هل تستحق السيراتو الجديده كل هذا الاهتمام وهل تستحق 126 الف ؟

[samcar]

الجملة دى تدل ان حضرتك حتى لم ترى صور العربية على النت :) حتى تبدأ فى اصدار أحكام.
هو للامانة القصوى , المفترض ان سعر العربية يقل حوالى 3-4 الاف جنيه فى كل فئة حتى تمسح الالنترا من على الوجود , أما بالنسبة الجدل السفسطائى المصرى الدائم حول اليابانى ام الكورى , فهو ليس محور هذا الموضوع , الراجل سأل سؤال واضح مالوش اى علاقة باليابانى ام الكورى , ولا ايه ؟

تقل 30 مش 3

[Abo_Lina]

يا اخوانا المشكلة ان احنا فى مصر امخاخ زلط وخلاص يقولو لك بيجو 79 gr طب لو 80 او 88 الاحدث يقول لك لا 79 تويوتا 92 طب لو 95 الاحدث لا لا دى زبالة وال 99 العيون اوعى تاخدها ولو ببلاش ياراجل دة قدامى 79 gr متباعة ب 35 الف اصلها فورانساوى طب ياعم دى البارومة كالتها ومافيش اى كماليات وشكلها اصبح غبى وحماى عندة 131 قلت لة بتعمل معاك بنزين اد اية قال 150 فى الصفيحة طب هى لية دايما بتجيب بارومة فى الابواب والشنطة قال لى كل ال131 كدة فقلت لة تجيب كام قال 35 الف قلت لة كويس هات اى حاجة حديثة حتوفر بنزين وزيت ومتور ناعم وتكييف وفروق كبيرة جدا يقولى لا طبعا اسيب الزلطة دى واجيب يابانى ولا كورى ورق اما فى السعودية يقولك على الكامرى الى هيا بينها وبين الكورولا بلاد يقولك دى للتاكسى ماركبش غير الامريكى خلاصة ماسبق هو الفرق بين عقلية متحجرة غير مرنة عجبتة كذا يبقى كذا وكل الى بعد كدة اى كلام وكل واحد يحط رجل على رجل ويسحب نفس من الشيششة وينفث ويتحدث كالعالم ببواطن الامور وعالم العلماء ونابغة النوابغويقولك العربية دى كورى زبالة ودى فورد وتوكلها معفن ودى لانسر بعد ال140 حترقص بيك ودى ميجان تكنولوجيا حتضيعك وتدف دم قلبك عليها ودى اوبل قطع غيارها نار وبعد موديل مش عارف اية متجبش عشان الجزاء الخاص بالكمبيوتر بيتحرق وغالى ومش حاتلاقية والكورولا جنوب افريقى والفتيس الجديد مشاكة فى التوكيل مش عارفين يعملو حاجة الخ الخ انا من رائ الى عاجبة عربية يجبها وخلاص سلام

تحليل للكائن البشري المصري ممتاز الحقيقة..

و انا شايف إن سعرها تمام و بتخاطب فئة معينة فاهمة و عاوزة أقصى قيمة يمكن تحقيقها بالفلوس..

[bishoy02010]

اولا ردا على سؤالك بالنسبة لو قدامك سيفيك و جيتا تشترى سوناتا , الاجابة انا عملت كدا فعلا و اشتريت السوناتا ب 180 من سنتين و كان قدامى كل العربيات دى + الاوكتافيا

ثانيا حضرتك ايه مجال خبرتك مع الكورى و اليابانى و على اساس كدا قلت الكلام دا؟
السبب ان الناس هنا فى مصر معظم العربيات الكورى اللى سمعوا عنها او جربوها تقفيل مصرى لان معظم العربيات الكورى اللى فى مصر تقفيل مصرى!!!!!!!!!!!!
اساسا الناس بتقارن اللانسر البوما بالالنترا !! حد فكر يقارن اللانسر الجديدة (الشارك) باللنترا؟؟ لا طبعا!! مع انها بنفس التمن بالظبط فى امريكا يمكن اللانسر ارخص حاجة بسيطة كمان!!
طيب غبور ازاى بيبيعها ب 98-110؟؟ لانه بيشيل منها تقريبا كل حاجة , لانه لو نزل واحدة كاملة ب 140 الف مثلا زى اللى بتنزل فى امريكا الناس هتقول غبور اتجنن و هيقولوا حرامى و مش بعيد يقيموا عليه الحد!!!
الناس هنا فى مصر مش متقبلة ان عربية كورى توصل لسعر عربية يابانى و خلاص عشلان صعب تغير فكر حد مهما العربيات اتطورت و خدت جوايز بره و غليت بره و كل حاجة و حتى لو حطوا فيها خامات زى اليابانى , طيب لو سمحت عندك النت دور كدا على سعر الالنترا فى امريكا و قارنها بسعر الكورولا و الشارك لو لقيتها ارخص ابقى قول عليا بهذى (هى ارخص من الكورولا فرق بسيط حوالى 500 دولار بس على ما اذكر) , طيب و السوناتا اللى بتسال عنها قارنها بالاكورد و الكامرى , لو ملقيتهاش بنفس تمن الكامرى و ارخص هى و الكامرى من الاكورد بحاجة بسيطة قول على بهذى برده!!
يعنى مثال ابو عبد الله فى النوبيرا زى الدهان وحش دا سببه ان العربية مجمعة فى مصانع ابو الفتوح و مدهونة هناك , خاماتها رخيصة؟ ايوه فعلا لان سعرها رخيص و دا اللى بيعملوا الكوريين , بيستخدموا خامات جيدة جدا ارخص قليلا من خامات اليابانى و اقل سنة فى الجودة فى مقابل السعر الارخص و الكلام دا فى بعض العربيات بس مش كلها.

طيب حاجة اخيرة بص على ال 3 مركات اللى مبيعاتهم مقلتش غير حاجة بسيطة اوى فى الازمة المالية فى امريكا ( 2 منهم كورى و سوبارو اليابانى)
فى شهر يناير 2009 زادت مبيعات هيونداى 14.3 % عن يناير 2008 بسبب مبيعات زيادة فى السوناتا و السانتافيه و كيا زادت 3% و سوبارو 8% و بقية الشركات قلت بتاع 30-40% .
على فكرة شركة كيا مملوكة بنسبة 100% لهيونداى
معلومة تانية هيونداى اعلنت شكل جديد كليا من السوناتا نازل 2009 فاكد دا اثر جامد جدا فى مبيعات السوناتا
فى شهر فبراير 2009 هيونداى قلت 1.5% فقط و كيا زادت 0.4% و سوبارو زادت 1.4% بسبب الالنترا و عربيات تانية suv
فى شهر مارس هيونداى قلت 4.8% و كيا قلت 0.6% و سوبارو قلت -2.6%

بقية المركات زى هوندا مثلا قلت حوالى 30-40% فى التلت شهور دول و تيوتا قلت نفس النسبة.

http://www.autoblog.com/2009/02/03/by-the-numbers-january-2009-not-so-happy-new-year-edition/

http://www.autoblog.com/2009/03/03/by-the-numbers-february-2009-wish-it-were-a-leap-year-edition/

http://www.autoblog.com/2009/04/01/by-the-numbers-march-2009-aint-no-joke-edition/

اعتقد مينفعش نقول الشركات الكورى متقدمتش بمجرد بس علشان العربيات اللى موجودة فى مصر كورى يا اما مجمعة محليا , يا اما تكنولوجيا قديمة و كل حاجة قديمة .

بالنسبة للشكل المسروق و الكلام دا هحطلك صور عربيات كتير يابانى و قولى مسروقين و لا لأ , و بالمناسبة صحيح انت عارف مين اللى صمم الكيا السيراتو الجديدة؟؟
Peter Schreyer

http://www.kia-world.net/index.php/2008/08/22/video-forte-design-study-with-kias-chief-designer-peter-schreyer/

معلومات عامة اللى صمم الكيا دى هو peter و peter دا كان بيشتغل فى volkswagen و هو اللى صمم الEOS و عربيات من اودى كمان زى ال audi tt
!!!!!!!
دى العربيات اللى شارك فى تصميمها بحسب الكلام اللى هنا

http://www.conceptcar.co.uk/news/design/cardesignnews71.php

http://www.autoblog.com/2006/07/24/kia-nabs-volkswagen-s-advanced-design-boss/

مستنى ردك

الراجل ده جاب المفيد وانا فعلا رد على سؤال لو قدامى جيتا و اوكتفيا وسوناتا هختار سوناتا :) مع انها المفروض متتقرنش بفئة ال 1600 سىسى وللأمانة انا شايف ان سعر اليراتوا غالى حوالى 4 تلاف فى كل فئة :) وعربية بجد كويسة وامكانيات كويسة قوى بالسعر ده :)

[Dr.Mohamed]

اه بصراحه تستحق وتستحق اوى وهاقولك ليه
اولا الشكل التحفه اللى فى وجهة نظرى احلى من السيفيك ( مبحبش شكلها من ورا ) واحلى من الكورولا والمازدا 3 والشارك ( اذواق )
ثانيا الكماليات فيها كماليات عشان اجيبها فى اليابانى هدفع 188 فى السييفك و 160 فى الكورولا و 155 فى الشارك
ثالثا الموتور القوى اللى بنفس قوة السيفيك تقريبا
رابعا ضمان كيا 5 سنين او 100 الف
كل المميزات دى حضرتك شايف انها متقدرش تنافس ؟
وبتسأل هل ممكن تحاول تنافس ولو من بعيد ؟
بيتهيألى تقدر وتقدر وممكن تعدى كمان
بلاش تعصب لليابانى وخلاص لان مش كل اليابانى زى بعضه ولا كل الكورى زى بعضه
الكورى اتقدم كتير وبيتقدم واحنا عايشين على نغمة اليابانى والكورى
ابسط مثال شوفوا هيونداى جينسيس عملت ايه فى العالم كله لما نزلت واتفوقت على كام عربيه المانى مش يابانى
وتحياتى ليك

+11111111111111111111

[Dr.Mohamed]

الناس الى بتتكلم فى شكل العربيه انه مسروق وكده
لو قعدنا نتكلم فى المووضوع ده مش هنخلص
بس حابب اقولكم انه الى مصمم العربيه دى المصمم العالمى شير مصمم اودى
هو عمل الفوانيس الورانيه زى ال A4 بالظبط
مصمم اودى وغشاش ههههه سبحان الله

[bishoy02010]

وبعدين موضوع شكلها مسروق ولا مش مسروق ده هيفرق مع اللى بيشتريها إيه !!!! معتقدش انة هيفرق وهيكون ليه تأثير فى أى حاجة هيا الناس بقت بتفكر إزااااى ؟؟؟؟!!!!

[Dr.Mohamed]

وبعدين موضوع شكلها مسروق ولا مش مسروق ده هيفرق مع اللى بيشتريها إيه !!!! معتقدش انة هيفرق وهيكون ليه تأثير فى أى حاجة هيا الناس بقت بتفكر إزااااى ؟؟؟؟!!!!

مش عارف يا باشا
المشكله انه عندنا هنا فى مصر كل واحد معاه عربيه مقتنع وبيقنع نفسه انها احسن عربيه فى العالم
الانترا اول ما نزلت كل الناس قعدت تشتم و تقول ايه القرف ده
واحد صاحبى معاه اوبل استرا
حب يجيب عربيه جديده قلتله هات لاانترا جاب مازدا 3 وقعد يقولى الانترا ايه ؟
دلوقتى بيندم على انه اشترى المازدا و بيبيع الاوبل عشان يشترى الانترا
على فكره الكيا و الهيونداى فى سوريا اسعارها اغلى من عندنا هنا فى مصر و عربيات صف اول هناك
انا شفت كل العربيات وخدت انطباع من ملاك السيارات دى
افضل عربيه فى مصر فى حدود ال 120 الانترا او السيراتو
فى حدود 150 سيفيك
بعد 170 اوكتافيا او جيتا
غير كده كل العربيات زى بعض
انا ركبت الكورولا الجديده ما عجبتنيش خالص مش عارف الناس بتدفع فيها 150 الف ازاى بيتهيالى الشكل القديم برقبتها
لكن العربيه الى تستاهل بجد هى السيفيك
انا ركب السيراتو الجديده مشكلتها انه منزل منها 5 فئات
العربيه الى موجوده فى المعارض اول وتانى فئه
الهاى لاين الى 126 الخامات فيها فى الابواب والتابلوه غير الى موجوده مختلفه تماما نيكل و تبطين وخامات بلاستيك فاكيد هتستاهل
ربنا يهدينا هههه

[bishoy02010]

مش عارف يا باشا
المشكله انه عندنا هنا فى مصر كل واحد معاه عربيه مقتنع وبيقنع نفسه انها احسن عربيه فى العالم
الانترا اول ما نزلت كل الناس قعدت تشتم و تقول ايه القرف ده
واحد صاحبى معاه اوبل استرا
حب يجيب عربيه جديده قلتله هات لاانترا جاب مازدا 3 وقعد يقولى الانترا ايه ؟
دلوقتى بيندم على انه اشترى المازدا و بيبيع الاوبل عشان يشترى الانترا
على فكره الكيا و الهيونداى فى سوريا اسعارها اغلى من عندنا هنا فى مصر و عربيات صف اول هناك
انا شفت كل العربيات وخدت انطباع من ملاك السيارات دى
افضل عربيه فى مصر فى حدود ال 120 الانترا او السيراتو
فى حدود 150 سيفيك
بعد 170 اوكتافيا او جيتا
غير كده كل العربيات زى بعض
انا ركبت الكورولا الجديده ما عجبتنيش خالص مش عارف الناس بتدفع فيها 150 الف ازاى بيتهيالى الشكل القديم برقبتها
لكن العربيه الى تستاهل بجد هى السيفيك
انا ركب السيراتو الجديده مشكلتها انه منزل منها 5 فئات
العربيه الى موجوده فى المعارض اول وتانى فئه
الهاى لاين الى 126 الخامات فيها فى الابواب والتابلوه غير الى موجوده مختلفه تماما نيكل و تبطين وخامات بلاستيك فاكيد هتستاهل
ربنا يهدينا هههه

معاك حق وبأيدك 100% عايز ققلك حصلى بالتقريب نفس اللى حصلك فى موضوع الإلنترا وكان واحد صاحبى قوى بس هوة مكنش ليه خبرة قعدت بالتقريب حوالى شهر بنقارن وشمال ويمين وملقتش عريبية بسعر 100 الف تقدر تنافس مع الإلنترا واشتريناها والحمدلله كما توقعت العربية طلعت ممتازة ومتأكد ان مفيش عربية ب 100 الف تكسب فى المقارنة معاها وتكون عربية سيدان واتوماتيك :) وده لينك وانا بجرب العربية وبقول رأيى فيها ( http://www.nilemotors.net/Nile/showthread.php?t=69660 ) وعايز ققلك انى لو معايا 100 الف دلوقتى هنزل اختار النترا 2009 اوتوماتيك وانا مغمض وبجد عندك حق فى تفكير الناس الغريب عارف المشكلة فى الناس اللى بتقول ان العربية مسروقة تحسسك انها اغنية مسروقة من عمر دياب وهتتسحب من السوق ههههههههههه مسروقة ولا مش مسروقة نفسى اعرف هتفرق مع الناس فى إيه ديه حتى تلاكيك ملهاش لزمة أصلا :) انا مالى مسروقة ولا مش مسروقة هما هياخدوها منى تانى يعنى

[abo samra]

مش عارف يا باشا
انا ركبت الكورولا الجديده ما عجبتنيش خالص مش عارف الناس بتدفع فيها 150 الف ازاى بيتهيالى الشكل القديم برقبتها

يا ريت التوضيح علشان نستفيد من خبرتك
الكورولا الشكل القديم برقبتها فى ايه بالظبط وايه اللى ما عجبش فيها بعد ما ركبتها

[mo7a_mo7a]

خلوها تصدي

[ahmed_su]

ايوه تستحق السعر ده ....

وده لما ما تمتلكه من امكانيات تساوى تمنها واذا كانت مثل

هذه الامكانيات فى ماركة اخرى يابانية او اروبية لتجاوز السعر حاجز الـ 170 الف

ولاكن لا الوم كل من يعترض على السيارة كونها كورى لانها فعلا

ثقافة شعبنا - نرث الرأى ونمشى خلفه زى ما تفضل الاخ myr999

وانا كمصرى كنت ماشى كالمعتاد خلف هذه الاراء والمقولات لما حبيت اشترى

عربية زيرو فى رينج 100 الف ولكن لم تعجبنى العديد من تلك السيارات

السائدة فى ذلك الحيز السعرى حتى رشح لى البعض السيراتو واعترضت بشدة

دون ان ارها بقول "كورى لاء" ياعم طيب شوفها ... وانا برضه "كورى لاء"

الى ان ذهبت وشاهدتها واعجبت بها بالمقارنة بالسيارات فى رينج سعرها وغير كورية

وظللت متردد فى الشراء حتى شاهدت اراء مستخدميها فى امريكا واروبا والريفيوهات

اللى بيعملوها عنها وانها سيارة ممتازة مقابل سعرها ودى المعادلة اللى ماشى بيها

المستخدمين فى تلك البلاد (العربية هتديك ايه وبكام) - واتكلت على الله وقمت

بشرئها وكان اختيار موفق والحمد لله - مشكلة اننا

كمصرين اننا بنحكم سماعى ويجى اللى سمع مننا يضيف

هو كمان اللى عنده وهكذا .....

مافيش شك ان الصناعة عندهم (كوريا) بتتقدم بشكل كبير وخطوات واسعة

ولونفتكر من 20 سنة واحنا بنشترى الاجهزة الالكترونية بنحرص انها تكون يابانية

ومن عشر سنين كنا بنتمنا نلاقيها كورى ولا تاياونى ... بعد ما كنا بنهرب منها !!!!!

[mo7a_mo7a]

ارجو من الادارة نقل الموضوع لمنتدي الكيا لافادة الجميع

[Mostafa Hessen]

انا مختلف مع حضرتك

و شايف السيراتو الجديدة ،،

دليل جديد ان الشركات الكورية مازالت افضل قيمة مقابل النقود

و مبتقفذشي قفزات فضائية ،،

ز ي اللانسر الشارك و الكورولا الجنوب افريقي ام فتيس بايز و السيفيك

و شايف بالمواصفات دي و بالسعر دي ،، صفقة ممتازة

موفرة 40 الف جنية كاملة عن اقرب منافس و يمكن فيها مواصفات زيادة

و اتمني انا محدهشي يفكر بالاسلوب ده و يستخسر زيادة عشرتلاف جنية مقابل مواصفات اعلي بكتير

و بعدين نقول الوكلاء بينفضوا العربيات من المواصفات

و كل الحكاية ان العميل المصري اللي بيستخسر يدفع

كلام سليييييييييييم

[KING_LEDO]

صورة الموتور ده نفس الى عندي في النترا بس مع علامة هيونداي
كيا يملكها ابن صاحب هيونداى و توفى صاحب هيونداى اذا هيونداى تملك كيا او العكس
انا عندى كل قطع الغيار مكتوب عليها هيونداى كيا على كله حتى الشكمان
السيراتو الجديدة هى النترا بحلة جديدة
والنترا ممتازه و كفئة
انا لما جيت اشترى كان معى 3 اصدقائى
1 اشترى اسبرانزا 620 و ندمان و مش عارف يبيع
2 اشترى صنى اىاكس صالون او صوبر مش فاكر الأسم الكاملة و ندمان و عايز يبيع و بندور على واحد
3 خاف من الجديد و جاب 504 ب 45000 و دلوقتى متعملش حاجة
وكلهم عايزين يجيبوا النترا
الحمد لله انا جبت النترا
اخى جاب كورولا ادفنسيد و طبعا عارفين المشاكل و العيوب الفتيس الكفاة زفت الزينون يتحرق بعد سنة و هو بيستخدم العربية ممكن 6 ايام في الأسبوع و سعر اللمبة 820 جنيه و حجارة الريموت تخلص ال2 والف فى التوكيلات فى الأسكندرية و القاهرة مبيفهموش يدولك حجارة غلط و بقلة الأدب و الواسطة قالوا مفيش غير حجر واحد في الأدارة فى القاهرة و الحمد لله حصلت عليه و العربية فى مرسى علم و انا في الغردقة
واخى الثانى جاب ميجان 2008 من 5 شهور و قلتلكم على المشاكل و ضحكتم عليا

[Yarisawy]

العربيه تستحق من غير كلام كتير .. لكن للأسف الناس فى مصر لسه عندها هسهس اليابانى حلال فيه الفلوس .. اما الكورى فحرام فيه الفلوس
كفايه بقى التفكير ده .... اذا كانت الصناعه الصينى بتتقدم جامد جدا وبصوا على بريليانس وايه اللى عاملاه
الناس فى مصر لسه قدامهم 10 سنين عشان هما دلوقتى لسه عايشين فى التسعينات