سيراتو ٢٠١٠ اوتومتك بتسقف

[hanyghazal]

السلام عليكم.
معايا سيراتو ٢٠١٠ اوتومتك. لما ادوس بنزين زيادة شوية علي الاول وانا طالع ساعات بسمع تسقيف خفيف وممكن لما اكون شايل رجلى من علي دواسة البنزين واجي ادوس بنزيين زيادة واكون مسلا علي التانى او التالت . بسمع صوت تسقيف خفيف . حد بيحصل معا كدة ً؟ و الحل اية؟ ولا اد ممكن يكون طبيعي؟

شكرا

[shoshasam]

بنزين مغشوش من غير كلام , شوف الموضوع ده

http://www.nilemotors.net/Nile/439159-2014.html

[hesham fawzy h]

متابع

[hanyghazal]

بس يا جماعة الي اعرفو ان صوت التسقيف مش ورررة دة زي كركرة بس حادة اقصد صوت رفيع . هل هذاةصحيح


تانى حاجة انا مفول من وطنية الي علي الديري واظن انها نضيفة


فا اية رايكو

[ashouhdy]

spark plug knocking

شرارة بوجيهات مش بنزين

[hanyghazal]

spark plug knocking

شرارة بوجيهات مش بنزين

مش فاهم اصدك اية و المفروض اعمل اية ؟

ياريت توضيح

[hanyghazal]

عاوز افكركو بان العربية اوتومتك

[ahmedamgad18]

متابع

[hanyghazal]

معليش يا جماعة محدش رد عليا. المشكلة دى حد حصلت معاها قبل كدة و حلها ازاى و اسبابها اية

بنزين (ممون من وطنية الى على الدائري)
بوجيهات (مغيرها من 8 الف كم فقط فى التوكييل)
ولا ممكن اسباب اخرى و للعلم العربية اوتومتك

و تنصحوني اعما اية؟؟

و شكرا

[toty_305]

-هتسقف شوية و التسقيف هيقل ملهاش حل مكنش بيروح التسقيف غير ببنزين 95 الله يمسيه بالخير ^_^.

-أنا عندي التسقيف بيكون واضح قوي مع التكييف ...بدون تكييف تقريبا مفيش تسقيف.

[waello9]

التسقيف دايما مرتبط بالكهرباء يعنى ممكن يكون بوجيهات مش اكثر وممكن يروح لوحدة على فكرة لو طول معاك غير البوجيهات وهات نوع كويس .
----------------------
وائل عادل

[toty_305]

-ممكن يكون بنزين قليل بالنسبة لنسبة اﻷنضغاط
-تراكم كربون على الموتور
-سخونة زيادة في المحرك
في أسباب كتير بعيدا عن شمعات اﻹحتراق.

[ashouhdy]

بوجيهات :) وعشان تضيع النوك بتاع البوجيهة بيكون لة تظبيطة فاتحة مخصوص للبنزين

لأن البوجيهة الاصلي بينزل مفتوح اوى عشان بنزين برة نضيف .. بيحتاج يتضيق شوية عشان يمنع الصوت دة

How to Gap a Spark Plug: 8 Steps (with Pictures) - wikiHow

[besso]

راجع الاول على فتحه البوجيه المفروض تبقى من 9:1 mm

وتكشف على المباين كمان او جرب بطقم تانى

[hanyghazal]

متشكر يا جماعة علي الرودود.
انا قولت اخلص التفويلة دي و اغير البنزينة و افول تانى ولو التسقيف راح او بدأ يختفي يبا عيب بنز ين لو لسا زي ما هوا يبا اروح لميكانيكي يشوفلي مووضوع البوجيهات والحوارات دي وربنا يسهل.

اية رايكو؟