فية اية تاني انا نسيييييت
لو فية اي حد عندة تساؤل انا تحت امرة

تم تثبيت الموضوع لتعم الفائدة
6/1/2014

[masryxt]

شبكة النيو كارينز انا شوفت حد حاططها بس ماكنش فبالي لان شكلها بصراحة ماكانش عاطفي
انما لما احتجت دورت علي الكروس بار اللي بيكون فوق السقف احطة واستخدمة لما احتاجة ولما اكون مش محتاجة اشيلة
انا سألت عند سبير كار في التجمع وكل الموجود عندة ماينفعش لان الراكات واطية ومالهاش فتحة من تحت زي الكارينز القديمة اظن بيسموها فلش flush يعني مسح

لو حد عندة فكرة بالموضوع دة ياريت يفيدنا