هل هحس بفرق اذا غيرت من سيراتو 2011 إلى سيراتو 2014 الشكل الجديد

[AHMED12345678]

انا معايا سيراتو 2011 اول يد اتوماتيك خليجى سعودى جنط 16
فيها كل الكماليات زى فتحة السقف والمرايات الضم وabs والطارة المالتى والبلوثوت والتكييف التاتش والفرش الجلد
ومفيهاش السنسور والعدادات الرياضية والبصمة
وعاملة 30 الف كيلو وفابريقة برة وجوة لان استعمالى ليها قليل لانى بستعمل القطار فى الذهاب لعملى
وبفكر ابيعها واجيب سيراتو الشكل الجديد 2014
وزى مسمعت ان عفشتها ناعمة وكويسة غير عفشة 2011
السؤال دلوقتى
*****هل هحس بفرق بينهم يستاهل التغيير والفرق الى هدفعه خصوصا موضوع العفشة
***** وعربيتى تعمل كام تقريبا حاليا اذا فكرت ابيعها
بس ياريت الاجابة تكون من مجرب خصوصا فى موضوع العفشة
ولكم جزيل الشكر مقدما

[2CODE]

ياراجل حرام عليك عايز تقارن الشكل القديم بالشكل الجديد

دي العربية متغيره تغيير كلي في العفشة والاداء والثبات غير الشكل الجميل جداً جداً والفوانيس الـxenon العدسات البيضا

وشوف تقييمات الاعضاء هنا اللي ركبوها عاجباهم جداً جداً ده غير انها كسبت احسن سيارة في امريكا !!

لا بجد مبروك عليك :)

[saddam]

صديقي المواطن
أحزنتني حيرتك قولا واحدا الشمس لا تغطيها النظارة الشمسية
والموضوع واضح وضوح الشمس ويبدو لي حضرتك مرحتش أي معرض وقعدت داخل صالون السيراتو الجديدة ﻷنه ببساطة لو شلت علامة الكيا من مقدمة العربية محدش حيعرف إن دي سيراتو وأنا معروف عني من كبار أعداء الشكل الماضي ﻷنه مصر كانت ساعتها محتاجة عربية على ما تفرج وإختاروا وقتها السيراتو والبنوك فتحت السنين قبل الثورة القسط عالبحري فنص الشعب جاب سيراتو
وأنا شايف حتى لو حتزود 50 ألف جنيه فوق عربيتك أو 40 ألف فتوكل الفرق يستاهل ولكن النصيحة خدلك وحده خليجي كسر زيرو توفرلك 25 ألف في جيبك بس متكونش عاملة أكثر من 13 ألف كيلو
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

[Mohab555]

طبعا فرق السما من الارض
العربيه مختلفه كليا و انا سوقتها شخصيا ... ماشاء الله لا مقارنه مع القديمة و احسن من الالنترا كمان
توكل على الله ومش هتندم ان شاء الله

[spidars]

الجديده معايا والقديمه جبتها اسبوعين وبعتها والفرق مبينهم باختصار زي 128 وعربيه حديثه

[S O P H O S]

في فرق بصراحة حتي فالركوبة

[Ahmed TRAVCO]

من خلال تجربتي للسيراتو القديمة يجي 500 مرة في شغلي، ومن خلال قعدتي جوة السيراتو الجديدة (ما سقتهاش) احب اقولك ان القديمة عفشتها انشف عفشة شفتها في حياتي واسوأ من عفشة الصني القديمة والفانتازيا واي حاجة تانية... بجد النقطة دي كانت مستفزة جدا ولو بتسافر بالعربية او بتمشي مشاوير طويلة بتبقى مرهقة جدا جدا (واعتقد حضرتك مجرب بنفسك)...
الجديدة انا شايفها طيارة مقارنة بالقديمة: التوبلاين منها تحفة من الداخل والخارج ولا تقارن بتاتا بالقديمة... والناس اللي ساقتها بتشكر في نعومة عفشتها جدا + انك ممكن تتحكم في وضع الدريكسيون وده هيكون ممتع جدا في السواقة لو هادية او عنيفة كل وضع على حسب... اللي لاحظته كمان فرق جودة الخامات الداخلية، يعني القديمة البلاستيك اللي ماليها من جوة ده رديء جدا وبيبان عليه البهدلة بسرعة وده كان واضح جدا في العربيات بتاعتنا اللي شغالة على طول، انما الجديدة بصراحة من جوة فرق كبير في الجودة والتقفيل...
- بس معلش برضه، انت كده كده معاك سيراتو... فلو هتدفع مبلغ كبير فرق ممكن بقى تخش في الألماني زي الأسترا مثلا... ولو قلتلي فلوانس هقولك لأ لأن السيراتو -في رأيي- اشيك بمراااحل من جوة ومن برة...

[J A G U A R]

اكيد هاتحس بفرق بين العربيتين وفرق السعر بينهم مش قليل

[AHMED12345678]

ارائكم يا رجالة مشجعه على التغير
وفاضل انى اركب العربية بنفسى واجربها واشوف بعينى خامتها وقعدتها
بالنسبة للالمانى طبعا هو ركوبة وثبات بس معرفش لية بخاف منه فى الصيانه وقطع الغيار
لانى مقيم بالشرقية وبحب لما العربية يكون فيها عطل لا قدر الله تكون قطع الغيار والصنيعية جنبى
لانى مش من النوع الى يحب يروح الحرفيين او يسافر مسافة علشان يصلح العربية
وبحس ان الكورى او اليابانى سهل الشغل فية عن الالمانى
غير طبعا سهولة البيع وعدم الخسارة اثناء البيع خصوصا انى من النوع الى مبيقعدش العربية كتير
وبفكر غالبا انى اجيب السيراتو كسر زيرو
وربنا يعمل الى فية الخير ومتشكر على الردود والتفاعل
دعواتكوا يا رجالة

[برنس الليالي]

تخيل كل حاجة في العربية ................. اهو كل حاجة فيها مختلفة 100% اياً كانت الراحة الوسع الموتور وقوته التجهيزات والشكل والعفشة شوف يعني اي حاجة في خيالك تخص العربية مختلفة 100% دي في بلاد برا غلبت السيفيك والكورولا وكل اللي في الفئة

[Dr.M_baz]

الردود ديه كلها هتخليني أبدأ أفكر أنا كمان في التغيير ده ..... و خصوصا موضوع العفشه.

[devil_storm]

بصراحه الشباب هنا بتبالغ شويه و محسسني انهم بيتكلموا علي الفئه السابعه :) و طبعا انت حتصدم لما متلاقيش الفرق بينهم كده

عموما انا جربت الاتنين و في فرق بينهم طبعا و الجديده افضل بس حاول تجربها بنفسك الاول و تشوف الفرق بينهم بنفسك

عفشه السيراتو الجديده متوسطه النعومه يعني مش ناشفه ولا ناعما و من تجربتي السيراتو الجديده جنط ١٧ انعم من السيراتو القديمه جنط ١٦ و في نفس نعومه الفوكس ٢٠١٣ جنط ١٦ و السيفك ٢٠٠٩ جنط ١٦ و الباسات ٢٠١٣ جنط ١٧ و انشف من الفيرنا و اللانوس و الكرولا ٢٠٠٦

العفشه بصراحه كويسه و تميل للنعومه و لو بقت انعم من كده حيبقي في مشكله في الثبات

[برنس الليالي]

بصراحه الشباب هنا بتبالغ شويه و محسسني انهم بيتكلموا علي الفئه السابعه :) و طبعا انت حتصدم لما متلاقيش الفرق بينهم كده

عموما انا جربت الاتنين و في فرق بينهم طبعا و الجديده افضل بس حاول تجربها بنفسك الاول و تشوف الفرق بينهم بنفسك

عفشه السيراتو الجديده متوسطه النعومه يعني مش ناشفه ولا ناعما و من تجربتي السيراتو الجديده جنط ١٧ انعم من السيراتو القديمه جنط ١٦ و في نفس نعومه الفوكس ٢٠١٣ جنط ١٦ و السيفك ٢٠٠٩ جنط ١٦ و الباسات ٢٠١٣ جنط ١٧ و انشف من الفيرنا و اللانوس و الكرولا ٢٠٠٦

العفشه بصراحه كويسه و تميل للنعومه و لو بقت انعم من كده حيبقي في مشكله في الثبات

يعني خير الامور الوسط ... عشان منضحيش بالثبات وعموماً محدش حياخد مطب على 60 مثلاً عشان يحس بالعفشة دي

[AHMED12345678]

طيب انا بفكر فى فئتين اتوماتيك
ex
ex/fo
بس انا اميل اكتر الى ex/fo
ودول طبعا وكيل فهل ممكن حد يفدنى بسعرهم حاليا
وكنت سمعت ان فى خصم 10 الاف جنية فهل الخصم مازال سارى

[amgomaa]

كان معايا سيراتو 2011 قعدت معايا لمدة سنه كان معايا الجنط 16 بما انى مبسافرش كتير حوار التنطيط من ورا مكنتش بحس بيه العفشه بالنسبه ليا كانت متوسطه الناس هنا كانت بتقول ابشع عفشه بس انا كنت عادى شايفها معقوله دلوقتى اخويا معاه الشكل الجديد الجنط ال 17 وهى بالفعل مختلفة كليا فى كل حاجه انعم بكتير من القديمه مع انها 17 الا انى راى متغيرش لان عربيتك لسه جديدة مفيش فيها مشاكل وكل أسعار العربيات بقى مش منطقى مش السيراتو بس اليابانى الأوروبي كله كمان مش الفرق الرهيب مش هتحس انك راكب bmw مثلا كلها كام اسبوع هتفرح بيها و هتبقى زى اللي قبليها اتقل شويه لغاية اما ربنا بكرمك وتنقل نقله حلوة شويه bmw Mercedes ده راى و بالتوفيق

Sent from my GT-S5282 using Forum Runner