هل تستحق السيراتو الجديده كل هذا الاهتمام وهل تستحق 126 الف ؟

[Ahmed Samy]

المعادله المستحيله في نظري
عربيه موتورها ممتاز + جميع الكماليات+صيانه وتوكيل جيد+شكل خارجي رائع وايرودينامكي+شكل داخلي وخامات ممتازه+تعيش معاك علي الاقل في شوارع مصر 10سنين بدون ان تنهار=126000 جنيه

لو لقيتوها قولولي وانا اشتري منها 2
غصب عنك في مصر لازم تتنازل عن شئ
في راي المتواضع التنازل عن جوده خامات مش حتفرق في اداء العربيه يبقي مش مشكله
وعلي راي احد الاعضاء الصيني شكله احلي ولكن بعد فتره صغيره حتبتدي كل حاجه تخرج من مكانها
يبقي علي ايه
المهم اولا واخيرا ولا اختلاف عليه مع كل الاعضاء هو اداء العربيه وعوامل الامان
اما الرفاهيات ووجودها من عدمه دي مساله نسبيه من شخص لاخر

ياسلاااام
أهو ده الكلام الصح
صح فعلا

[Eng.Sameh]

المعادله المستحيله في نظري
عربيه موتورها ممتاز + جميع الكماليات+صيانه وتوكيل جيد+شكل خارجي رائع وايرودينامكي+شكل داخلي وخامات ممتازه+تعيش معاك علي الاقل في شوارع مصر 10سنين بدون ان تنهار=126000 جنيه

لو لقيتوها قولولي وانا اشتري منها 2
غصب عنك في مصر لازم تتنازل عن شئ
في راي المتواضع التنازل عن جوده خامات مش حتفرق في اداء العربيه يبقي مش مشكله
وعلي راي احد الاعضاء الصيني شكله احلي ولكن بعد فتره صغيره حتبتدي كل حاجه تخرج من مكانها
يبقي علي ايه
المهم اولا واخيرا ولا اختلاف عليه مع كل الاعضاء هو اداء العربيه وعوامل الامان
اما الرفاهيات ووجودها من عدمه دي مساله نسبيه من شخص لاخر

مش عارف أنا اللي فاهم المشاركة دي غلط ، ولا الناس هيه اللي فهمتها غلط ،
أولا المشاركة بتقول أن العادلة مستحيلة على حد قول القائل ، ومقالتش انها اتحققت في السيراتو ، وأعتقد ان بردو معنى المشاركة ، ان الواحد لو مش قادر يشتري عربية كمالياتها كتيرة وعلى مستوى جودة ، يبقى احسن يشتري عربية ادائها عالي وكمالياتها اقل ، بمعنى انك مثلا وبقول مثلا ، بدل ما تشتري نيو سيراتو اعلى فئة وتفرح بكماليات كتيرة و بعد فتره صغيره حتبتدي كل حاجه تخرج من مكانها لأن ردائة الخامات مش بس في الصالون ولكن هتكون في حجات كتير في العربية ، والأفضل انك تشتري عربية تتمتع بجودة معروفة كموتور واعتمادية ودقة في الصناعة بس كمالياتها اقل زي مثلا اوكتافيا A4 ( عشان محدش يقول اني منحاز للمازدا3 والسيفيك ) ، او تزود وتجيب الكماليات بس بجودة تعيش معاك وتعتمد عليها ،
ده اللي فهمته وده رأي أنا كمان ويا ريت صاحب المشاركة يوضح رأيه.

[alaaaly80]

مع إحترامى لكل الأراء
أولا بالنسبة للكورى واليابانى
أنا زرت كوريا 10 أيام التاكسيات اللى فيها لو نزلت مصر حتعمل خبلان أنافة -تكنولوجيا-فخامة-متانة -ذوق-قوة
يعنى إيطاليا عملت ال128 وعملت اللامبورجينى يعنى المقارنة مش على إطلاقها يعنى مش كل اليابانى ولا كل الكورى
وبعدين الصناعة الكورى فى كل حاجة متقدمة بدرجة مذهلة وامانة فى العمل ايا كان نوعه وتكنولوجيا وفكر وجهد راق وغير عادى حاجه فعلا مذهلة.
ثانيا بالنسبة للسعر
هو ممكن يكون زياده فى حدود 10000 جنيه فى كل جريد لكن عشان نسهل الأمر لازم نقارن بمثيلاتها فى الفئة والسعر والكماليات(الإلنترا-الياريس-الصنى-الأوبترا-الميجان)وأعتقد انها أفضل منهم
ثالثا التجارب السابقة
أعتقد وليس كل الظن إثم إن مستخدمى الكيا شكواهم قليلة جدا
رابعا التجارب الخارجية
جميع مواقع السيارات التى قدمت تقييم لها أبدت إنبهارها بها بالنسب لسعرها مقارنة بإمكاناتها
خامسا بيت القصيد
وكيل ممتاز فى كل الأنشطة التى يمارسها-ضمان 5 سنوات إيه المطلوب تانى
وعلى رأى أحد الأخوة المشاركين تقول بيجو 406 موديل 2008 يقولك لأ جى أر 77 بالذمة ده كلام
وبعدين لو كان على الثبات 128 بتجرى على 120 بلا مشاكل وهيييييييييييييييه

[alaaaly80]

مع إحترامى لكل الأراء
أولا بالنسبة للكورى واليابانى
أنا زرت كوريا 10 أيام التاكسيات اللى فيها لو نزلت مصر حتعمل خبلان أنافة -تكنولوجيا-فخامة-متانة -ذوق-قوة
يعنى إيطاليا عملت ال128 وعملت اللامبورجينى يعنى المقارنة مش على إطلاقها يعنى مش كل اليابانى ولا كل الكورى
وبعدين الصناعة الكورى فى كل حاجة متقدمة بدرجة مذهلة وامانة فى العمل ايا كان نوعه وتكنولوجيا وفكر وجهد راق وغير عادى حاجه فعلا مذهلة.
ثانيا بالنسبة للسعر
هو ممكن يكون زياده فى حدود 10000 جنيه فى كل جريد لكن عشان نسهل الأمر لازم نقارن بمثيلاتها فى الفئة والسعر والكماليات(الإلنترا-الياريس-الصنى-الأوبترا-الميجان)وأعتقد انها أفضل منهم
ثالثا التجارب السابقة
أعتقد وليس كل الظن إثم إن مستخدمى الكيا شكواهم قليلة جدا
رابعا التجارب الخارجية
جميع مواقع السيارات التى قدمت تقييم لها أبدت إنبهارها بها بالنسب لسعرها مقارنة بإمكاناتها
خامسا بيت القصيد
وكيل ممتاز فى كل الأنشطة التى يمارسها-ضمان 5 سنوات إيه المطلوب تانى
وعلى رأى أحد الأخوة المشاركين تقول بيجو 406 موديل 2008 يقولك لأ جى أر 77 بالذمة ده كلام
وبعدين لو كان على الثبات 128 بتجرى على 120 بلا مشاكل وهيييييييييييييييه

[وائل عطية]

العربية شكلها حلو ماشي
ولكني شخصياً أفضل شكل الإلنترا عليها ولو هاقارن مابينهم أكيد هاختار الإلنترا
وفي الأول والآخر دي أو دي عربية كوري لا تُقارن من حيث إنها مُعمرة بالعربيات اللأوروبي أو الياباني ولكن تبقى هي المُفضلة والأكثر مبيعاً وطلباً في السوق المصري

[Ahmed Samy]

مش عارف أنا اللي فاهم المشاركة دي غلط ، ولا الناس هيه اللي فهمتها غلط ،
أولا المشاركة بتقول أن العادلة مستحيلة على حد قول القائل ، ومقالتش انها اتحققت في السيراتو ، وأعتقد ان بردو معنى المشاركة ، ان الواحد لو مش قادر يشتري عربية كمالياتها كتيرة وعلى مستوى جودة ، يبقى احسن يشتري عربية ادائها عالي وكمالياتها اقل ، بمعنى انك مثلا وبقول مثلا ، بدل ما تشتري نيو سيراتو اعلى فئة وتفرح بكماليات كتيرة و بعد فتره صغيره حتبتدي كل حاجه تخرج من مكانها لأن ردائة الخامات مش بس في الصالون ولكن هتكون في حجات كتير في العربية ، والأفضل انك تشتري عربية تتمتع بجودة معروفة كموتور واعتمادية ودقة في الصناعة بس كمالياتها اقل زي مثلا اوكتافيا A4 ( عشان محدش يقول اني منحاز للمازدا3 والسيفيك ) ، او تزود وتجيب الكماليات بس بجودة تعيش معاك وتعتمد عليها ،
ده اللي فهمته وده رأي أنا كمان ويا ريت صاحب المشاركة يوضح رأيه.

عزيز الباشمهندس سامح

كلام العضوة سواء تنوى به مدح السيراتو أو ذمها فهو قطعا صحيح و ملخص جدا

وتركت الباب مفتوحا للذوق و التوجه في الاختيار

لذلك ستراه من وجهة نظرك ايجابيا لك
وأراه من وجهة نظري ايجابيا لي

فكل يغني على ليلاه

اما ما ذكرته في ان الخامات "الداخلية" ستكون رديئة فهذا محض فرض نشأ من عندك لأنه لم يثبت بعد جودة أو سوء المكونات الداخلية

ولو ان السيراتو القديمة ماشتكتش من مكون داخلي قبل كده بس الله أعلم.

كل ما نراه هو مكونات خارجية (بلاستيك الصالون تحديدا) من خامة متوسطة -لا تختلف كثيراعن خامات المازدا 3 و اللانسر الشارك)

تقبل تحياتي

[حماده المصري]

والله انا مش عارف ارد اقول ايه ولا اتكلم ازاي

بس الناس الي منحازه للياياني عمرهم ما هيعترفوا بعربيه كوري حتى لو بقت ببلاش او حتى ب مليون جنيه

ونفس الكلام مع الناس المنحازه للالماني عمرهم ما يعترفوا باليابان وكوريا نهائي

ده في رد لحد دلوقتي في الموضوع ده مجنني رد خلا الياريس افضل من العربيات الكوري ال 1.6

مع ان اليارس دي ركبتها مره وحده نزلت حمدت ربنا اني جبت نيو اكسنت ومجبتش يارس

بالنسبه للسيراتو الجديده رايي فيها وبصراحه تامه العربيه تحفه من كل النواحي ومعليهاش اي كلام بصراحه
كل الي مستنينه منها انها تثبت جداره في الطرق المصريه المستحيله

نرجع بقى لموضوع كوري وياباني
لما بصيت على تابلوه السيراتو خاماته كويسه جدا جدا بالنسبه للفئه دي بصوا ياجماعه على العربيات التانيه مش هتلاقوا الفرق عالي زي ما انتوا متخيلين اه هو في فرق فعلا في الخامات بينها وبين العربيات الياباني زي الكورولا وزي السيفيك بس مش فرق مهول يخلي اي عربيه فيهم تمن اقل فئه فيهم تمن اعلى فئه في السيراتو
عندك عربيه زي الشارك مثلا خاماته ضايعه وياباني والله العربيه دي لو جتلي هديه هبيعها

بالنسبه للاعتماديه ف الكوري يعتمد عليه وبجداره كمان والعربيات الكوري دلوقتي النترا وواوبترا وسيرراتو اعتماديتها جامده جدا

انا في 3 صحابي راكبين مازدا 3 وال 3 عربياتهم مكملتش 100 الف كيلو وكانوا جايبين مساعدين ومقصات وعلبه دركسيون
والسبب سواقه الشباب المتعجرفه
ليا صديق اخوه الكبير شاب عاقل متجوز معاه النترا الشيب القديم واستخدامه للعربيه يومي كمان بس عربيته معديه 120 الف كيلو والعفشه تركبها مفيهاش الهوا ومتفكش فيها مسمار وبسم الله ما شاء الله فعلا عربيه يتقال عليها حالتها نضيفه

الرك على الاستعمال اما الكوري اعتماديته زي الفل دلوقتي ورايي انه يوازي الياباني والحمد لله
اما بالنسبه للخامات لازم يبقى في فرق خامات عشان في فرق اسعار مهووووول يا جماعه
تويوتا في العالم كله بتنتقد عشان اسعار عربياتها الكورولا والياريس كل المجلات برا بتعلق عليهم وبيتقول انهم بيتباعوا بالاسعار دي عشان مجرد اسم تويوتا
هوندا اسعارها غاليه معروف ان الهوندا من الشركات الي عندها اكتفاء ذاتي وتقريبا كل مكونات العربيه بتتصنع في الشركه حتى قطع الغيار بتطلع المفروض من نفس المصنع الي بتطلع منه العربيه
وللعلم السيفيك الجديده اقل ملاحظه شوفتها فيها ابوابها خفيفه جدا لدرجه انهم اخف من عربيات كوري زي الاوبترا
بالاضافه الى العفشه الي فعلا ناشفه وزياده عن الزوم كمان

[enas75]

مش عارف أنا اللي فاهم المشاركة دي غلط ، ولا الناس هيه اللي فهمتها غلط ،
أولا المشاركة بتقول أن العادلة مستحيلة على حد قول القائل ، ومقالتش انها اتحققت في السيراتو ، وأعتقد ان بردو معنى المشاركة ، ان الواحد لو مش قادر يشتري عربية كمالياتها كتيرة وعلى مستوى جودة ، يبقى احسن يشتري عربية ادائها عالي وكمالياتها اقل ، بمعنى انك مثلا وبقول مثلا ، بدل ما تشتري نيو سيراتو اعلى فئة وتفرح بكماليات كتيرة و بعد فتره صغيره حتبتدي كل حاجه تخرج من مكانها لأن ردائة الخامات مش بس في الصالون ولكن هتكون في حجات كتير في العربية ، والأفضل انك تشتري عربية تتمتع بجودة معروفة كموتور واعتمادية ودقة في الصناعة بس كمالياتها اقل زي مثلا اوكتافيا A4 ( عشان محدش يقول اني منحاز للمازدا3 والسيفيك ) ، او تزود وتجيب الكماليات بس بجودة تعيش معاك وتعتمد عليها ،
ده اللي فهمته وده رأي أنا كمان ويا ريت صاحب المشاركة يوضح رأيه.

انت فهمتني غلط
انا اقصد انك علشان تاخد كل حاجه تعجبك وتعجب الناس مش حتقل عن مليون جنيه
من الاخر بتتكلم عن عربيه لسه مااتعملتش اللي يختلف عليه اتنين
انا بقول للناس اللي بتقول ان العربيه من جوه رديئه وبلاستيك وبتنتقد العربيه علي اساي خامات تابلوه مش عجباها .....ده مش مقياس لنجاح عربيه من عدمه العربيه يعني موتور كويس .........الكيا اثبتت كفائتها اكتر من 20 سنه عربياتها الاقل شكوي
وشغاله كويس (كلام مجرب مني كيا برايد 12 سنه معايا مغيرتش فيها حاجه من الفبريقه الا شويه حاجات بتاعه الصيانات) واخويا كيا سيفيا (11 سنه نفس الكلام مع اني اخويا ممكن ينسي يعمل صيانه العربيه واستحملت)
ولما جينا نغير فكرنا في كيا اولا...وغيرنا لان بقينا اصحاب عائلات وعايزين عربيات 1600سي سي او اكتر (لسه بعيط علي الكيا برايد حبيبتي )
اه باعترف انها مش بجوده الالماني والياباني بس ده شئ معروف حتي لماليكيها
لكن العربيه الكيا عمرها ما خيبت ظني كانت معايا زي الفل
ولاني ظروفي ماديا مقدرش اجيب حاجه ازيد من 120000 وعايزه كل الكماليات من شركه محترمه انا عارفه حتي لو استرخصت مش حتجيب حاجه تضرب خلال سنه زي الصيني ........يبقي مافيش غيرها قدامي
وشكرا لكل اللي حيقولي اي ماركه تانيه قبل ما تذكرها حط كماليات السيراتو وعوامل الامان +السعر وجيبلي اللي نفس التمن والكماليات وعوامل الامان بنفس السعر
وانا حسيبها واجيب التانيه وده كان قصدي بالمعادله المستحيل تحقيقها
ملحوظه هامه....العربيه تكون ياباني او الماني تقفيل مصنعها(زي الكوري كيا)
وتكون زيرو مش مستعمل
وانا واحده من الناس فعلا مش عاجبني التابلوه بتاعها خالص بس مش هو ده اللي حقف عليه العمليه مساله تعود
علي فكره انا العربيه الوحيده اللي تخليني اقف ليها هي الbmw علشان محدش يفتكر اني متعصبه للكوري بالعكس انا متعصبه للالماني لدرجه اني بعتبر ان الياباني عندي زي الكوري ومافيش غير الالماني ..بس امكانيات الواحد كده
انا في انتظار الغاء الجمارك علي الالماني وححوش من دلوقتي علشان خاطر ال x6

[Eng.Sameh]

عزيز
كل ما نراه هو مكونات خارجية (بلاستيك الصالون تحديدا) من خامة متوسطة -لا تختلف كثيراعن خامات المازدا 3 و اللانسر الشارك)

تقبل تحياتي

أختلف معك تماما في الجملة دي ، وبجد مش عارف اقول ايه ، بس فعلا فرق بين السما والأرض ،
مع تحياتي أخي الكريم

[ghazy12]

انت فهمتني غلط
انا اقصد انك علشان تاخد كل حاجه تعجبك وتعجب الناس مش حتقل عن مليون جنيه
من الاخر بتتكلم عن عربيه لسه مااتعملتش اللي يختلف عليه اتنين
انا بقول للناس اللي بتقول ان العربيه من جوه رديئه وبلاستيك وبتنتقد العربيه علي اساي خامات تابلوه مش عجباها .....ده مش مقياس لنجاح عربيه من عدمه العربيه يعني موتور كويس .........الكيا اثبتت كفائتها اكتر من 20 سنه عربياتها الاقل شكوي
وشغاله كويس (كلام مجرب مني كيا برايد 12 سنه معايا مغيرتش فيها حاجه من الفبريقه الا شويه حاجات بتاعه الصيانات) واخويا كيا سيفيا (11 سنه نفس الكلام مع اني اخويا ممكن ينسي يعمل صيانه العربيه واستحملت)
ولما جينا نغير فكرنا في كيا اولا...وغيرنا لان بقينا اصحاب عائلات وعايزين عربيات 1600سي سي او اكتر (لسه بعيط علي الكيا برايد حبيبتي )
اه باعترف انها مش بجوده الالماني والياباني بس ده شئ معروف حتي لماليكيها
لكن العربيه الكيا عمرها ما خيبت ظني كانت معايا زي الفل
ولاني ظروفي ماديا مقدرش اجيب حاجه ازيد من 120000 وعايزه كل الكماليات من شركه محترمه انا عارفه حتي لو استرخصت مش حتجيب حاجه تضرب خلال سنه زي الصيني ........يبقي مافيش غيرها قدامي
وشكرا لكل اللي حيقولي اي ماركه تانيه قبل ما تذكرها حط كماليات السيراتو وعوامل الامان +السعر وجيبلي اللي نفس التمن والكماليات وعوامل الامان بنفس السعر
وانا حسيبها واجيب التانيه وده كان قصدي بالمعادله المستحيل تحقيقها
ملحوظه هامه....العربيه تكون ياباني او الماني تقفيل مصنعها(زي الكوري كيا)
وتكون زيرو مش مستعمل
وانا واحده من الناس فعلا مش عاجبني التابلوه بتاعها خالص بس مش هو ده اللي حقف عليه العمليه مساله تعود
علي فكره انا العربيه الوحيده اللي تخليني اقف ليها هي الbmw علشان محدش يفتكر اني متعصبه للكوري بالعكس انا متعصبه للالماني لدرجه اني بعتبر ان الياباني عندي زي الكوري ومافيش غير الالماني ..بس امكانيات الواحد كده
انا في انتظار الغاء الجمارك علي الالماني وححوش من دلوقتي علشان خاطر ال x6

والله ده بالظيط اللي فكرت فيه قبل ما اشتري سيراتو... و نزلت و اتفرجت على عربيات كتيير و ركبتها في المعرض, و مع اصحابي عشان محكمش كن المنظر و هي واقفة بس.. و كان الحمد لله معايا أجيب شارك او استرا او اي حاجة تانية, بس مبحبش الهاتش باك عموما (الأسترا), و سعر اللانسر كنت شايفة بعد ما ركبت العربية و شوفت صاجها مبالغ فيه جدا.... و السيراتو عربية محترمة و انا مجربها و مترددتش اني اجيب أول موديل ينزل مصر مع شركة محترمة زي كيا, و لو هتيجي على الفخامة الداخلية بس... يبقى العربية دي ناجحة جداا جداا جداا كمان, بس الأيام هي اللي هتثبت

و فعلا مفيش حاجة بنفس السعر, زيرو, تقفيل بلدها, و نفس الأمكانيات( او الأساسيات يعني) و الكماليات...

[Eng.Sameh]

اه باعترف انها مش بجوده الالماني والياباني بس ده شئ معروف حتي لماليكيها

مش مطلوب غير أن الجملة دي ، وأنا متأكد أن الكل عارف ده بس واجعين قلبنا على الفاضي ، عاوز تشتري كوري ماشي ، ومقلناش وحش ، بس أقل في الجودة بفرق مش قليل من الياباني والألماني ، ومش بس جودة خامات الصالون ، لكن جودة كل الخامات المصنع منها العربية أصغر حاجة للأكبر حاجه ، وعشان كدة لما عربية زي السيراتو اعلى فئة قربت من سعر عربيات ياباني مشهود لها عالميا ومحليا بالجودة والكفائة وعلى راسهم السيفيك والمازدا3 شاء البعض او ابى، قلنا يا جماعة خسارة فلوسكم ويا تزود شوية وتجيب حاجه محترمة ومعمرة وأعلى في الجودة والشكل والخامات حتى البرستيج ولو حتى ممعكش ال 20000 الف الزيادة هاتها كسر زيرو ، بس كده ، وفي الآخر محدش بيدي حد حاجه من جيبه واللي عاجبه حاجه بيشتريها واللي عاوز يغالط نفسه ويغير واقع محقق هوه حر في فلوسه ،
مع كل تقديري لكل من شارك ولكل الأراء.

[ghazy12]

و بكرر كلامي تاني يا جماعة عشان محدش بفهم غلط.... محدش قال ان السيراتو أحسن من الألماني أو الياباني.. و لكن السيراتو جودتها عاليه فعلا, و انا واحد كنت راكب ياباني و عارف يعني ايه والله, و انا من عشاق الميتسوبيشي و الهوندا والمازدا كياباني, والبي ام و المرسيدس و الفولكس كألماني.... عربيات نرفع لها القبعة بجد

بس في حاجات كتيير بتتحكم في قرار شراء عربية في مصر زي, الماديات على سبيل المثال و في مقابلها هتاخد ايه؟؟؟

لما فكرت في الشارك, مفكرتش في اول فئة و يبقى اسمي راكب لانسر و خلاص, فكرت في الهاف سبورت... 145000 جنيه (بس والله قلقت من العربية لما ركبتها, الصاج ورق, مع ان والله كانت فلوسها حاضرة و ممكن ادفع ديبوزت وانا قاعد)

و والله لو قعدت اقولك في كمية العربيات اللي فكرت فيها و نزلت شوفتها محدش هيصدق.. شوف في كام عربية لحد رينج الـ140000

شوفتهم كلهم بدون استثناء و عرفت عنهم كل حاجة تقريبا, ده غير اني أصلا متابع سوق السيارات بشكل عام سواق هشتري او لأ.... و اشتريت السيراتو عن اقتناع تام والله

[ghazy12]

مش مطلوب غير أن الجملة دي ، وأنا متأكد أن الكل عارف ده بس واجعين قلبنا على الفاضي ، عاوز تشتري كوري ماشي ، ومقلناش وحش ، بس أقل في الجودة بفرق مش قليل من الياباني والألماني ، ومش بس جودة خامات الصالون ، لكن جودة كل الخامات المصنع منها العربية أصغر حاجة للأكبر حاجه ، وعشان كدة لما عربية زي السيراتو اعلى فئة قربت من سعر عربيات ياباني مشهود لها عالميا ومحليا بالجودة والكفائة وعلى راسهم السيفيك والمازدا3 شاء البعض او ابى، قلنا يا جماعة خسارة فلوسكم ويا تزود شوية وتجيب حاجه محترمة ومعمرة وأعلى في الجودة والشكل والخامات حتى البرستيج ولو حتى ممعكش ال 20000 الف الزيادة هاتها كسر زيرو ، بس كده ، وفي الآخر محدش بيدي حد حاجه من جيبه واللي عاجبه حاجه بيشتريها واللي عاوز يغالط نفسه ويغير واقع محقق هوه حر في فلوسه ،
مع كل تقديري لكل من شارك ولكل الأراء.

يا باشا محدش مختلف معاك, بس بصراحة انا بعتبر أعلى فئة في السيراتو بـ120000 بس.. مش 126000, حتى الشارك اللي فيها نفس الامكانيات بعتبر اعلى فئة بـ145000 مش اللي بـ155000...... ليه بقى؟؟

لأن انا مش مقتنع بالامكانيات دي في مصر بصراحة, ده الى جانب ان التكنولوجيا الزيادة قوي قوي دي, يعني مشاكل أكتر, خصوصا لو التكنولوجيا دي في فئة ما بين الـ 100-180 ألف و في مصر... و في عربيات معينة مش كل العربيات و ده في مصر بس, يعني لو بره هجيب وانا مطمن اللي انا عايزه...

و بردو مهما كان رأيك يحترم تماما...

[enas75]

مش مطلوب غير أن الجملة دي ، وأنا متأكد أن الكل عارف ده بس واجعين قلبنا على الفاضي ، عاوز تشتري كوري ماشي ، ومقلناش وحش ، بس أقل في الجودة بفرق مش قليل من الياباني والألماني ، ومش بس جودة خامات الصالون ، لكن جودة كل الخامات المصنع منها العربية أصغر حاجة للأكبر حاجه ، وعشان كدة لما عربية زي السيراتو اعلى فئة قربت من سعر عربيات ياباني مشهود لها عالميا ومحليا بالجودة والكفائة وعلى راسهم السيفيك والمازدا3 شاء البعض او ابى، قلنا يا جماعة خسارة فلوسكم ويا تزود شوية وتجيب حاجه محترمة ومعمرة وأعلى في الجودة والشكل والخامات حتى البرستيج ولو حتى ممعكش ال 20000 الف الزيادة هاتها كسر زيرو ، بس كده ، وفي الآخر محدش بيدي حد حاجه من جيبه واللي عاجبه حاجه بيشتريها واللي عاوز يغالط نفسه ويغير واقع محقق هوه حر في فلوسه ،
مع كل تقديري لكل من شارك ولكل الأراء.

مانا قلت لحضرتك قولي ايه هي العربيه الالماني او الياباني اللي فيها نفس الكماليات وعوامل الامان اللي في السيراتو وبنفس السعر وانا اجيبها وتكون تقفيل بلدها
..........وبرضه مش مستعمل ولا حتي كسر زيرو عايزه العربيه متشمعه وخارجه من بلدها علي اسمي واخري 120000 جنيه
وبعدين مافيش داعي تقول ان احنا بنرمي فلوسنا علشان مش عاوزين نجيب ياباني
في نظري الياباني ده هو اللي رمي فلوس في الارض لا مانها حصلت الالماني في الجوده ....ولا وفرت فلوسي
ثانيا الكيا عربيه محترمه ...ايوه اقل لكن مش قوي
معلش انا عايزه اسال حضرتك انت امتلكت عربيه من كيا قبل كده وكلامك عن تجربه ..........ام عن خلفيه ثقافه المصريين ومبداهم في ان فاتك الياباني مش حيرجع تاني
لان حضرتك محسسني اني شاريه توكتوك وماشيه بيه كل ده علشان التابلوه بلاستيك طب ما الهوندا سيتي عليها تابلوة بلاستيك تعدمه .....خلاني نزلت من العربيه مش طابقه نفسي ومع ذلك اللي جابوها مبسوطين بيها حقول عليهم مابيفهموش
ولا علشان هي هوندا يبقي محدش يقول حاجه
حتقولي طب انتي جربتي الياباني حقولك اه متسوبيشي وتويوتا والنيسان
خامات كويسه وعربيات كويسه بس انا مثلا لما سقت الصني وبعديها النوبيرا
لقيت النوبيرا انعم ومريحه اكتر (بالنسبه ليا بعيدا عن حورات 180 كم علشان انا اخري 100كم) .........جايز ناس تقول مابتفهمش حاجه ودي حقيقه انا العربيه بالنسبه ليا وسيله مواصلات تحقق ليا اسهل وافضل انتقال من مكان اللي مكان بوسائل امان ورفاهيه في حدود امكانياتي
الله يكون في عون اللي بيشتري صيني ده انت مرحمتش الكوري
امال لو شفت مقارنه صيني حتعمل فيهم ايه(بهزر)

[Eng.Sameh]

مانا قلت لحضرتك قولي ايه هي العربيه الالماني او الياباني اللي فيها نفس الكماليات وعوامل الامان اللي في السيراتو وبنفس السعر وانا اجيبها وتكون تقفيل بلدها
..........وبرضه مش مستعمل ولا حتي كسر زيرو عايزه العربيه متشمعه وخارجه من بلدها علي اسمي واخري 120000 جنيه
وبعدين مافيش داعي تقول ان احنا بنرمي فلوسنا علشان مش عاوزين نجيب ياباني
في نظري الياباني ده هو اللي رمي فلوس في الارض لا مانها حصلت الالماني في الجوده ....ولا وفرت فلوسي
ثانيا الكيا عربيه محترمه ...ايوه اقل لكن مش قوي
معلش انا عايزه اسال حضرتك انت امتلكت عربيه من كيا قبل كده وكلامك عن تجربه ..........ام عن خلفيه ثقافه المصريين ومبداهم في ان فاتك الياباني مش حيرجع تاني
لان حضرتك محسسني اني شاريه توكتوك وماشيه بيه كل ده علشان التابلوه بلاستيك طب ما الهوندا سيتي عليها تابلوة بلاستيك تعدمه .....خلاني نزلت من العربيه مش طابقه نفسي ومع ذلك اللي جابوها مبسوطين بيها حقول عليهم مابيفهموش
ولا علشان هي هوندا يبقي محدش يقول حاجه
حتقولي طب انتي جربتي الياباني حقولك اه متسوبيشي وتويوتا والنيسان
خامات كويسه وعربيات كويسه بس انا مثلا لما سقت الصني وبعديها النوبيرا
لقيت النوبيرا انعم ومريحه اكتر (بالنسبه ليا بعيدا عن حورات 180 كم علشان انا اخري 100كم) .........جايز ناس تقول مابتفهمش حاجه ودي حقيقه انا العربيه بالنسبه ليا وسيله مواصلات تحقق ليا اسهل وافضل انتقال من مكان اللي مكان بوسائل امان ورفاهيه في حدود امكانياتي
الله يكون في عون اللي بيشتري صيني ده انت مرحمتش الكوري
امال لو شفت مقارنه صيني حتعمل فيهم ايه(بهزر)

يا فندم ماهو أنا مقولتش لازم بنفس السعر تجيبي عربية ياباني 100% ( زي مازدا3 وسيفيك ) وجميع الكماليات وبنفس السعر ده ، ماهو مش منطقي اصلا أن الأتنين حتى يقتربو في السعر لأن فرق الجودة كبير مش قليل وفي كل حاجه مش بس فرش وخامات صالون والكل عارف كده بردو ، بس لما يكون الفرق ده في الجودة وفرق السعر 20000 او 25000 يبقى كده مينفعش ، ولو مش عاوزه تجبيها كسر زيرو ، هتلاقي حجات تانية زيرو بالسعر ده وكمالياتها بردو حلوة جدا زي التيدا وبرد ياباني والكل بيشكر فيها جدا ، يمكن شكلها مش احلى من السيراتو بس زي ما انتي قلتي مفيش عربية هتحقق كل حاجه ولو ان بردو شكلها مش وحش يعني ، بس في المقابل جودة افضل في كل شيئ ، بلاش التيدا عندك اوكتافيا A4 واهي الماني تشيكي وحتى لو كمالياتها قليلة بس احسن بردو بكتير كعربية من السيراتو دي ، وأنا مبقولش ان السيراتو يعني توكتوك ولا حاجه لا سمح الله زي ما بتقولي بالعكس هية عربية كويسة وكل حاجة بس لحد 100000 ، لكن لما توصل ل 126000 يبقى اهدار للمال العام ، وعلى فكره ردا على سؤالك أنا امتلكت عربيتين كوري قبل كده آخرهم اوبترا اعلى فئة وارد الخارج ولسه بايعها من اسبوعين وكانت حلوه وكل حاجه بس على قد فلوسها لكن فرق كبير بينها وبين المازدا3 او السيفيك وانا كنت عارف ده وكنت بقوله عادي والعربية لسه معايا وعمري ما قولت انها احسن منهم ولما ربنا كرمني بعتها وان شاء الله هجيب مازدا3 ايرو ، يعني انا مجرب الكوري كويس جدا مش بتكلم وخلاص ولا بمشي ورا الناس وخلاص ولا حتى بقول ان كل الياباني احسن من كل الكوري وفيه حجات كوري احسن من حجات ياباني ( مثلا الألنترا افضل بكتير من الياريس ) ، يمكن بس حضرتك اللي مجربتيش سفيك او مازدا3 ولو جربتيهم هتعرفي قد ايه الفرق رهيب ، وبالنسبة للصيني اخره معايا فانوس رمضان لسيف ابني لكن عمري ما افكر حتى اني اسوقه مش اشتريه،

وربنا يبارك للكل ، مع خالص تقديري وتحياتي