لية الالنترا احسن من النيو سيراتو؟

[enas75]

معلش اضافه بسيطه .....لما يحصل تتطاول بلالفاظ علي اي حد طبيعي انه يتحمق ويتضايق
ده مش معناه انه متغاظ اللي بيتغاظ وبيتفرس هو اللي بيستعمل اسلوب غير لائق في الكلام لانه مش عارف يثبت موقفه
شغل خدوهم بالصوت ليغلبوكو......وملاك السيراتو مش مضايقين من عربيتهم ولامتغاظيين
بالعكس الحمدلله مقتنعين بيها ......اللي مضايق هو اللي تاعب نفسه بخلق مناقشات جانبيه بدون هدف واضح..وجاي عند الناس علشان يقولهم عربيتكو وحشه ومش عجباني وحتندمو....طب ليه ...ايه اسبابك....مش حقول حسبكو تندمو....
اللي عايز يفيد الناس ....وفعلا عنده معلومات صحيحه حيقولها ...مش يقعد يقول ...حتبقو تشوفو...ده علي اساس انه مستني واحد بس يشتكي ان العجله نامت في عربيته ....يقوم يقوله شفت ههههههه منا قلتلكو عربيه وحشه
لو عندك معلومات حول سوء العربيه واجب عليك تقول ......وان ماكنتش عارف حاجه يبقي تسيب العربيه في حالها يتثبت وجودها يا تنفيه.......وربنا يباركلك في عربيتك وهي اذا مناسبه احتياجاتك وبسطاك متوجعش قلبك بعربيات غيرك....

[Ahmed Samy]

احب أسجل اعجابي برد الأساذة ايناس والمهندس أحمد أنور

...انا طبعا مش فارق معايا مين مقتنع بإن مين في العربيتين احسن

بس أنا امتى باعرف اني انتصرت في نقاش ما ....لما اللي قدامي يتحمق ...و يشتم

و اظن ماحدش من الشباب اللي شايفين السيراتو افضل غلط او تطاول ...

الف مبروك ...

انا انسحب من الموضوع طبعا لأنه خرج من بدري خارج حدود النقاش اللي أعرف اكمل فيه

[dr.amr]

معلش اضافه بسيطه .....لما يحصل تتطاول بلالفاظ علي اي حد طبيعي انه يتحمق ويتضايق
ده مش معناه انه متغاظ اللي بيتغاظ وبيتفرس هو اللي بيستعمل اسلوب غير لائق في الكلام لانه مش عارف يثبت موقفه
شغل خدوهم بالصوت ليغلبوكو......وملاك السيراتو مش مضايقين من عربيتهم ولامتغاظيين
بالعكس الحمدلله مقتنعين بيها ......اللي مضايق هو اللي تاعب نفسه بخلق مناقشات جانبيه بدون هدف واضح..وجاي عند الناس علشان يقولهم عربيتكو وحشه ومش عجباني وحتندمو....طب ليه ...ايه اسبابك....مش حقول حسبكو تندمو....
اللي عايز يفيد الناس ....وفعلا عنده معلومات صحيحه حيقولها ...مش يقعد يقول ...حتبقو تشوفو...ده علي اساس انه مستني واحد بس يشتكي ان العجله نامت في عربيته ....يقوم يقوله شفت ههههههه منا قلتلكو عربيه وحشه
لو عندك معلومات حول سوء العربيه واجب عليك تقول ......وان ماكنتش عارف حاجه يبقي تسيب العربيه في حالها يتثبت وجودها يا تنفيه.......وربنا يباركلك في عربيتك وهي اذا مناسبه احتياجاتك وبسطاك متوجعش قلبك بعربيات غيرك....

10 علي 10

[dasboot]

رغم اني اضفت لمساتي قبل كده و كنت خلاص سبت الحوار لكن لازم اسجل اعجابي الشديد برد مدام ايناس و احمد باشا سامي :)
هيا دي اخلاق مالكي السيراتو يا شباب :)
GR8 word buddies, up up up all the way in

[Viperio]

Hey mates......u this arguement was non-constructive at all, let's just benefit each other by "stating" facts not mere opinions

[the_first_knight]

Hey mates......u this arguement was non-constructive at all, let's just benefit each other by "stating" facts not mere opinions

إنجليزي ده يا مرسي ؟؟؟

[onsi]

انتوا فاكريين للى متابع لما كان فى برضة مقارنة طويلة وشرسة بين اللانسر والالنترا وقعدت كتيير فى قسم المقارنات مع ان اللانسر حاجة والالنترا حاجة تانية لكن الناس كدة لازم يعملوا مقارنة لمجرد الفئة السعرية بصرف النظر عن البلد المنشأ والسمعة الجبارة وقوة التحمل والمواصفات الكاملة وانتشار البيع.... طبعا كلامى واضح ومكشوف انا بتكلم على اى نوع ومع ذلك برضة تلاقى هجوم ومقارنة على الفاضى والمليان وبدون اى سبب.!! سبحان اللة على طبيعة هذا الشعب الغريب

[tefeamer]

زياد هى الالنترا احلى من النيو سيراتو وال 132 ال 2000 سى سى احسن من الاتنين وال 128 الايطالى موديل 1975 1100 سى سى احلى من كل دا الى مقتنع بعربية خلاص هو حر فى اختيارة عارفين مشكلة الشعب دا فى اية انة بيحب الى يديلو على دماغة ويقول علية حلو لو كل شخص حكم عقلة مظبوط هيعرف هو عاوز اية وقبل كدا كان فى اخ قالها هى العربية بكام وهتدينى اية وهتعمل معايا اية الالنترا عربية كويسة ما ننكرش الكلام دا بس الالنترا فى مصر مالهاش دعوة بالالنترا فى كوريا او امريكا او حتى كفر ابو حطب على عكس السيراتو هنا فى مصر زى برة بتقل حاجات وتزيد حاجات بس هى افضل من الالنترا لانها متجمعة فى المصنع الام ليها مش متجمعة عند اونكل غبور الى بيشيل حاجات ويحط حاجات صينى وينزل عربيات مواتيرها بايظة والناس ترجع علية انا تحت ايدى فيرنا بصراحة عربية زبالة الزبالة عربية ما يندفعش فيها فلوس لا ثبات ولا خامات ولا امان ولا فرامل ولا صاج ولا اى حاجة مجرد موتور اهبل فى عربية مالهاش اى لزمة فى الوجود لان الموتور اقوى من العربية وخامات رديئة فى التابلوة الى ماحصلش حتى تابلوة الريتمو او الجولف موديل 90 دا خامة تابلوة الجولف موديل 90 انضف والعربية دى انضف من الفيرنا الى عاوز يتكلم ويقول هيونداى يقول هيونداى برة مش هيونداى مصر ولو بتتكلمو على العربيات عموما اعرفو انكم هنا مش عايشين انتم هنا بيصحك عليكم ببواقى الحاجة برة وبعربيات ما تتسماش عربيات فى هنا فى مصر عربيات نضيفة ما انكرش بس انتو بتشتغلو نفسكم على اية هيونداى اية وكوريا اية فى مصر لا نيو سيراتو ولا النترا ولا دايو ولا العربيات دى حاجة فى مصر لانها برة انضف من كدا بكتير انما احنا هنا مضحوك علينا بسبب الاسعار والجودة والخامات والسرقة واولهم هيونداى لما غبور ينزل العربية من برة وينفضها من شوية كماليات عشان يقول انا رخصت تمنها عشان هامش الربح بتاعة يفضل عالى وقطع غيار نار بس لما تعملو مقارنة بين النيو سيراتو والالنترا النيو سيراتو تكسب لانها على الاقل تقفيل كورى يعنى انضف من المصرى بمراحل وتوكيل كيا انضف من توكيل هيونداى واسعار قطع الغيار السيراتو والالنترا شبة متقاربين والثبات هيونداى ثباتها مش قوى انتم بتقولو هيونداى هيونداى هيونداى اية انتم عمالين تبصو للشكل والمنظر والكماليات ونسيتو اهم حاجة الكفاءة والقوة وخدمة العربية ليك ما عشان كدا الصينى نجحت فى مصر انا لو معايا 120 باكو انا اروح اجيب حاجة مستعملة نضيفة المانى او فرنساوى او حتى يابانى صحيح العربية مش هتكون زيرو بس هتكون فى نظرى احسن من هيونداى الى انتم طالعين بيها السما هيونداى حلوة فى العربيات العالية والفخمة بس مش هنا فى مصر والعربيات دى مش معمرة انا ادفع ال 120 دول فى بورا مستعملة عربية ثابتة كفائتها لحد انهردة ودا عن تجربة اشترى باقل من كدا بيجو 406 2000 سى سى موديل 2005 برقبه هيونداى وكوريا اجيب باسات موديل 2004 اجيب بى ام دبليو 318 والعربية لما تتصان وهتحافظ عليها عمرها ما هتشتكى وعربيات اثبتت كفائتها فى البلد الى مفيش فيها طريق سليم انا حاجز نيو سيراتو واول مرة فى حياتى هركب كورى بس انا اشتريتها لظروف خارجة عن ارادتى وبقول يارب استرها لانى من اول ماركبت عربيات واتعلمت السواقة ركبت اوروبى وبالاخص المانى وركبت الامريكى فا الكورى دى بالنسبالى تقضية واجب فى ناس بتشتريها عشان على اد فلوسها وفيها كل حاجة هى عايزاها انا مانكرش دا بس ما طلعش بيها السما دا الى ما يشوفش من الغربال يبئة اعمى فوئو احنا فى بلد غريبة الاطوار من حيث بشر وقوانين وحكومة وكل حاجة فيها
انا عارف انى هتهاجم بس انا اتخنقت من حوارات الالنترا احسن من النيو سيراتو والى بيقول كدا دا بنى ادم ما شاء الله زى الفل لان الالنترا تقفيل مصرى وداخل فيها حاجات صينى وطبعا التقفيل المصرى انضف بكتير من التقفيل الكورى لان المصرين هما دايما الاساتذة وهما دايما التوب وهما دايما كل حاجة انما الكوريين دولا ولا بيفهمو حاجة كل واحد يقول ان الالنترا احسن ومش احسن والكلام دا كلة يحكمة بالعقل شوية ويشوف اية المميزات واية العيوب انا دخلت توكيل غبور مرة بصراحة توكيل زى الزفت فى الوقت وناس غير صادقة فى معاملتها وعالم بتغش فى شغلها وتقفيل عربيتهم كلها زفت الزفت ودا عن تجربة يعنى انا لما رحت اعمل صيانة 1000 فى الفيرنا قلتلهم ظبط الزوايا قالولى العربية دخلت على جهاز ظبط الزواية وهى ولا شافتة اصلا وقلتلهم بردو على ان عصاية الفتيس مرحلة فى التالت قالى لا هى كدا مظبوطة وما سبتوش الا ما اقنعتة وشفنا كذا فيرنا تانين لانة كان عاوز يأكلنى الاونطة ما هى سلق بيض العربية بكر التكيف جاى مفكوك والباب اليمين ادام مش متقفل حلو الحاجات البسيطة دى بالنسبالى حاجات كبيرة امال انا شارى زيرو لية وازاى خرجت من المصنع كدا بلا ارف على هيونداى انا هقولها كلمة وبصراحة كدا الالمانى والامريكى واليابانى والسويدى والفرنساوى عربيات نضيفة انما كورى والكلام دا كلة ولا يدخل زمتى ببصلة وبالذات فى مصر انا احترم الكورى برة مصر لان العربيات دى برة احسن من كدا انما هنا فى مصر ولا تساوى نص فلوسها انا بدل ما اجيب كورى زيرو انا اجيب المانى مستعمل او امريكى او اليابانى لان العالم دى هنا فى مصر افضل من الكورى المتقفل هنا بمليون مرة احنا هنا بيضحك علينا ياناس فا كفاية كدا كفاية ان الالنترا احسن وان النيو سيراتو وحشة كل عربية ليها مميزاتها وعيوبها بس انا هقولها ولاخر مرة الهيونداى دى من ازبل العربيات الى قابلتها فى حياتى لانى بعتبرها والصينى زى بعض والفضل يرجع للوكيل بتاعها فى مصر وكفاية ان احنا ندور على المظاهر والكماليات ما احنا اساسا شعب بتاع منظرة ما دا الى خلا الصينى يمشى فى البلد دى بجد بجد انا اتخنقت من الحوارات دى كلها وياريت كل واحد عجباه عربية يخلى راية لنفسة ومش لازم يعمل حوار علية لان كل واحد دماغة مودياه فى داهية فا الاخ بتاع الالنترا دا مع احترامى الشديد ليك كلامك مفيش فية اى حاجة من الاقناع ان الالنترا افضل من النيو سيراتو ودا على اى اساس على ان العربيتين جايين من كوريا ولا عشان كيا بتتقفل فى الحرفين واحنا ما نعرفش بصراحة النيو سيراتو عندى افضل من 100 النترا لان المسمار بتاعها متقفل فى بلدها

اخى الفاضل الانترا مش مجمعة عند أونكل غبور العربية كورى 100% تركيب الانزا والروافع بس فى مصر وبعدين انت واخد الموضوع على صدرك ليه اللى معاه النترا ربنا يكفيه شرها واللى معاه سيراتو ربنا يباركله فيها وبرضه يكفيه شرها انا معايا الانترا والسيراتو عجبانى جدا عربية حلوة بس الانترا برضه عربية تستحق التحية ودى حرب بين الشركات وميصحش تكون حرب برضه بينا. مع الشكر (عاطف عامر)

[elgabry1977]

يا جماعه صلوا علي النبي و علي راي المطربه صباح الاتنين حلوين الاتنين طعمين :b4_388:

[bishoy02010]

الألنترا تحفة بس السيراتوا احلى الموضوع بسيط ديه فيها مميزات وديه فيها مميزات وديه فيها حاجات تتحب عن التانية والعكس والأتنين قريبين قوى قوى قوى من بعض فى الأخر

[the_first_knight]

في البداية ...
الموضوع مكانه مش هنا خالص ( الكوري العام , المقارنات , هيونداي )
وياريت يتم نقل الموضوع

وشكرا